Baker by Lubuds

營業中

休息中

買蛋撻都大排長龍？！出爐時間：0930，1200，1500太古城中心呢間蛋撻店，$12一個蛋撻，每次出爐吸引好多人排隊輪候！原因係：真係好香好好食！個蛋撻底嘅酥皮做到勁多層充滿牛油香，蛋夠厚但我覺得甜左少少。CP值高 值得買嚟試！

香港蛋撻界又添一名新成員 - LUBUDS Group 旗下的手工麵包店 Baker by LUBUDS。開設於住宅區的太古城中心，每日依然大排長龍，為的就是品嚐到人氣的招牌蛋撻。千層酥皮的蛋撻外皮酥脆分明，滑嫩的蛋漿香氣四溢，整個蛋撻平衡而不過於甜膩。蛋撻每次出爐都迅速售罄，記得留意出爐時間提早到場排隊。Located in Cityplaza, Baker by LUBUDS has been drawing long queues every day, all for a taste of their signature egg tarts. The egg tarts have a crispy pastry, with a smooth egg custard filling that is perfectly balanced and not too sweet. They sell out quickly every day, so be sure to arrive early and join the queue to get your hands on these

返到香港第一個 post 梗係同甜品有關啦😋 未返香港前已經 bookmark 咗呢間要試，因為係近期爆紅嘅千層蛋撻🔥一早9點到達已見人排緊隊，好快排咗半個鐘就等到蛋撻新鮮出爐，見人人都買一打，我又唔執輸買半打先😅 撻皮用牛角酥麵糰做餅皮，所以咬落去一層層勁酥脆，撻邊帶點焦香，蛋漿幼滑蛋味濃郁。由於係牛角酥做餅底，會比較油膩，同埋偏甜咗少少🤏 但賣 HKD$12 一個，性價比幾高👍試埋 HKD$18 原味牛角酥，外層酥脆，內部層次分明，氣孔夠綿密，外層仲掃上一層糖漿，食完個蛋撻仲可以一口氣食埋😅蛋撻每日有指定出爐時間 9:30am/12noon/3pm，亦會不定時加推，大家留意時間先去排隊呀🫶This newly opened bakery shop in TaikooShing is on the checklist for my Hong Kong trip, given the buzz created on IG, their egg tarts have recently go viral🔥The egg tart pastry is flaky and crispy as

店員好好👍會主動推介新鮮出爐嘅麵包因為全部麵包都好靚唔知點揀最後買左五款🤩價錢偏少貴最好食係個搽茶撻😋抺茶微苦帶甘🩷酥皮好香脆！朱古力牛角酥都好好食！入面有驚喜🤩配埋杯americano一絕☕️🧁好想試哂全部😋😋😋其他都咁好食，個熱賣蛋撻一定掂！希望下次唔洗排隊都可以買到黎試🤤

路經此店，店員話10分鐘後蛋撻出爐，打算買一打去朋友屋企齊齊分享。店舖採用玻璃開放式廚房，感覺乾淨衛生，陳列亦美觀，麵包整齊排列，好吸引。店員人手充足，蛋撻出爐後流程很快（如果買其他麵包係唔使排隊，直接買就得）。熱辣辣蛋撻忍唔住即刻食返一件，個酥皮有啲韌，唔脆，奶香味爭啲，同埋比較甜，不過$12個都可以接受，試一次無妨，但係排隊就不了。

呢間係近期人氣麵包店，假日買蛋撻要排隊，不過我個人口味喜歡佢原味牛角包，原味牛角包外形靚，塗了蜜糖，甜甜的又充滿牛油香，$18一個性價比高，比人氣酥皮蛋撻更加味道好。反而$28 杏仁牛角包個人覺得太甜太膩，因為除了杏仁還有那很甜的杏仁醬。

