반찬앤쿡 Banchan and Cook (東薈城名店倉)

營業中

休息中

食物味道OK的 蛋包飯嫩滑 就是服務真是不得點了海鮮餅 配的醬料是辣的 提出有無醬油或者魚露 被告知店裡面沒有這些 我話小朋友不能吃辣 服務員表示只能這樣 wow 咁的服務意識⋯⋯⋯

雖然間餐廳好多地方都有分店，但估唔到第一次食竟然係入嚟東涌。因為同朋友揀平日食，outlet人流唔多，餐廳大把位置坐，不過依間餐廳裡面嘅位比我想像中少，空間唔算好大。反而見到比較多人係外賣，見佢外賣做緊優惠比較抵食。餐牌主食主要係蛋包飯，同朋友3個人每人叫左一碟蛋包飯，另外再加多左半份無骨炸雞。但不得不提，餐點嚟到真係有啲出乎意料之外，估唔到原來佢食物分量係咁多。烤牛肉蛋包飯($98)送到檯之後侍應會幫手切蛋包飯，如果想影相打卡的話可以同佢講聲，佢會等影完再切。只可以講依個蛋包飯真係超大碟，除左牛肉之外仲會有沙律菜拌碟，最欣賞嘅佢蛋包飯唔係齋白飯，而係有用豉油調味過，裡面仲夾雜左少少蔬菜，配埋滑嫩嘅蛋真係唔錯。而且覺得牛肉嘅分量都多，啲汁食落都夠濃味，非常適合撈飯。醬油蒜頭炸雞($108)叫左半份炸雞share，但無諗到分量原來都頗多，大概有8件炸雞左右，而且裡面加左年糕同薯條，望落已經覺得吸引。炸雞口味都係比較偏甜，覺得幾惹味，啱哂我口味。另外要大讚嘅係薯條，炸得好香脆，好好食！我瘋狂食左好多，不過年糕反而就麻麻地，口感方面差左少少比較偏硬，如果再煮淋少少會更好。但同朋友嚟食嘅話，非

入座前問咗一位職員堂食有冇8折，佢話冇打折，结帳後發现住户及機場員工有八折，但餐廳員工指我冇出示證件，所以不給予優惠，我已經聲明入座前已經問過員工話冇優惠，咁即係員工唔老實，之後亦都冇俾返個優惠我，呢啲咁嘅員工可以炒得啦，咁吾老實，仲要連個主管都一齊同流合污……😓😓😓為咗幾十蚊得失個客，呢間餐廳老板真系要請過班職員，否则打幾多折都冇用……啲客以後吾黎幫襯！服務亦好一般，食完既碗碟又唔收，堆到一枱都係！食物偏甜，飲品淡而冇味！

🔅韓式炸雞~蜜糖炸雞拼醬油蒜頭炸雞夠香夠脆超邪惡，面層還鋪上少量炸年糕，外脆內軟; 底層就另有脆卜卜粗薯條，勁邪惡的組合，還不滿足嗎😋?🔅傳統紫菜包飯大大件爆哂料，清甜的紅蘿蔔同青瓜，配牛肉同蛋，好味又夠飽肚🤗。🔆濟州綠茶鮮奶🔆水蜜桃茶

呢日喺東涌outlet行到攰，朋友想食韓國料理，行過咁啱見到呢間就入去，之前都聽講過好食。叫左下面啲野食韓式蜜糖炸雞無骨半份 $128 呢個大推！超好食！有蜜糖之餘仲有芝士粉！味道好夾，好惹味！仲有薯條，同年糕添，正正正！泡菜豬肉煎餅 $98 呢個都好好食，個煎餅煎得幾好，上面有啲泡菜，都幾辣，加上佢個汁，真係一流！明太子慢煮雞肉蛋包飯 $132 呢個飯都ok，幾好食，明太子醬幾正，係個雞乾左啲。泡菜炒五花肉蛋包飯 $118呢個飯好食啲！因為佢個泡菜五花肉辣辣地好開胃！不過兩個蛋包飯嘅蛋都整得好好！炸芝士豬扒忌廉年糕 $125呢個就好一般，唔會再叫，年糕偏硬，重點係個炸芝士豬扒，咬落去，係冇肉，我唔知食緊乜。

