Bellevue Bar and Grill (已結業)

唔上到黎都唔知原來旺角有間隱世餐廳🍴係可以俯瞰油尖旺景色，第一次係高空欣賞呢個景色，都別有一翻風味，仲要當日咁岩落雨☔️又係一個新體驗。🐒是日精選餐湯(忌廉甘筍薑黃湯)及精選甜品(黃桃慕絲)💰$32 🐒牛油果醬吞拿魚沙律💰$36佢全部前菜都可以俾你自由combine，所以如果你唔岩個餐湯都可以選擇只要沙律🥗甚至只要主菜都無問題👍🏼。🥕特別想講下個湯佢真係用甘筍打成蓉，所以飲落係又smooth又濃郁。🐒香辣牛臉頰肉燴羅勒長通粉💰$118牛臉頰聽就聽得多，但食就真係第一次🧏🏻‍♀️原來牛味係相對重啲，而口感就係似牛腩一樣軟熟調味方面係蕃茄做底🌶少少辣好開胃。🐒炭燒美國安格斯西冷牛扒伴燒汁💰$238呢碟一上就見到啲格紋燒得好靚，我地request左7成熟，切落都仲係粉紅色，生熟程度拿捏得好好👍🏼配搭埋薯蓉一齊食🥔Perfect!!。除咗景色一流之外，呢到既職員都唔會俾人壓迫感，serve完你就會默默退下，當你有需要嘅時候又會好快反應到🥃同出面既高級餐廳一樣令我覺得好舒服❤️

🚩Bellevue Bar and Grill (旺角)我成日去現時點買Lulu豬同星之卡比💕每一次睇完都唔知食咩好，今日就有福啦搵到一間又有得打卡又好食嘅餐廳，餐廳位於23樓入到去仲有落地大玻璃😳佈置超級浪漫㗎，可以話係拍拖用餐勝地🤭〰️〰️〰️〰️〰️〰️〰️〰️〰️〰️〰️🌈是日精選餐湯 +$10今日係忌廉椰菜花湯，我自己第一次試餐湯好creamy，椰菜花味都幾濃郁，味道調校得好好唔會話好鹹😝清清地我自己超喜歡。🌈安格斯牛肉漢堡 $108太正了吧！冇諗過食呢個漢堡包食到成面都係肉汁🤣每一啖都有肉汁四濺。仲有一片半溶化狀態嘅芝士每一層都吸滿肉汁😍蕃茄同生菜都勁新鮮。安格斯漢堡調味剛好，好香牛肉味。🌈柚子忌廉汁燴扁意粉伴珍珠帶子 $118冇諗過柚子配忌廉汁咁夾，柚子汁勁開胃。🌈Earl Grey +$10伯爵茶味道超香，一上枱就已經聞到😳有配埋奶同糖，幾細心👍🏻🌈 甜品 +$10已經唔記得咗係咩莓，識落有少少似士多啤梨、藍莓同埋紅莓嘅混合體，慕絲勁正😋

係旺角做完野，一個人上左去呢間西餐廳「Bellevue Bar and Grill」食個lunch。餐廳係一間勁有情調既西餐廳，有落地大玻璃，位於23樓頂樓可以１８０度飽覽九龍群山及城市罕有美景。餐廳環境寬敞，佈置浪漫🌹同另一半生日黎慶祝一定好開心🥰店員服務好細心同有禮貌，無論食物環境，同埋服務水準都好高💯精選餐湯🥣精選甜品🍮藜麥羽衣甘藍沙律🥗 （加$33）～ 餐湯係甘荀湯，清甜而味道濃郁，加左黑胡椒，味道更昇華。～ 藜麥羽衣甘藍沙律，羽衣甘藍同埋沙律菜非常新鮮爽口。主菜 ~ 香煎雞扒伴泰國露筍 🐓 $98 ～ 雞扒好夠份量，煎得非常香口，入味又夠嫩滑，配菜好豐富又健康，有泰國露筍，薯仔，青椒，黄椒，野菌同豆角都好新鮮😋餐飲 ~ 菠蘿薑茶 🍍(加$15)～ 呢杯飲品好特別，賣相已經好吸晴，即叫即制，真材實料，有大量的菠蘿粒同埋薑粒。薑茶充滿好濃好香的薑味，加埋甜甜地的菠蘿粒，原來係好夾，飲完仲全身暖笠笠😚是日甜品 ~ 香梨慕斯 🍐～ 香梨慕斯味道微酸，面上有乾橙片，草莓，藍莓，仲有片朱古力，入口香滑🤤📍Bellevue Bar and Grill旺角彌敦道558-560號譽發廣場23樓

