Bistro Bloom

營業中

休息中

元宵佳節、老婆唔得閒、唯有帶個6歲小女去旺角逛街，7pm到個女嗌肚餓、啱啱行到朗豪坊、我記得以前幫襯過13樓Mr. Steak,好就上去吧！ 上到去原來轉左bistro bloom,打個突是食乜！但經門口那位著西裝那位靚女介绍後、先明白原來仍然係Mr.Steak不過轉左名！ok,又試下叫了個煙三文菠菜pasta ,我個女细叫個细路仔salad bar,唸住個粉同她share,但原來小童salad bar 會送一個small portion pastasalad bar 豐富、细緻、好食、有埋飲品及甜品又有餐湯添埋單三百幾、唔貴！另外值得一讚、個場坐得幾舒服、服務又幾貼心(因他們送了一個狗仔波波俾我個女)ok,下次我會帶埋老婆來。

尋日係我老友生日，唸住睇下有邊開初三會開，好，搵到第三間先搵到，咁就訂左呢度。我老友首先去到，話無我地嘅booking.到我再上到去，再問佢依然係話我地無book,根住我俾我電話撥出紀錄佢睇，佢話係呢度，咁佢都俾左位我地，我地就無再問點解無booking呢件事。我地2大1小，叫左3個晚餐，係包自助頭盤同甜品，主菜：1:牛柳，2:千層麵，3:codfish自助頭盤雖小，但都幾啱食講真，個牛柳真係唔多掂，超多筋，好一般千層麵正常，codfish收成3百幾蚊，但超鞋口，一半都食唔晒。最後，叫杯熱咖啡，佢俾個奶我，我一倒出黎，一舊舊，應該變壞左，其實佢一拎俾我果陣，我已經發覺個奶面有d野，但以為無乜事，最後，佢換過杯俾我。成餐飯食左900蚊，但一d都唔值

新年流流Langham plaza唔係間間食肆都開，廢是左搵右搵，直接上頂樓就應該冇衰架啦。見Bistro Bloom之前未食過就比個機會佢啦。佢個lunch有就禁set lunch同埋semi buffet lunch。由於唔大食，所以我同友人就揀左set lunch試一試便知龍與鳳👀環境都算好，但要預比較多遊客，唔足夠人手，所以連水我都自己斟啦作為一個fish and chips既愛好者，嚴重唔收貨，個fillet差過麥當當果份魚柳，無魚味，啲薯條都唔夠熱而且偏實身🙈朋友話係citysuper買盒返屋企焗都仲可能好食啲🤔由於第一樣已經太差，搞到第二樣已經唔記得影相🙈😂 依個都係set lunch既 xx天使麵，個麵冇汁定唔知索曬啲汁，anyway冇咩味道可言同埋好乾😅個set lunch甜品得個甜字，完。總括而言，餐野唔係唔食得人，但如果對食物有返少少要求，就應該唔會揀佢🤔

今日要同某人慶祝（還是搵藉口亂慶祝吧！），所以就去左Langham13樓搵野食。哩層一直感覺上都比較高檔，價錢偏貴，所以食物理論上質素都係比較好（理論上咋！）。機緣巧合下就去左間新開既餐廳試一試。佢有semi buffet等選擇，感覺上都幾新鮮，驟眼望餐廳都有頗多人選擇semi buffet，不過最後我同某人就選擇咗個龍蝦餐，因為佢話係有買一送一優惠，即係658包2人份量。先來既係海鮮拼盤，有面包蟹，青口，蝦等海鮮，但抱歉，成盤海鮮都係無味，反而蟹腳都有少少鮮味，其他係宗全無味呀，感覺係唔知自己食緊乜。接住係2個頭盤，點咗三文魚沙律（忘了拍照）同鵝肝。個三文魚沙律只有薄薄幾片，亂放响一堆菜上面，請問可否花多少少心思，例如將三文魚卷成一朵花既模樣？不過果幾片三文魚可能係太薄，捲都捲唔起吧…另一款鵝肝，睇相都知，黑過舊炭，食落去，哇！咁鹹嘅！下面仲要配蘭度豆，不如配塊toast吸一吸油吧，同埋可否唔好咁鹹？終於去到main course。哩款係和牛拼大蝦，都係全晚最正常既一味。個和牛整得不錯，大蝦食落都係新鮮材料。至於另一個龍蝦拼鱈魚柳，個龍蝦都還可以，可能有sauce調一調味吧，至於個鱈