B‧B 海景餐廳

營業中

休息中

好耐無去過離島, 星期六去左南丫島行下山, 影下相, 食下豆腐花, 黃昏就黎左呢間海景餐廳食dinner, 時間仲早, 我同嬸嬸就坐係戶外望海既一張四人檯, 睇住日落, 環境又唔會因為人多而嘈雜, 好舒服!兩個人叫左兩個set dinner, 再加一個沙律---南瓜湯+蒜茸包 個湯貌似平平無奇, 但飲落好creamy, 岩晒我口味, 但蒜茸包就只係一般凱撒沙律 水準唔錯, 不過就用返跟湯果隻蒜茸包就麻麻地, 如果可以用麵包糠就 perfect龍脷柳意粉 嬸嬸點左呢個意粉, 佢怕食魚既都唔會覺得腥, 不過如果多d汁就更加好墨汁海鮮闊麵 我就點左呢款, 入口都係好creamy, 海鮮食得出係新鮮既, 尤其係隻蝦, 好爽口對於服務都幾滿意, 侍應們都面帶笑容, 而且refill水極快!主菜份量都唔少, 食完飲埋杯餐飲好滿足

對上一次o黎呢間餐廳已經係上年冬天o既事，果次係因為同女朋友塔錯船去索罟灣，行完山返去榕樹灣果邊已經開始入黑。兩個人唔知食乜好，咁o岩行到去呢間餐廳門口，侍應好熱情推介我o地入去。見到餐廳裝潢同格調都幾好，價錢又ok，咁就入去試o下，都覺得唔錯。今個星期六見難得有陽光，想去離島玩，去o左南丫島行完上風車等等景點之後，決定再去呢間餐廳。諗住可以坐最近海果幾張枱，不過已經比人座o左南瓜忌廉湯好有南瓜味，多士上枱仲係熱同脆，醮湯一流。我揀o左招牌燒豬仔骨，大大份，豬仔骨上面有醒胃甜酸茄醬，令豬仔骨燒出o黎少o左油膩感。另外配菜有南瓜、胡蘿蔔、以及大量薯角，大胃王一定夠食。至於女朋友今次揀o左海鮮燴意粉，賣相唔錯，佢話ok，不過就冇比我試佢最欣賞餐茶o既奶茶係茶、奶、糖係分開上可以自己調教口味喎~.~兩個人食個有情調o既海景晚餐埋單大約HKD $260，侍應服務都唔錯，值得一試！

雖然人愈大生日變得愈來愈唔特別，但係都要慶祝既.......來lamma過一晚夜，來這兒吃晚飯首先來的南瓜湯好好味，好有南瓜味！鮮蠔焗飯的蠔夠大超好味！鵝肝都好好味，外脆內軟紅酒燴羊膝則一般，好像不太大陣羊味凱撒沙律只得菜和麵包脆，但都ok叫了兩杯紅酒，不過我始終不太喜歡紅酒！埋單$560，少少貴但環境同食物質素都值的！

之前睇openrice見comment唔錯，中午一落船經過又見個waiter好主動咁介紹，於是即刻book左個靚景位for dinner。首先上2個set dinner, 一個係angus steak,　一個係sea bream fillet，2杯house wine及４隻芝士焗蠔。先講餐湯，南瓜湯味道香濃，食到粒粒南瓜肉，不錯不錯，但配湯既蒜蓉包太硬，同超市買返黎焗既分別唔大。跟住既芝士焗蠔就物超所值，$88/4隻。蠔有好香既芝士及菠菜襯托，入口香甜，熟既程度剛好，有少少海水味好新鮮。我地仲order左2杯餐酒，紅酒入口ｏｋ，但白酒雪凍左，好奇怪。講到主菜，我好少可享香港敢order 5成熟既牛扒，諗住摶一摶，牛扒只係有甚少血水，外層煎得好香，入口甚具牛肉味。而魚都煎得剛好，沒有一點腥味。呢兩個主菜幾乎唔點sauce已經好好味，值得推介。之後order tiramisu作是次晚餐既完美句號，味道不錯，但又好凍，ｈａｈａ，如果再多ｄ酒味會更好。總括而言，服務一流，環境一流，食物質素非常不錯。下次黎南丫島必再試。