今日同成班朋友去咗東薈城，六個人book左Banchan & Cook，本身唔特別好Korean food，book哩間純粹係因為假期怕其他食肆會好full，所以冇乜期望，反而又幾ok喎⋯Order左以下食物：部隊鍋拉麵：咁多樣食物當中，部隊鍋拉麵係最令我失望嘅，話晒部隊鍋都係Korean food入面嘅signature dish，雖然唔係齋部隊鍋，而係部隊鍋拉麵，但係個portion俾人嘅感覺都係偏少，除咗拉麵，只係得芝士、泡菜同午餐肉，而且湯底偏淡，賣相麻麻。黑毛豬面肉卡邦尼意粉：個意粉係好食嘅，不過卡邦尼係我嘅飛佛，煮得好普通我已經覺得好好食，所以不能作準。反而我冇乜點留意到個黑毛豬面肉，只係記得食咗啲好似煙肉咁嘅嘢，anyway都係好食嘅。韓式炸雞雙拼無骨一份：叫咗蜜糖同芝士雙拼，無骨平$10，仲有薯條同韓式年糕做配菜。我冇食到芝士炸雞，但係個蜜糖炸雞係好食嘅，不過可以再大嚿啲。意外驚喜係個炒年糕配蜜糖同芝士嘅醬汁係超級好食。烤牛肉蛋包飯：我本身麻麻哋蛋包飯，但係佢嘅蛋包飯加埋烤牛肉嘅汁又真係幾好食，最緊要係唔係好漏。海鮮煎蔥餅及韓式辣炒年糕：冇乜特別，煎餅就係煎餅，炒年糕就

一入去員工已經冇笑容，自己傾偈就開懷大笑一叫到佢一係就扮聽唔到，一係就黑住面過嚟，每次叫佢哋都係要叫兩次，最後食淨六件雞叫佢比外賣盒，點知俾最細嘅盒，根本放唔落，之後發現原來佢有大紙盒，只知唔細心，定係專登，成間嘢啲人超級冇禮貌

裝修好韓式cafe，吸引左入黎烤牛肉蛋包飯$98蛋包飯打卡上鏡，烤牛肉汁好濃味，好啱撈飯食！蛋正常，成碟飯我主要係食個汁就夠原味炸雞 半份無骨$108呢度嘅炸雞估計炸粉薄D，食落無其他韓式炸雞店咁香脆，但可能無咁熱氣？炸雞我覺得喺出面食好D啦，唔推😂溶化朱古力$42有驚喜，加左碎dark choco同薄荷葉，唔會一味得個甜度，if 再黎的話都會再叫泡菜煎餅$78一塊都幾大塊，就咁食其實有啲一般，點左酸辣汁就香口啲，唔推兩個人食左三碟叫多左，太飽🙉🙉

呢幾年成為左LULU豬既聯乘指定餐廳後🐽成個鋪頭既人氣即刻提升唔少🔥但熱潮過後仲維唔維持到水平呢？🦭🦭直接一句：「充分係間鋪頭感受到通貨膨脹」今次肥豹試左🦭1. 泡菜炒五花肉蛋包飯肥豹曾經係呢間鋪既最愛🦭以前個五花肉係一大舊五花肉用炮菜卷住，所以啲肉係充滿住泡菜既香味🦭但宜家得返啲五花肉片，泡菜還泡菜，肉還肉😢仲要價錢上由以前既$105加到去$148，成50%既加幅🤢三粒豹真係情義結，味道上真係得返兩粒豹🦭2. 炸芝士豬扒忌廉年糕好濃既芝士醬，真係每粒年糕(真係一粒一粒咁😂)都痴滿左😂本來就係好事黎既，不過好老實講佢個豬扒都係一樣既芝士味😂變相你成碟野都係同一隻味🦭食多幾啖肥豹都有啲受不了🦭豹言豹語:😢大佬好心唔好加到咁貴啦😢點食呀🦭

