Amitie Kitchen

營業中

休息中

今日啱啱完sem就搵間西餐廳同朋友慶祝吓😍因為呢一間係尖沙咀厚福街好方便！喺poly行過去10分鐘都唔使😎所以就決定咗佢了！今次叫得好啲！叫咗個芝士煙三文魚拼盤🥰廚師將啲煙三文魚整咗一個一朵朵嘅玫瑰花 好靚好靚🤍仲要佢要三文魚的份量多到嚇死我！！同埋佢嘅擺盤真係好靚好適合打卡影相😎我都鋪咗相IG勁多人問我呢個係咩喺邊！！之後叫咗個海膽蟹肉意大利粉🥰淨係聽到個名都已經覺得好吸引！！想講令到我同朋友最驚喜嘅地方係佢真係一嚿海膽上😣😣😣而唔係好似出面啲餐廳求其俾啲海膽醬！！非常欣賞！！而且意粉嘅份量好多好多 我同朋友都差啲食唔晒🤣最後就要讚吓佢嘅餐前包！覺得佢嗰個提子包甜甜酸酸幾好食幾開胃

係OpenRice見到訂位有88折，見又comment又唔錯，一於假日行完街可以去試。尖沙咀食野唔提早訂位，真係會等好耐，甘熱既人氣等位真係攞人命，幸好訂左位上到去立即入座。現場所見，食物既款式都好多，甜品都有不少選擇。點完餐即刻送上餐前包點，都唔錯，幾特別。泰式青木瓜大蝦軟殼蟹沙律 （$128）- 呢個沙律食落去好開胃，口感好清新，而且大蝦真係并且得個名，係真係有份量；最令人讚不絕口既一定係軟殼蟹了，外脆內Juice ，呢個價錢，可以食到大蝦同埋大大隻軟殼蟹再加上有質素，真係可以下次再黎encore👍🏻咸蛋黃醬汁煙肉蘑菇意大利麵 （$138）- 呢個口感超豐富，每一啖都比醬汁果滿，味道適中，煙肉同蘑菇都多，幾乎每一口都會食到。

夜晚終於有得出街食嘅第一個週末，黎到左尖沙咀厚福街呢條雲集各國美食嘅橫街，喺H8樓下見到呢間餐廳，一於上黎試一試。一入餐廳行埋窗邊，成條厚福街景盡收眼底，搭配住餐廳柔和嘅燈光，更別有一番情調。望下牆上黑板嘅餐牌，每一樣都十分吸引，有加拿大海膽，西班牙紅蝦，松葉蟹等等，食材可謂琳瑯滿目，樣樣都想食！頭盤就係呢一碟餐包，提子包酸酸甜甜十分開胃，跟住就係第一道菜，鹹蛋黃醬汁煙肉蘑菇意大利麵，鹹蛋黃嘅味道竟然同意粉出奇地夾，再配埋煙肉同蘑菇呢兩樣經典配菜，可謂幫呢個意粉加分不少再黎就係最期待嘅加拿大海膽松葉蟹膏蟹肉忌廉汁意大利麵，大大舊海膽毫不吝嗇咁鋪喺面，意粉夾雜住啖啖蟹肉，成件事只可以講非常完美，絕對係必點菜式跟著就係一個泰式青木瓜大蝦軟殼蟹沙律，大大隻嘅蝦肉再加埋原隻軟殼蟹依然冇令人失望，酸酸甜甜嘅青木瓜十分解流。最後就用一個tiramisu做結尾，出品依然高質，係意大利嘅味道

自從晚市堂食放寬後，想約朋友食飯總是好一個好活動尖沙咀e d 中間點就岩曬大家相聚。 首先會先上麵包，熱辣辣的。 叫了杯熱情果梳打，相當開胃。沾上果醬， 大家開始傾下計，環境十分闊落。黑板上有一項燒保雲酥牛骨髓配法式西多士相當好味。牛骨髓其實燒得好香，夾多士食，牛骨髓吾會顯得油，反而係好香。仲帶有啖啖牛香。 用作配多士，完全食出當中既香口。其實係比較罕見。吾係每度都有得食咸蛋黃醬汁煙肉磨菇意大利麵。個醬個creamy 超級creamy 好濃即使食到最後，仍然保持個creamy 既濃度每口意粉都濃濃醬汁包住。好欣賞個汁。加上煙肉等 好香既意粉另外係一份香煎煙肉配大啡菇牛肉漢堡個 burger 有得揀單份 雙份， 單入都已經係超級豐富。 裡面超足料，即叫即候既burger 好味道。 而且漢堡好juicy. 加上煙肉既油份，令個包好好味。今日大家都食得好開心

自從開始有堂食,周圍都係人,唯有就搵一啲係可以訂坐嘅餐廳就可以唔使等今次朋友訂咗這一間喺厚福街嘅餐廳兩個人叫一份扒、一個意粉share食就啱啱好落完單就送上 一盤麵包不錯幾好食揀咗是日精選的牛腹膜柳 店員話牛腹膜柳係近內臟的肉就試一試睇落唔係好大嚿，但切開都幾多， 我哋叫咗五成熟，不錯切開都冇乜血水流出嚟，肉味超濃油份唔會好多，所以食完會好滯， 而且冇乜筋，所以食得好滿足意粉係見隔離枱有個蟹蓋好特別，所以就跟風叫松葉蟹味噌蟹膏鵪鶉蛋意大利麵配忌廉汁蟹蓋個入面嘅蟹膏 真係好濃味 ，先試咗個蟹膏然後再將鵪鶉蛋撈落去，覺得非常香口而且帶出咗蟹膏嘅香味 ，意粉比較煙韌而且每條都非常掛汁， 朋友食得好開心，但我自己就比較鍾意食淋一點真係打卡一流整體份量非常足夠，兩個人都食得大滿足，見佢甜品款式也不少，下次再食其他

