Bubble Tree (成業工業大廈)

營業中

休息中

觀塘$240/3人晚餐，人均$60包main,餐湯同凍飲。位置就喺觀塘成業工業大廈，餐點係用QR落單，有自助區自取餐具同水。我地叫左3個餐，大家都食到勁飽勁滿足。熟成牛扒漢堡滑蛋蓋鐵板拌飯漢堡扒用熟成牛，牛味好濃，而最頂灑滿充滿鹹香嘅芝士碎，飯上用滑蛋蓋滿，半生熟好滑好香，飯再沾上底部嘅話本燒汁真係超級加分。送餐湯南瓜湯或紫薯湯同凍飲一杯，揀左凍檸檬茶。雞扒法蘭克福腸滑蛋蓋鐵板拌飯雞扒超超超級大塊，仲有超巨型嘅腸，一樣係有芝士碎同半生熟蛋嘅加持，食飯時記得沾埋去式燒汁丫，$68絕對相當抵食！同樣係送餐湯南瓜湯或紫薯湯同凍飲。我就加$12想試下佢地嘅蘋果汁，果然好飲。餐湯向揀左兩款，我就鍾意飲紫薯湯多啲。吉列豬扒漢堡炸到咗香脆嘅吉列豬扒，食落厚切大啖肉，漢堡太巨形一口咬唔晒😂。薯條粗身即叫即炸，份量唔少。最後食埋沙律菜消滯，呢間店店主好貼心。Bubble Tree 觀塘成業街19-21號成業工業大廈2樓27室

最近同同事去咗觀塘成業工業大廈嘅Bubble Tree食晏。佢地嘅蟹籽、蘆筍、煙三文魚拌香蒜橄欖油意粉$65，蒜香濃郁，煙三文魚鹹香，蘆筍爽口，加埋蟹籽，口感層次好豐富。日本飛驒牛漢堡滑蛋蓋鐵板拌飯$89，飛驒牛嫩滑多汁，滑蛋香濃，飯底吸收咗鐵板嘅香氣，真係一流。加$6有一碗紫薯湯，湯底濃稠，紫薯味道自然甜美；另加$12嘅田園素菜沙律配牛油果，清新爽口，牛油果滑溜溜，素菜新鮮，口感豐富。甜品方面，只需加$48就有玉桂蘋果烤批配雪糕，玉桂香氣撲鼻，蘋果軟熟甜美，加埋雪糕，口感絕配。叫開野食只需半價就可以叫飲品，同事叫咗杯意式濃縮咖啡，咖啡香濃，同事話未試過咁濃郁的咖啡，真係好味，而我叫咗杯凍檸檬茶，清新解渴。Bubble Tree嘅餐點質素高，價錢合理，環境舒適，非常推薦大家試試！

價錢平，款式多，真係食得好滿足！🍅番茄甘筍湯清新爽口，好啱開胃。🎃南瓜湯好濃郁嘅南瓜味。🍚雞扒，法蘭克福腸滑蛋蓋鐵板拌飯加倍芝士熱辣辣，仲要$68有勁大塊雞扒同法蘭克福腸，加咗勁多芝士，啲芝士融化咗落去，真係好好味。🍝芝士焗肉醬意粉（不含牛肉）芝士嘅香味同意粉嘅醬汁真係好搭。🥗田園素菜沙律配牛油果超級超級超級大份，勁抵食！特別係配埋牛油果，味道更加豐富。☕️Ube（蕃薯）鮮奶淡淡紫薯嘅香味，奶味比較重，顏色好靚。🧁朱古力心太軟配雪糕朱古力心太軟軟綿綿，再配上雪糕，真係一絕！

估唔到第一次寫食評就係俾劣評。見好高評分就同班同事歌黎試下，首先服務員完全唔識野，攞野飲冇攞飲管問佢杯野有冇糖份佢話唔知就走左去。好啦到野食，第一次見到咁水的肉醬意粉完全冇味道，我同事的漢堡扒飯亦都係咁，件漢堡扒都煎窿晒。。。所以不會有下次！！

見咁多好評，lunch決定黎試下，唔試猶自可，一試永世難忘，從未見過咁多汁水嘅漢堡扒飯，一食塊漢堡味道幾出色，重口味而且塊扒條命都幾硬同香脆。服務質素方面更加唔使講，除了有人送餐外其他一切以自助形式，都幾有趣。呢一餐係第一間令我主動想為呢間餐廳寫食評。價錢唔係貴但絕對唔會再食

