Brass Spoon (已結業)

中環區的午飯時間人山人海是必然的，我於12:30來到排隊，人龍雖然超長，但因為負責帶位的店員勁專業，而且要人齊才能入座，再加上座位其實頗多，看似長長的人龍很快就被「消化」了。餐牌其實很簡單，其實就是一張點餐紙。原則上只得牛肉粉、撈檬粉和小食三大類。牛肉湯河可以是「見真章」的食物，我們都點了生牛肉河。配料的蔥、芽菜、芫茜和洋蔥等都可以自選份量，十分欣賞這種看來細小但其實是細心的選項。上菜的速度快。湯底清甜，是清甜的牛肉湯，生牛肉其實已被湯浸熟了，是一碗很好味的生牛河，水準屬高水平，雖然$90一碗不算便宜，但在中環區其實算正常價錢，好味，難怪人龍常現。朋友無點飲品，我則因為中文字越式清補涼字樣而點了這杯凍飲(想清一清熱氣) ，甜茶內有龍眼肉、蓮子、海帶等，我的形容是似中式糖水。

冬天成日都想食湯麵，話說我係上環返工，约左中環返工朋友食lunch 本來黎到見到前面有成10幾人諗著轉食其他野，但係見到前面入得快就決定等啦， 同埋十二點半嘅中環都唔知可以食咩， 等咗15分鐘就到我地。點餐紙可以自己選擇要唔要蔥、芫茜同埋牛湯油， 我就唔食蒽既，不過同行友人係好蒽之人，佢嗰碗面頭係鋪滿蒽！！同平時一樣係跟埋芽菜青檸同九層塔，我就鐘意 加啲青檸汁落塊牛肉度食，河粉滑得黎彈牙牛肉湯好甜仲有小小牛油香氣，牛丸冇特別，牛肉肉味幾濃😋 好耐冇試過有pho可以令我飲曬碗湯yumyum

今日心血來潮去了brass spoon食牛肉粉。早前有天晚上經過附近就已經想一試，可惜到店時卻發現門外寫著sold out。今次午飯時間到達，遠遠已經看到長長的人龍，在店外等候了約25分鐘，終於被安排入坐。點了最貴的特級生牛肉粉，牛肉呈淡粉紅色，看得出非常嫩滑。芽菜香葉等配料是另上的，讓食客按喜好添加。先試一口湯，非常清甜。牛肉生熟程度剛剛好，特級牛肉入口嫩滑，可惜只有4片。而最有驚喜的是河粉，吃得出的幼滑彈牙，絕對不是平日腍身易散開的河粉。

早前聽到很多同事說這裏的越南河粉很好吃星期六終於鼓起勇氣來到這裏吃一個趕快的1小時午餐初初害怕沒有位置剛剛有個二人座位這次選擇了生熟牛肉湯河很高興他可以選擇多芫荽這裏的河粉非常好吃😋可惜春卷炸得有點過時春卷皮有點硬不過整體來說餐廳人流不斷，但坐得很舒適👍🏻

中環要排隊既堂食，除咗美心，大家樂，大快活之流，竟然有間中高價食堂😮 幸好係午餐高峰早段已經黎到，等咗一陣已經有位坐😗😗 舖頭裝修以銅色做主色調，走簡潔風，不過中環吔午飯，就個個都係睇嘢食多架喇😪😪排緊隊等已經比張紙仔你揀，同車仔麵一樣，都係生牛，熟牛，特級牛組合，仲有啲配料選配，價錢呢就一碗等於隔離雲吞麵幾碗價錢😮😮眨下眼就有嘢食，加埋個越南咖啡☕☕ 一黎試咗湯頭先，油唔多（睇相），加埋啲配料落去泡佢兩嘢，再之啲青檸汁落去🍋🍋 淨係飲湯都係享受😎 牛肉十分之咁靚，好似你自己用頂級本地牛打邊爐啱啱好烚起個份軟腍程度👍👍 牛肉發揮得好好🐂，咬落既有肉香又有湯汁，河粉本身爽口，成件事係中午一份小確幸🧡🧡凍啡上枱以為佢比咗齋啡，原來奶糖沉晒底，搞搞先起😂😂 另外嗌既春卷就合格水平整體黎講，水準好高，左右隔離都叫好味（但又講唔出好係邊，差在未講牛有🐂味😂😂）價錢係唔平架喇，不過中環係咁上下，比錢買味道