太古城蛋撻近排好紅🤟🏻被譽為覺好食過 Bakehouse嘅蛋撻，唔係想買就買到，要等出爐拎飛排一粒鐘嘅蛋撻？🥧蛋撻有三個出爐時間，0930/ 1200 /1500‼️網上話1800 其實仲有一轉，我5:00去到竟然話等10分鐘會出爐😱吾肯定18:00去到仲有冇得買，但見5:15開售冇耐之後人龍已清，甚至冇人可以直入買嘢蛋撻🤔✨每人最多只能買一打✨每段時間都會派籌，職員會寫低你要嘅數量，quota完會截龍，攞完籌排隊等大約30分鐘✨蛋撻出爐好熱，買完唔好封實整淋佢其實仲有其他pastry，例如牛角包（plain、開心果、杏仁、朱古力味）丹麥酥、酥皮盒、曲奇等。✨蛋撻通常要排隊等，但買其他嘢唔洗排 直接上前買，唔好傻豬豬🐽👓蛋撻 $12外皮係牛角酥撻皮，好酥脆好多層，重牛油香。個蛋好香蛋味，但偏甜少少對比下我覺得好食過bakehouse，Bakehouse比較扁身硬實啲；酥皮多層、鬆脆啲。好食，但我覺得又未去到值得排一粒鐘等喎😂經過唔使排隊就值得一試😂

🇭🇰Baker by Lubuds·之前我有個follower推介話呢一間嘅葡撻好好食 所以我一路都好想買 但係行過咗幾次都買唔到 最後見呢一個朱古力酥幾靚 就決定買佢🤣🤣·PAIN AU CHOCOLAT $28佢呢個超大個 酥皮做得幾出色 每一層都好酥脆😻而且佢中間有啲朱古力粒 朱古力味好濃 焗完之後微微溶化 配埋面頭嘅朱古力粉 口感幾正🍫不過因為佢面頭太多朱古力粉 一啖咬落去會食到成個嘴都係 比較狼狽🤣🤣·#rbyeat#rbybakery#rby太古·📍太古太古城道18號太古城中心3樓307號舖

28/4/2024星期日2:15經過見有人排隊等3:00出爐嘅蛋撻，既然經過，又喺冷氣商場入面咁就排隊等啦。3:00準時開始賣，我買咗4個，兩個人分享，即時行出去戶外地方試食點知⋯⋯一手從袋中拎出嚟，已經全手油，一口咬落去，外皮好難咬開，普通蛋撻味道無驚喜。食完兩個滯到晚飯都食唔落。因為之前食過BakeHouse，連食兩個唔夠喉，抱住呢個心態買呢間，點知中伏。其實個人口味，佢唔係難食，不過唔鍾意蛋撻底咁油啫。見佢牛角酥同其他麵包、果撻賣相唔錯，或者下次試吓，不過蛋撻要排起碼點半小時但唔啱口味，我唔會排lu ～

我幾乎每個星期日都去呢度買包。通常都係買牛角包、芝士火腿牛角包、脆皮朱古力牛角包及開心果酥。每次都唔駛排隊即買即走。咁啱今日2:56分去到見到大排長龍，職員話只買包唔買蛋撻可以現在唔駛排隊直接買，咁我就去隔離Bloom訂兩杯Expresso Tonic，諗住買完包再去攞咖啡，點知啱啱好3:00蛋撻隊開始郁，只買包不買撻的顧客都要無辜捲入旋風一齊排！好彩條隊郁得唔算慢，我就打消了中途離隊的念頭。以後真係要避開蛋撻出爐時間！其實管理層可以考慮分開兩條隊，一條蛋撻隊，一條只買包，否則真係會嚇跑「人龍焦慮恐懼症」的顧客！

之前啲人個個都去太古城排lubus蛋撻，搞到我都心思思好有興趣，見前幾日有啲時間就諗住去試吓佢到底係唔係真係咁好食！見到其實佢有寫蛋撻出爐時間，最近我當時嘅時間係15:00，由於我唔係真係咁鍾意排隊，諗住去搏一搏，如果排唔到就算，最後我14:40去到舖頭，已經有大約15至20人等緊，諗住最多都係等20分鐘，都OK啦大約14:50會有職員出嚟逐個mark低每人要幾多個，會寫張紙仔俾你，之後冇得改 搭正15:00就可以開始買去最前嘅時候你就會望到成個櫃都係好吸引嘅麵包，職員都會好有禮貌問你需唔需要買埋其他麵包，我本身都淨係諗住買蛋撻，但係見到啲牛角酥太吸引，所以就買咗一個牛角酥同埋一個朱古力牛角酥蛋撻$12@ 又真係幾好食，個酥皮好脆牛角酥$18@ 佢嘅外型非常之吸引，係典型法國牛角酥嘅樣，食落都好鬆脆朱古力牛角酥$28 上面有可可粉同埋金粉，好靚好夢幻