今次再住嚟到觀塘工廈尋嘢食，就搵到間西式餐廳Bubble Tree，裝修簡約，餐枱寬闊，設有自助水和餐具吧，放工時間好快滿座，可訂位，餐廳特色跟餐可以加湯，沙律，飲品和甜品，都係以實惠價，非常抵食南瓜湯我哋嗌咗pasta加配南瓜湯，南瓜湯煮得好香南瓜味，湯濃鬱，仲飲到有其他蔬菜配料，份量有一大碗 😜新鮮白菌配雞肉拌忌廉汁意粉雞肉白汁意粉煮得好香，白汁唔會煮得好乾，仲係好juicy，意粉軟硬適中，白雞肉好嫩滑但唔肥膩，成個意粉份量都好多，個碟好深，好夠飽 😚100%牛肉手打漢堡牛肉漢堡好大個，尤其是塊牛肉，厚過M記嘅安格斯牛肉好多，佢仲煎得剛剛好唔係全熟， 好重牛味好嫩滑， 芝士覆蓋成塊牛肉，流緊落嚟，好正，另外配有沙律和粗薯條，條條都好大條㗎 🤩Kara-age 炸雞另外我哋嗌咗個炸雞小食，炸雞粉薄，雞肉好juicy 和嫩滑，仲配有特製醬汁，好惹味，炸雞小食一樣有沙律跟 😆雪糕窩夫雪糕窩夫係後上，上的時候窩夫係熱的同埋好脆口，放上個雪糕，微微地融化，又脆口又軟熟，好有口感 ☺️

觀塘真係一個寶藏區，好似食極都仲有好多好餐廳未試過🤔 淨係成業工業大廈都有好多抵食嘅小店，今次去咗2樓嘅Bubble Tree🌳 。知道呢度正餐$60起，選擇好多，仲送餐湯𠻹，果然係打工仔食堂呀💁🏻‍♀️🍚 吉烈豬扒大啡菇滑蛋蓋鐵板拌飯 $68呢度最出名應該係滑蛋蓋飯🍳，見每一枱都嗌佢，一定夠晒飽肚，賣相都好澎湃，勁大份。我嗌咗豬扒配大啡菇，一脆一嫩咁幾夾✨，個大啡菇好Juicy幾好味👌🏻 飯入面撈咗少少紅麴米，健康啲，但都keep到飯質好軟綿。今次嗌咗少飯都仲係食唔晒🤫，呢個價錢lunch係抵嘅👍🏻🍝 蟹籽•蘆筍•煙三文魚拌香蒜橄欖油意粉 $65我都幾鍾意食煙三文魚嘅嘢🧡呢個意粉都整得幾靚，同埋感覺好健康。主要都係靠個香蒜吊起個味🧄，質感有少少似係炒麵，偏向乾身，但係都好夠味嘅，幾香口，不過不失啦👌🏻🥣 送餐湯南瓜湯/紫薯湯餐湯都有兩款揀，估唔到個紫薯湯又OK喎💜個味道係似番薯糖水，好有口感，會食到好多纖維，不過係幾好飲嘅。🍫 朱古力心太軟配雪糕 +$32🍰 紐約芝士蛋糕配雪糕 +$32嚟呢度食嘢，可以唔使就住嗌，梗係要追加甜品啦！心太軟係幾甜，不過明知佢咁爆甜都係會想嗌嚟試吓🤣想睇

見到食評幾好 同女朋友試下叫左一個漢堡扒加一個意粉等左9個字上得一塊漢堡扒 咸到喊 直接咬到啲未溶嘅鹽 一粒粒咁 咸到標眼水 最尾換過都仲係食到一粒粒嘅鹽 而個意粉等左成個鐘都冇到食左兩淡走左 意粉都仲係未到 搞唔掂 利申以前食過幾次都冇咁誇張 😨 之前都叫價錢ok大件抵食

