Bistro Bloom

營業中

休息中

來吃下午茶餐，在等位位置有個服務員，跟她說兩位，她像看不見我們一樣，一點反應都沒有就走開。之後點菜和服務都未到位，不過看著她帶上口罩，可能是身體不適所以精神未能集中，也沒意見了。點了牛排和漢堡，兩個餐來了都是涼的，漢堡像放了一段時間，都是油了，芝士都是硬硬的在漢堡裡面，唯一熱的只有薯條。真的對食物水準失望。

N年前讀書時，好鍾意同班friend 放學行旺角那些年，覺得旺角好多好多shopping 既地方好多小店 價錢又唔算太貴而家呢，特色既小店俾好多大型既連鎖店取替左lu所以都愈黎愈少出旺角要出既 都係行朗豪坊比較多起碼感覺冇咁逼人-睇完戲去搵餐廳食下午茶見依間靚靚地又坐得舒服😌就入去試下啦 價錢又唔貴-我叫左個炸魚薯條🍟炸得都算香脆，粉漿唔算過多魚柳🐠都算厚😂-朋友食牛扒都算大塊佢話有d 「un」同咸左少少

星期六lunch time , 塞滿曬人嘅朗豪坊13樓 竟然係可以唔需要等位直接進入.實在要掌聲鼓勵。佢地有個Semi Buffet , 由$138起...哈哈, 可惜售罄!我同朋友叫左西冷扒$228. 好香炭燒味. 7 成熟亦煮得剛剛好,沒有過老, 不過就肉味唔多。餐就包括餐湯同飲品。講返重點, 我係比佢個mini buffet bar 吸引左入去嘅, 冷盤 有凍蝦(添左3次),蜆, 青口, 各類沙律, 但最鍾意蛋沙律(我諗我食左成碗飯咁多) 同青蘋果沙律。甜品有牛奶布丁..焦糖布旬,生果,糖, 啫哩糖,蛋糕, 橙汁, 菠蘿汁任飲等等... 總括黎講 都係超抵食. 飽到嘔會再黎。

一行五人加一個bb，喺旺角星期六要搵個冇咁迫夾有舒舒服服嘅地方的確好難想OpenRice見到呢間餐廳有lunch set好似幾好，我哋冇叫到semi buffet lunch叫咗普通嘅lunch set ，頭盤有沙律或者湯，主菜有意粉有all day breakfast，餐飲叫咗咖啡同埋甜品有一件蛋糕叫左all day breakfast，食物質素有待改進其實all day breakfast 入面所有野都係已經整好，好難會難食，但係都有啲失望，另外咖啡個杯外面全部都係咖啡漬，好明顯係倒瀉左之後冇清理繼續上枱

之前同老公講起過呢間餐廳, 今日下午就一齊黎食. 不過因為我地都晏出去, 打電話去訂檯時, 職員話1:30PM後就唔接受booking, 所以只好講1:15PM會到. 不過因為泊車問題, 最後都係1:30PM先到...職員幫我地安排坐既位置十分好, 因為就是拎野食既隔離檯. 起身就可以攞到野食!其實下午除了有Semi lunch buffet之後, 都係set lunch 既. 不過我地都係想任食開心D!就上一次食既經驗, 出面既沙律bar, dessert corner都好食飽人, 所以我地都係叫左兩個簡單既main course share黎食!Settle左個仔之後, 出去影左幾張相~ 因Semi lunch buffet做到3PM, 其實我都好驚佢唔refill 食物, 不過又唔係喎, 佢地keep住加野食!又幾好喎!飲品, 麵包類亦是自助形式任取既, 首先都係拎左啲沙律黎開下個胃, 沙律款式實在太多, 但我都係鐘情蛋、薯仔沙律,雖然知道好飽肚, 不過還是想食. 餐湯係忌廉甘筍湯, 唔知係咪可以refill,不過我飲一碗已夠了, 因為我麻麻地呢個味道.我同老公分別叫左個漢堡包拼