💖 Bellevue Bar and Grill (旺角)✨旺角彌敦道558-560號譽發廣場23樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️節日唔知去邊度好？可以睇吓 #Gladys節日餐廳精選 其實我自己係好有儀式感嘅人嚟㗎，所以大時大節一定要去食餐好嘅慶祝吓😋呢間餐廳嘅窗口位落足心機去佈置🌹好岩打卡📸❣️溫馨提示大家呢度嘅冷氣比較涼記得帶外套💖-是日精選餐湯及甜品 +$20忌廉椰菜花湯🥦:餐湯唔會太稠，口感綿滑，勁香椰菜花味，面頭仲有兩粒焗好嘅蒜蓉包粒🥖，蒜蓉味香濃😍咸咸香香👍🏻士多啤梨慕絲杯🍓:上面有士多啤梨、藍莓、同埋香橙，全部都勁鮮甜。慕斯中間仲有海綿蛋糕😝-安格斯牛肉漢堡🐮 $108淨係講個薯條已經係熱辣辣新鮮上枱😍每一條都脆卜卜。呢個安格斯牛肉漢堡比我預期中好食10,000倍，冇諗過佢啲肉汁滲透到每一層🍔直程連最底嗰層麵包都充滿肉汁😍鬆軟得來又脆口，最底層同埋最面嗰層包皮都有經過烘焙，仲搽咗少少牛油，食落好香牛油同埋芝麻味。蕃茄同埋生菜都勁Flash😋至於個主角就係安格斯牛肉漢堡，肉質唔會太實，超重牛肉味😍係我心目中係值100分😆-柚子忌廉汁燴扁意粉伴珍珠帶子🍝 $

旺角彌敦道有間高級西餐廳，餐廳係23樓，可以用個高角度望下旺角鬧市，估唔到係旺角都有間咁靚同咁好feel既西餐廳。假日黎到有個假日menu，叫左香辣牛臉頰肉燴羅勒長通粉同埋炭燒美國安格斯西冷牛扒伴燒汁，跟set可以自己加配餐湯或者沙律，咁我就叫左蒜香墨魚仔伴蕃茄油醋汁。先講前菜，有餐包，個蒜香墨魚仔伴蕃茄油醋汁好好食，有五、六舊墨魚仔，再有沙律菜係底配埋醋汁，開胃到爆。主菜既香辣牛臉頰肉燴羅勒長通粉，份量都多，個茄汁底好香濃，辣到係小小小小辣，如果辣啲仲正，牛臉頰好林同牛味好濃。另一個主菜係炭燒美國安格斯西冷牛扒伴燒汁，果然貴係有道理，西冷牛扒好林，絕對冇韌肉，小小油香，六成熟岩岩好，三兩下就ko左碟牛，仲有薯蓉喺底，一定要嗌。環境真係好舒服，餐廳都係高層位置，而且可以飽覽旺角嘅景，食物會慢慢上，一個一個菜咁serve ，員工又好nice ，細緻到餐具安排都會配合番嗰度菜，個用餐過程好舒服，而家食物質素都高，個set仲有餐湯、甜品同餐茶。一個set咁多野食又有咁既環境同服務質素，值回票價。

🔥Prime Rib Eye with Onion Rings ($378)肉眼扒配洋蔥圈Medium rare肉眼扒煎得恰到好處，牛排不算厚，但肉質香嫩，表面焦香，配上薯蓉雜菜和洋蔥圈，非常滿足。-🔥Moussaka ($168)素焗千層麵每層千層麵中夾有蘑菇、蔬菜、紅白醬汁，更配上邪惡芝士在表面！-🔥Baked Alaska ($98)焗火焰雪山驚艷的火焰雪山，光是上菜已經令人眼前一亮蛋糕雪糕體表面鋪上燒焦的慕斯蛋白，再在上菜時淋上點了火的白蘭地酒。不過要注意，這個甜品尤其吃到底部，浸到越多酒，如果不能喝酒的就可以嚐嚐其他甜品了。-🔥Chocolate Molten Lava Cake ($98)朱古力心太軟不令人失望的朱古力心太軟！熱烘烘而流心的朱古力心太軟。配上精緻擺盤，吃得很開心。-🔥Tropical ($68)超推薦，熱帶風情鮮果茶，非常清新。-餐廳坐擁旺角高層開揚景觀，配合浪漫裝修，食物飲品用心製作，而店員十分友善專業。

