Backenheim Cafe & Bakery (已結業)

吃不出巴西汁是什麼﹖這包還是叫”芝士蕃茄包”更為貼切呢^^3片蕃茄保持多汁；芝士銷滿包面，咬啖芝士，能拉開成一絲絲長條的，像吃PIZZA一樣；略嫌包底較油。

d 麵包好多款呀!!而且都唔錯, 尤其係d牛角酥仔($13/ 5 pcs), 日式蕃薯包($10)d 蛋糕仲好靚tim 呀新出既士多啤梨杯($24), d moses 好滑, 士多啤梨一d都唔酸, 又紅又靚)不過好可惜, backenheim 就結束喇~~

Disappointed

次次經過都無行入去今日終於入去買左2款麵包其實同a-1 d麵包有90%都一樣點解唔同名呢??買左四四方方既朱古力麵包同埋好耐無食既牛角酥四方朱古力麵包無咩特別..反而牛角酥唔錯唔錯好脆好鬆化可能太耐無食但我下次寧願去a-1好過

好幾次經過呢間麵包店+餐廳都好想試o下,尋日同男朋友去海港城行街, 見唔係太多人就決定o係呢度食lunch.lunch set包餐湯,沙律,麵包,主菜同餐茶。主菜, 有飯有意粉,仲有一個德國肉腸餐, 我同男朋友就點o左西蘭花煙肉意粉同埋魷魚墨汁意粉。沙律材料普通,不過勝在可以揀千島醬或者意大利汁。意大利汁一o的都唔油,唔錯。餐湯係忌廉菜湯, 雖然細細碗, 不過份量o岩o岩好.最驚喜o既係原來bread basket係可以refill o既!!有黑麥包,麥包同一條條o既餐包擇。我自己就最鍾意黑麥包,夠香。主菜o既兩款意粉都幾好味。西蘭花煙肉意粉不過不失,水準一般。但係男朋友食o既魷魚墨汁意粉就真係好好味!墨汁意粉食落去好彈牙好爽!!雖然係細o的同嘈o的(因為無門), 不過50幾蚊(仲要無加一)食餐o甘完整o既lunch真係好滿足。:]

麵包向來都係至愛，一個麵包可以當係一個lunch。佢地呢排新出左個黑芝麻火腿芝士包，出面有脆脆既芝麻係面，入面混有黑芝麻、火腿and芝士做內餡，每食一啖都有好香既芝麻味，個面仲好脆，軟軟既芝士加火腿簡直係絕配。你仲可以叫counter既小姐幫你切開幾件，海港城呢間比起其他分店真係忙好多，不過百忙中既服務仍然都係好好。

年三十當晚原來買一個似樣D既生日蛋糕都唔易, 今晚順便同阿嫂慶祝生日, 響尖沙咀走了幾間先比我搵到一個靚靚蛋糕. 買了一個一磅蛋糕, 蛋糕盒的包裝十分之靚, 配上綠色絲帶. 蛋糕賣相也十分吸引! 面鋪滿色彩鮮艷的生果, 入面的蛋糕十分鬆軟又唔會太甜, 唔錯!

逛了一會,準備回歸前到這裡買點下午茶和vip們分享.經常經過,原以為是德國式的靚麵包,就試試啦.德國黑稞麥包- 都是我expect的味道.無油無糖,好"麥".好健康.但卻欠我想要的真正"麥香".黃金芝士包- 望落好硬,但食落都是軟熟的.包面和內裡都有一些芝士粒,半溶狀態.這個ok.提子鬆餅- 好實,一點都不鬆.整體來說,麵包都不夠新鮮,全部都"凍冰冰".好多麵包都放得好亂.沒有freshly-baked bakery的作風.不值這價錢呢.最愛都是Little Mermaid. 其實好多小型麵包店都比這兒好.

食完LUNCH走去買個MUFFIN做TEA, $8一個Choco muffin都算合理3點幾食個時, 個面都重有點硬硬地, 但係入面係超級無敵勁鬆散, 好似放左3日咁, 好麻煩, 散到周圍都係, 加上個CHOCO味又勁淡, 即使有CHOCO豆都唔係好夠味, 甜味亦係不足, 簡直係完全失敗之作!!!!

個人非常喜愛日式極度鬆軟o既雪芳蛋糕, 見到beckenheim新出左栗子雪芳切件蛋糕, 雖然細細件要成$22, 但都二話不說買件食.不過可惜, 蛋糕無想像中咁鬆軟, 而且師傅捨棄軟滑忌廉而選用栗子蓉, 令到蛋糕乾左少許\. 有d失望

陪女友到「M Duck」買行李箱前，在這兒買些食物補充體力，好為作「搬運工人」做些準備。大小姐吃了枚紅豆綠茶忌廉包（$8）。體積細了四分一，價錢調高一蚊，味道不變。我吃了麻糬球（$10 / 四個），味道依然，外脆內軟。鯨吞四枚後，get ready 充當物流界人仕！

9 February 2006 (Thur) - 小吃做Yo前又想食啲嘢但又要留返個肚做Yo後食飯，決定買個包，去到見到啲包好似好多都好Heavy，想食light啲，唯有買Pizza包，原先都諗住會好似普通麵包店咁只係得面頭嗰層有芝士味，之後就只有包味，但原來係幾好味，個包暖暖地，啲料好似食極都有，粟米呀，磨菇呀，芝士呀，全部都好正！

好耐之前o係度食過，覺得好味，帶左朋友仔黎一試，但今次有少少失望。我地叫左一個set dinner (磨菇汁石斑拼豬扒薯菜)同埋加左個海鮮什菜天使麵。先黎係麵包，我揀左麥包，朋友仔揀豬仔包。一致認為豬仔包好味ｄ！！（不過麥包亦唔差。）個湯係磨菇忌廉湯，都算唔錯。set dinner o既main course先到，石斑同豬扒都超級好味!!!!石斑醃得好入味、豬扒亦好稔。薯仔同菜都係配合得相當好！出事o係天使麵度。雖然天使麵好好味，但ｄ海鮮全部都係淡如無味。唔單止係雪藏貨，仲要完全冇醃過！！ｄ魚好腥。不過幾過我調味一番，都力保不失。甜品我估係什果香檳jelly，個人唔好酒，不過好酒o既人可能會覺得係幾好味。

真係好多一粒粒既蕃薯!好似粒粒芝士咁!由於份量好足,啖啖都食到蕃薯,同包夾埋一齊有少少heavy既感覺,食完有少少飽滯,味道ok,食到蕃薯味,但係我唔係特別鍾意!

不嬲都唔鍾意食杏仁牛角酥裡面o既杏仁醬, 嫌佢有陣獨特o既味道. 但係Beckenheim o既杏仁牛角酥裡面係花生醬, 而且牛角酥好脆又唔油, 雖然係貴左d, $13一個, 但係都會翻炒.