Bellevue Bar and Grill (已結業)

第三次上黎食Lunch，因為環境優美，23樓高層＋兩面落地玻璃超光猛，好天一定更enjoy$58 是日餐湯＋甜品＋牛油果吞拿魚沙律餐湯係大蒜薯蓉湯，好滑，忌廉感唔重，不過大蒜味真係飲唔出牛油果吞拿魚沙律唔見牛油果，可能可左入吞拿魚入面成為沙律醬一部分🤔比較普通$108 Free-flow Wine，酒嘅質素中等，氣酒比較好飲，係Prosecco白酒係Chardonnay，偏甜有少少奇怪。而店員有禮貌，服務貼身，添酒速度快安格斯牛肉漢堡 $158漢堡包大，漢堡扒就比較細，都有厚度，唔算juicy，肉味濃香煎是日餐魚 $188是日賣龍利柳，佢做法似乎有少少似文也龍利柳，多汁軟嫩香煎美國豬扒配焦糖蘋果 $148豬扒好薄，比較乾同柴個汁煮得唔錯，配返豬扒一流燒雜菜野菌南瓜意大利飯 $98雜菜用扒爐燒過，有啲碳燒香氣，意大利飯煮得非常啱我口味，少少煙韌口感甜品細細杯，Raspberry Mousse，魚膠感重，實左啲

旺角比較多樓上cafe，如果要數到比較高級嘅西餐廳，似乎比較少。這間餐廳位於旺角譽發廣場23樓，頗高層，有不錯嘅環境，而且座位舒適，也有浪漫嘅佈置，今日試一下午餐。可選擇加錢點前菜，我沒有，服務員放上一個烘熱了嘅餐包，配上牛油，牛油溫度適中，而且比平常嘅幼滑。❤️炭燒美國安格斯西冷扒伴燒汁 HKD 168 - 我點了medium rare，牛扒嘅份量不多，配上一些雜菜和薯蓉。牛扒我喜歡首先吃一口原味，然後搭配芥辣醬享用。牛扒比較多根位，可能我叫得比較生，或者部位問題。❤️咖啡(餐飲) - 咖啡比平常西餐廳嘅香，而且奶也是打起泡的，有花心思。總括這間餐廳環境舒適，服務員也十分親切 ，經常留意到客人需要，主動問客人需唔需要拍照，十分貼心。我覺得如果想喺旺角找一個寧靜嘅地方傾計，這裏誠意推薦。

難得隔離措施放寬同好友幾個月都冇出街食過飯，專登揀咗旺角2間餐廳，2選1都可以揀到呢度真係整定🥹🍺 啤酒餐廳係只供應手工啤酒，口味人人唔同估唔到嘅，有一隻extra white 口味似64果類淡啲輕香還不錯😌首先一如以往，我地都係叫D大路菜式，先來個凱撒沙律，坦白講就算冇要求都應該唔會太欣賞，冇切塊狀生菜上有少少唔脆林林地煙肉冇色水冇味😌芝士薯條同我天真嘅內心有少少分別（我心入面構圖係薯條上面有一督芝士醬）👉🏻👈🏻實際係炸薯條上放少少可能係芝士粉嘅東東，聞到但食唔出嘅😅跟住煎鵝肝，嚟到唔係熱嘅，你明明見到佢有煎過咁嘅樣但係好似放耐左微波爐叮翻出嚟咁，些少油份都冇，4人每人半件😑之後係煎銀鱈魚，上枱似炭燒咁灰灰地，聞到有少少漂水味，試入口冇怪味冇油份連輕微滑嘅感覺都冇，好彩塊皮小脆但舊魚真係幾失望😞，最後就係M5 牛10安士 七成熟，價值$590！我唔食牛唔知味道，淨係好似幾奀皮，見朋友切到手軟，切埋得10小件左右，3人食咗一半就停手😖最最後係煎羊架，我自己要求熟啲，嚟到呢度已經唔會太大期望，過咗幾個月冇出過街食飯，唔知依家啲西餐係咪改咗模式，完全唔熱凍嘅，我老喇，生冷野唔係好啱，埋單呢