For some strange reason, I have never tried Brass Spoon. I  always meant to when it first opened in Wanchai. But there was always a line or it was closed. But one day I walked by the Central branch and wow! It was open! And seats were available as the lunch crowd had just left.The place is very spacious. There is a large communal table in the center. A lot more spacious than the Wanchai branch. Menu is in English and Chinese.  There is no 10% service charge. You order by checking off this menu a

It was just a normal work day and boss was craving for noodles, so we went to have pho for lunch.We got there at 12-ish and there had been quite a long queue very luckily we got a table for two near the window.I really like to dine under the day light, just chill with my warm pho!So I ordered their raw beef noodles added premium raw beef and tendonsThe (ordinary) raw beef was mostly fat yet the premium one was no better -- disappointing.The portion of the tendons was pretty small, could barely f

某個身處中環的晚上 ⋯⋯ 正在煩惱開飯地點，剛好經過「Brass Spoon」中環分店，醒起她的灣仔總店（2015年底開業）曾經被2017年版《米芝蓮》捧為「車胎人推介餐廳」。雖然短短一年後已經下榜，但已經足以令她人氣急升，2017年初就在中環開了第一間分店。難得店內沒有客人、門外又沒有排隊的人龍，正想推門內進 ⋯⋯ 原來是日沽清！只好失望而去。差不多五個月之後的某個星期六中午，碰巧又在附近出沒，這一趟，餐廳門口有10多人在等候，反正有時間，決定等位。鋪位又窄又深，最能善用空間的方法就是擺一張長餐枱在中間，左右兩邊再分別設置一行高身吧枱及擺放幾張四人餐枱。為了遷就鋪位空間及儘量擺放更多座位，開放式廚房佈置在餐廳盡頭最入位置，既少了一個吸引客人的賣點、也失卻了開放式廚房高調招搖的原意；既然不能夠高調招搖，索性簡化了開放式廚房的設計，與普通一間茶餐廳的水吧分別不大，只不過多了一列矮身吧枱座位。一人一張餐牌兼自選餐單，一目了然。主打四款牛肉湯粉，河粉、生牛肉及熟牛肉全部可以追加，另外還可以額外選配牛丸、牛筋、牛柏葉、扎肉。始終有人不吃牛肉，所以又有香茅雞、燒豬肉及春卷三款撈檬粉；還有兩款小食

其實已經嚟過呢度好多次啦 好鍾意佢嘅 濃味 但係清湯底 嘅牛肉湯河 本小姐成日都好懷念溫哥華嘅越南粉 呢間再畀到我呢個正宗嘅感覺 聽講個老闆都好似係多倫多回流嘅 食得太多次啦我冇影相 首先講下個湯底 一入到舖頭 已經聞到陣陣嘅牛肉湯嘅香味 飲落去都係 一樣咁香濃 河粉方面 完全合符曬本小姐心目中嘅煙韌度 係河粉應有嘅咬口 生牛肉質素都係好高 沒有太多肥肉 但係份量比較少好似得三四片 記得試過有加扎肉 得三薄片 唔係太化算 都試過食牛筋 淋得嚟但係唔入味 熟牛肉就一般不過不失囉不過要講下呢度嘅越南咖啡 佢唔係滴漏咖啡有啲失望整體嚟講牛肉湯底 河粉都係高質素 又係公司附近所以不時都嚟幫襯

中環睇落好似好多食肆選擇, 但食晏來來去去都係嗰幾間, 今日就同朋友食飯時間試吓呢間好多人喺ig打卡嘅越南野食飯時間等左15分鐘左右，唔算太耐，店員亦都有禮貌午市選擇唔算太多，主要係湯粉或者係撈檬同朋友分別叫咗燒豬肉撈檬同埋香茅雞撈檬，肉燒得香，檬粉較幼易入口。另外亦都鍾意佢多選擇嘅配料，今次叫咗多花生同埋多蔥油，令到成碗檬粉好滑好易入口。燒豬肉撈檬，較油但惹味香茅雞撈檬亦為不錯選擇以每碗麵70至80元左右嚟計，仲要唔使加一，喺中環算係高性價比。

