반찬앤쿡 Banchan and Cook (太古城中心)

營業中

休息中

前日去同啊媽行街 之後就去咗呢間韓國cafe 泡菜燉五花肉蛋包飯有兩大舊泡菜包住五花肉，泡菜唔會太辣，適合香港人口味。五花肉肥瘦均勻，可以連皮食。蛋包飯做得唔錯，蛋好滑溜，包住炒飯食好夾。韓式牛扒三文治食吉列牛食得多，第一次食吉列牛三文治呢個配搭。🤣 牛肉唔會太韌，有油脂，炸衣幾薄。三文治有兩件，另外仲有好多沙律平衡返。甜辣無骨炸雞食韓國嘢又點少得炸雞，叫咗一份同朋友share，炸雞大約有十幾件，肉質好嫩滑，仲有年糕同薯條，幾抵食。手工巴斯克芝士蛋糕最後叫咗巴斯克芝士蛋糕，份量唔算大件，不過食完都好飽。😛上面有藍莓同士多啤梨，芝士蛋糕幾重芝士味，食落唔膩。濟洲抹茶鮮奶&伯爵茶鮮奶咖啡兩杯飲品都唔錯，打卡一流。抹茶鮮奶唔會太甜，熱飲都好好飲。

又係farewell lunch 既一日！ 同同事黎到太古城既banchan and cook 食蛋包飯！同事前排黎試過，大推介牛肋骨蛋包飯，我就跟住試下 堂食要自助落單，然後好似food court 咁拎個機返埋位，準備好上菜時就要出去拎。 等左大約5~10分鐘，就出菜。 拎埋位時feel到個蛋係咁震騰騰，好得意一切開，d 蛋汁就爆晒出黎，好治癒！蛋係熱辣辣的，切開佢會出煙，但下面個飯就係凍既，有d 可惜，所以入口都係唔熱的。 個牛肋骨份量好多，味道都okay呢間除左蛋包飯仲有炸雞，其他韓國菜，下次有機會可以再黎試下其他！

又想食炸雞na🙈呢間韓式cafe環境真係好靚🌾而且食物都好吸引.芝士炸千層豬扒(4件)🐖炸豬排鬆脆🤤表面勁多邪惡拉絲芝士🧀不過炸皮口感唔算好好😢仲有個開胃沙律🥗.韓式蜜糖無骨炸雞(半份)🍗炸雞外脆肉嫩滑😋蜜糖醬甜中帶鹹🍯炸年糕煙韌😆薯條點上醬汁好好味🍟.藜麥黑醋南瓜雜菜沙律🎃雜菜款式好多🍅🥬🥒食落健康唔單調🥰.凍伯爵茶鮮奶咖啡☕️伯爵茶同鮮奶咖啡同樣香濃😌呢個配搭幾好，唔會好苦👍🏻.士多啤梨紅桑子梳打🍓士多啤梨同紅桑子味都唔突出🥺反而青檸清新嘅味道更明顯🍋相對失望