72蚊食到All Day Breakfast價錢親民，觀塘隱世Cafe官塘地鐵站步行約7分鐘可達坐落於官塘工廈區內的Bubble Tree就簡直係蒼海遺珠。打開餐牌以為價錢未Update，幾十蚊可以食到晚市，叫埋野飲人均都可以$100有找！今時今日的香港真係睇見都心郁郁。環境：地方尚算闊落，接待30人都可以。有自助餐具吧，方便同朋友分享美食！南瓜湯/紫薯湯跟餐只要+6就飲到啦，相當抵。味道都算Ok$89 吉列海老天滑蛋拌飯（跟湯及飲品）蝦的份量係6隻，唔洗再就住嚟食，炸蝦外脆內嫩，配紅米飯，減輕油膩感。相當吸引$72 All day breakfast 平時都過百的ADB 係BubbleTree 只要$72蚊就食到，重可以自由加配料，岩晒鍾意夜晚食早餐的人。$128 雙重牛肉大啡菇流心蛋漢堡（配薯條及沙律）轉洋蔥圈+$8份量有啲大，一個人可能食唔晒，兩個人食再加小食岩岩好。如果想漢堡Juicy啲記得襯熱食，落單時可以要求即叫即上。對肉質有要求的話推薦飛驒牛漢堡。甜品跟餐只要+$32就可以叫到Cheese Cake/窩夫/心太軟/Brownie等其中一款甜品，推薦雪糕窩夫，窩夫係即叫即造

來到觀塘同閨蜜尋找到一家隱世好食店:BubbleTree，價錢親民，味道令人回味！韓式辣汁海鮮意粉搭配煙三文魚肥美的大蝦、軟嫩的魷魚、意粉與韓式辣汁融為一體，海鮮鮮甜多汁的口感,與辣味形成了絕妙的對比。另一個亮點就在於煙三文魚卷成一朵花朵，軟滑的油脂感和獨特的煙燻香,其鮮美滋味在唇齒間徘徊，之後是辣汁的香辣,令人難忘的味蕾體驗！新鮮雜菌配黑松露忌廉汁意大利飯各種新鮮雜菌散發出誘人的原始香氣,濃郁醇厚的黑松露忌廉汁淋在飽滿結實的意大利飯上混合,每一粒飯都柔軟Q彈併且飽含著菇類的鮮香和黑松露的惹味香氣，簡直就是極致的味蕾體驗！朱古力心太軟配雪糕薄脆的朱古力外殼如黑色杯外殼，內部黑色濃郁的朱古力流心绵密柔滑,上邊有奶油為朱古力流心增添了甜蜜，入口後朱古力的濃烈香甜瞬間在味蕾蔓延！另一個白朱古力做成的杯殼，中間裝一個冰涼綿密的雪糕入口即化！雪糕窩夫香脆酥軟的窩夫，上面是柔滑綿密的雪糕,雪糕的冰涼清新與窩夫的溫熱香醇融為一體,令人食指大動！

今個星期日放假，主人就帶我咕窿捐罅睇吓邊度有好嘢食😍😍見到「 Bubble tree 」星期日竟然都有開，就上左去試下喇。主人叫左「熟成牛扒漢堡滑蛋蓋鐵拌飯 」+ 摩卡 牛排漢堡好厚身，滑蛋好有蛋香味，加埋鋪上車打芝士，配搭得好好👍🏻我就叫左「煙熏黑椒照燒牛肉大啡菇貝果」+阿芙佳朵。力推貝果🥯熱熱脆脆 煙煙韌韌 ，唔錯👍🏻牛肉大啡菇好夾，加埋沙律菜蕃茄好juicy.阿芙佳朵，岩晒打卡。甜品：雪糕窩夫窩夫醬比較甜，配返雲呢拿雪糕中和返

係成業工業大廈入面發掘到一間CP值超高的工廈餐廳，呢日放假過來食午餐。🌟煙肉白菌卡邦尼蝴蝶粉小朋友好鍾意食蝴蝶粉，煙肉都唔會太鹹，醬汁唔會太濃，呢個簡直啱晒。🌟紫薯湯🌟甘筍湯健康之選，一定要點佢哋啲餐湯。🌟墨汁包多士（3件)麵包烘到脆，加咗少少蒜蓉好香。🌟鐵板三文魚蛋包飯三文魚真係超級大件，外皮煎得香脆入邊熟透，但係唔會嚡非常嫩滑，飯用咗三色米好健康。🌟玉桂蘋果烤批配雪糕跟餐加$48點呢款甜品，真係超值超值！肉桂蘋果烤得非常之香！🌟抹茶鮮奶咖啡🌟焙茶鮮奶都係跟餐另外加配。咁樣兩個餐加埋都係$250 ，真係性價比非常之高！