收工後 ，即趕去中環Orient4整頭髮，整前當然要食飯。原本想去蔡瀾pho朝聖，但時間太趕，只能食在附近的Brass Spoon 。可能因為星期六，又過了午餐時間，食客不多，坐得十分舒服。要了一碗生熟牛肉粉，選了正常的牛湯油 ，其他配料都有要。先試湯，甜，以且有層次感，再食河粉，既幼且滑，可惜份量太少，只有七成飽，奈何時間有限不能加料。抵玩指數 2-/3，環境不錯，食物美味，印象頗深，但份量小，價略貴。人均消費 $100

中上環的越南餐廳開到成行成市, 最近比較有名的就係蔡瀾開的越式牛河。不過因為蔡瀾個間太多人啦, 我只好食另一間已經開左一段時間的Brass Spoon。早排某雜誌做過一次坊間越南牛河的比較, Brass Spoon係各方面都比較理想。作為越南河粉的愛好者, 就去試一試。呢度的選擇不多, 主要真係食越式牛肉河, 而且仲分左級數。因為處於中環, 個價都真係幾「中環」, 平均一碗最少都要$80以上。但呢間野貼心的地方係可以俾客人自己選擇配料的多少同埋牛油的多少。黎到之後, 望落去都幾大碗, 男仔都叫做夠食。食越式湯河, 識食一定先飲一啖湯。呢度的湯底唔係走清淡路線, 但亦唔算太濃, 飲得出係應該用左牛骨去淆湯。對我黎講, 係好飲既, 所以我飲多幾啖先食個河粉。河粉唔淋, 唔會一夾就斷, 而呢度的河粉相對比香港食到的係較幼身, 但米味唔夠香。至於重點, 就係個牛肉, 粉紅嫩色, 唔韌又有口感, 但可能唔係最高級個隻, 所以牛味濃度一般。整體黎講, 都中規中距, 以呢個價錢黎講有點貴。

午餐叫生熟牛肉河➕特級牛肉。上枱時完全分唔到邊D係特級牛肉、因為已經放咪一齊。男店員解釋說加嘅牛肉會放上邊，除非你係門口落單要講。真吹帳！放咪一齊都算，但連佢都分別唔到邊D係普通邊D係特級，有無攪錯。之後有個女仔黎又解釋，但都係講返同一樣野，重話因為湯要熱所以D生牛熟曬正常。碗麵細都算但個湯淡到好似水咁，而且賣緊過百一碗(因為生熟牛河$80 再加特牛$25）但真係又貴又唔飽而且唔係太好食！無下次🙅🏻‍♂️

城中期中一間有名的長龍越南Pho,今日見排隊十分鐘左右，於是便進店一賞。放在門外的兩把大風扇是對排隊人龍十分之重要的。今次試了一碗生牛河加扎肉。牛肉似係雪藏肥牛，吾差，但無特別。扎肉3片，好薄，個人比較偏好厚切。河粉吾錯，幾好，但份量少。個湯就真係令人失望咗少少了：-第一，吾夠清第二，吾夠鮮甜，有點咸第三，喝完兩口之後會有點囗乾，亦沒有繼續喝下去的衝動。在中環，賣這價錢無可厚非，但質素應有進步空間。

今個月食12點有好多選擇，其中一間就係衣間，價錢都算貴，但是真係超多人排隊，要人齊先會安排坐位。衣間專食越南牛河，當然有其他小食，不過main course 得生牛河、熟牛河及生熟牛河揀，無餐，嘢飲要加錢，最平碗粉都要86，咁貴都咁多人，咁又真係幾好食。可以自行調節碗粉啲配料份量，我又鐘意多洋蔥同蔥，來到真係好多見到都好開心。佢個湯好好飲，感覺唔會太厚，好清（唔係無味果啲清），我好辣，所以要叫佢比辣椒粒，生牛肉來到生生地，浸下啱啱好，軟軟的好好味。河粉係爽唔係話「林gg」果啲👍🏻整體感覺十分好。同事唔食生嘢食熟嘅，佢都話好味大家經過中環可以一試，不過最緊要齊人，唔係就要喺門外排隊。