Bold Italic (已結業)

//行街行到攰 無意中走入一間充滿個性既cafe 小小的咖啡店反而有更多親切感 因為坐位有限 都等左一陣先有枱 叫左main dish 再加三十幾蚊跟set 湯 + 包 + 沙律 + 香煎鵝肝意大利飯 + 飲品 +甜品由頭食到落尾😍😍😍前菜已經充滿驚喜 原本以為普通罐頭粟米湯 見幾好飲又好creamy 就膽粗粗問下咩牌子 點知問着老闆😅 先知係用新鮮粟米打成蓉 再加忌廉 再用少少黑胡椒吊味 飲落好sweet 好creamy  summer salad又落足意大利黑醋 愈食愈開胃 而自家製香草包雖然未必人人鍾意 但夠曬少有 絕對值得一試 小店既咖啡完全將 s字頭 p字頭咖啡店比下去小本經營既cafe 點可以唔撐 加油啊 hongkonger !環境 😍😍😍😍味道 😋😋😋😋價錢 🎬🎬🎬服務 🙋🏻🙋🏻🙋🏻🙋🏻

After being MIA on Openrice for a year, I'm now coming back to write a review for this special restaurant.Bold & Italic is a small restaurant but has become another favourite of mine and the design is pretty chic. We had waited for almost 10 minutes although we've already reserved the table, but the boss then came over to check on us and quickly settled us. We've ordered 2 dinner sets($72+38) - Scallop spaghetti, pan fried chicken risotto?(I don't really remember) and a snacks. This is a plate o

從來都冇留意原來工廈入面可以咁多舖頭,一出lift真係wow左一聲不過提提各位,當日到左地下大堂,有一部lift壞左,得返一部,又唔係裝得多人,所以要去低層的話可以出返門口轉右上樓梯,快過等lift呀!!!餐廳環境算幾舒服,兩旁有d二人/四人枱,中間係一張長枱;所以坐長枱就必定要搭枱喇,因為係分唔開架晚餐可以只叫主菜,不過水都冇杯...所以我地3個人就將2個upgrade做餐.另外提一提o既係豬牛羊雞各有一款,食肉獸就最適合.得一款係齋,我就冇得揀喇個湯好似係甘荀...唔記得,偏咸,不過唔大碗,所以算接受到.旁邊仲有沙律(油醋汁)同埋麵包,如果個包可以稍為烘下會好少少.但整體觀感覺得唔錯.朋友要左雞扒意大利飯,好似係香草汁(同個意粉一樣樣)要講下個雞扒,一咬落去係索索聲好清脆!真係邪惡的雞皮~我當然要左個冇肉o既,好似頹左d,不過我食得哂,但我估香草汁唔係人人喜歡吧最後係呢個唔記得左乜野牛扒配大蝦,老實講隻蝦就唔係好大,不過切開左就容易d食牛方面就普通,只可以話唔算難食;飯o既份量正常,因為扒唔大,所以有d汁撈下都好易食得哂初時以為窩夫係上面有大舊生果o個種,點知黎到真係有少少失望,個

已經係第三次幫襯了，依然覺得好味！話說第一次幫襯時，發現份量其少，連女仔都食唔飽個隻，所以第二次開始醒目了，叫多飯！兩次叫多飯，老闆店員都好樂意，無黑面！服務態度好呢樣最值得讚！講返今次先，我點了雞扒意大利飯 $78 + $38 轉Combo, 有餐包，沙律，粟米忌廉湯，餐飲及窩夫！落單5分鐘後，餐包，沙律及餐湯一次過上，擺得好精美，湯仲畫左花，好用心！先講餐包，的確之前兩次如負評個幾位朋友所講唔脆仲有啲un! 但我估因為麵包上面有自製香草醬及芝士，加上不是即焗，所以唔脆！ 但我今次食較軟熟，加上香草既清香，好開胃！再來就是粟米忌廉湯，係唔係金寶我就唔知啦，但根據我以前做餐廳既經驗，自己打忌廉湯係平過金寶多多聲！湯上面加左少許黑椒，辣辣地好暖胃！之後到沙律，有粒番茄仔，沙律菜同西瓜粒！配上酸酸甜甜既沙律汁（我估自家製），好開胃，望見主菜已經流口水！話說仲飲緊湯，主菜已經上左！呢方面的確要改善，太快上令食物温度唔夠！講返主菜，真係值得讚！首先雞扒外皮煎得好香脆，肉質雖然唔算嫩但一定唔算un，而且一啲都唔乾，仲有肉汁！配上香草意大利飯，中和返煎雞扒既油膩感！意大利飯加上香草好香好清新！但飯