今日相約朋友到太古城行街🥰，經過見到e間韓式cafe😍嘩….見到佢d乾花裝飾🌾好靚，用開放式嘅廚房。cafe嘅採光仲好好，日間有天然光照到☺️店員安排左我地坐圓枱，圓枱玻璃下面放左乾花。餐點方面，當然有韓式炸雞🐔，特式嘅飲品🥂，三文治🥪，仲有唔少得主打嘅蛋包飯🐣我地睇完餐牌就自己去點餐。店員會比提示器，如震動就可以去攞餐喇🥳🥳店員都好好會安排送餐服務。我地點左以下：🌸泡菜燉五花肉蛋包飯蛋包飯，外面係脹卜卜，切開之後入面係濃濃嘅雞蛋，炒飯沾上雞蛋一齊食，味道好夾。泡菜入面卷住左五花肉🐷味道辣辣地，但配埋飯又岩岩好，口感仲提升左😍🌸韓式牛扒三文治個顏配搭好靚，三文治🥪用牛油烘好，加埋牛扒，牛扒斯味道都幾好😋仲有沙律🥗拌碟。其中紅菜頭嘅沙律比較少係出面食到，覺得味道同口感都唔錯😍🌸甜辣無骨炸雞E款炸雞有d似韓國會食到嘅炸雞配搭，入面有年糕，薯條同炸雞，炸雞外脆肉嫩，點上甜辣醬仲更滋味。仲要係無骨可以啖啖肉🤤🌸手工巴斯克芝士蛋糕🍰芝士蛋糕口感綿綿滑溜，芝士味重☺️🌸盛夏白桃梳打特飲係季節限定嫁，盛夏係水蜜桃🍑當造季節，梳打飲落有濃濃嘅桃味，好香甜，大家要把握時間去飲😋🌸濟州綠茶鮮奶綠茶鮮奶，味道綠

每次嚟太古城行街經過呢間餐廳都好吸引，無論食物．餐廳環境同員工服務，都有種酒店級嘅感覺。今餐要對自己好啲，食豐富少少，「泡菜燉五花肉飯蛋包飯」見到每枱食客都食蛋包飯，果然有驚喜，外層雞蛋肥嘟嘟漲卜卜，裡面半熟狀態，下面係充滿醬汁嘅珍珠米，連平日唔喜歡食飯嘅朋友都覺得超好味。「韓式豬手沙律」大大碟好多片，豬手肉質口感唔錯，配上新鮮柚子沙律伴碟，感覺唔會太膩「醬油蒜頭無骨炸雞」韓國食炸雞是常識吧，仲可以選擇有骨或無骨，外皮脆卜卜，好乾身...唔會食到成口油，雞肉嫩滑多汁。「烤朱古力棉花糖」口感似BBQ燒棉花糖，即叫即製，外脆內軟，有拉絲感，底層配上消化餅，可以中和一下甜度。「盛夏白桃梳打」「玫瑰紅桑子沙冰」今餐好滿意，食物款式較特別，有質數，而且免加一👍🏻整體質數都好好，下次會再嚟

**BANCHAN AND COOK-太古城店**一直都想食呢間韓國野,初開既時候CWB店大排長龍今日終於有機會黎試 但原來係自助形式咁樣 要自己出去拎野食盛夏白桃梳打 HKD42 ; 望落幾FRESH 但桃味偏淡焦糖脆脆鮮奶咖啡 HKD48 ; 面頭真係有Honeycomb 嫁 , 啡味就還可以啦 唔會抱太大期望成台都係 好滿足啊 , 未食都已經覺得開心韓式牛扒三文治 HKD188 ; 太吸引 食完先發覺唔記得影 , 大大份, 有唔少特色沙律做伴碟牛扒既熟成度剛剛好! 而伴菜既紅菜頭沙律都好好味(大前提係你唔抗拒紅菜頭既味道)泡菜燉五花肉蛋包飯 HKD105  ; 泡菜超正 感覺自己去左韓國一樣 , 最滿意呢個至於甜品就麻麻地 本身係想食巴斯克CHEESE CAKE 可惜賣哂要左個原味蛋捲, ER.... 唔食無損失韓式炸雞 (無骨半份) HKD108 ; 炸雞唔會乾爭爭 仲有薯條點綴下

Banchan & Cook去開太古城嘅吉之島上邊當然就係附近搵吓嘢食啦，而家主打嘅韓式餐廳越開越多，依間餐廳都開到分店咁樣，當然唔去開就要試吓啦韓式卡邦尼意粉你叫咗個卡幫你意粉佢哋嘅白汁煮起上嚟都幾好唔會話太過油，配辣椒醬味道更加出色味道果然不同韓式牛扒三文治韓式嘅牛扒再配上三文治我覺得都係一個唔錯嘅選擇，另外佢哋嘅賣相都幾特別打卡一流伯爵茶鮮奶咖啡你朋友就叫咗個伯爵茶鮮奶咖啡，伯爵茶嘅茶味清香賠償咖啡機筍口味道，都幾夾巴斯克芝士蛋糕職員證太鍾意食甜品啦佢哋嘅巴斯克芝士都幾香芝士味同朋友分享食絕對一流