週末行吓開咗三年嘅東薈城二期 ，之後去Banchan and Cook午餐，試吓佢哋嘅韓國菜，同埋賣相唔錯嘅蛋包飯。環境方面，餐廳以灰色同淺木色調，另外仲有乾花佈置，感覺休閒，好有韓系Cafe嘅風格。當日點咗以下食物：泡菜炒五花肉蛋包飯上枱見到脹卜卜嘅蛋包飯， 店員會等食客影完相，再用餐刀將蛋包飯輕輕一𠝹，睇住半熟蛋漿慢慢流落去好治癒，雞蛋口感嫩滑，蛋香味十足，蕃茄汁炒飯嘅飯粒粒分明，味道層次豐富，旁邊嘅泡菜清脆爽口，味道酸酸甜甜，辣辣地，五花肉肥瘦適中，同泡菜一齊食好夾好惹味。炸芝士千層豬扒厚切豬扒有四件，豬扒炸至金黃色，口感脆卜卜，中間嘅芝士味濃郁，旁邊嘅沙律菜材料豐富，清新開胃，可以有解膩作用。韓式炸雞炸雞、年糕加埋薯條砌成咗一個小山丘，好有心機。炸雞有無骨選擇，味道方面揀咗醬油蒜香味，入口充滿香濃嘅蒜香味，外表炸得香脆，內裏鎖住肉汁，肉質嫩滑，另外配上脆口嘅粗薯條同埋煙韌嘅年糕，好有韓式風味。南瓜拉提米蘇拉提米蘇帶清甜南瓜味，甜度適中，夾心層蛋糕口感軟棉，兩個人一齊share啱啱好。溶化朱古力好香濃嘅朱古力 ，口感幼滑，上層有忌廉、朱古力碎粒同埋朱古力粉，造成漸變效果，朱古力碎

早排去開東薈城行街突然想食韓式炸雞，又去咗依間Banchan & cook,去到門口見佢哋個logo有個好得意嘅蛋包飯就知必食蛋包飯喇😋今次叫咗：燉牛肋骨蛋包飯 $162賣相好靚～店員細心詢問需唔需要影咗相先幫我哋𠝹開蛋包，個蛋包好滑好完美💯牛肋骨煮得好腍好入味，唔錯炸芝士千層豬扒（4件）$112芝士舖起豬扒上面幾夾，沙律菜落咗酸酸甜甜嘅和風沙律汁幾開胃蜜糖炸雞（無骨半份）$108無骨炸雞啖啖肉，皮脆肉嫩仲好多汁～薯條係粗薯條嚟嘅，新鮮炸起脆卜卜好好食🫶🏻南瓜提拉米蘇 $52南瓜味嘅提拉米蘇第一次食，南瓜味濃～整體唔太甜飲品方面叫咗：溶化朱古力 $42朱古力味濃，上面果層cream 同朱古力溝埋一齊飲好滑，口感好好伯爵茶鮮奶咖啡 $48伯爵茶味好香～咖啡唔算太濃，估唔到同伯爵茶味都幾夾，鐘意伯爵茶味嘅可以一試👍🏻

去東涌outlet，行行吓見到韓國餐廳，於是去試吓，餐廳簡潔，被安排坐卡位，感覺舒服。一坐下，侍應便遞上配菜。但不是泡菜，感覺有少少失望，不過蘿蔔和青瓜味道都可以。我們點了1) 燒牛肉面豬配黑蒜紅酒汁 - 以這個價錢，用這個質素，真的太失望😞，薯蓉用粉開的，唔夠Creamy，口感較硬，牛肉份量較少，不過味道還可以，亦比較淋。2) 泡菜豬肉煎餅 - 泡菜和豬肉份量均勻，泡菜味易重，不過就辣咗少少，因我只食到少少辣😅，呢個可以encore👍🏻3) 韓式無骨甜辣炸雞(半份) - 唔辣，少少甜，味道唔錯，薯條有脆口，亦有口感，不是空心。年糕熱嘅時候就唔錯，軟中帶煙韌，凍咗就比較硬。4) 伯爵茶鮮奶咖啡 - 伯爵茶味道欠奉，咖啡味道亦唔出