零九年十月尾，來過一次南丫島，當日的日落很美，由藍天白雲到橙黃色的天，再變成紫色和紅色，漸變的色彩加上一片片薄薄的綿花雲襯托著，的確令人迷戀，很久沒見過如此美景了，是幸運，是福氣。入黑後平伏心情，在附近逛了一回和吃了些小食，就來到海景餐廳。那兒環境優美，音樂和海浪聲交織，既悅耳，又動人。點菜後先上的是栗米湯，這兒的栗米湯很濃很杰，不是很多料，但如此的味道，第一口就感覺到有水準，之後就停不了。這個的確是一個好的開始，我們也很快地清碗。另外，蒜蓉包蒜香味十足，喜歡的。再來是龍利柳意粉，一大塊魚柳和意粉也不多汁，所以一上碟給我第一個印象是很乾。意粉是有彈性的，不會太淋。龍利柳沒有腥，上面有很少的白汁襯托著，那白汁其實調得很入味，完全配合龍利柳，但因太少，所以要求另外上一小碗汁，才可以滿足我倆。鮮蠔焗飯就真的要推介了，的確是非常好吃。那些蠔很大很新鮮，咬下去軟綿綿，鮮味在口腔中引發，蠔的數量很多，配合上一碟說的好味白汁和最愛的芝士，溶合在飯上，太夾了。不是什麼紀念日，但當天的確值得紀念。相約在十年後的那一天再來，你會記得嗎?

去年, 小豬兒自己去了吃今年, 一起去吃以為沒有墨魚麵, 小豬兒又但原來在大份menu內有.即時叫了, 另外是較經濟之是日午餐C洋荵豬扒.全名為 芥辣汁海鮮墨魚麵, 芥辣汁有點似 芥辣薯片那味, 配襯麵條也效果良好, 沒有很辣, 味道香濃, 欲罷不能.海鮮亦不算少, 魚, 蠔, 蜆, 蝦, 魷魚, 全數皆新鮮, 不錯呀!敗筆, for me, 是叫了洋荵豬扒, 叫就叫做平d, $58, 但和樓下茶餐廳那些沒有分別, 可能周街d茶餐廳 d豬扒更佳,這兒的既不腍, 也不爽, 觀大家不要再試.可能叫A雞絲長通粉更佳. 或可以用多少少$叫2個 芥辣汁海鮮墨魚麵($78) 冇咁嬲.p.s. 湯也挺好的, 不像街外的hea罐頭湯很稀.

難得放大假當然有咁遠去咁遠，但係心係咁想，浪跡天涯當然就無我份，只有揹埋notebook到離島坐返日，吸收下大自然的靈氣﹗一早搭船先去索罟灣，第一個行程是行山，行番個幾鐘山路去到榕樹灣，就可以開餐喇﹗次次去到南丫想食飯都想試新野，不過想來想去到最後都係去左呢間BB，始終有個情意結，與其博一博幫趁對面，不過食番佢算數﹗坐在海景位，看著碼頭的煩囂，一個人可在這兒自得其樂吃著午飯真係心曠神怡，點了個茄汁蜆意粉午餐。餐包是蒜蓉包，香口鬆脆﹔湯是粟米湯，生粉太多濃得濟。主角意粉，煮得火喉恰當，夠乾身，意粉仍有彈性咬落亦煙韌，茄汁調得惹味，蜆仔亦算多，可惜的是份量太少，兩啖就食哂﹗最後嘆埋杯coffee，悠然自得，聽聽海聲，望望天空的鳥，是一種幸福，愛在這兒食飯豈止由於食物，更重要是環境。

當日到達南丫島已經是下午，順道四出找尋美食，經過B‧B 海景餐廳，記得見過很多對此店意見正面的食評，於是與女朋友入內一試。此店有室內、外兩部份，室外有海景，但由於當時日正當空，我地選擇於室內用餐。我兩分別選擇了三文魚天使麵和黑椒牛仔骨兩個午餐。由於兩個都是午餐，所以皆有蒜蓉包及餐湯，但兩片蒜蓉包都應該整了很久，所以有一片由內到外都非常韌仿如橡皮糖，而另一片則如餅乾並不如一般蒜蓉包一樣皮脆內軟，這正是重新加熱烘焙的結果。餐湯則是忌廉粟米湯就如一般茶餐廳一樣味道。而主菜方面，那份三文魚天使麵還算可以，但黑椒牛仔骨真是令人憤怒，那侍應還說不好食可退錢，若他說的是真，恐怕當餐他便要賠本。那牛仔骨非常韌，令我明白到要佢骨肉分離是非常困難，再加上非常鹹又夾雜酸味的黑椒汁，就如一些茶餐廳以濃味去掩蓋一些不新鮮肉類的感覺。以如此價錢我相信在任何地方都有更好選擇，這次確是一個錯誤的決定，以往去嘗試新餐廳皆會參考有較多正面食評的餐廳，結果雖不中亦不遠矣，但今次真是非常失望。

went to Lamma to attend a glass-making workshop and come here for dinner afterwards. We sat outside and its really nice, nice cool breeze and excellent view of the dusk, especially the weather yesterday is really nice.We ordered duck breast and BBQ ribs, the BBQ ribs are better. the duck breast a bit too fat. But overall, with the view and the vibe, its well worth the money.Highly recommened. By the way, the serice is excellent as mentioned by many other reviewers. Waitors are all super nice and

