break (已結業)

果日係牛頭角做野，見到海濱匯有間「break」，見到日式小清新既裝修 好吸引 決定入去坐低試吓佢個Lunch 估唔到除左環境靚之外，野食都有驚喜 我同男朋友都好肚餓，二話不說立即叫野食先——————————————————————-Order:魚師丼🐟慢煮日式叉燒溫泉蛋丼🥓🍳焙茶latte ☕️➿魚師丼 $158呢個丼材料好豐富 裏面有 ✨蛋黃漬 ✨櫻花蝦刺身 ✨吻仔魚 ✨ 香蔥辣吞拿魚蓉 ✨三文魚子 ✨飛魚子每一啖你都可以配搭唔同既組合 ⭐️叫和食套餐都會配有 🦐櫻花蝦味噌湯同前菜 但呢兩樣跟餐既配食 一啲都唔馬虎櫻花蝦味噌湯 每一啖都帶有蝦既清香 係一種好清新既感覺 鹹淡適中 今日既前菜係八爪魚骨 咬落趣卜卜 鹹鹹地 我覺得配飯食都一流吞拿魚蓉唔腥 🐟加埋三文魚子一齊食 🥢入口軟滑 ，加埋佢配飯既醬油 ，一啲都唔咸 🤤我諗佢地應該有自己調制過 ，兩者融合得岩岩好 超級正 好味到我食曬成碗飯 ➿日式慢煮叉燒丼 $108首先 ，慢煮叉燒入口有豬肉既焦香 🥓配埋啖飯唔會太油膩 🍚我覺得佢哋慢煮完應該有煎香過 整個飯融合得好好 叉燒既油脂同溫泉蛋既結合 男朋友食到舔舔脷 難怪待

通常係新式office building內，總有個位比上班族抖一抖，係樓下間cafe 飲杯咖啡食個飯咁；估唔到星期日中午黎都一樣咁多人。小食叫咗一口炸池魚，有好多條炸得香脆可口既小魚仔，好可愛~玉子燒吉列豬扒三文治，三文治好厚身，無論係吉列豬扒同玉子燒都好厚，原來份量會係咁大！個三文治好好食，烘得金黃兩邊搽左牛油同醬，吉列豬扒好鬆化，完全唔乾硬。玉子燒做得出色，平時我通常會怕太甜會膩，今次無~ 佢仲有沙律菜包圍，色彩繽紛幾靚。南蠻炸雞牛油果醬丼有六大塊炸雞鋪係飯面，成座山咁，內裏嘅牛油果醬加左檸檬汁酸酸地，撈飯食幾開胃。 如果係附近番工就可以用到一至五Late Lunch既lunch set 85折，臨走仲見到有個牌寫住有 Latte Art Workshop，都幾特別~

今日係觀塘區做野又係周圍搵食既時間平日呢個近海濱既工廠區地段會較多食肆開一到假日就人煙稀少想搵間有開既餐廳都難😐結果俾我係海濱匯又發現左呢間小確幸“Break “真係岩哂需要放break抖下既人我以為係cafe,但原來比我想像中多野食有日本野，西餐，all day breakfast 都有😍野飲張清單仲長，佢有杯blackchino都睇落好creamy 🤤但由於我唔仲意飲dry 啡所以無試到揀左matcha latte🍵可能當日唔係太多人 嘢食好快就送到 我冇鍾意佢隻蛋 唔會太淋身會流蛋漿得黎又有口感😋好少食到日本料理係會有蝦子喺上面蝦子同魚子再配飯食落sap sap聲好有咬口 麵豉湯夠濃味啱曬我☺️ 基本上味道唔錯個價錢係可以接受放break食野一流🤗下次過嚟嘅話真係要試下其他例如牛角包，all day breakfast之類❤️