以前在朗豪坊上班偶然也去吃過幾次，但吃飯時間只有一個小時，再加遲少少回公司也不能好好享受。在一個休閒的日子想找一個地方吃一頓豐盛的午餐，剛剛想到此餐廳，立刻找open rice 問當天有無位，有位，立刻從官塘出發去朗豪坊，價格無大變化，我們選了漢堡包做主菜，加沙律吧半自助餐，週末也只是$138，食物質素好，坐得舒適，吃得飽飽地。今天晚上三十年老同學聚會又再選這餐廳的晚餐，應該會選生𧐢或牛排主菜，餐后再寫報告分享。

今晚約左朋友仔出黎食飯, 因為太耐冇見關係, 大家都想搵個坐得舒適同任坐的地方落腳.有朋友搵來呢間食Semi dinner buffet 既, 地點又方便!價錢黎講, 都幾抵, 除了主菜外, 有自助salad Bar, Drink Corner, Dessert Bar 任你食!!食物黎講, 其實都算幾多選擇! 因為出面既食物都好吸引, 所以我只要一個輕巧的main course (法式肉醬千層麵 $188) 就好了.餐湯由侍應送上, 但都係無限添飲的! 今晚既係甘筍湯.之後就出去揀沙律前菜了!! 都有好幾款. 亦有冷盤海鮮, 不過我出到去所剩無幾, 亦冇影相了.麵包, 芝士 則邊就係甜品了.因為我地比較晏入座, 食物refill速度已放緩, 不過我地都仲有得夾下野食既.蔬菜都仲叫爽脆, 麵包就真係凍左少少了.由於我地食既時候當未人齊, 所以冇為意到, 原來客人要叫, 主菜才會上枱. 其實都好, 起碼唔洗驚凍, 要趕住食晒D食物! 千層麵份量其實都唔細, 肉醬好多, 其實係好食既, 不過自己食得太多出面既自助吧, 所以到最後都係食唔晒個千層麵.甜品方面, 最令我深刻既係個牛乳布甸, 因

由於父親節正日嗰日Oppa要返工過兩日先得閒，咁啱今期旺角朗豪坊做緊蜘蛛俠電影宣傳，商場內擺放咗好多大型嘅蜘蛛俠模型擺設，所以今日我們一家四口一齊去影完相之後去咗13樓嘅「Bistro Bloom」食半自助晚餐補祝！喺坐低嗰陣店員同我們講話：「如果你們想享用出面擺放嘅自助沙律頭盤、飲品吧、精選湯同廚師推介甜品，就要點指定套餐！我們叫咗黑毛安格斯肉眼牛扒煎得表面好芳香嘅炭燒香味，肉質非常鬆軟嫩滑，而且充滿肉汁，牛肉味相當濃郁！巴黎式烤特選西冷牛扒係用個鐵架嚟盛載著，底下就用啲火一直熱著，令到牛扒可以一直保持著溫度，但可惜牛油嘅份量過多，多到好似浸著塊牛扒咁，食第一啖已經覺得超級油膩，所以我們問店員可唔可以幫我們攞塊牛扒去汆汆水？因為感覺好膩同好滯！店員話：「好！無問題！我即刻幫你攞去整過！」之後最令我們驚喜嘅，攞出嚟竟然係一塊全新煎出嚟嘅黑毛安格斯肉眼牛扒，店員仲話：「真係唔好意思呀！所以我們重新整過畀你！」語氣態度好親切有禮，真係值得一讚！柑橘柚子蜜燒脆豬手煎得外皮好金黃香脆，肉質相當鬆軟，唔會有好硬實嘅感覺！香柏木薰三文魚柳配帶子煙肉卷嘅三文魚煎到外脆內嫩，食落有好香濃嘅三文魚油香味

朋友生日同佢連埋幾個朋友去咗朗豪坊13樓的Bistro Bloom食飯慶祝。聽朋友講呢度嘅semi buffet好抵食，所以就叫咗三個main course 再加一個人齋食semi buffet。佢哋有D餐連semi buffet加湯加餐飲價錢由$188至$388我們叫咗法式西冷牛扒牛扒用火暖住，上面有芝士，已切件。味道香，牛肉淋得來又有肉味，好食肉醬千層麵層層疊著肉碎，加有少少酒味的茄汁，味道酸酸甜甜，吾錯。黑毛安格斯肉眼扒有碳味，加上肉質幼嫩，好吃。再介紹下個semi buffet有果汁，加麵包好多款沙律還有海鮮和芝士甜品推介牛奶布丁四人埋單$1311，價錢合理，味道好，環境舒適，服務好，會再幫襯