觀塘食野一向都唔係太多選擇見有朋友推介 揀左呢間餐廳一入到黎環境幾舒服 牆上面又掛滿左畫見到夜晚客量都幾附 好彩有book位夜晚加38就有一個set包starter，甜品同餐茶Starter方面栗米湯+包+沙津栗米湯口感軟綿綿有細細粒嘅栗米碎可以咬下，口感好正，味道好濃，抵讚沙津配上紅酒醋亦值得一試包有成塊芝士放左係面，硬度我覺得幾好，但未必個個人都岩Main我叫左個雞扒黑松露油意大利飯，一黎到個賣相唔錯，仲好香黑松露油嘅味味道我覺得好好，塊雞扒煎到表面好脆，但入面d肉又唔會太乾又唔會好油，美中不足嘅係個飯嘅口感唔太似意大利飯，可以再淋少少，總括而言都幾抵食！Dessert個窩夫賣相好得，水果都好新鮮，不過略嫌蛋味唔夠！Drink加左18蚊叫左杯cappuccino,味道不錯，仲有個心，係奶熱左少少，，性價比高！叫左之後先發現隔離枱杯特飲賣相唔錯，下次再黎一定要嗌總括而言，呢間餐廳嘅食物味道都中上，而且價錢唔貴，性價比高，而且waitress姐姐服務都好好，夠哂有禮貌！以後係觀塘食飯又多個選擇

門面好吸引set lunch 都有唔少選擇，揀左B餐頭盤完全係誠意之作。左起似發左毛嘅面包其實係香草多士，香草味好勁不過唔係個個鍾意，中間係意大利醋沙律，右邊係粟米湯(拉花拉得好有heart)。放低嗰下啲黑松露油嘅味好吸引。可惜其實我個頭盤只係啱啱食左一半，要嗱嗱林食埋佢驚個飯凍左。雞扒ok，係嗰Risotto有少少出事，啲飯太林一啲硬度都無。跟餐送咖啡或茶，加18蚊就可以配其他飲品。叫左杯iced caramel macchito，真係甜左啲。Overall 唔錯，環境ok，舒服唔逼唔嘈，行開呢頭可以試下。

有時也喜歡search一下工廈的小食店，看了這間食評都覺得不錯，便來試試。這裡環境，服務，價錢其實都可以！ 但可惜，食物真的很一般呢。  最想講嘅係...意大利飯，餐牌上有三種意大利飯，滿心歡喜的就點了羊扒意大利飯。 點了菜不久上了加了$38的餐，有湯，小沙律，小麵包。。。這個小頭盤不錯，很精緻！但未完成湯和沙律，很快我個意大利飯已到，不久另一個煙鴨胸波菜忌廉汁意粉都到了。 上餐速度真的快得很！ 但起碼都給我時間完成湯和頭盤才上主菜呢！好了，重點到了，其實煮不到意大利飯唔緊要，但不要在餐牌上寫意大利飯呢！！ 那個意大飯，只不過是一個普通煮淋了的飯！很失望！飯又唔夠熱。。。第二失望，那個意粉，係綠色的意粉，不是什麼波菜忌廉汁，沒有忌廉可言。 本人已是愛吃淡口嘢，但個飯真的很淡！ 叫埋餐茶，熱檸水，都係上得三份二杯水！ 唉。。。本人食嘢已是不太奄尖的人。亦明白俾什麼價錢，食什麼嘅嘢。 但不是這樣，所出的食物不是餐牌所寫的，簡直有點覺得被騙的感覺！

今次係星期六下午食飯，好多人啊，好彩仲有兩個位，服務質素好好，起碼會問下仲有無其他需要。咁我同朋友兩個人每人一個主菜再加$38要set。湯沙律包依然好有水準，講埋主菜先:羊架意粉同埋牛柳虎蝦飯。羊架真係好好味，嚟到係必食，而牛柳呢我地認為可以熟啲，下次要試個七成既。加左杯草莓玫瑰梳打，隻色都好靚啊仲要係幾好味，初頭以為玫瑰好難飲嫁，但好特別啊！依間餐廳真係一個唔錯既選擇！可以encore😋😋😋😋😋