太古城新開的banchan & cook與其他分店有點不同，以「半自助形式」點餐，配上開揚的清新裝潢，更有自助空間感，個人很喜歡桌面注入植物元素的設計，充滿韓系文青感。烤牛蛋包飯 $98要食蛋包飯，banchan & cook一定係專家，蛋是超嫩滑，輕輕一切，看到滑溜的蛋和醬油炒飯底融為一體，配上韓式烤牛肉，濃郁滋味。韓式豬手沙律 $92豬手有口感，不會太油膩，配合沙律剛剛好韓式炸雞(無骨半份) $108個人覺得甜辣口味的炸雞最地道，甜甜辣辣非常惹味，而且辣度剛好，適合一般香港人的口味。炸雞還有薯條和炸年糕伴碟，讓菜式層次更豐富盛夏白桃梳打 $42夏天特飲，少不了今季最hit的白桃，粉白的色調虜獲不少少女心呢! 士多啤梨鮮奶咖啡 $48常喝鮮奶咖啡很單調，加了士多啤梨的清新，讓咖啡喝起來更甜蜜呢! 巴斯克芝士蛋糕 $45芝士蛋糕不甜不膩，入口幼滑芝香，為整頓韓食來個完美作結

我對韓國食物都真係情有獨鐘㗎知道開心開咗有韓國餐廳就想去試因為冇得去旅行都好想感受呢個韓國風呀好鍾意去啲韓式嘅cafe打卡嘅 新開呢間係商場嘅餐廳就真係一次啦因為佢裝修簡約 感覺好舒服坐得好舒服 所以都會同啲朋友嚟食下嘢輕鬆下當去咗韓國旅行囉 呢度嘅嘢食主打蛋包飯 同埋 韓式炸雞 蛋包飯整到肥肥好靚好可愛 真係唔捨得食呀分量好多啱曬同朋友share 主菜都嗌咗個羊膝配薯條洋參炆得好淋好好味 另外個韓式炸雞夠曬熱辣辣好香口 無骨嘅啖啖肉真係好正呀番埋個蜜糖醬 甜品要咗個手工巴斯克芝士蛋糕 唔太 肥膩 好有芝士味 嘢飲就係好多文青嘅至愛我就嗌咗個剩下白桃梳打感覺清 新 唔太甜food ordered: 明太子厚煙肉蛋包飯慢煮羊膝配薯條 芝士無骨炸雞手工巴斯克芝士蛋糕盛夏白桃梳打 士多啤梨鮮奶咖啡 #Banchan&Cook #COFFEETIME #韓式餐廳 #太古 #銅鑼灣 #東涌 #咖啡 #炸雞 #芝士拉絲💥餐廳資料餐廳：Banchan & Cook地址：太古太古城道18號太古城中心二期222A號舖Openrice：https://bit.ly/34xG4wh

Banchan & Cook今日去開太古城見到一間新開嘅韓式Cafe絕對要試一試啦松露野菌蛋包飯之前都係佢另一間分店試過，咁啱朋友又想食當然又係要試吓呢個真店之菜啊，佢哋嘅蛋包飯解開會流質蛋漿令到成個蛋包飯非常之口感十足，另外配黑松露嘅野菌絕對係正芝士泡菜紫菜包飯另外韓式嘅紫菜包飯，芝士適中唔會太過多，配上泡菜同埋紫菜包住嘅飯，大家都覺得好好味玫瑰紅桑子沙冰我就點左杯紅山只回歸夠飲洛口幾特別有玫瑰嘅淡淡花香又唔會過甜，成個沙冰口感出色荔枝檸檬沙冰另外朋友點一個檸檬茶俾我哋咪得都幾特別，酸酸甜甜有一種開胃嘅感覺雖然我比較少去太古城但係覺得熱佢哋附近原來都開咗好多唔同嘅餐廳，依間比較出色嘅韓式餐廳算係表表者，下次去開太古城都可以再選擇

