AnyMomentCafé

營業中

休息中

今日同一位好耐無見的外國朋友相聚~ 因為想坐得耐又舒服甘傾計，就搵左一間樓上Café~ 老闆好親切，所有野都係一手包辦，食物同飲品都係一人操作，但係水準一流，飲品方面仲有好多隱藏款~可以問下老闆有大量Board game，可以自由甘玩~真係坐一日都唔怕悶~🥢秘製咖喱炸雞扒超級驚喜!!! 無諗過係樓上Café 可以食到甘特別的一道菜~ 雞扒包裹咗薄薄一層炸粉，外脆內軟，咬落香脆，但肉質保持嫩滑，味道鹹香。第一次食咖喱螺絲粉，但意外地非常夾，咖喱份量剛好，掛滿係粉上，但又不會過稀，超惹味!🥢韓式牛肋條心機之作2~ 有個好可愛的鴨仔飯係旁邊，成道菜以微甜為主，好開胃，牛肋條煮得好軟棉入味，用上新鮮牛肉，先煎再燉，帶有濃厚牛肉香味，口感豐富🍹養生茶疏肝茶加入咗牛蒡、杞子等養生食材，飲落好清香，仲可以疏肝排毒解膩，好中意個水壺設計，可以隔開水同食材，斟茶時都唔怕會有渣，仲可以無限加水~🍹黑朱古力奶昔小店獨有，出面較難會飲到，用大量黑朱古力同雪糕撞埋，做成朱古力奶昔，口感滑溜又帶有粒粒奶昔口感，而且黑朱古力同奶昔既配合甜度剛好，飲成杯都唔會好滯

呢間隱世Cafe唔單止有過百款Board Game任玩，最正係啲主食同飲品都落足心機👇🔥拿破倫肉醬煙鴨胸意粉一上枱就聞到超濃蕃茄香！最驚喜係厚切煙鴨胸，估唔到蕃茄肉醬同煙鴨胸係咁匹配，扁意粉掛汁力亦都非常高，越食越開胃！🐮韓式牛肋條飯牛肋條炆到用叉一篤就散，而且Cafe煮嘅白飯亦都非常之得意，係一個趴地熊形狀，絕對係要先打卡，之後先捨得食。🍹火龍果+奇異果果汁紫紅色漸層靚到唔捨得飲！店長拎出嚟嗰陣，見到兩隻手都紅晒，原來係因為餐廳真係用新鮮火龍果嚟去調製飲品。火龍果天然甜完美中和奇異果酸味，仲要堅持即叫即榨，飲到底仲有粒粒奇異果籽卜卜脆。🌼潤喉茶成壺養生材料睇得到！有紅棗、洋甘菊、桂花等等材料，飲落喉嚨即刻有股暖流，最啱玩返嗌到拆天之後潤返聲帶。🥗黑醋沙律沙律菜十分香脆，再沽上小小黑醋汁，健康首選。✨溫馨提示：記得打去餐廳訂定位！呢度嘅魔力就係食完唔捨得走，人多啲嘅最好包埋場就最開心！

🎯Any Moment Cafe ☕️ 🎮.讀書時代啱啱興起樓上cafe，放學／Re-U去cafe食嘢+玩 board game，畢業之後都好少去喇🙈 今日放工朋友話去重拾童年回憶，一於奉陪😎.Cafe喺旺角恆威商業大廈，入口有啲隱蔽，搭𨋢大堂喺後巷，好似Harry Potter 9又3/4月台咁😆.老闆好nice，一入到去就提我哋可以叉電🔋環境好舒服，又有好多board game 玩🎯.🍟芝士薯條一邊傾計一邊食芝士薯條，好chill😛 粗身薯條好有咬口，上枱時仲熱辣辣🔥芝士醬yummy yummy🧀.🐱韓式牛肋條飯見到貓貓造型嘅白飯笑咗出來，太可愛了吧😆唔係淨係得個樣，牛肋條煮得好稔好入味，超好送飯🍚.🍝卡邦尼煙三文魚意粉份量十足，煙三文魚鋪滿成碟意粉😋意粉軟硬適中又掛汁，滿滿奶油香🤩.🍫特濃朱古力好推薦呢個朱古力熱飲☕️真係特濃朱古力香，最正係唔會好甜，反而係微苦的可可味，大愛❤️.🍵潤喉茶清潤嘅花茶茶，微甜，飲落喉嚨真係舒服咗🌿

