BAKE Cheese Tart (已結業)

行街經過美心，見到芝士撻，但當時無買到，後尾過左幾分鐘後突然間好想食🙄於是就周圍搵邊度有啦，行到APM見到呢間細細地既鋪係專賣芝士撻既，味道質素應該都唔錯，所以就算價錢少貴，都要食！見到佢有限定既Banana chocolate 芝士撻，但驚中伏，所以都係食返原味夠晒穩陣。原味芝士撻 $22芝士撻並非現烤，所以係室溫。一咬開d creamy cheese 就湧晒出黎，好澎湃，食得出好濃好香既芝士味同奶香味，咸咸地，佢既奶好似係用北海道牛乳，好好味！而個撻脆脆地，又唔會太過重牛油味，岩岩好，下次經過一定會再食🤤🤤不過如果有返少少熱度就完美喇！

成日經過APM呢間芝士撻，作為芝士迷既藍妹，終於的起心肝試下。😆細細隻，22蚊其實都幾貴下，不過又真係幾香啵。裡面既芝士係超級creamy，好滑好濃。出面既撻皮焗到好香，硬身既口感同裡面既creamy口感形成左強烈既對比。😍藍妹食到lam lam脷，不過都係覺得好貴，如非必要，都唔會keep住再黎食。🤑

曾經係一年前Sogo排隊排隊傻嘅Bake Cheese Tart 終於開咗分店，依家都已經冇咗排隊嘅熱潮，我先第一次試哩個芝士撻，話說有咗芝士撻之後就好多其他甜品舖仿效，半熟啊流心啊咁……咁我見冇乜人排隊咁又想試下，咁就課下金食一次啦! 芝士撻最怕就係太膩太滯，哩個都幾濃芝士味，食落唔會話太膩，外層撻皮都幾重牛油香味，不過食完一個就真係要比心機做下運動啦，一個嘅熱量都應該幾多下，甜品真係令人有愛有恨咪就係咁解囉。

單用一種產品支撐起一間在香港的店舖，價錢其實不算過份，質素亦不下其價。芝士撻是在東京起家，第一間駐港分店選址銅鑼灣，不久在apm再開分店，但今日經已熱潮不再。芝士撻雖說是新鮮烘焙，但不幸到手的一批已經涼過室溫，味道與口感卻很是驚喜。首先cream cheese以北海道芝士為主，輔以其他芝士，增添層次，濃香醇厚的「芝味」不單富有芝士的淡淡鹹香，加上鹽味調和，帶出少許甜味。另外，少許檸檬汁消去一絲膩感，最為可取的是檸檬只是輕輕帶過，不會喧賓奪主，大勝同是來自日本的Pablo芝士撻。軟滑細緻的口感同樣加分，縱然未溫熱流心，但面層凝結的芝士外皮更香濃厚實，反而有兩層明顯質感，不怕單寡。最後作基底的撻皮經兩次烤焗，牛油香氣溢滿每一口，拎上手卻又不見油光，酥脆之餘不易捏碎。就算一人食兩個都不會感到半點飽滯，作為小食或飯後甜點皆是不錯。

2018年1月13日 (星期六) 4:00pm室內面積非常小，以深灰色陶瓷磚作裝潢，簡約低調。店內擺放了大焗爐、食物層架和托盤。焗爐負責不斷烤焗，確保芝士撻源源不絕，新鮮出爐。 每個芝士撻定價為 HK$20，4 個要 HK$80，價錢比較昂貴，我覺得每個應該 HK$12 左右就差不多呢！ 只有一個店員負責包裝和收錢。 中年的店員彷如機械人一般，木無表情，服務態度有待改善。 不用排隊【 最 佳 食 法 】：1) 當天以常溫享用2) 放進雪櫃，冷藏後則像雪糕3) 焗爐加熱，外脆內軟。 芝士撻 - 軟心芝士慕思以 3 種芝士配合而成，包括北海道函館產輕味芝士、法國產鹽味忌廉芝士和別海產濃味芝士，質地輕盈，感覺似慕絲又似泡沫。芝士撻外表烤焗得金黃，內裏餡料滑溜，可惜芝士味不算濃郁，反而略帶微酸。撻皮方面，超脆曲奇餅底是用牛油搓成，又香又脆口，值得一讚！ 芝士撻全部由日本空運到香港，售賣前才拿出來翻焗。廚師特意用上『二重燒製法』：首先燒脆曲奇餅底，之後加入芝士慕絲再燒焗，質感香脆，不飽滯。 芝士撻比我想像中的細小，味道帶微酸。加上，每個撻竟然由日本預先製作好，之後才送過來香港翻焗，奶酪製品的保