難得開返晚市，約埋朋友食飯 ，點解可以所有野都咁難食 🤬首先 凱撒沙律 可能我孤陋寡聞 從來未試過原條上 ，一碟有大5條 好似五隻紙摺船仔咁 ，薯條 所以一啲都唔鹹 ，餐牌寫芝士薯條 原來只係炸完嘅薯條沈左啲芝士粉落去 ，鵝肝唔熱 、牛扒唔熱、魚唔熱 係點架 ？！你價錢平我都可以唔計較，但係你唔係囉😤可以連啤酒都難飲 你好野 👍🏻

之前食過呢間既晚餐招牌風乾牛扒，幾好食不過因為＄問題，只可以間中享受下！今次想試下lunch set,因為係平日又唔係街鋪在大廈第23樓所以比較隱蔽人唔多，坐定定，落地玻璃令我一眼可以欣賞到成個旺角太子，低頭一望平日繁華噪雜既彌敦道變成條小徑，咖啡控嘅我即刻叫咗一杯即磨齋啡，索到咖啡☕️既濃香味欣賞遠處既⛰️景，高級茶餐廳嘅價錢可以食埋咁有儀式感既西餐，令我分泌咗勁多多巴胺😊最後提醒🔔下OpenRice 訂餐，中午主菜7折優惠喲

沙律餐湯都很好吃😋主菜也不錯，因在open rice book位 有7折優惠漢堡肉質有一浸煙熏味👍👍👍安格斯牛扒七成熟有少少靭，可接受～主菜有七折整體性價比都算高，會再去💓

踏入三月嘅尾聲，身邊有好多朋友都係白羊座，即係代表要搵餐廳同佢地慶祝生日。身邊嘅親朋好友都向我推薦呢一間位於旺角譽發廣場23樓嘅西式餐廳「Bellevue Bar and Grill」。入到去餐廳就見到有一塊好大嘅落地玻璃可以宏觀到成個彌敦道嘅街景，亦都欣賞到個天由黃昏漸漸地轉成漆黑嘅色光，係一間有情調嘅餐廳。餐廳嘅周圍都佈滿左有藝術氣息嘅裝飾或畫作。牛扒甜美多汁，生熟程度可供客人選擇，而五成熟就剛剛好，加上油花分布集中，令到牛扒嘅色澤光亮，口感外脆內軟。向餐廳訂咗嘅時候，預先同職員講有朋友生日，餐廳就喺碟上用朱古力醬手寫Happy birthday to（朋友名），感覺上親切溫馨。

📍Bellevue Bar and Grill旺角彌敦道558-560號譽發廣場23樓味道 🍽️🍽️🍽️🍽️價錢 💵💵💵賣相 👀👀👀👀環境 💒💒💒💒💒服務 🛎️🛎️🛎️🛎️🛎️私心覺得譽發廣場全部餐廳都好高質素 呢間西餐廳可能係最好嗰間添 唔單止食物高質 個景都超靚 可以高空180度睇曬成個旺角城市景 黃昏時間仲正 可以睇埋日落 超級無敵浪漫😍😍😍 講番食物 餐廳set dinner每位400至500蚊 平日午市嚟食會抵啲 一道主菜同飲品連加一最平100蚊有找 最貴都唔過200蚊 而前菜同甜品係另外加配 亦只需要20至30蚊 仲有值得一讚嘅係店員服務好好 主動將食物分成兩份比我地share食 同埋好有耐性咁幫我哋影相 所以總括嚟講 呢間西餐廳嘅食物&環境&服務真係冇得頂👍👍

香煎魚配香草忌廉汁魚煎得幾香 魚皮脆 魚肉滑 配菜薯餅都不錯👍🏻份量就較小，因為魚都較薄，細塊💰HKD$188是日精選甜品 士多啤梨蛋糕擺得幾靚 但味道就麻麻，似麵包舖西餅💰HKD$32 （lunch set加配）環境幾靚，係高層大廈Bellevue Bar and Grill (旺角)旺角彌敦道558-560號譽發廣場23樓

