1290
40
25
| 餐廳: | Amitie Kitchen |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵尖沙咀站 B2/尖東站 N2 出口, 步行約4分鐘
繼續閱讀
電話號碼
31049234
開飯介紹
餐廳裝潢簡約乾淨，主打fusion西餐，如蒲燒特長鰻魚流心意大利飯，30cm鰻魚配上意大利飯，非常吸睛。
繼續閱讀
附加資料
用餐時間一小時三十分鐘
營業時間
今日營業
12:00 - 22:30
星期一至六
12:00 - 22:30
星期日
18:00 - 22:30
以上資料只供參考, 請與餐廳確認詳情
有關獎賞計劃
優惠
相關文章
對上嗰次係同另一半拍拖去食，好記得佢嘅油封鴨髀同埋牛骨髓都令到我覺得好驚艷。今次同朋友都係簡單聚會，諗住食平啲搞掂，所以就向佢啲risotto落手，食完就覺得果然都係貫徹高質嘅宗旨。幾鍾意佢啲麵包，三款唔同嘅麵包真係幾有心機。‣ 火炙半熟三文魚伴紫妹莎莎 $148唔係煙三文魚，係半熟三文魚，個口感都幾過癮。表面又被輕輕火炙過嘅痕跡，但咬落去之後又食得出三文魚刺身嘅嗰種口感同埋鮮味。而因為有紫洋蔥作為配搭，令到成碟沙律味道都變得更加鮮甜。‣ 牛肝菌露筍意大利飯 $208牛肝菌獨特嘅香味真係不得了，面頭仲有唔少嘅芝士碎，令到意大利飯真係變得更加香。飯粒嘅口感都煮得啱啱好，每一啖都感受到牛肝菌嘅鮮甜。而滑嫩嘅蘆筍都令到意大利飯有唔一樣嘅口感，趁熱食真係好正。‣ 8oz美國頂級西冷 $318上枱嘅時候發覺其實份量都唔細，牛扒嘅質感好軟嫩，而我覺得佢脂肪嘅部份都煎得好香，唔會令到你覺得好油膩唔想食，入口豐腴，啱啱好帶得出牛扒本身嘅香。‣ 士多啤梨朱古力窩夫士多啤梨雪糕 $88一上碟嘅時候就發覺餐廳好用心用朱古力寫嘅字，窩夫外脆內軟，唔會太乾身啱啱好。而士多啤梨雪糕都冇咁快融，好鍾意佢濃稠嘅口感，作為一餐嘅完結啱啱好。‣ 凍水果茶 $46價錢唔會話好貴，而且真係幾大杯幾抵飲，成支水果茶入邊全部都係生果粒，食咗好多藍莓、菠蘿同奇異果，全部都係我好鍾意嘅生果。覺得食到有啲膩嘅時候，飲水果茶真係一流，兩個人share飲都夠晒。
繼續閱讀
呢間餐廳係同事推薦的，佢話佢食過覺得性價比高，無論食物、環境、服務、價錢都係good架！所以決定同男朋友一齊去試下❤️環境坐落好舒服，燈光柔和，好有情調😍好適合情侶或者三兩知己坐低傾偈💬落咗單冇耐，就有熱辣辣嘅餐前包包食真係超正🤩仲要配埋牛油同士多啤梨醬，幸福☺️🔶火灸半熟三文魚伴紫蘇葉莎莎三文魚個熟度真係好正，外面微熟，入面肉質嫩滑，配搭上面嘅醬汁，真係令人胃口大開🤤🔶牛肝菌露筍意大利飯佢個意大利飯比我想像中大份足料，調味好到位，入面有洋葱、牛肝菌、紅椒、磨菇、露筍同芝士🧀，食落每一啖都超滿足😌🔶美國頂級西冷扒（8oz）我哋叫咗五成熟的牛扒🥩，佢完全做到哂！入口濃濃嘅炭烤味，充滿住好味嘅肉汁💕真係無誇張，好好食！配菜有粟米、蕃茄仔、荷蘭豆、薯仔🥔+煙肉🥓、白蘿蔔，我呢個位真係真心佩服，點解每樣配菜嘅熟度都啱啱好，而且薯仔配煙肉真係好有心機！欣賞！🔶朱古力心太軟伴雲呢拿雪糕朱古力🍫心太軟配雲呢拿雪糕🍦真係從來都無得輸😍真係好好味！🔶夏日新鮮水果茶(熱)水果茶甜度剛剛好，啱哂怕甜嘅我，而且佢哋會貼心用蠟燭一直座熱住水果茶❤️食完真係覺得如同事所講，性價比高，我下次一定會再嚟😝