今晚同朋友去咗旺角一間樓上Cafe，環境好Chill，仲有桌遊玩，超適合聚會！主菜點咗兩款螺絲粉，真心唔錯。地中海香蒜雞柳螺絲粉，蒜香濃郁，雞柳嫩滑唔柴，螺絲粉掛汁力滿分。匈牙利雜菜燉豚肉螺絲粉更驚喜，醬汁酸甜開胃，雜菜同豚肉燉到超入味，真材實料。小食叫咗瑞士雞翼，6隻大大隻，啖啖肉，滷得夠淋又入味！飲品方面，店員見我喉嚨唔舒服，推介咗特制潤喉茶，飲落甜甜哋，飲完有陣清涼回甘，喉嚨即刻舒服晒。朋友試咗香滑朱古力，口感順滑，濃郁得來唔會太甜，清涼又滿足。整體嚟講，食物味道有驚喜，餐廳環境輕鬆，服務又貼心，係個傾計玩樂好去處。

這間Cafe的裝修風格超級休閒，綠色沙發搭配暖色燈光，讓人一坐下就不想走～吃完飯還可以和朋友聊天、打牌、玩遊戲，完全就是週末放鬆的完美去處！ 拿破崙肉醬煙鴨肉螺螄粉螺螄粉超入味濃郁，搭配煙燻鴨肉和拿破崙肉醬，層次感爆炸！鴨肉嫩而不柴，肉醬的鹹香和螺螄粉完美融合，一口接一口停不下來～ 韓式牛肋條配米飯牛肋條燉得軟嫩入味，醬汁香濃開胃，就連蔬菜也是清爽入味，最驚喜的是米飯竟然做成鴨子形狀🦆，萌到捨不得吃！瑞士雞翼雞翼燉煮到超級入味，醬汁甜中帶鹹，帶有微微的香料香氣，一咬下去肉質軟嫩到幾乎脫骨！榛子朱古力朱古力香氣濃厚，喝起來絲滑順口，甜度剛好，來一杯超幸福～ 蘋果菠蘿特飲清爽解膩首選！蘋果的甜加上菠蘿的微酸，吃完重口味的螺螄粉來一杯超refreshing！ 食物有創意又好吃，重點是吃完可以繼續chill～絕對會再訪！推薦給愛美食又愛玩的朋友！

喺旺角發現到一間隱世樓上Cafe💛大廈位置係小巷入面 搵左陣先搵到😝餐廳座位唔算好多 電話預約左先穩陣啲☎️一入門口已經見到海量嘅桌遊！超多唔同款式 好齊全 岩哂成班friend黎 聚會好地方👍🏻除咗好玩 食物質素都好高👍🏻拿破崙肉醬煙鴨胸配螺絲粉🦆肉醬夠哂濃郁 螺絲粉口感煙靭 每一條都掛哂汁🤤面頭仲有啲芝士碎🧀好正😍鴨胸肉份量夠多 數過有成6 7塊仲要大大片😎韓式牛肋條飯🐃鴨仔造型🐥🍚打卡一流📸雖然唔捨得破壞佢 但係呢個醬汁撈飯真係好好好好食！醬汁辣辣地 超級惹味 🔥🐃肉質嫩滑 好腍好好食👍🏻瑞士雞翼🐔睇落好似平平無奇 但想講真係超級入味而且仲要好腍🤩老闆特別推介朱古力🍫又真係好濃好好飲😋平時唔鍾意飲甜野 呢個朱古力好啱 dark chocolate 味道啱啱好👍🏻呢間餐廳好適合一大班friend嚟聚會吹水✌🏻而且個老闆勁nice 勁幽默😝超推介聚會好地方👍🏻支持小店✌🏻

而家天氣咁熱，同朋友想搵間餐廳坐低食吓嘢，但又唔想食完就俾人趕走，上網見到呢間樓上Cafe除咗有嘢食有嘢飲，仲有大量board game提供，所以就book左個星期五晚上去玩下game食下野。Cafe老闆自己一腳踢，雖然忙但非常熱情，而且風趣幽默🤗。老闆介紹咗啲套餐優惠，價錢好抵，而家仲要免加一 ，但可惜我哋人數唔多，最後都冇揀到套餐，決定散嗌。✨匈牙利雜菜燉豚肉：豚肉係用左腩肉既部位，肥瘦相間，燉到超級淋滑，入口幾乎唔使點咬就化開。最正係個汁，酸酸甜甜。入面嘅雜菜都好入味，吸晒湯汁精華。✨韓式牛肋條飯：牛肋條燉得恰到好處，肉質軟嫩又不失嚼勁，煮得好入味，微甜嘅醬汁送飯一流。最特別係佢個飯團嘅鴨仔造型，令到成疊飯即刻好打卡able🤣✨瑞士雞翼：一上枱已經聞到陣甜豉油香，啲雞翼煮到剛剛好，外皮滑溜又入味，唔係求其烚熟就算，咬落去肉質超嫩，一啲都唔柴。個汁簡直係靈魂，甜得嚟唔會膩。✨隱藏菜單—潤喉茶：本身因為有啲起痰，所以冇特別諗住叫嘢飲，老闆主動話有個獨家潤喉茶可以試下，但用咩材料不公開🤣🤣飲落喉嚨真係好舒服，微微甜（羅漢果味），但老闆話冇落羅漢果😂✨特濃朱古力：朋友就叫左杯朱古力飲，本