太古城中心最近開左一間新的餅店，時常見到大排長龍買蛋撻。平日經過，下午5點唔算太多人，等了15分鐘就買到新鮮出爐既蛋撻。每個＄12，剛剛出爐新鮮熱辣，蛋撻皮是層層的酥皮，焗成焦糖化，鬆脆可口，蛋撻的餡唔算太甜，有濃郁的蛋味，口感香滑，二者互相配搭，美味合襯。另外都試埋牛角包，每個$18。牛角包深色的部份用左蜜糖焗，有少少嘅甜味，中間嘅空氣感十足，層層疊疊的孔隙帶來更輕盈鬆柔的感覺。整個牛角包都好好味👍。不論蛋撻或牛角包都做得好出色，店內還有其他唔同pastry。造型每個都好靚，可以再試，如果唔買蛋撻，其他食品是不用排隊都可以買到的。

次次經過都勁多人排隊，網上見過話好好食。今日經過第一次既時候見到無人排，心諗係咪可以唔排隊試喇終於，點知原來有個牌寫住蛋撻賣晒。。結果我今日第二次經過既時候見到有人龍喇，不過個賣晒牌仲健在，到底仲有冇呢。。？原來有寫出爐時間。由於見條隊只係去到一半，唔好理，排左先啦。排下排，職員突然間話蛋撻得返一盤，後面既人可能無。😱氣氛即刻好緊張，前面個呀姨望住我話希望有啦。排到呢度仲有20個，安全喇！！終於俾我排到喇！最後買左3個。同港式蛋撻唔同，佢呢個皮超厚。咬落去其實蛋係好少，成件以酥皮主打，好脆好脆，第一次食咁脆既酥皮，真心正呀。蛋就甜甜地似葡撻。下次有機會希望再食啦，我對佢其他酥都有興趣🥰不過如果要排好長就未必了。

平日11:50點排隊等12點出爐，做第一個買新鮮出爐嘅蛋撻，大約等到12:10點，即買半打走人。12點呢一輪有唔少附近返工或者居民過嚟買架！包裝好靚好有誠意，蛋撻盒好大，我個袋裝唔落，加一蚊買咗一個大紙袋。蛋撻 $12新鮮出爐即刻食一個！size偏細，打開盒就聞到好濃牛油香、蛋香 。撻皮係千層酥，層層分明，超級酥脆，濃濃嘅牛油香。蛋漿好熱，唔甜，蛋味偏淡。酥皮比例上多啲，所以每一啖都食到酥皮包住蛋漿，個人非常喜歡呢個比例。返到屋企已經凍晒，所以焗返熱佢。雖然出咗啲油，以酥皮嚟講可以接受。同新鮮出爐嘅時候比較，黐住蛋漿嗰層酥皮有明顯變腍，酥皮亦都冇咁脆，但都係屬於好食嘅蛋撻！杏仁牛角酥 $28返屋企焗熱，牛油味明顯冇蛋撻咁香。中間+表面有層杏仁膏，杏仁味濃但有啲假。酥皮冇咁脆，中間部分更加有啲腍，可能原味會更加好！

廣告成日話呢度既蛋撻好好好食，d酥又好鬼靚，次次經過見到都冇人排隊得返d外表望落去好靚既酥，但係蛋撻賣曬所以一直都冇機會試。今日1點行過咁岩見到幾個人排隊，估計蛋撻差唔多出爐就去排下，排左約5分鐘就見到蛋撻出爐，由於條隊大部分人都買蛋撻又有2-3個職員幫手唔洗5分鐘就買到了..蛋撻$12個，價錢可以接受，蛋漿食落同連鎖炸雞店既葡撻一樣，酥皮層次okay又夠黑，食落又夠脆，不過鋪頭賣既係蛋撻，唔知點解我果幾個蛋撻睇落去同食落去都係似葡撻，值得一讚既係個盒同袋超級靚，如果要排隊就一定唔會再買…唔洗排都要諗諗既…