影片
電話號碼
23268832
營業時間
今日營業
08:00 - 20:30
星期一至日
08:00 - 20:30
以上資料只供參考, 請與餐廳確認詳情
話說有日坐巴士在太古城轉車到朋友家，正打算上人家屋企，買咩作手信之際，穿過太古商場，看見有餅店很熱鬧，排晒大隊⋯⋯好奇之下一問，原來排隊買蛋撻，店員告知，籌已派晒，你會否考慮繼續排隊試試？於是問: 如果買唔到的話，可以買其他？她說當然可以。當時已經是2:55pm 距離出爐時間還有5分鐘，一於碰碰運氣⋯⋯在排隊過程中，詢問之下，第一張籌已排咗一個鐘頭之多，真犀利。每人限買一打，所以排在前面的必定買到，筆者見買得咁高興，一於湊熱鬧。三點鐘準時出爐⋯⋯幸運地輪到筆者嘅時候，仍有貨，買了一打加兩件牛角包，到朋友家，相信大家一定很開心。半打為一盒，平均每件$12, 每個用紙盒分隔，運送途中冇困難。皮做得很鬆化，一層層，陣陣牛油香氣很吸引，蛋香甜度適中，幸福感滿滿。牛角包$18~包裝袋精美，牛角包內做到一層層，但由於當天吃了蛋撻，朋友叫我將牛角包帶走，留在第二天吃，用焗爐預先加熱，之後焗爐熄後才放包入焗爐，隔一會兒才拎出來，質地剛剛好。整體來說:新開人氣，還在太古城內，有其吸引力，值得一試。
繼續閱讀
之前啲人個個都去太古城排lubus蛋撻，搞到我都心思思好有興趣，見前幾日有啲時間就諗住去試吓佢到底係唔係真係咁好食！見到其實佢有寫蛋撻出爐時間，最近我當時嘅時間係15:00，由於我唔係真係咁鍾意排隊，諗住去搏一搏，如果排唔到就算，最後我14:40去到舖頭，已經有大約15至20人等緊，諗住最多都係等20分鐘，都OK啦大約14:50會有職員出嚟逐個mark低每人要幾多個，會寫張紙仔俾你，之後冇得改 搭正15:00就可以開始買去最前嘅時候你就會望到成個櫃都係好吸引嘅麵包，職員都會好有禮貌問你需唔需要買埋其他麵包，我本身都淨係諗住買蛋撻，但係見到啲牛角酥太吸引，所以就買咗一個牛角酥同埋一個朱古力牛角酥蛋撻$12@ 又真係幾好食，個酥皮好脆牛角酥$18@ 佢嘅外型非常之吸引，係典型法國牛角酥嘅樣，食落都好鬆脆朱古力牛角酥$28 上面有可可粉同埋金粉，好靚好夢幻
繼續閱讀
太古城中心最近開左一間新的餅店，時常見到大排長龍買蛋撻。平日經過，下午5點唔算太多人，等了15分鐘就買到新鮮出爐既蛋撻。每個＄12，剛剛出爐新鮮熱辣，蛋撻皮是層層的酥皮，焗成焦糖化，鬆脆可口，蛋撻的餡唔算太甜，有濃郁的蛋味，口感香滑，二者互相配搭，美味合襯。另外都試埋牛角包，每個$18。牛角包深色的部份用左蜜糖焗，有少少嘅甜味，中間嘅空氣感十足，層層疊疊的孔隙帶來更輕盈鬆柔的感覺。整個牛角包都好好味👍。不論蛋撻或牛角包都做得好出色，店內還有其他唔同pastry。造型每個都好靚，可以再試，如果唔買蛋撻，其他食品是不用排隊都可以買到的。
繼續閱讀
次次經過都勁多人排隊，網上見過話好好食。今日經過第一次既時候見到無人排，心諗係咪可以唔排隊試喇終於，點知原來有個牌寫住蛋撻賣晒。。結果我今日第二次經過既時候見到有人龍喇，不過個賣晒牌仲健在，到底仲有冇呢。。？原來有寫出爐時間。由於見條隊只係去到一半，唔好理，排左先啦。排下排，職員突然間話蛋撻得返一盤，後面既人可能無。😱氣氛即刻好緊張，前面個呀姨望住我話希望有啦。排到呢度仲有20個，安全喇！！終於俾我排到喇！最後買左3個。同港式蛋撻唔同，佢呢個皮超厚。咬落去其實蛋係好少，成件以酥皮主打，好脆好脆，第一次食咁脆既酥皮，真心正呀。蛋就甜甜地似葡撻。下次有機會希望再食啦，我對佢其他酥都有興趣🥰不過如果要排好長就未必了。
繼續閱讀
平日11:50點排隊等12點出爐，做第一個買新鮮出爐嘅蛋撻，大約等到12:10點，即買半打走人。12點呢一輪有唔少附近返工或者居民過嚟買架！包裝好靚好有誠意，蛋撻盒好大，我個袋裝唔落，加一蚊買咗一個大紙袋。蛋撻 $12新鮮出爐即刻食一個！size偏細，打開盒就聞到好濃牛油香、蛋香 。撻皮係千層酥，層層分明，超級酥脆，濃濃嘅牛油香。蛋漿好熱，唔甜，蛋味偏淡。酥皮比例上多啲，所以每一啖都食到酥皮包住蛋漿，個人非常喜歡呢個比例。返到屋企已經凍晒，所以焗返熱佢。雖然出咗啲油，以酥皮嚟講可以接受。同新鮮出爐嘅時候比較，黐住蛋漿嗰層酥皮有明顯變腍，酥皮亦都冇咁脆，但都係屬於好食嘅蛋撻！杏仁牛角酥 $28返屋企焗熱，牛油味明顯冇蛋撻咁香。中間+表面有層杏仁膏，杏仁味濃但有啲假。酥皮冇咁脆，中間部分更加有啲腍，可能原味會更加好！
繼續閱讀