餐廳佈置浪漫有情調，高層落地大玻璃上面掛住巨型心心玫瑰花擺設，啱晒情侶拍拖。環境夠靜，侍應服務都好周到。連餐前餐包都唔係普通嘅，有兩款分別係葵花籽+粟米 同埋 黑橄欖👍🏻烤美國豬肋骨 $258肉質軟腍，一切落去就已經好易分開晒，上層抹左一層甜甜嘅燒烤 醬好惹味，一啲都唔膩油封鴨脾肉燴意大利飯 $198鴨肉係撕成肉絲拌喺意大利飯入面燴，啖啖都係鴨肉香味，意大利飯都唔會太腍，啱啱好烤緬因州龍蝦尾伴龍蝦汁扁意粉 $238呢碟我係覺得最好食嘅，成隻手掌咁長嘅龍蝦尾爽口又彈牙，龍蝦汁都好濃郁，意粉亦相當掛汁，滿口滋味

係旺角既鬧市 原來都有靚景 可以chill 住食野既地方 係大廈既最高層 餐廳既設計感覺入左酒店西餐廳咁 雖然位置吾算大 但都有好有空間感因為book 左位安排左比較入既地方好有私人空間平日午市有lunch set 揀 除左主菜 前菜、甜品都可按自己喜好去揀揀左前菜藜麥羽衣甘藍沙律每個餐仲有餐包跟 黎到熱辣辣沙律好fresh 好開胃 主菜柚子忌廉汁燴扁意粉伴珍珠帶子 $118我第一次見意粉配柚子汁 所以揀黎試下 估唔到食落去除左清新外 柚子同忌廉汁好match 有咸有甜既感覺 啲汁包住意粉一齊食好好味配埋菇類同帶子 好食得來吾會覺得膩最後配埋杯餐飲 享受住靚景 完全唔想返公司做嘢呀不得不提嘅員工服務好好每樣野黎既時侯都serve 得好細心而且會問返客人意見 好貼心

It simply makes no sense to ask for doneness of a 1cm thick steak. The dry aged steak had no dry aging flavor at all. I would suggest them to remove these wastes from their menu. It is possible they cheated with normal meatSeasoning of salads is nothing but sweet.Pricing was ridiculously high. You have much better options than this restaurant.

餐廳感覺好岩情侶食飯，除左位於高層有落地大窗可以望到景之外，仲掛起大大個用玫瑰花砌出黎既心心，唔知以為有人求婚喔😍雖然今晚我地2個女仔食飯，但都鍾意呢到環境寧靜夠曬chill，可以一路食一路吹下水>>>首先侍應擺低左啲餐包，同我地介紹左一個加左葵芝籽+栗米，食落會有少少甜。另外一個就係black olives，連個包都咁講究既😎烤美國豬肋骨 $258侍應教我地將舊豬肋骨反返轉黎切會易切啲，啲肉一撕就骨肉分離，配埋個燒烤醬好好味😋油封鴨脾肉燴意大利飯 $198侍應有問我地個意大利飯想淋身啲定硬身啲，我地揀左硬身啲，食落有口感啲呀嘛。鴨脾肉撕成絲，有鴨香味，每一啖都食到鴨脾肉同芝士，好有飽腹感🤰🏻烤緬因州龍蝦尾伴龍蝦汁扁意粉 $238呢個係當晚最愛🤤一上枱見到個龍蝦尾咁大條已經嘩左出黎！賣相超吸引！龍蝦食落係新鮮彈牙架🥰個意粉都好al dente 好掛汁，真係好好味呀😋😋而呢到service都好好，侍應好有禮貌，個碟一污糟又即刻幫我地換👍🏻下次再黎食下先，一定要試下個烤緬因州龍蝦尾伴龍蝦汁扁意粉，真係念念不忘！

今天到了旺角一間高空又浪漫嘅餐廳食中午飯，環境非常之浪漫，好有現代化，裝修又靚，又有品味，非常之浪漫。又近地鐵站，又方便。價錢都算合理，喺旺角咁熱鬧嘅地方，有間咁靚又浪漫嘅餐廳，真係非常之好。是日午餐精選，二百幾蚊就有前菜,餐湯,甜品主菜,價錢非常之抵。餐湯係蘑菇湯，好香濃，入口即溶。吞拿魚沙律，好清新，又有蕃茄仔，成個感覺好友田園嘅風味，新鮮爽脆。呢個係墨魚仔沙律，墨魚好爽脆，再加上酸醋，成個感覺好清新特別。呢個係燒汁雞扒，好香嘅燒汁味，配上燒得好香脆嘅雞扒，醬汁都好濃郁，非常之好味。檸檬餐飲，都好好味。士多啤梨布甸，賣相好靚，食落去都好有口感，同埋士多啤梨都好新鮮，紅妹都好新鮮。值得推介