要識得係觀塘搵食，就一定要識得捐窿捐罅上工廈。位於駱駝漆嘅Bold italic,除咗好食，仲好舒適Book 左2030，上到去未有二人枱，Waitress 姐姐就叫我地坐係中間張枱等等。中間個張係張枱，可以坐到十幾個人。BOLD italic 嘅裝修主要係近年流行嘅都市自然風木色嘅枱，配深色嘅櫈。天花油上橙色，配合著黃光燈。Cozy 同時又Warm,同外面白曬曬又令人寒寒地嘅工廈走廊完全唔同。兩個人叫左兩個Main,一個小食，其中一個Main 加咗$38要轉估Set. Set 包括Starter , Drinks 同Dessert . Starter 有餐包，湯同沙律。餐包係香草麵包，Foccacia. 因為係Foccacia, 所以佢唔係個種好彈牙嘅面包，而係一種好厚實好似蛋糕嘅包，香草味很濃，但好似濕咗少少，始終覺得 Foccacia 係要有番茄先好味。 沙律係一般嘅沙律菜，但有我最種意食嘅菠蘿，配撘住酸酸甜甜嘅醋，十分開胃。而湯入面有打碎咗嘅粟米，豐富咗成個湯嘅口感。輪到小食同主菜，小食嘅鷄翼味道偏咸，要配撘返個蜜糖芥末醬一齊食，中和返個味道，個人認為Honey Mustard

以前去觀塘, 都是去商場手揾嘢食, 但上OPENRICE一看, 觀塘區真的多了好多工廈特色餐廳,  真的多了很多選擇, 而且一般都可以做BOOKING, 方便又不用等位.工廈食嘢, 周圍的環境真的有點跟商場不同.  這間位於3樓, 一出LIFT 好靜, 其他舖位都拉左閘. 我們BOOK 了6:30PM, 餐廳內未有其他食客, 地方比想像中細, 但當晚客人並不多.食物方面, 餐牌內所見不是很多選擇.我們ORDER 了2個晚餐, +$38可跟SET (包括麵包, 湯, 沙律) 麵包像是有一些芝士烘過, 但巳放凍了, 比較乾及難咬開.  湯也不夠熱, 像是南瓜湯吧, 比較甜.  沙律的菜算是新鮮.主菜我們點了虎蝦雞扒芥末籽燒汁轉意粉 $72, 賣相一般, 蝦比較乾身, 味道也一般, 但以這個價格尚算OK第二個主菜 芥末銀鱈魚意大利飯$88, 魚真是太細塊, 味道較淡, 魚肉亦是太乾, 一般在日本餐廳吃銀鱈魚時肉質一般好滑, 但這個並不是, 少了銀鱈魚獨特的香味.跟餐的WAFFLE, 反而是全晚最估佢唔到, 佢帶微暖, 味到唔錯.

今個星期想靜靜地食個晚飯，就搵到觀塘依間餐廳。去到門口見到塊黑板既設計都有心思再貼住張menu感覺特別，侍應好主動行過嚟問我幾多位再安排比我坐，有禮貌之餘，仲好細心比支水我地。今日同男朋友就試左個羊架同凍肉腸香辣茄汁意粉，我地怕太飽所以只係加左一個combo set渣，不過上菜既時候賣相都好靚！先講沙律，問過老闆原來沙律汁係佢地廚師調配既，酸酸地真係好好味，而且菜好新鮮，到個粟米湯好creamy好足料，唔似出面既湯得個咸字，到個香草包都幾特別，雖然陣味未必個個接受到，但係上面溶左既芝士好正，到個主菜，羊架係香煎既所以好香口好大件，食到我地想再嗌羊架，可惜無咁大個肚。個凍肉腸意粉都唔差，好濃既茄汁味，色香味都齊哂，不過可能唔配凍肉腸配其他可能仲吸引！最後我地叫左一個窩夫一件檸檬芝士蛋糕，雖然窩夫有cream有士多啤利，但我同男朋友都係鐘意件蛋糕多啲，因為唔太甜又好味。杯梳打都好正好靚☺️👍總括嚟講，依間餐廳都算係工廠區既一點靜，唔錯！

今次去了駱駝漆大廈的一家西餐廳其實我們原本打算到一家位於牛頭角的工廈餐廳用晚飯最後在機緣巧合下，我們便光顧了這家 哈哈門口的招牌和餐牌都很大，方便客人價錢都不太貴!!!不過始終是工廈餐廳，所以種類不太多我們兩個人各點了一份set dinner擺放得很別緻，一塊木板地上菜，特別！麵包片外脆內軟!!沙律有我最愛的菠蘿!!湯都不錯，蠻creamy我點的羊架配薯蓉，雖然賣相顏色方面不太討好，但味道很好肉質夠鮮嫩又入味!! 但薯蓉中有太多黑椒!!偏重口味!朋友點的煙三文魚雜菌意粉意粉很有咬口!!!菌味十分濃郁不過，一般原片上的煙三文魚都只有兩至三片晚餐附有甜品和餐茶waffle的味道不錯，略厭有點過軟PS. 如果可以連刀一齊給客人就更好，因為只有叉的關係，很難界開waffle!!!!服務態度都不錯，員工會主動為客人換水而且晚上時間人流都挺多的！walk-in的客人會被安排坐中間的長枱，如想坐側邊的小枱，就需要遇先訂座!各位要注意喇，他們只收現金!!!