因為門口那碟芝士菠菜焗生蠔, 因為"燭光晚餐"4個字, 我們決定無視價錢去試這家餐廳.餐廳可選坐室內或外, 但室內是不會點蠟燭的.正好當晚有海風, 當然選擇坐在海邊吃燭光晚餐啦Waiter哥哥在門口兜客時說了一句 "有酒店水準ga... 你試過就知~"原本只為了那碟價錢合理又賣相吸引的生蠔......沒抱很大期望...說不知...... 喜出望外*- 芝士菠菜焗生蠔($128): 7隻暖暖的生蠔, 配上菠菜和香而不膩的芝士汁, 每隻都令人回味無窮. 我是個吃不下冷生蠔, 又很怕過熟蠔的人, 兼且極之喜愛芝士, 這碟蠔簡直過於我所求所想呢!!- 煙三文魚雜菌天使麵($78): 整碟麵最特別的地方, 是忌廉汁濃而無味, 卻襯出雜菌的天然味道. 很難得吃到沒有味精的忌廉汁, 雜菌和煙三文魚亦很新鮮, 個人認為比酒店更出色~- 磨菇忌廉湯配蒜蓉包: 晚餐包括的. 打碎的磨菇配合香濃忌廉湯, 也是沒有味精的作品. 蒜蓉包晚香又脆, 不過餐湯和包都略嫌太重牛油.廚師會盡量配合一道道上菜, 只是我們太enjoy...... 所以未吃完就上下一道了~不過waiters很好人, 就連洗碗叔叔都很好人,

入到南丫島一點左右,當然馬上搵野醫肚係門口見到lunch menu閒閒地都要價$6X-7X-.-本來諗住走,點知有位服務生特登出黎介紹,話已經有下午茶,我地心諗:咁快有?!-.-但下午茶又抵食好多,加上環境睇落唔錯,決定一試~果然無失望啦~雖然係下午茶但份量都幾足,唔會食唔飽order左(1)香草醬鮮蝦意大利粉:香草醬個味調得恰到好處,香得黎又唔會蓋過蝦既鮮味,唔會覺得自己好似食緊一紮草落口咁~(2)蒜香煙肉炒意粉食完成碟都唔覺得油,good!!!!煙肉香得黎唔會過咸,good!!!!不過味可以再濃D~=](3)白汁燴海鮮意粉一上菜,我地幾個即刻大叫:"好香呀!!!"特別欣賞隻白汁,唔係一撻撻果種,係好creamy果種,好好味******特別一提********佢地有事先預熱過隻碟先用黎盛意粉,上到台隻碟仲係好熱,事先預先餐盤呢一個步驟係煮意大利粉黎講,係非常重要,不過有好多so-called"高級"餐廳都唔會做,因為太廢時,今次居然遇到咁專業既大廚,又一個加分位另一個大既加分位當然係服務態度啦!!!個個都好好笑容,幫我地影合照,影足三部機,都無say no,無比面色,仲建議我地點企添

同成班朋友入 Lamma Island 玩！行完山緊係要去醫肚先啦！本身打算去書蟲度食可惜無位！又餓到死！結果就誤打誤撞入左黎 BB 度食 環境幾好幾舒服d waiter 叔叔好 nice 好 Funny 不斷搞爛 gag！跟住 d 野食又真係出乎意料之外架喎起初諗住求求其其醫好個肚就算點知佢有賣相不特止！我叫果個 大蝦意大利粉 ...隻大蝦係好新鮮！不過唔好飲咯杯檸茶 ...... 哈哈

My boyfriend decided to take me to lamma to celebrate my birthday.I loved the atmosphere, especially in the evening... the view is amazing! The environment is neat, clean and very green with plants and flowers!The guy at the door was very welcoming and sweet as well at all the waitors there, they are very attentive as well. I had a cheese baked oyster dish, beef ribs, salmon and king prawn dish! I'm very satisfied with the taste, quite delicious! However, the prawn was a bit over-cooked but ever

和女友到了南丫島,早在準備旅程之前,已在openrice留意到這間餐廳~到了餐廳後,點了一個龍脷魚&一個牛仔扒的set dnner~~~龍脷魚做得不俗,有魚味,但不腥,真的不俗~~牛仔扒,7成熟,熟o既程度做得準確,能鎖住肉汁~餐廳侍應nice~談笑風生~~~此餐廳可以再去~~讚!

同女友入開LAMMA~唔知食乜好~於是就試下呢間BB啦~DINNER 女友點左個香煎比目魚配芥末忌廉汁~我點左個XX煎鴨胸~南瓜栗米湯唔係頹貨~正比目魚魚肉鮮嫩~而且個芥末忌廉汁令人激賞!鴨胸其實都唔算細~反而個汁就真係麻麻地~凍檸茶無茶味~咖啡幾好味~食物整體都算OK既~服務態度都OK既~侍應好HELPFUL~但係呢~響我畀錢時~我一蚊TIPS都唔留低時佢竟然黑面如果有加一我都要畀TIPS...咁加一用來做乜呢~