반찬앤쿡 Banchan and Cook (太古城中心)

營業中

休息中

又元朗特登嚟到太古食點知去到食果下真係好失望，全部都係得個樣，又貴。叫左杯朱古力飲，完全冇朱古力味，好似似緊水咁。仲要$42一杯。認真咁講，食M記好過食佢，M記啲朱古力都好飲過佢。啲蛋包飯還可以，但少咸加上叫左個棒棒Roffle 個餐單有雪糕球 叫左嚟食 點知攞起個甜筒，入面得啲好少好少既Cream，吾係雪糕嚟。（你Hea都Hea好啲🥲）成餐食左296$，完全好似揼錢落海咁，完全吾值依個價。認真吾會有第二次

同朋友去咗LuLu主題餐廳佢係自助式自己去counter落單，同自己攞餐可以話係得個樣唔會話難食就正常但係冇驚喜唔係咁抵食烤牛肉蛋包飯 $98啲蛋幾好食*LuLu棒棒croffle $98類似窩夫 但個雪糕球冇咗*LuLu豬歡樂雜莓奶昔 $58普通溶化朱古力 $42冇味

🍖烤牛肉蛋包飯 牛肉肉嫩入味，同韓式甜醬汁好夾，加左芝麻洋蔥🧅，有少許沙律菜伴碟，蛋包飯切開蛋汁流心😍份量多👍🏻✨餐廳用乾花為設計，環境靚，座位闊，自助攞餐具、斟水

網上搵食已經好困難,見到呢間評價都唔錯,於是買外賣蛋包飯配烤牛肋肉試下。打開見到賣相都好靚，食咗兩啖之後，發現有一條頭髮痴住喺啲半生熟蛋裏面，好明顯條頭髮唔係跌落去，而係煮緊嘅時候同蛋一齊煮，頓時覺得嘔心 唔會再幫襯

呢個週六喺太古城睇完戲晚上八點鐘終於見到無人排隊直入餐廳購買食物同取餐都係用自助形式未知是否疫情關係換上了全紙餐具令好打卡的食物都稍微失色┈┈┈┈┈┈┈┈┈┈┈┈┈┈┈┈𓋜明太子慢煮雞肉蛋包飯 $112明太子醬偏咸同濃味蛋包飯不太夠熱令蛋切開時無自動流開既澎湃感不過雞胸就唔會太鞋同不會有過份的調味呢個位要讚🫶🏼𓋜甜辣醬炸雞（無骨半份）$108原來佢仲會有薯條同韓國年糕～韓國年糕約有3-4件味道方面 佢係一點都不帶辣🤭醬的調味偏甜無骨的是炸雞件約有8-9件炸雞件都脆炸的表現都不錯𓋜升級套餐配 +$48🥔薯仔沙律迷你兜兜裝住預先撈好左既薯仔沙律沙律醬就落得比較重手👁️吸血鬼梳打 被佢喺menu圖片吸引左上菜後見佢跟相片還原度很低…..入面有一粒青檸同一粒龍眼肉做裝飾不難喝，是杯梳打是也但唔會飲得出佢係一杯紅莓汁𓋜手工巴斯克芝士蛋糕 $45食落第一啖既芝士味比想像中要香，質感發揮得比相像中要好，旁邊配左不少士多啤梨同藍莓。ෆ⸒ 無加一服務費ෆ⸒ 環境傾計一流

The Taikoo branch is unexpectedly a self-service restaurant, which means you have to order at the counter and get your food by yourself when the device vibrates. You also have to find a seat by yourself, so basically it’s like a food court, but with one caterer only. There is no service charge. Also, the restaurant does not offer much privacy, as it is in the middle of the mall without any walls to shield you from the passerbys. We ordered the following, which we got after a bit more than 20 min