去牛頭角搵朋友食lunch朋友推介去海濱匯食「break」距離牛頭角地鐵站大概十分鐘路程餐廳環境好舒服☺️🥢 南蠻炸雞牛油果丼（$108)炸雞份量非常多～有5塊🤩🤩外脆內軟 一啲都唔鞋口咬落去仲好juicy🤤配埋加咗檸檬汁嘅牛油果醬🥑一啲都唔漏 反而好fresh如果可以俾多啲牛油果醬就perfect啦😆 午餐會包櫻花蝦味噌湯同前菜🥣 味噌湯濃郁入面有勁多櫻花蝦～超香😌仲有海帶、豆腐同大根前菜係醃製過嘅八爪魚🐙口感爽脆 非常開胃☕️ Cappuccino (+$10)跟餐飲品正價減$24咖啡正正常常每次飲咖啡都會期待個拉花今次嘅拉花都拉得靚靚🥰為忙碌嘅下午加加油💪🏻

今日專登過嚟朝早諗住買杯咖啡，因為平時行過見鋪頭門面都幾靚，諗住試下。好啦，叫左一杯熱latte ($38)，一杯熱Americano ($38)，我比Apple Pay，一野收左我$78，見到payment過左數我先知，問聲收銀服務員，🥲點知佢大大聲講粗口：頂！㩒錯錢！跟住就等左一大輪，再收過我嘅Payment … 咁等待期間，佢嘅同事幫我沖緊兩杯咖啡，但見佢地拉低口罩，係到試咖啡先再幫我沖，我都覺得正常不過⋯ 但去到沖我兩杯Order左嘅咖啡，佢地都係拉低口罩，兩個人輪流伸個鼻去嗅我杯咖啡🤢 咁因為疫情嚴重，我同收銀姐姐講聲： emmmmm 佢地咁樣拉低口罩去嗅我杯咖啡好似唔係咁好啵 ⋯ 點知收銀姐姐發脾氣，超大聲：同事呀！你杯咖啡掉咗佢啦！再沖過！比人鬧呀當下我作為客人⋯覺得感覺太差⋯因為擔心衛生問題而提出嘅一句說話，點解要發咁大脾氣⋯完全不專業，之後收銀姐姐仲走去同佢沖緊咖啡嘅同事細細聲講，大聲笑；令我哋覺得感覺好差，永遠不會再幫襯。

平時早餐成日都趕趕急急咬個包，放假緊係要對自己好啲，嘆番個靚早先☕️。呢間break係海濱匯，係牛頭角過黎會近啲，食完又可以行下海濱公園🚶🏼‍♂️店舖裝修係行日系簡約風，不過可能因為我地早，所以好好彩坐到卡位係俾植物包圍，好舒服🌿。🌞早餐連$28以下飲品 🐒煙三文魚牛油果醬牛角包💰$78👉🏻橫濱黑蜜拿鐵+$20煙三文魚砌左3朵花出嚟🌹仲有沙律伴碟，牛油果醬就係底，一啖就食到唔到層次🥐而牛角包係軟身嘅，可能因為係match翻煙三文魚就會係偏凍，所以要食脆既牛角包朋友就要留意啦👀。🐒法式火腿芝士多士💰$58+💰$18香蔥滑蛋一開始以為係普通既三文治，但一食先知唔係咁簡單，佢入面係巴馬火腿黎，所以成件三文治油脂味好重，加埋半溶芝士，食落好正，但因為火腿本身都有調味，所以怕重口味就建議嗌番牛角包😙🥪炒蛋本身以為係會放入去三文治入面但原來係另上，感覺多左樣野食咁🤣。🐒是日蛋糕(紫薯卷蛋)💰$48卷蛋係佢地自家製，我覺得係必試，因為佢中間個cream帶係食到紫薯蓉，蛋糕同cream既比例岩岩好，食落一啲都唔甜，好幸福❤️食完個早餐再兩個人share細細件幾好🥰

break (觀塘)觀塘海濱道77號海濱匯1樓13-14號舖break意旨打破、突破香港既午餐劣食文化，同時希望係壓迫既生活裡提供一個喘息既小空間俾客人，坐低好好享受放空😎 Take a break既同時介紹下食左咩好野先😋北海道珍寶帶子•明太子•三文魚籽•意大利麵 $178擺盤真係超級靚，猶如藝術品⼀樣😍 影左好耐相先捨得食，味道都好不錯😻 意粉軟硬適中，索曬幼滑既明太子忌廉汁，配上海量明太子、三文魚籽，好鮮甜呀🤤 不得不提北海道珍寶帶子真係又大又厚肉，表面微微煎香，鮮味十足💯鹿兒島甘栗紫薯薯餅 $22咬開有粒粒甘栗好香甜，配上軟淋既紫薯，剛炸起外脆內軟😋 凍焙茶拿鐵 $42意想不到既濃郁焙茶香味，焙炒過既茶香同奶味濃厚既混合真係十分match😎 latte口感亦都好幼滑，甜度適中，好飲👍