觀塘尋寶總算收獲滿滿😌，遇上釣魚店結業清貨，平平地入了一大堆貨🤣逛累了，到了成業工業大廈的《Bubble Tree》食埋晚餐先返去😋一入到黎餐牌都未睇，就被牆上那幅大Banner上的日本飛驒牛漢堡扒滑蛋蓋鐵板拌飯吸引過來🤣價錢還相當抵，89元仲包埋餐湯及飲品，Woo😍而Alex點既《香煎三文魚扒滑蛋蓋鐵板拌飯》都唔錯喎，舊三文魚扒勁厚肉囉！滑蛋超正是半熟狀態，上面還配上芝士粒， 口感爆燈😋餐湯是南瓜湯及蕃茄甘筍湯，飲落很像小朋友吃的糊仔🤣， 湯料充足地打碎攪拌，非常健康👍🏻套餐加多48元，緊係食埋個甜品啦！😏#玉桂蘋果烤批配雪糕雖然是第一次食咁薄的蘋果批，但真的非常清甜香脆，連Alex都讚不絕口

打開印刷精美的餐牌，大部分主菜都不超過$100， 最便宜的才$68，滑蛋蓋鐵板拌飯甚至包括餐湯和基本飲品，還要免加一。價格這麼吸引，當然要試試質素如何。紫薯湯：深紫色的湯充滿天然紫薯蓉的香和甜，口感幼滑。熟成牛扒漢堡滑蛋蓋鐵板拌飯：漢堡扒牛味濃郁，用熟成牛造果然是與別不同，上面灑上芝士碎增加鹹香味，再點小許燒汁味道更有層次。滑蛋蓋飯的蛋皮蓋煎得剛好半生熟，在燒熱了的鐵板上拌匀就是噴香的蛋炒飯藍青口蒜香白酒忌廉汁意粉：十多隻藍青口在碟邊排成半月型圍著意粉，看上去非常足料，美美的擺盤值得打卡。藍青口味道鮮甜，咬下去完全無筋，配上白酒忌廉汁更香更滑。而意粉吸收了這個美味的醬汁，一口藍青口，一口意粉，就是海洋的滋味了玉桂蘋果烤批配雪糕：薄片蘋果扇形鋪在酥片批上烤成金黃色，放上忌廉唧花和雪糕球。趁熱食，蘋果片焗得軟軟暖暖，淡淡的玉桂香提升了蘋果的香甜，沾上冰涷但半溶的雪糕，溫度的變化之外，又添上奶香和柔滑，一個蘋果批原來可以有這樣豐富的口感和味道荔枝冰紅茶（少甜）：紅茶的甘香中有茘枝的甜美，兩顆白玉般的荔枝肉在紅茶中載浮載沉，喝完還可以當飯後果跟餐的凍檸茶就正常發揮兩個人的晚餐，吃得飽飽又美味，

去左觀塘見客, 個客話帶我食好野.  去左成業街樓上餐廳,  餐牌勁多選擇。 呢間都可叫做小店。 ４人負責曬全店所有野。 餐廳唔洗加一， 係行自助形式， 有自助斟水餐具區， 用app落單 快捷方便。 我地12:15pm 到仲未好多人, 可直入唔使等.  但食食下勁多人, 午餐時間係爆曬棚, 客人同我講, 平時要book定位, 唔BOOK 位唔使諗住有位. 餐廳環境都好企理, 半開放KITCHEN . 我叫左 日本飛驒牛漢堡滑蛋蓋鐵板拌飯 $89本身見到個名同圖都已經好想食. 加上見差不多枱枱客都有一份. 咁無理由唔叫啦.   鐵板上菜,熱力十足香噴噴 !  份量好大一賣上超靚.  飛驒牛漢堡超厚, 肉味濃口感佳搭配芝士的鮮美,味道再昇華一層，滑滑溜嘅蛋包住D 飯, 超開胃.  仲有粟米蕃茄仔伴碟增添多份甜甜味勁滿足 .  真係一試難忘!真心何必食之選. 配蕃茄甘荀湯  -  綿綿嘅口感, 勁濃嘅蕃茄甘荀味. 一口就知落足料先可做到咁. 勁口飲. 簡單一個湯都俾我感覺到佢地嘅用心制作. 軟殼蟹、蟹籽、香辣蕃茄汁雜海鮮意粉   $108 軟殼蟹炸得剛剛好外脆內軟. 保持到蟹肉鮮嫩,   加