次次去fd屋企玩，我地都會叫banchan 嘅炸雞🍗外賣 呢日玩完 男朋友話不如去試下佢其他野食😳又好～呢晚7點半左右 已經幾乎坐滿人，好好彩岩岩有人埋單，等左5分鐘左右就可以入座.呢度點餐安排有啲似快餐店/food court ，拎到餐牌之後，去番cashier度落單比錢，然後部機仔響就自己去拎野食；出面都有一個餐具自助區，可以自行選擇需要既餐具.平時都係用app叫外賣，拎完就走，都冇留意有啲咁得意嘅裝飾🥰..✨無骨炸雞(半份) $108⭐️⭐️⭐️⭐️炸雞係必食既～肥🧸鍾意啖啖肉，所以揀左無骨，食起嚟即刻唔用手套都比較方便炸雞juicy ，不過比較起黎肥🧸鍾意蜜糖味🍯多啲，食起黎感覺冇咁熱氣🤣除咗炸雞，仲有煙煙韌韌嘅年糕同埋薯條做伴碟，好豐富 ..✨韓式牛扒三文治 $188 ⭐️⭐️⭐️💫牛扒厚身，調味唔會好濃，反而食到本身牛肉味🐮伴碟有三款沙律🥗肥🧸最鍾意紅菜頭沙律，唔講唔知，呢樣super food原來仲係女仔恩物，唔單止可以排毒仲好補血添🥰...✨慢煮雞胸蛋包飯 $105 ⭐️⭐️⭐️⭐️雞胸嫩嫩的，帶有調味的米飯濕潤而粒粒分明理想：蛋包飯嘅蛋係一切開之際好似瀑布咁傾瀉出嚟🌊包裹住啲飯🍚現實：

平時勁少過黎呢邊行街食飯，今次難得有朋友係附近番工約食飯，佢揀咗呢間新派韓式餐廳呢間餐廳裝修田園風，環境都幾舒適雖然話係韓式餐廳，但係呢到食嘅嘢唔係傳統嘅韓式菜，除咗炸雞之外，見到最多人食嘅係蛋包飯😆*韓式炸雞🍗(無骨)(半份) $108*炸雞都有幾款味可以揀，我地揀咗最經典嘅韓式甜辣味，個汁調得幾好，惹味得黎吾會太濃，有時好怕見到啲汁杰到好似痰咁🤣*明太子厚煙肉蛋包飯 $112*份量都幾大份，menu到有介紹點切開呢個蛋包飯😆，用刀對準中間位，由蛋包尖端開始一路切到尾，嘩！見到雞蛋由中間左右咁滑落黎打開好正，絕對唔係個啲得塊乾爭爭煎蛋皮嘅假蛋包飯*燒醬油黑毛豬白切肉配大醬生菜 $162*好中意呢碟，成日睇韓劇都覺得生菜包肉好吸引😂呢到啲配料好正宗，青椒、蒜頭、泡菜、大醬全部齊曬，黑毛豬白切肉都好好食，有豬皮骨膠原嘅彈牙，但係又無肥膩嘅感覺👍🏻👍🏻烤朱古力棉花糖 $78*最後叫咗呢個邪惡到爆既甜品，下面係消化餅碎，上面就係棉花糖，仲有啲朱古力🍫碎、朱古力醬，雖然焗燶咗啲，但係我呢啲嚐甜嘅人食到lamlam脷，焗溶嘅棉花糖配搭消化餅係甜到好幸福嘅感覺，如果再多啲朱古力醬更加好😆😆