去開觀塘海濱附近就順便食埋個lunch偶然急急腳走左入依間感覺係cafe型嘅餐廳 ☕️//因為行程關係我急急腳叫左圖一個假日限定意粉 🍝(如果唔係 我應該唔會miss左圖二牛側腹飯果個選項！)一上碟嘅時候 我覺得好驚喜 👀因為個擺盤好有心思(尤其是曲曲地果隻菜夢落好有夢幻感食落似豆苗味)//佢明太子同三文魚子一開始係冇撈到入個意粉依個都係好事黎嘅 因為個個人鐘意撈幾多嘅濃度都唔同尤其是明太子 有時重手左就可能會太咸咁我今次撈曬覺得個咸度適中而且佢真係有翻明太子自身輕微嘅微辣味🤤另外 三文魚子呢 我平時都好怕太多會太腥咁依個份量我覺得都岩岩好有正常嘅腥甜味咁依兩樣嘢都好易撈埋同埋好掛意粉嘅👍🏻//然後影相可能唔係好反映到個帶子size但佢真係好。大。隻！🙀要比較嘅話就係份個橫切面仲粗過搭鐵啲扶手杆(?...)Um...我會用帶子扒黎形容佢 😂香煎。厚肉。彈牙 冇得輸 🥹我仲留左一隻專登最後先食落肚 🤭//分數: 8/10分✨雖然係好有質素嘅 但178加埋一200蚊咁食個意粉我覺得都係貴左啲 🤑同埋我本身比較大食 所以大概得七成飽 都可接受嘅 🥱咁相信女仔食應該岩岩好伏味: 1/10💩少少微

距離牛頭角站大概十分鐘距離嘅break，位於海濱匯入面，環境非常舒服👍🏻樓底好高，環境好舒適，好適合同朋友過黎談心💕估唔到嘢食都非常高質素，值得下次再次到訪👍🏻▪️南蠻炸雞牛油果醬丼$108Lunch Menu入面可以包括味道濃郁嘅味增湯，入面有大量嘅海帶同埋豆腐，另外都包括前菜一客，係醃製過嘅開胃八爪魚凍🐙呢個主食都非常出色：5️⃣大件醃製到非常入味嘅南蠻炸雞，炸到外皮酥脆、但同時做到唔油膩🍗咬落去非常嫩滑juicy！中間有一大匀充滿檸檬味嘅creamy牛油果醬🥑，配合呢個煮到軟綿綿嘅珍珠米飯🍚簡直超級送飯呀！▪️吉列豬扒三明治$68估唔到星期一至五嘅平日三點後仲可以供應呢個超級無敵抵食嘅Tea Set😍呢度嘅炸物真係做到非常出色，技巧滿滿，炸到脆卜卜嘅多士入面夾住炸到香脆嫩口嘅juicy豬扒，伴隨住照燒汁超好味🥩食半件就飽了一半😂▪️朱古力拿鐵+$10跟餐配那個mocha上面拉左個勁可愛嘅馬仔公仔🐴綿密嘅奶泡入面係濃郁嘅朱古力香味🍫▪️鹿兒島甘栗紫薯薯餅$22甜絲絲嘅栗子同紫薯簡直係不敗組合，呢個薯餅好crispy脆而不膩👍🏻

係牛頭角翻工 周圍食到悶晒就行多幾步去遠少少搵好野食因為算係Office地區 等位等咗15分鐘上下 算快💛炭焙烏龍拿鐵好濃嘅烏龍香 係高級烏龍奶茶😆拉花都拉得好好👍🏻👍🏻💛南蠻炸雞牛油丼第一次食呢個配搭 炸雞正常會油膩啲啦加埋熟哂牛油果一齊食 真係油而不膩 好Fresh但缺點係少咁啲汁 個飯有啲Dry 但都還可以嘅💛軟殼蟹、烤紫薯、飛魚子、田園沙律、自家製柚子醋軟殼蟹通常都無死 所以呢度都無死😏紫薯嘅質素就爭啲 根多咗啲 又唔夠甜自家製嘅柚子醋配沙律食 尚算不錯