之前聽朋友介紹話觀塘新開左間吾錯嘅Cafe 於是前幾日放工同朋友經過就心思思上左去 首先講下佢嘅舖面先啦 以樓上Cafe黎講 呢到嘅空間都算寬敞 坐位數目都較一般Cafe多 舖面採用嘅黃燈再配合埋個音樂 感覺幾舒適 適合同朋友坐底吹水 由於本人去個時已係晚巿時段 所以去到個陣都幾多人 如果吾想去到等位或摸門釘嘅話 最好就預先打電話去book左位先啦☎坐底之後 侍應好快就放底左menu同水 平時去親嘅Cafe絕大部份都係比水喉水 簡直睇見都吾想掂😵 但今次見佢攞個玻璃樽裝咁特別 就破例試下佢啦 點知 一試真係有驚喜💡💡 佢吾係平時飲開嘅水喉水 飲落有啲特別嘅味 應該係自家加工過 肯花心思落細節位到 吾錯 至於Menu上好似就只有五個菜式選擇 加多＄38就會有個set 即頭盤甜品+嘢飲 點餐後 頭盤好快就送到 頭盤係用塊木板裝住 有粟米湯+餐包+沙律 粟米湯飲落夠味 唔似出面用粉沖個啲 而且湯面用cream畫左花 整體望落都幾精緻 岩哂我呢啲中意食外表嘅人😍😍😍 之後主菜同朋友一樣點左個意式繪飯 味道吾錯 飯嘅軟硬度適中 不過份量比想像中大 可能因為個頭盤實在太豐富 所以已經有點飽肚

呢排成日食中餐，悶悶地咁轉下食西餐。咁就同我愛人book左呢間野試下，我係第一次，我愛人食過一，二次覺得還可以。上到去餐廳環境第一眼ok既，侍應都好有禮貌，係唔知典解嘈左d,不過算啦諗住野食好味就ok晒。。。我叫左個帶子雞扒飯+38蚊變餐，我愛人叫左個羊架+38變餐。先黎包+沙律+湯，個擺設都幾骨止既......點知包係un既，沙律一般，湯一個字講晒salty，失敗....到主菜帶子係乾既，雞扒係un既，羊架係無味既OMG(>﹏<) 失敗中既失敗。之後個侍應仲好有禮貌咁問我需要upgrade個甜品加多20蚊，見佢咁有禮貌，不滿只好在心內藏(心諗唔該晒〒_〒 )。最後埋齋既咖啡仲要係凍，d coffee mate 仲係咖啡面飄飄下咁....唉失落的晚餐

上open rice搵開呢頭有咩好野食，見呢間評價唔錯，就同男友收工過黎試下。上到黎，main dish另加一個$38combo, 有主菜前菜甜品加野食，以為執到寶，點知…1: 前菜 - 包+湯+沙律完全唔明點解啲人話個包好食，一食入口唔脆，少啲牙力都趙唔開，感覺好差，都唔知個包放左幾耐; 個湯系粟米湯，一上見到個cream花整得幾有心機，點知一食男友話食到一舊生粉團，冇估錯系金寶粟米湯放落搞拌機搞碎再落生粉整杰; 沙律冇咩特別，不加特別評論了2: 主菜 - 肉眼扒意大利飯+煎三文魚沙律個意大利飯太乾，唔系多汁傳統嘅意大利飯，扣分; 肉眼扒上黎以為ok, 點知反轉睇到面同底系兩隻色，即系塊扒系一大塊整熟再切一小塊上，煎返熟一邊個面就算，誠意欠奉; 最扣分系扒同飯上果下完全唔熱，簡直可以話凍，究竟擺左幾耐呢？煎三文魚又系凍，fine, 當你跟沙律上系冷盤，但三文魚煎得唔好，啲肉感好容容爛爛，令人失望。3: 甜品 - 藍莓朱古力wafflewaffle唔碎，淋嘅，味道接受到，不過前菜同主菜令人大失所望，已經冇乜興趣食落去4: 熱0水一上waitor冇跟糖，叫佢俾兩包，最後連杯野飲都唔想飲想