第二次食Banchan & Cook，本身諗住去到太古就食「當地」野。但朋友見到佢佈置少女心就揀左，er。。。好啦！上一次係去銅鑼灣店，今次太古店就係半自助咁樣同埋裝飾係比較用乾花同埋蘆薈草！明太子厚煙肉蛋包飯 $112飯底係牛肉炒飯，上次食過覺得好食，今次食另一款！蛋包飯中間由蛋包尖端切開到尾，咁雞蛋汁就滑哂落嚟！明太子份量極多，非常之足料，少少唔好處就係會比較鹹！咁所以就要好靠混合雞蛋食，因為雞蛋本身佢係唔會鹹，加明太子就大家互中和！另外佢嘅煙肉又係非常值得稱讚，唔係好常見好扁好長嗰啲，佢係有少少似煙肉扒！肥肉唔多，煙肉好實淨！沙律菜火箭菜，正！慢煮羊膝配薯條 $165配菜有蘿蔔、紅蘿蔔、烤蒜頭！另外仲有一碟沙律，入邊係蘋果薯仔同埋雞蛋！必叫！超值！佢嘅羊膝係超級大件，羊肉同埋羊肉跟位都好遠霖，只係近骨位位置有d難切！可能可以再主內多少少，但係朋友話其實已經夠林，如果再耐啲可能外邊嘅羊肉就會比較軟！羊膝肉非常之厚實，淡淡大肉！底汁少少油，但好濃香！佢另外仲有番薯條同沙律菜解油！芝士無骨炸雞 $108呢個一定要趁熱食，凍咗冇咁好食。一上枱就先食佢嘅年糕，好QQ帶芝士鹹香！炸雞無骨就係

同朋友想食韓國菜，想食炸雞！呢度最好就係可以揀無骨炸雞🍗而且一份炸雞，可揀兩款口味。佢有原味、芝士、咖喱、甜辣、醬油蒜頭🧄、蜜糖 🍯、火山口味！炸雞配有少量年糕及薯條🍟我哋揀咗兩款蜜糖及甜辣味！我鍾意蜜糖味，好香蜜糖，雞皮脆脆地，雞啖啖肉！甜辣味道都唔錯，香辣味帶點蜜糖香。主食揀咗泡菜五花肉蛋包飯，鍾意食蛋包飯！佢整到脹卜卜，有好多泡菜，辣辣地。仲有韓式豬手，鍾意喺有沙律🥗豬手都係啖啖肉！飲品叫咗白桃梳打，有少少白桃味，梳打好夠氣！我鍾意飲伯爵茶鮮奶咖啡，伯爵茶好夠香、咖啡味都香，而且仲好靚。玫瑰紅桑子沙冰粉紅色超靚，夏天飲好爽！甜品叫咗好邪惡嘅朱古力棉花糖，真係食唔停！餐廳係快餐店形式，全部野都係自助。坐低後自己落單拎嘢食～

太古城呢間韓國餐廳好大，環境坐得舒服。以自助形式自己去落單、然後取餐、自己斟水等。 食韓國嘢點可以冇炸雞🍗我哋點左半份蜜糖味炸雞、半份甜辣醬炸雞。呢度嘅炸雞一份有大約六至八件，不過佢係細炸雞，所以唔會怕好飽。蜜糖味夠香甜，甜辣醬味辣辣地，炸雞夠熱夠脆。叫咗泡菜燉五花肉蛋包飯，呢個啲泡菜包住啲五花肉幾特別，口感唔錯。飯係炒飯有味，撈埋啲蛋食好食！韓式豬手沙律，豬手夠林。甜品揀咗朱古力棉花糖，用餅乾夾住食好食，不過只得兩塊。如果多啲就更好！呢度嘅飲品幾靚，玫瑰紅桑子沙冰、伯爵茶鮮奶咖啡都幾好飲！