繼續閱讀
餐前麵包:店員先送上三款唔同既麵包，仲有士多啤梨果醬同牛油。個人覺得就咁食唔洗點醬都夠哂好食。最難得既係香港好多西餐廳既餐前麵包都冇放係保溫爐，所以食果陣好乾身，但呢間食既時候仲係暖笠笠，入面都有麵包應有既鬆軟。自家製豬手凍沙律伴話梅芥末汁 : 話梅芥末汁第一次試，但好有驚喜！話梅芥末汁酸味幾突出，同豬手既咸香味好夾，食落感覺好清爽👍🏻沙律菜都新鮮爽脆。豬手有三大塊，前菜黎講份量十分足夠。加拿大豬鞍扒10oz:平時都成日食牛扒，今次試下豬鞍扒，切落去已經見到入面好粉嫩，用刀輕壓仲有滿滿既肉汁。豬扒外脆內軟、燒汁味唔會太濃，更容易食到香濃而不騷既豬肉味。配菜都有好多，都烤得好香，咬落去juicy。牛肝菌露筍意大利飯: 芝士同牛肝菌又係一個冇得輸既組合！牛肝菌既味好濃好突出，意大利飯都好Creamy，每一啖都好滿足。朱古力香蕉金寶:鐘意香蕉同朱古力既人一定唔可以錯過，本身兩者都好夾，加埋金寶焗到微脆，為呢餐飯寫上完美的結局。第一次體驗意大利西餐廳黎講呢間絕對比到一個令我哋滿足既體驗！
繼續閱讀
今日去左尖沙咀嘅西餐廳Amitie kitchen，位置方便快便，環境舒適。火炙半熟三文魚莎莎這道火炙半熟三文魚莎莎令人驚艷。三文魚的外皮被火烤至微微焦脆，內部卻保持著鮮嫩的半熟狀態，讓人一口咬下時感受到肉質的滑溜與鮮美。搭配的莎莎醬新鮮爽口。牛肝菌蘆筍意大利飯牛肝菌的濃郁香氣浸透每一粒米粒，搭配的蘆筍口感脆爽，為這道菜增添了清新感，整體的味道平衡恰到好處。八安士美國頂級西冷牛排外焦內嫩，肉質鮮美。每一口都釋放出濃郁的肉香，伴隨著適度的油脂，口感豐富而不膩。搭配的調味醬汁更是提升了整體風味。士多啤梨朱古力窩夫香脆的窩夫與濃郁的朱古力醬相互融合，士多啤梨的清甜則為整道甜品增添了新鮮感。Amitie Kitchen (尖沙咀)尖沙咀厚福街8號H8 9樓
繼續閱讀
結婚三週年，同老公去咗呢間餐廳慶祝，無論餐廳環境或者嘢食都好好，誠意推介俾大家火炙半熟三文魚伴紫蘇莎莎呢道火炙半熟三文魚真係好吸引，外層微焦，內裡鮮嫩，吃落好有口感。紫蘇莎莎帶來清新嘅香氣，配合三文魚嘅油脂，味道相得益彰。每一口都令人享受，唔會過於油膩，真係一個完美嘅前菜選擇。牛肝菌、露荀意大利飯牛肝菌同露荀意大利飯係一種奢華嘅搭配，米飯煮得剛好，吸收咗牛肝菌嘅鮮味。每一口都有濃郁嘅香氣，露荀嘅清脆口感令整道菜更加豐富。真係一個暖心嘅主菜，適合配一杯紅酒享用。美國頂級西冷美國頂級西冷肉質鮮嫩，油花分佈均勻，燒得剛好，外脆內嫩，咬落去好Juicy。配上簡單嘅調味，肉味更加突出，令人一試成主顧。絕對係肉食者嘅夢想，享受每一口。士多啤梨朱古力窩夫士多啤梨雪糕呢個甜品簡直係夢幻，士多啤梨嘅酸甜加上朱古力嘅濃郁，味道平衡得好好。窩夫鬆脆，搭配雪糕，口感層次豐富。每一口都令人心情愉快，係完美嘅結尾選擇。香橙乳酸梳打香橙乳酸梳打清新可口，酸酸甜甜非常爽口，啖啖都有香橙嘅天然味道。飲落去好解渴，特別適合配合西餐，增添一份清新感。無論夏天定冬天，呢杯飲品都係好選擇。
繼續閱讀