之前睇雜誌聽講銅鑼灣有一間新開嘅日本芝士撻好多人排隊,最近觀塘都開咗啦，而且價錢唔算太貴，於是同同事買咗一盒試試。之前都食過唔同店舖嘅芝士撻，呢間芝士撻， 都算係我最滿意嘅一間。首先唔使排隊，可能大家已經食厭掛，一去到就有得即刻有，完全唔需要排隊。芝士撻非常香濃，咬入去流芝士即刻流晒出嚟，同時我亦都好欣賞佢嘅曲奇餅撻皮，小小甜，又唔似平時酥皮撻底咁油膩。佢可以熱食可以凍食，放落雪櫃食就好似食緊cheese cake咁，如果放入微波爐叮一叮，流芝士效果會更加一流。

還記得兩年多年前，BAKE 在銅鑼灣崇光百貨落戶，當時一時無兩的人龍，把整個超級市埸弄得水洩不通，人龍更是見首不見尾，限購的埸面還歷歷在目。今個星期日，去到今年初在觀塘開的分店，我真的不相信星期日的下午，竟然一個人排隊都沒有。既然不用排隊，當然買一個即刻吃。星期日的下午，竟然這麼冷清。BAKE Cheese Tart ($20)👍👍👍芝士撻價錢一個$20， 六個$110。芝士撻用了三種芝士造成，包括兩種北海道芝士和一種法國芝士。而其中美味的原因在於店舖與工房合二為一，客人可即時購買到剛從焗爐焗好，新鮮熱騰騰的蛋撻。但可惜，現在人潮不再，焗好了的蛋撻放在室溫下良久才有人購買，與兩年前在Sogo 吃到的雖然味道一樣，但溫度不同，令到芝士的流心質感大減！正所謂熱情減退，人潮不在，芝士流心也減退！雖然知道室溫或雪涷來吃都可以，但個人覺得芝士撻新鮮出爐，一口咬下流心芝士瀉出才是最美味！芝士撻搣開一半，芝士流心一因放涼了而減少。我買到的芝士撻正是放在室温下不知多久，已涷了的蛋撻，雖然味道一樣，但溫度卻影響了口感，令我十分懷念兩年多前吃到一口熱辣辣的流心芝士撻。店員把芝士撻掃上蛋黃，準備放入焗爐內。

Bake 既芝士tart, 記得想當年起sogo真係人山人海，最勁排粒幾鐘先買到一個。香港人都係貪新忘舊，潮流既野家下變得好快。夜晚巧經apm 就買左個食下，完全唔洗排隊無咩人，起入邊做店員都幾苦悶，隔住個玻璃呆望。唔知係咪因為賣唔晒的關係，芝士tart 唔算熱只係暖暖地，另外賣相方面都係燶燶地咁。不過曲皮奇係幾脆好鬆化，味道帶甜的。芝士真係做到流心效果，芝士味濃帶點酸，甜而不腻，口感細滑，不消兩啖就食晒，一陣風咁就食左20蚊，都幾貴。

一件芝士蛋撻究竟要賣多少錢呢?不同舖頭就有不同的價錢出售，而呢間鋪頭獨沽一味只賣芝士撻，簡單得來卻深藏不露，真是要買番一件來試一試虛實。芝士撻1件$20 ，6件$110芝士撻面頭有濃濃的芝士吸引大家的眼球， 而且有香濃嘅芝士味飄來，先一小啖咬落去，終於明白點解賣咁貴，芝士和牛奶的比例配搭得剛好，微微牛乳香托起芝士的獨特味道，加上香口酥皮真是很好味。小食多滋味，一件剛好不會滯，另外，喜歡舖頭標識設計夠型格，別具風格。