今日約左個客未夠鐘，仲有好多時間可以食個靚午餐chill住等，係油麻地搵左呢間西餐廳，好似好得咁喎。好，坐低睇下有咩好食先。香烤雞肉伴牛油果，叫午餐可以加錢跟set，呢個沙律幾新鮮，份量都唔少，沙律菜用咗黑醋，酸酸甜甜幾開胃。餐湯係南瓜忌廉湯，夠濃稠，有幾點麵包粒，店員會細心問你要唔要黑椒。餐包好軟熟，個牛油好香。野菌意大利飯伴芥茉牛脷，個意大脷飯好煙韌，加上野菌忌廉汁，每啖都好濕潤。牛脷煮得好腍，而且厚身，食落有口感，個芥茉醬仲可以提升味道。是日甜品係藍莓mousse，上面水果唔酸，個mousse唔太甜，而且口感好柔滑。

餐廳位於油麻地旺區,坐立23樓可以飽覽呢一區嘅風景,甚至遠眺港島西區一帶,靚裝修加靚景,而價錢合理,今次黎慶祝520啱啱好🤣烤美國特級肉眼伴脆炸洋蔥圈Grilled U.S. Prime Rib Eye w/ Crispy Onion Rings $3783成熟既肉眼排肉質較幼滑,油花豐富,咬落juicy,而表面烤到焦香,十分惹味🤤而洋蔥圈即炸做出金黃香脆,可借只有3件,實在唔夠喉😂焗素菜千層面Baked Moussaka $168本身以為係希臘式既Moussaka,turn out比較似lasagne(就差茄子、馬鈴薯).好彩都達到一定水準,食得滋味🫢朱古力心太軟Chocolate Molten Lava Cake $98即叫即整既心太軟時間掌握得啱啱好,流心效果有如瀑布般,香濃既朱古力甜絲絲,超級推介😍

今日晚飯兩個人食好西，一入到餐廳見到每一塊玻璃都貼左一個用玫瑰🌹砌嘅大心心，好浪漫💕，我地叫到成枱都係第一道菜：油封鴨脾意大利飯$198用左好多油封鴨絲撈落個飯到，好足料好有鴨味。個意大利飯煮得夠冧，好岩香港人口味；第二道菜芝士脆炸薯條$68係用芝士粉曬落個薯條到，再烘熱佢，好香嘅芝士味，薯條係粗身一咬落去係成口薯條嘅味道，重口味嘅朋友岩晒；身三道菜：Bellevue 安格斯牛肉漢堡$168塊牛肉好厚身好juicy ,塊麵包同塊牛肉比例好好，唔會搶左牛肉嘅味身四道菜：墨西哥粟米片伴酪梨醬及酸忌廉$98薄薄嘅粟米片加上牛油果酸忌廉醬簡直絕配，我最鍾意薄脆，唔會搶味，可以食到多啲醬😍😍😍最後甜品朱古力心太軟$98擺得好靚，花花朱古力點綴，加埋個環境，好岩女孩子打卡🥰🥰🥰Tropical $68清清地，微微果酸，唔係假味，分量足，好好飲😘😋😋Strawberry cream $68呢個朋友試話士多啤梨味濃，同有滑滑奶香，都值得一試😙😙😙今晚呢個晚餐係浪漫而享受嘅一餐

返工嘅時間總有轉眼即逝嘅感覺，原來已經係上星期同朋友嚟旺角呢間樓上餐廳食飯。好彩朋友介紹，先發現原來旺角高層都會有唔錯嘅西餐食㗎。而且喺餐廳你仲會望到南丫島添，個景都OK，不過我就唔係坐望海嗰邊，而係坐望大街嗰邊。餐廳環境嘅裝修風格就唔係我取向，但嘢食先最重要對吧睇睇個餐單，晏晝真係好抵食喎，同朋友叫咗墨魚仔半番茄油醋汁作為前菜，main course就叫咗牛肉漢堡伴薯角同是日餐魚伴香草忌廉汁。嘢食上到嚟，賣相都幾靚仔㗎，吸引吸引。飲品方面，朋友叫咗杯類似水果茶嘅嘢，而我就梗係飲Cocktail啦，Orange vodka tonic，感覺上只要有橙嘅酒類俾人感覺都好Fresh，味道又真係幾好。飲埋酒買單五百幾，算幾抵食啦。