到了東涌的櫻花園，剩係捕捉到小小花瓣，但又意外影到好燦爛的宮粉羊蹄甲小花海，拍完好滿足來到東薈城搵食。呢間韓國餐廳的蛋包飯好出名，今次試吓佢嘅“燉牛肋骨蛋包飯”，蛋包飯同以往一樣咁吸睛，蛋半流心超嫩滑，一而牛肋骨燉得好腍，就咁用刀喐下，骨和肉就分開了，好易入口，味道調校得好平均，好正！“炸芝士千層豬扒”有“邪惡 ”嘅芝士，勁有拉絲效果，偶然為之係可以接受嘅，大家話係唔係？“韓式炸雞”點咗醬油味無骨， 方便享用，再有“溶化朱古力”和“红豆鮮奶”送埋，同用啤酒送分別唔大，視乎個人喜好；而“南瓜提拉米蘇”作為一個美好的ending絕對係個好選擇。

【東涌賣相一流蛋包飯🍳반찬앤쿡 Banchan and Cook】-今日同大家介紹嘅係呢間韓式餐廳😜佢嘅流心蛋包飯賣相一流😋值得一試～佢係東薈城、屯門巿廣場、時代廣場同埋太古城中心都有分店😌經過可以試吓👍🏻-小編行完outlet就去咗東涌個間食晚餐😚餐廳以淺木色為主😙仲有啲乾花裝飾💐環境都幾好～食物方面有蛋包飯、意粉🍝、沙律🥗、炸雞同埋韓式小食😋另外，佢嘅飲品都好精美😜味道唔錯👍🏻都可以嗌吓～-😋泡菜炒五花肉蛋包飯🍳 $118+1食物一上枱😝店員好細心咁問我需唔需要影相😜跟住先切開隻蛋～利刀一𠝹🤩流心蛋緩緩打開，超治癒😍蛋包飯嘅賣相好靚🥰顏色好豐富🌈炒飯再加埋泡菜炒五花肉🤪夠曬惹味好味指數：🌕🌕🌕🌕🌘-😋炸芝士千層豬扒🧀(4件) $132+1豬扒炸到金黃色🤩中間夾住芝士🫕超邪惡😈不過炸衣比較硬同埋定價偏高沙律菜淋咗啲黑醋🤤酸酸地可以中和油膩感好味指數：🌕🌕🌕🌖🌑-😋韓式炸雞🍗(無骨半份) $128+1佢有⑥種口味可供選擇：原味｜甜辣｜蜜糖｜芝士｜醬油蒜頭｜柑橘小編就揀咗甜辣炸雞😌份量都算多佢嘅調味酸甜度啱啱好😗仲要灑咗啲瓜子增加口感😎佢嘅年糕都好煙韌😛薯條炸得夠香脆🍟好味指數：🌕🌕🌕🌕

今日又黎左東涌，心思思又想食炸雞同蛋包飯，梗係黎返品質有保證，環境又舒適嘅Banchan & cook🤩見到佢餐牌轉咗啲新menu，梗係要試下啦🥳🌟熱溶化朱古力朱古力味道非常濃郁，鍾意飲朱古力嘅一定非常喜歡。🌟凍紅豆鮮奶呢個出奇的好味道，飲得出佢嘅鮮奶質素唔錯，仲有少少花香味，推介👍🌟海鮮煎葱餅非常足料，海鮮同葱都好多，尤其係魷魚，令到煎餅口感變得豐富☺️🌟韓式蜜糖無骨炸雞必點！蜜糖配炸雞係我favourite，另外年糕同薯條都好高質，好正😎🌟燉牛肋骨蛋包飯呢間蛋包飯一定係質素保證，staff係你面面打開嫰滑既蛋皮，D滑蛋流晒出黎確係吸引，最驚喜係燉肉，肉質同味道比出面傳統韓式餐廳有過之而無不及，大讚👍🌟南瓜提拉米蘇新野，又唔錯喎，食得出啖啖南瓜味，不過份量唔少，建議share😌Banchan & cook有好多分店，味道同質素都好穩定，不過我最情有獨鍾係東薈城店，一定要試下呀😌