好好味ge蘋果豬柳，$25x 仲有埋semi buffet食。semi Buffet ge質素同款式都唔差，d海鮮都算新鮮。豬柳好爽口，不過份量略細，食完主菜都仲有空間可以食埋甜品

🎊每天工作重覆又重覆，日日都為食lunch而苦惱，想搵好地方又唔想同人逼。朗豪坊四樓是逼爆人的地方，朗豪坊十三樓卻是另一天堂。Lunch set選擇有很多，也會有最受歡迎的semi-buffet lunch。如當天想食Green 一點， 可以只選擇Salad Bar。Salad Bar 有的不只是Salad，還有蕃茄、豆腐、冷切盤、多款芝士、麵包餅乾、橙汁、甜品、冷海鮮等等。烤英國豬柳扒併密餞烤菠蘿豬柳朳烤得肉質鬆軟，菠蘿鮮甜吞拿魚螺絲粉香煎原條龍脷魚和牛牛柳及焗扇貝餐廳提供吸印仔優惠，每$70就可有一個印仔。儲夠十五個就可享有半價優惠。平均百幾蚊就可享有一頓豐盛午餐，有湯、有半自助餐、有主菜、有餐茶、有甜品也有環境氣氛。很大滿足啊

又係食慶生飯，揀這間係之前見佢有龍蝦餐買一送一，可惜已完結，今餐冇優惠。食了半自助餐，有自助沙律吧，很多食物，有青口、蝦、沙律、甜品，任食，各種食物味道都不錯。主菜叫了肉眼扒，七成熟，邊位較多筋。帶子魚柳魚夠滑，汁野味。蘋果汁豬柳，肉質算軟，味道一般。三文魚意粉，味道可以，冇特別。這裡環境不錯，傾計食飯好地方，服務員很細心，時常主動為添茶水。

星期六既朗豪芳，就算係lunch時段，都會出現迫爆同要等位既情況！為左唔想迫人，我地一野上左最高果層搵野食。因為我好想食pasta所以就比Bistro吸引左入黎有2種餐牌，set lunch with semi buffet or 普通set lunch望到semi buffet 都幾精神，價錢又唔貴！就試下啦！出面salad bar 種類都唔小！salad 菜，好幾款dressing , cold cut , salad pasta, salad potatoes , 仲有凍蝦，blue mussle and clams ! 仲有小小其他野食，包括我超愛既泰式木瓜，燒茄子，翠玉瓜，日式豆腐...etc 最正係仲有Cheese !!! 3款咁多其間仲有橙汁/利賓納 任飲tim 相中餐仲會有一個餐湯，今日係筍忌廉湯，nice ! waitress 仲好細心，等我地拎完頭盤先上餐湯，見我地食完頭盤先問我地要唔要安排上main course !!! 完全唔似$2xx 既services ! 簡直好似去左酒店食lunch gum, hahahaa main course 方面， 我叫左個芝

其實半自助形式午餐都幾好，大胃口可以點多味主菜，簡簡單單可以選擇沙律吧！今日老闆請吃晏當然要有番咁上下級數餐廳，民意選定下就向目標出發。$128 一份任食沙律吧對我來說已經非常足夠 ！烤瓜同蘋果沙律及薯仔沙律，每款小小不要食得太飽。沙律吧不是只提供沙律，有鮮甜爽口凍蝦，青口也不錯喔👍！蝦肉扁意粉，味道甜甜地非常可口。這個薯條漢堡只需多加 $10便可以食到，認真抵食。

今日為免情人節當日同人迫兼冇枱，女友亦唔介意，故提早慶祝情人節，在朗豪坊睇完戲，就上13/F搵食，貪佢天幕環境靚，夠哂情調😍😍😍，見到間新嘢,又有semi buffet ，Salad bar 又好似好吸引，咪試下囉沙律吧算吸引，最少有蝦食甜品亦中規中舉，值得推介皇室朱古力餅及牛乳布甸羊扒叫了七成熟，成數都ok, 非常有蘇味巴黎西冷總結：任食Salad Bar加Main course,真係包到暈佢地仲有果汁任飮，所以到最後，我地兩個連歺茶也飮唔落😂😂😂