喺APM亂逛之下，無意中發現呢間芝士撻專門店，透過鋪頭嘅透明玻璃，可以睇得好清楚裏面有好多圓咕碌，非常飽滿且金黃色嘅芝士撻🤤好吸引人啊！我當堂忍唔住買咗一個，帶返屋企，留返嚟做下午茶慢慢品嚐買到返屋企，我大概等左四個鐘左右，再放返入光波爐翻熱嚟食。雖然帶到返屋企佢已經冇脹卜卜，但係味道依然非常好我相信買完之後即刻食會係更加正。芝士撻翻熱之後，曲奇皮仍然香脆；該流心嘅部份依然係非常流心芝心可以話係一咬即瀉芝士味我覺得係屬於比較light，而流心芝士份量比例上雖然多，但食完絕對無油膩或者係好滯嘅感覺，甚至乎會覺得好想食多一件另外仲想讚一讚店員嘅服務態度，雖然佢係戴住口罩，但係當佢將芝士撻遞俾我嘅時候係，用雙手奉上，而且我覺得佢同我講嘅多謝，係真係發自內心Bake的確係一間值得再回頭幫襯嘅芝士撻專門店

好啦咁岩行過apm 見好耐無食過撻諗著買隻食下，同事話bake 係apm 有咪去下囉。， 咁服務同鋪面清潔果啲就無問題嘅，但係大佬 !!!!!! 拿上手都知伏，一啲都唔熱 連暖都講唔上好懷疑係咪我買中咗放咗n咁耐最舊果底最後嘅果一隻囉！！！！！！！！！！！又凍又實唔好食，sogo買過都唔會咁apm分店有冇咁差呀？ 大佬我幾蚊買隻港式蛋撻好食過你啦，最基本既條件"熱"你都比唔到我，重要你賣緊$20隻架！呢間野無下次！！！！！！！

今晚食完晚飯同最愛買個撻撻做飯後甜品，呢間野我地係日本已經食過，當時新鮮出爐超好食，芝士味濃郁，外脆內軟配合配合埋溫暖的溫度，簡直一流，當時食完一個，雖然有輕微膩但都會好想再食。黎到呢間，um...夜晚時段我見仲賣剩好多個，我用$20買左個黎試，可能由於賣剩的關係，我呢個撻撻好可惜係唔熱，唔脆口，咬入去得番室溫的芝士流出來，食左半個已經好膩，結論係我唔會再買黎食，除非我咁岩經過咁岩肚餓又咁岩佢新鮮出爐又咁岩個排好有錢！

日本過江龍既芝士鐽😍開之前排晒大隊～咁岩去開apm冇乜人排即刻買黎試下☺️ hkd20蚊一個～佢啲皮係做到勁香勁脆😈入面啲芝士係爆出黎但好在唔係好液體個啲，比較澀身但都做到好creamy好芝士👌🏽係真係好食架，勁香，食完唔至於會膩👍🏿

星期三同表妹行完apm,臨走前請佢食件流心芝士撻。好耐冇食呢間既流心芝士撻了,每次食之前都擔心會唔會好飽,但每次既擔心都係多餘。一來唔係實心既芝士,係輕輕的流心的,二來有一陣清新檸檬味道。係一件食極唔會厭既撻。下次試下放入雪櫃凍食。

今日過嚟觀塘食飯行過APM順便黎到呢度買翻幾個芝士撻＄20個價錢方面屬於中價間唔屎食一次都OK嘅因為幫襯嘅時間都比較晏幸好都仲有存貨可以購買, 最後買咗六個返屋企慢慢嘆而家先發現原來本身嘅芝士撻未焗嘅時候係咁嘅樣架, 都係脹卜卜好吸引蛋撻一向我都鍾意食牛油皮當然芝士撻都唔例外啦！ 牛油皮配上芝士餡料真係一個一流嘅配搭芝士撻上層焗到金黃色賣相相當吸引食落激流心狀態同牛油皮相輔相成, 未到真係無得輸！超級好味而且因為佢細細個 成為輕食首選就先係食完飯, 自己都可以輕鬆搞掂兩個🤤🤤🤤好正呀！