約朋友食lunch，佢推介BreakLunch都有得book位幾好👍🏻去到門口見到有人等緊位都慶幸我地有book枱☺️🥢南蠻炸雞牛油果丼🍗🥑🍚($108)炸雞好夠份量，仲要係啱啱炸起炸雞雞肉仍然嫩滑juicy👍🏻👍🏻牛油果醬夠creamy跟餐嘅麵豉湯都好好飲☕️跟餐飲野減$24叫咗杯flat white(+$10)同Americano (+$6)咖啡拉花好靚，係我地鍾意嘅fruity blend☺️

轉眼間就要係一間做咗十年嘅公司走啦,同事們同我食Farewell飯,問我食咩我就話都好耐冇食break,有D掛住佢嘅炸雞因為疫情,平時一到12點左右就要等位嘅餐廳,而家12點9去到都唔洗等位,睇嚟睇去我都係鍾情我嘅南蠻炸雞牛油頭丼呢個飯真係冇得輸,我嚟親食都會清曬一粒飯都冇剩,雞肉份量係多嘅,有四至五舊,外脆內軟又夠juice一定唔會鞋口,牛油果醬配飯其實一D都唔會漏,仲好夾Tim,因為我本人唔太like多醬汁嘅飯,所以我下次會叫小醬佢仲會配一碟前菜同麵豉湯㗎另外我會加錢飲杯咖啡,其實咖啡就一般般,但係次次一嚟到我地就會估呢杯係拉咩花,你嗰杯又係咩花呢？咁樣玩玩下估估下又幾攪笑同開心㗎題外話,多謝我嘅可愛同事們,有緣再聚

break 的南蠻炸雞牛油果丼，可算是其午市名物。五大件炸得酥脆的南蠻炸雞，淋上大阪燒風味的醬汁，加上檸檬汁牛油果，減輕炸雞的油膩感，為牛頭角和九龍灣商廈的員工，提供一個午膳好選擇。

🤑 海寶丼 $158 🤑 Dirty $38 ———————————————好耐冇分享日本野食 今次係牛頭角嘅高質軟殼蟹飯❤️呢排返工成日搵唔同好西食當日同事帶左我食呢間日本野😊🌟 海寶丼 $158 🌟睇完成個menu 二話不說決左試海寶丼❤️海寶丼即係 軟殼蟹+蟹肉+蟹膏+飛魚子 飯🤩軟殼蟹全隻 超驚喜！😍 炸粉唔會太厚 內裏鮮甜多汁😋蟹肉加蟹膏 撈埋飯一齊食 天衣無縫嘅配搭 加埋紫菜 脆脆地 又為個飯加添層次😚🌟 Dirty $38 🌟一杯中規中矩嘅dirty奶味唔係好重 唔好太濟依然唔錯🥰注意返❣️舖頭比較細 可能要預留時間等位當日平日lunch hour去到 舖頭唔夠位我地坐喺出面bar枱 後面好多人行嚟行去😂———————————————評分🔖 (5⭐️為滿分)味道：⭐️⭐️⭐️⭐️⭐️環境：⭐️⭐️⭐️服務：⭐️⭐️⭐️衛生：⭐️⭐️⭐️⭐️抵食：⭐️⭐️⭐️回購？會✅———————————————🚶🏻‍♀️ #youngcfood_hongkong🚶🏻‍♀️ #youngcfood_ngautaukok🕵🏻‍♀️ #youngcfood_japanese———————————————📍break📍觀塘海濱道77號海濱匯1

Another TGIF, so we decided to explore more restaurants around office. This time we wanted to try Break.The place is chilled, all my colleagues enjoyed the food. I ordered 南蠻炸雞牛油果丼The fried chicken is done in perfection, not to oily, perfectly battered and will the guacamole sauce is a nice combination.The only thing I was dissatisfied was that the waiter missed my order so I had to watch my colleague and waited extra 15mins for mine.The food is good, the area is chill. Will probably come back h