影片
以上資料只供參考, 請與餐廳確認詳情
今晚約左人喺港島食飯，難得過海，所以特登過來石塘咀睇相展。坦白講，門面睇唔到舖頭名，但如果你都已經行到上來保德街，望到大玻璃入面咁多黑白相，就實唔會搵錯地方。原本諗住睇完相展就搵間cafe坐低做野，黎到先知原來呢度有野食，天氣又熱又焗，所以我就索性喺度食，點知有驚喜呢度要行到最入cashier order，可能因為主打都係出面啲相啦。menu選擇不多，不過都有包、意粉同all day breakfast。我心大心細，因為早兩日中醫叫我戒海鮮戒菇，唔知揀咩好，個staff竟然主動提出幫我將個牛油果燒蝦意大利包嘅蝦換做雞！！今時今日咁貼心的服務已經好少見，呢啲野真係連鎖店搵唔到 好明顯係即叫即整，雖然無咩高難度技巧，但食材新鮮，好不錯！之後忍唔住叫左杯咖啡同檸檬撻。咖啡拉花靚靚，所以要影佢地甜品係homemade，我就鐘意檸檬撻再酸啲，但都幾好味，而且好少cafe有整喇。其實野食就食完，但我一定一定要加呢張相！話說我其實都無再叫野食，咖啡都飲完，只係未夠鐘走所以一直坐啦，佢地都好好態度不停加水畀我，完全無壓力。呢度仲要係有wifi有插頭叉電，如果要搵地方坐低靜靜做野，我真心推介聽staff講佢地本業係攝影，因為想推廣攝影所以開呢間舖，都係有心人。佢地話平日比較少客，我由2點坐到佢6點收舖，都一直唔滿，都有少少鄧佢擔心，所以如果大家對攝影有興趣，或者要個地方坐低做野，支持下佢地啦～～
繼續閱讀
返左成個星期工，有時真係想搵個清清靜靜既地方透下氣，走走逛逛，就比呢間小店吸引住，最初睇外表，似係一間gallery，兩邊牆上都掛住唔同既黑白相，有政治既，有偏遠地區既，除左牆上面，餐桌上都有唔同既影冊，仿佛都好似想同大家分享攝影冊上經歷既故事，小店餐桌唔多，只有數張枱，走到盡頭有一個好吸引既甜品櫃，但我地都係決定先食正餐再吃甜點。正餐選擇唔多，只有三種，我揀左店主推介既Panini 味道選擇係牛油果蝦，老公就揀左個All day breakfast ，黎到後我發現個 All day breakfast大份好多個蛋，蘑菇同腸都好好味，我個Panini雖然細份啲，但味道更好，外脆內軟，蝦好爽不過salad 就不是我喜歡的，其實食完個正餐都飽左9成，但女人食甜品永遠都有另一個胃，我最初真係比佢個棉花糖吸引住，最後都忍唔住叫左棉花糖同蘋果批，老老實實，個棉花糖堅正，拉絲棉花糖拼朱古力榛子醬，超有罪惡感，同食得多真係有d漏，反而個蘋果批，甜酸剛剛好，仲有小小果肉，值得推介！！以攝影為主題既餐廳香港唔算多，聽講呢度定期仲有攝影展，愛好攝影又或者鐘意寧靜既又多一個好去處。
繼續閱讀
本身睇佢外邊好好睇睇咁無可否認裝修係幾靚嘅以為又係嗰啲行小清新路線既中價Cafe本身都幾期待入去食嘢估唔到啲嘢食 可以差到咁等咗超耐 然後失望而回熟食剩係得三款一個沙律 一個意粉 一個all day breakfast咁我哋就嗌左個意粉同個all day breakfast先唔講嘢食質素 成個廚房得兩條友 等左超過半個鐘先有第一樣嘢食 仲有佢好多野都係自助形式 包括落單針水先講個意粉 炒到勁樣衰 一出嚟我直頭心諗 我煮都靚過佢 其實真係好失望 點解佢連嘗試擺靚少少都唔試 不過食落個味係正常嘅 食落感覺上都健康嘅 不過就係健康囉唔係好食 佢啲料好多都唔夠 好多啖都淨係食緊齋意粉 仲有啲蝦佢連煎香煎脆都唔會 真係好失望去到個all day breakfast咁個樣就冇咁樣衰嘅但係嗰啲廚師連自己鋪頭個Menu都記唔熟沙律唔記得咗落醋同埋橄欖油 完全覺得自己係隻牛食草又唔記得比smoked salmon我哋要我哋自己去check 同返佢講跟住啲罐頭豆又係凍嘅 連熱下佢都唔肯不過我覺得個scramble eggs同埋蘑菇係OK嘅但係整體質素我會覺得好過我個意粉 起碼係覺得似餐廳質素 同埋個牛角包我覺得係好食嘅 咬開佢係見到蜂巢狀嘅紋理 不過個牛角包好明顯唔係佢哋自己整架啦不過佢收得呢個價外面有好過佢好多嘅Coffee Shop可以選擇完全唔建議來呢間野不過一嚟佢應該係新裝修好 依家可能未上軌道 希望如果佢有機會見到我寫呢篇食評 佢會知道我嗰日食得有幾唔滿意 會作出改善( ；´Д｀)Personal ig: datjune
繼續閱讀
位於西環山道附近的ATUM Space，環境寧靜舒適，有高枱也有普通枱，很有家的感覺。最近店內還舉行了攝影展覽，一張張訴說歷史的黑白照呈現眼前。店主熱情的介紹相片的理念，像上了活生生的歷史課。說回飲品，我點了一杯熱朱古力($40)，份量是比其他地方大杯。可惜朱古力味層次不足。朋友點了蘋果杯子蛋糕($50)，很小的一件玫瑰花形賣相很得女仕歡心。這裡都不失為和朋友相聚的好地方。
繼續閱讀