原來旺角都有Board Game Cafe 😍～有提供啲輕食、野飲～✨同朋友吹下水～玩下Board Game ～又一日✨特濃朱古力特飲🤎濃郁的朱古力味，口感絲滑醇厚，甜而不膩。青檸梳打💚清新爽口，酸甜平衡，青檸的清香與梳打水的氣泡相得益彰，令人感到一陣清涼，特別適合作為開胃飲品。匈牙利雜菜豚肉飯🧡豚肉鮮嫩，搭配多種雜菜，醬汁仲係經過慢煮烹調而成，口感層次豐富，濃郁的醬香。牛肋條❤️肉質鮮美，搭配醬汁更添風味，仲有可愛嘅鴨仔造型飯。芝士薯條🧡薯條外脆內軟，金黃酥脆，融化的芝士濃郁香滑，完美的配搭。

距離油麻地地鐵站三五分鐘路程就到，夠方便！👌 不過如果第一次來就會覺得有小小難搵，棟大廈個門口唔係對住臨街，要係【回味】呢間鋪條巷仔入去搭lift。✅ 環境：入到去，燈光溫馨，環境舒適，非常適合好友聚會🎈或者包場開party🎉，最多可以坐到30人。✅ 價格：呢間舖主打套餐，4位以上就可以揀按人頭💰168，性價比高過單點，真係抵到無朋友！✅ 食物：今次試咗幾樣菜式，首先係雞亦🍗，鮮嫩多汁，非常惹味。牛肋條飯🍚，特別之處係用咗鴨仔造型嘅香米，真係好得意，撈飯嘅時候香氣四溢，味道一流！鸡柳螺丝粉🍜，味道香口，口感滑順，真係一試成主顧，全部食完都令人回味無窮！✅ 服務：店長大叔活潑又熱情，招呼客人時非常親切，仲有各種各樣嘅board game可以玩，為聚會增添好多樂趣。✨

好適合同朋友chill或者玩boardgame，老闆好好人，而且都唔會限時趕你走，真係好值得同大家分享！！！瑞士雞翼：呢個真係無得輸，雞翼煮得好入味，豉油香味好濃郁，但又唔會太鹹，啖啖肉仲有少少甜味，食落超滿足！拿破崙肉醬煙鴨胸：肉醬配煙鴨胸仲加埋芝士，入口真係好有層次感。鴨胸唔會太乾，肉質嫩滑，芝士嘅濃香完美融合，讚爆！匈牙利雜菜燉豚肉：呢個真係驚喜！豚肉煮得好淋，入口即化，配埋新鮮嘅雜菜，鴨仔形狀嘅飯，仲超得意又好影相！飲品：凍朱古力好滑好香甜，老闆仲會根據你個人喜好調整濃度。而護肝茶有草本清香味，飲完感覺健康爆棚！店內有好多boardgame玩，店主好熱情，仲親自教我哋點玩！整體嚟講，Any Moment Cafe真係一間好食，又好玩嘅地方，超推介！


一到放假就想搵啲地方hea，呢間Cafe有過百款board game玩，仲有靚食，當然即刻約朋友去試吓啦！😎 餐廳喺樓上舖，環境好似屋企咁舒服，老闆一個人搞亂晒，超親切，氣氛好warm！🍵 主打意粉同特色飲品，啱晒想食好野又hea足一日嘅我哋！🎲拿破崙肉醬煙鴨胸意粉 🍝
蕃茄醬酸酸甜甜好開胃，煙鴨胸厚切又香，咬落有淡淡煙燻味，配意粉好match！😋地中海香蒜雞柳螺絲粉 🍜
螺絲粉好有嚼勁，蒜香同香草味好突出，雞柳嫩口，食落好清新，食完好有滿足感！🌿瑞士雞翼🍗
瑞士雞翼用瑞士汁煮，醬汁甜甜地，雞翼好入味，肉質嫩口，食落好juicy！😍雪梨蘋果汁 🍎
新鮮果汁好清甜，雪梨同蘋果嘅味道好夾，飲落好爽口，仲有陣陣果香，超清新！🥤凍鮮奶咖啡 ☕
咖啡香濃，奶味好香，冰涼涼飲落好舒服，甜度啱啱好，hea住飲住傾計超正！😌