前排好忙， 一直都喺屋企多，好耐冇出去😗 早幾日終於放監 ，出去同個朋友食個lunch😜 去咗譽發廣場嗰度食😍 其實呢個廣場入面都好多嘢食㗎☺️😗 今次又去咗呢到， 呢到都環境好闊落，好適合一大班人過嚟食嘢✨BELLEVUE BRUNCH MENU 假日早午餐精選🔻 (逢星期六、日及公眾假期供)🔸1+2. $58🔸2+3 $68🔸1+3 $65🔸1+2+3 $91🔸是日精選餐湯 $32當日飲嘅湯係蕃茄牛肋湯🍅 飲得出係唔係罐頭嗰啲蕃茄湯，係真係自己煲出嚟嘅， 啲料都好足🤪😜 番茄嘅鮮味都好出🤗◈◈◈前菜◈◈◈🔸 牛油果醬吞拿魚沙律 $36🔸 蒜香墨鱼仔伴蕃茄油醋汁 $44作為前菜， 有小蕃茄再加埋啲醋調味， 食落好醒胃， 蒜香墨魚仔🐙都好新鮮 ，好有咬口☺️😗◈◈◈主菜◈◈◈🔸香辣牛臉頰肉燴羅勒長通粉 $118長通粉軟硬適中 ， 食落口煙韌度好好❤️ 不過佢個汁就會辣少少， 因為我自己就唔食得辣嘅， 多汁既， 但係食落口好惹味🤪個人泥講， 我都好鍾食🤪P. S 意大利般意大利麵採用正業拆統烹調方法、較硬，如需要較軟身， 可以同staff講聲就ok😇🔸安格斯牛肉漢堡伴香辣

上星期去左頂樓全景餐廳Bellevue & Bar & Grill chill住食lunch😌 適逢剛過左情人節無幾耐，餐廳依照掛住浪漫裝飾😍 由玫瑰花拼成既大心，好靚！我地今次就一人一個set lunch..🍔安格斯牛肉漢堡伴香辣薯角🦐意式香草燴海鮮伴奶油薯蓉🥑牛油果醬吞拿魚沙律🐙蒜香墨魚仔伴蕃茄油醋汁🍲餐湯 - 南瓜忌廉湯 及 餐包🍮雜莓奶凍☕️咖啡 （一熱一凍）..安格斯牛肉漢堡好好食！安格斯牛肉好厚，肉味濃郁，口感豐富，配埋半溶芝士、生菜、蕃茄同醬汁超夾！值得食😍 意式香草燴海鮮幾特別，海鮮有蜆肉、魷魚同青口等等，配以肉醬醬汁，撈埋薯蓉好好味🤩 薯蓉落左奶油好香好creamy!..兩款沙律都好fresh! 自己就鍾意牛油果醬吞拿魚多d! 好多份量😋 南瓜忌廉湯好滑，唔錯！雜莓奶凍賣相好靚🌸有花花朱古力，奶凍好香濃牛奶味，都唔錯！最後嘆返杯咖啡就完美😎..呢度環境好正！無論情侶定三五知己都適合，仲更適合一班朋友來，就算分開坐，位置都好充裕

上個週末同友人去左呢間勁有情調既西餐廳食❤️呢間西餐廳位於23樓，有落地大玻璃，可以飽覽旺角鬧市景色🤩餐廳環境寬敞，佈置浪漫，同伴侶黎撐枱腳一定好開心🥰另外，呢度既服務都好高水平，店員除左好勤力加水之外，仲好細心同有禮貌，感覺自己有少少似去左酒店用餐咁🙈今次我地叫左個weekend brunch😚我覺得以呢個咁靚既環境，又冇限時，價錢好合理🥰🥖餐包餐包鬆軟，仲可以搽埋自家製既牛油🧈🥣南瓜湯南瓜味好濃稠，入口香滑，上湯時店員仲有體貼問加唔加胡椒粉，加埋胡椒粉更加香口🥰🥗牛油果醬吞拿魚沙律好新鮮既沙律菜，配上大量牛油果醬同吞拿魚，味道好夾😝🥗蒜香墨魚仔伴蕃茄油醋汁呢碟沙律加入左黑醋汁，味道酸酸甜甜好開胃，仲有墨魚仔咬下，幾彈牙😋▪️安格斯牛肉漢堡拌香辣薯角可以request切開一半，方便兩個人share食😋Burger超足料👍漢堡扒好厚切，咬落去有肉汁，好重牛味，配埋蕃茄、生菜加蛋黃醬，口感同味道豐富👍薯角份量多，有少少辣，同埋熱度都keep到一段時間，好香脆惹味！▪️意式香草燴海鮮伴奶油薯蓉第一次試呢個配搭😆海鮮材料好豐富，有青口、蝦、魷魚等等，食落好新鮮爽口🤩薯蓉充滿奶油香，有入口即溶既感覺