行完街， 食個Early dinner, 自助型式，出櫃台買食飯， 自取餐具及水， 等食物機響就可以出去拎食物🥰環境舒適， 地方乾淨。食物有水準👍🏻佈置採用花系， 好日式🥰打卡好靚🥰叫左🍽️烤牛肉蛋包飯⭐️⭐️⭐️⭐️⭐️肉質一咬就開， 鮮嫩😋😋配上特製嘅汁，配上飯，一碟食哂😝炸雞🍗⭐️⭐️⭐️⭐️⭐️配上年糕同薯條，酸甜汁好味，雞肉外脆內軟😋😋蝶豆花青檸笑特飲😋酸味味， 好開胃 ☺️☺️沒有加一，性價比高👍🏻👍🏻

食過時代廣場個間 價錢質素合理點知太古城呢間差天共地 一百五十蚊 全部都係紙碟紙杯 自助式個芝士豬扒一睇就知翻炸硬過石頭咬唔開 4件豬扒 都是 邊邊位卡邦尼年糕無味 見佢地一早沖好左杯 伯爵茶咖啡放左係櫃台20分鐘等齊餐先上杯野d 冰已經溶哂 唔知自己飲緊d咩個餐跟嘅所謂沙律係 4，5舊薯仔溝沙律醬不如你慳番佢做好d 食物啦一百五十蚊慘過食茶記難怪無人幫襯！

有日放lunch諗住去太古城食好少少，點知food court唔開，想食嘅又要唔知等幾耐，去咗呢間好耐之前同事推薦嘅蛋包飯。之前次次黎都排晒大隊，嗰日唔洗等，try try佢。價錢唔平，仲要係比完錢搵位，等部機仔響，自己去托個餐返位嘅”food court “，連餐具都係自己拎！全即棄(好似寫住biodegradable)，水都係紙杯自己去斟。。。Fine明明都點幾，等咗好耐先prep好個餐比我。嘩，轉set要加幾十蚊，多咗嘅係沙律同咖啡，個沙律少到。。。好似配菜嗰d咁。。。好啦。個飯睇落都幾靚，佢用紙碟上都算啦。烤牛肉蛋包飯根本係汁煮肥牛黎，個汁仲要超咸！咸到完全食唔晒，起碼要多個白飯先食到。蛋無味嘅，飯有d啡啡地色但我完全食唔出味啦，勁貴。太古城真係好多伏野

哩排越開越多分店既韓式cafe，超清新又好坐，今次來太古分店，餐廳採用自助形式，但可以仼坐，唔洗驚俾人趕走！試過幾次，最鍾意食佢既韓式無骨炸雞，啖啖肉又唔洗lur骨！share既可以叫半份，仲可以試其他菜式！試過幾款覺得甜辣味最惹味！蜜糖就甜甜地，啱唔食辣既朋友！炸雞炸得剛好，雞肉超嫩滑，少少辣，濃厚醬汁完美滲透雞肉，半份都有6至7件雞！仲配埋好煙韌既年糕，南瓜籽更豐富味蕾，仲有超香脆薯條！仲有紅菜頭沙律送！好抵食！

今日去開太古城做野，呢個地方唔係住呢頭真係好少嚟，既然好日唔嚟就睇下呢頭有無啲咩好嘢食。由於午市都差唔多完，所以大部份食肆開始少人，咁行行下俾我見到呢間餐廳，門面睇落幾舒服又開揚，最重要唔駛等位，咁即管試下啦。佢係半自助式，睇好要食乜嘢就出去俾錢，自己攞埋餐。見餐牌呢度嘅食物種類算比較多都係韓式為主，有炸雞、有蛋包飯等等，俾我見到有一個牛肋骨飯就俾佢張相吸引咗，諗住叫嚟試下。佢呢度個飲品要另外叫跟返原價，不過無咩所謂啦最緊要好食，最後嗌咗杯Mocha，俾錢嘅時候要成$160蚊，又真係嚇一跳... 論環境太古城比較舒服，而且佢啲食具同裝修亦都比較木色為主都幾舒服。等咗幾分鐘佢部嘟嘟機又震又響，梗係啦叫我上枱喇~~~ 成個餐賣相不過不失，因為見佢都有用膠盤... 另外，見到個飯份量明顯偏細，一個成年人食我諗到下午茶時間又要醫肚... 首先講下杯飲品，呢杯Mocha份量都算正常，味道都唔係好甜，都有香濃朱古力味，比起Starbucks個類差唔多，合格有餘。其後到主菜， 牛肋骨紫菜飯，牛肋骨有兩大嚿，當然...嚿骨都好大，入口時肉質偏硬，我諗佢炆得唔夠耐，但係個汁都甜甜地鹹鹹地，配合埋其他配菜