餐廳：AnyMomentCafé地點：旺角登打士街菜色：樓上cafe匈牙利雜菜燉豚肉跟飯 匈牙利雜菜燉豚肉跟飯賣相好可愛，原來個飯係鴨仔造型，好似對住個池塘。好幾舊豚肉間肥間瘦，仲帶軟骨添，有口感。雜菜有少見既長菇，番茄，紅蘿蔔粒等，個汁有豐富黑椒，味道少少辣，餸飯一流。瑞士雞翼 $69 另加一瑞士雞翼一客6隻，都幾大隻，整得非常入味，皮滑肉嫩，好味道。桃李滿門 $68 另加一呢杯特飲係用新鮮水蜜桃加雪梨打成，顏色係淺黃色，味道係好香甜蜜桃味帶淡淡梨味，唔會太甜，好解渴。呢度老闆一腳踢，好好傾。欣賞佢見我流嗮大汗就即刻比杯冰水我先。星期五晚full house，最好先預約。呢度有好多遊戲玩，適合朋友聚會。

昨天是今年第一個風球，想不到早上已經掛了10號風球，整天滿載家裏，今天所有風球除下，便出動覓食。拿破倫肉醬煙鴨胸，拿破崙肉醬酸酸甜甜，茄汁味道香濃，令人胃口大開。煙鴨胸油脂甘香，肉質帶點煙熏味道，配合拿破崙肉醬，味道層次豐富。意粉軟硬適中，帶點嚼勁，整個意粉味道出奇地好。韓式牛肋條螺絲粉，牛肋條肉軟硬適中，帶點煙煙韌韌，螺絲粉吸收了醬油漬香氣，整個配搭帶點韓國風味。養肝茶，帶點淡淡的菊花香氣。正常沖法要將熱水倒在器皿上，再揸出於茶杯上，茶味才會比較濃郁。潤喉茶，內有甜甘菊，帶點甘香的味道，入到喉嚨感覺有點舒服，喝完之後整個喉嚨都充滿甘香味道。

同friend放工發現咗一間樓上舖嘅Cafe，老闆好有趣幾有個性🤣嗌咗韓式牛肋骨飯🍚同埋匈牙利雜菜炖豚肉，最得意嘅係個飯都係有可愛動物形狀嘅味道都好唔錯！雜菜燉豚肉好似係一道新菜，好入味～小食嗌咗一個燒雞翼，份量都幾大下，成個雞翼甜中帶香，肉質補滿，真係幾正👍同埋個餐廳有啲似少少嘅party Room ，有好多card game同埋一啲遊戲可以玩。雖然係第一次去，發現個老闆同啲客都好熟下，應該好多熟客去。

而家去搵一間餐廳食飯，多數都限時。難得與很久不見的朋友敘舊，想輕輕鬆鬆邊食邊講邊玩Board Game，就會想起樓上Cafe，原來旺角有呢間隱世嘅地方，可以滿足我以上嘅要求！今晚一行四人到來，老闆推薦我哋試吓Party Set，真係好味又抵食，套餐包三款小食、主菜兩個及兩瓶2公升飲品。🔸 芝士薯條：薯條炸得金黃酥脆，外皮香脆，最正就係，芝士拉絲效果十足!🔸 黃金八爪魚卷：見到呢個小食已經覺得好好特別，炸八爪魚卷竟然係煙煙韌韌的，實在係好正！🔸 瑞士雞翼：雞翼的瑞士汁入味十足，老闆叫我哋趁熱食啱啱好！🔸 韓式牛肋條飯：牛肋條肉質鮮嫩，醬汁調配得恰到好處，甜鹹適中，帶有微微辣味，配埋鴨仔造型嘅白飯，好可愛！🔸 秘製醬汁豬柳飯：豬柳肉質鮮嫩，秘製醬汁甜鹹適中，Yummy！🔸 蜂蜜熱情果茶：茶香與蜂蜜的甜味完美融合，熱情果的酸甜清新，解膩提神，口感清新！