行街行到好攰，之前聽朋友講旺角有一間好靚嘅西餐廳，於是就去試吓！上到去，真係好有驚喜，估唔到喺鬧市之中會有一個咁嘅地方，真係有居高臨下嘅感覺！嗰度嘅侍應態度好好，好熱情咁同我啲介紹唔同嘅菜式。見到我哋影相，主動幫我哋揸機，仲同我哋介紹邊一個地方影出嚟會好靚，因為餐廳有唔同嘅打卡位！我食咗一個炭燒加拿大豬鞍扒，呢個豬安係我食過最滿意嘅豬鞍扒，完全冇浪費高質嘅豬鞍，軟林多汁肉汁豐富，唔似其他餐廳煮到又乾又鞋！仲叫咗個烤香草帶子伴蟹肉甜粟意大利飯，帶子煎到半生熟，大大隻，好嫩！而意大利飯朔晒粟米同蟹肉嘅香味，鮮甜有層次，個賣相仲好靚添！甜品方面，叫咗個心太軟，超級有驚喜，擺碟就已經好靚呀，好適合打卡，一切開入面朱古力流心流晒出嚟，完全做到外脆內軟！

未入門口見到牆已經覺得好吸引入到去見到個氣氛環境覺得好浪漫事關落雨關係，店員仲好細心咁同我講幫我收起把遮，食完之後仲記得拎返把遮俾我哋🤣午餐有lunch set前菜可以揀 ，我哋揀咗1+2+3即係有餐湯甜品，牛油果醬吞拿魚沙律，蒜香墨魚仔半蕃茄油醋汁沙律菜醋汁好甜 ，令到成個沙律食落更易入口，而墨魚仔好食好爽口😋餐包好香百里香味道，令到食包都有特別感覺。餐湯當天係南瓜忌廉湯香辣牛臉頰肉燴羅勒長通粉 $118好耐冇食過長通粉，而且好少食到辣嘅通粉，食落幾開胃，仲有好多芝士，足料到爆香煎是日餐魚伴香草忌廉汁 $188是日餐魚係銀雪魚，嚟到嘅時候見到有薯蓉已經覺得深深吸引着我。我忍唔住即刻試吓佢，薯蓉好滑，魚就外脆內軟，食到尾嘅時候愈食愈入味，佢伴碟嘅忌廉汁都好香因為揀咗前菜A, 除咗有餐湯仲有個甜品。甜品係靚靚嘅布甸，好睇又好食😋呢間餐廳極度建議情侶慶祝黎，因為真係好靚，而且食物味道唔錯，價錢唔算貴

易家疫情越嚟越嚴重 大家堂食要更加注重衛生 今次難得約到朋友岩時間食個lunch 就揀咗喺旺角嘅呢一間西餐廳 貪佢地點方便同見啲野食相都好唔錯見到呢間餐廳好用心咁做足防疫措施 尤其見佢餐具會高溫消毒 所以都放心啲去食 我哋大概兩點先去到嘅 相對人流就比較少 個環境都比較清靜舒服一坐低職員就即刻同我哋update左餐牌嘅改動我最後就揀咗香煎是日餐魚伴香草忌廉汁($188) 今日係鱈魚 另外再加配咗餐湯甜品同前菜吞拿魚沙律($58) 朋友就揀咗Ribeye steak 伴燒汁($238)一開頭就會上餐湯餐包同前菜 今日嘅餐湯係南瓜忌廉湯Staff好nice 因為我哋淨係叫咗一份湯 佢哋主動問洗唔洗分兩碗 上 又會問需唔需要黑胡椒 好貼心湯質地偏流質 唔會太濃稠 簡簡單單帶有南瓜甜味 餐包送上嚟有溫度 唔會冷冰冰亦都夠軟熟沙律菜新鮮配上黑醋同吞拿魚 非常開胃香煎是日餐魚伴香草忌廉汁鱈魚皮煎得夠脆 唔會有鱗 係最重魚脂香嘅部分作為平時唔主動食魚皮嘅我都覺得好食魚肉夠滑得嚟唔會太散唔會太熟食煎魚扒嘅好處係唔洗怕有骨 可以放膽大啖食份量就比較適合女生 大食男士食就未必夠朋友嘅ribeye stea