之前喺Times Square食過Ban Chan 覺得非常好食， 蛋包飯， 飲品都好吸睛。 今日去到太古城都見到Ban Chan 咁就無考慮過就食啦， 點知中哂伏。無骨原味炸雞， 賣相唔錯， 但食落知錯， 雞完全唔脆， 雞皮硬轟轟， 最大鑊係唔係好熱， 好似炸起好耐咁。烤牛肉蛋包飯， 一眼望落去就知蛋外皮係overcook, 蛋老， 不過味道算唔錯， 加返d分。部隊鍋， 個湯好水， 好似辛辣麵包粉開多左水咁， 午餐肉薄切， 腸仔一條開4， 比多條都唔係好貴嗎。太古城呢間同時代真係差天共地。

味道賣相大不如前飲品極到難飲仲要所有野用即棄餐具 好可悲一路食一路有罪惡感 覺得好浪費我從來不回因為難食去寫食評 但睇唔過眼間餐廳甘浪費作為企業 應該將可持續發展幫助公司其中一個因素

honey chicken 年糕吃落軟糯, 味道係蜜糖薯片個個味。  但吃雞脾位, 嚿肉柴左點, 似係炸耐左。 炸雞個面灑吾少嘅糖粉, 咸甜咸甜甘。 薯條都好吃, 咸味薯條配埋糖粉, 都幾平衡。 不過同行話有糖粉太甜。豬腳沙律 豬腳肉好厚, 但吾硬亦吾柴, 個皮仲有彈性添, 好吃。 豬腳上面鋪左紫蘇葉絲, 夾埋一齊吃嘅話會清爽點, 無左肉嘅肥膩感。 側邊伴左點沙律, 個沙律醬偏酸, 應該都係想消膩, 但我覺得太酸。 泡菜燉豬肉蛋包飯 個飯係炒飯底, 似係用蕃茄醬加韓國辣醬炒。 個蛋煮到好滑, 配飯吃好好吃。 佢用泡菜包住好厚嘅五花肉, 酸泡菜會辣但依然爽口, 不過嚿肉好柴, 仲有點豬騷味。豬皮嘅毛未清曬。吾建議。兩個人叫依3樣太多, 應該可以3個人吃, 因為每樣菜都大份。

第一次寫咁長嘅食評。年頭嘅時候經常食呢間餐廳，嗰陣覺得好好食，presentation又靚，所以一直都想帶屋企人黎食。今日黎到，失望到無法用文字表達。味道不如上次, fine! 點解會全部用晒即棄餐具？每人一個飯一杯嘢飲再share份炸雞，都$200up 一個人、咁大間餐廳，裝修得咁靚，竟然用即棄餐具?! 個presentation已經冇咗以前嘅高級感，賣相猶如公司canteen嘅lunchbox… 份炸雞，啲薯條擺晒喺底，濕晒淋晒，你炸得幾好都冇用啦。講多少少啲細緻位，自助斟水嘅位置以前係有3-4種水果味道，每款都飲到果香，我曾經大為欣賞。宜家得返兩隻味，味道極淡而且味道係一樣嘅…唔識點講，真係好失望。我曾經鍾意嘅餐廳居然會差咗咁多。望住清潔叔叔一堆堆塑膠碗碟倒落垃圾桶，真係好難接受。覺得曾經同朋友講話太古分店好食呀嘅我真係太天真，我應該唔會再黎….對上一次我影嘅相: 望住今日食嘅嘢都唔知講咩好。