今日同朋友去左尖沙咀行街，行到攰一定吾少得醫肚環節，係食市琳琅滿目既厚福街到，我地簡左一間樓上既西餐廳好肚餓呀，一坐低就即刻簡野食啦有多款lunch set 可以選擇，我就簡左個白汁煙肉蘑菇意大利麵配溫泉蛋，朋友就簡左個全日早餐牆壁上仲寫左好多特別推介，我同朋友都好鐘意食菇，於是就簡左火炙加拿大海膽芝士焗松葉蟹膏大啡菇，見到個名已經覺得好吸引先上沙律，係十分清新既口味，好適合咁熱既天氣食，啲蟹子咬落卜卜脆好過癮呢個大啡菇賣相已經勁吸引，食落味道亦好驚喜，半溶既芝士同海膽簡直係絕配，大啡菇咬落好juicy, 再加上咸香既蟹膏，真係好味到停吾到口朋友點既全日早餐都十分豐富，佢話味道都不錯的一段時間冇食意粉，呢個白汁蘑菇煙肉意粉絕對係驚喜之作，用料十足而且醬汁香濃，再配埋溫泉蛋既蛋汁一齊食，有錦上添花既效果天氣熱飲番杯凍既伯爵茶，冰涼之餘仲可以解膩，至於朋友就需要提神，就簡左杯熱既拿鐵今餐我地都食得好滿足，繼續精神滿滿去行街啦

晚市堂食放寬第1晚，就去左尖沙咀厚福街搵餐廳，見到呢間餐廳消費滿$600有88折(HSBC信用卡+星期日至四)，二話不說入左啦！上菜前，餐廳會送上啲麵包，有竹炭麵包，長條形麵包，牛角包！餐廳都稍為焗返熱啲麵包，令麵包口感外脆內軟，基本上連牛油都唔洗茶，都覺得好好食！之後嗌左 佛羅倫斯蕃茄燉牛肚配法國麵包（$118）食落去好濃香蕃茄味，之後再配埋個法式麵包一齊食，層次感更多，一啖蕃茄嘅鮮味+一啖外脆內軟嘅麵包，真係好滿足！而牛肚嘅份量亦都好足料，牛肚吸收晒蕃茄嘅精華，令蕃茄嘅鮮味更加突出！另外仲叫左焗藍芝士煙肉風琴馬鈴薯$48薯仔🥔稍為切過，成個風琴咁，然後中間放上啲煙肉碎，上面就放左啲藍芝士，然後成個拎入去焗。食落去藍芝士嘅香味充斥住成個口腔，煙肉嘅油香慢慢滲入去馬鈴薯，食落去好滿足，因為馬鈴薯稍為焗過，所以個皮係外脆內軟！最後嗌左杯牛奶朱古力$24: 飲落去唔會覺得過甜，可能餐廳知道香港人唔中意太甜嘅野，所以輕輕稍為落少左朱古力粉總括來說，呢間西餐廳特式菜式都較多，有少少似法國餐廳，只係上菜速度快啲咁姐，有興趣食西餐嘅朋友，可以選擇呢間！

早幾日打算搵個靜靜地嘅餐廳同朋友食個lunch ，傾下偈去，依間肯定岩我。午餐會送沙律和是日餐湯，個日餐湯係栗子濃湯，味道勁濃，好飲。法式香草牛油焗田螺熱辣辣地上枱，未食都嗅到勁濃嘅牛油香味，入口當然不會令人失望，除左田螺好味之餘，薯蓉吸晒精華，味道簡直係一絕。我地點左白汁煙肉磨菇意大利麵配溫泉蛋和西班牙黑毛豬漢堡包配薯條，漢堡包份量十足，意大利麵口感剛剛好，麵質唔會太淋之餘，多汁都相當緊要，每條麵都掛滿汁先至滿足。午餐會送一份甜品,配埋杯齋啡就完美。

📌 Amitie Kitchen 📍 尖沙嘴 Tsim Sha Tsui 今日趁有晚市堂食即刻黎到bookmark左好久嘅Amitie kitchen🥰 因為知道佢有出加拿大松葉蟹海膽系列💛 特意黎到一嚐鮮味❤️‍🔥 無論食物定係餐廳氣氛都好悠閒自在🌼 浪漫氣氛🌹有唔少情侶係到enjoy🥂-🌹 加拿大海膽松葉蟹膏蟹肉忌廉汁意大利麵 $198 👑👑👑🌹 鹹蛋黃醬汁煙肉蘑菇意大利麵 $138 👑👑-❥ ❥ 餐包😍每位都有麵包同麵包條可以食😋 係牛角包🥐, 竹炭芝麻麵包🖤 同埋麵包條❣️ 烘得好脆好香💖 ❥ ❥ 加拿大海膽松葉蟹膏蟹肉忌廉汁意大利麵聽個名覺得超吸引😍 味道如其名!! 真係好好食👍🏻🥹首先中間放左兩件加拿大海膽❤️‍🔥 食落超鮮甜同creamy😋 無腥味只有鮮味!!! 之後仲有一件超厚蟹棒🤩 上面有火灸過增添口感💛之後醬汁都係無得彈🤩 混合蟹膏, 蟹肉, 蘑菇, 青椒等等係忌廉汁當中😍 超濃郁, 鮮味十足!! 意粉唔會太淋,同埋好掛汁🤍 不過記得share食, 食到最後因為太濃郁所以會超飽肚同埋少少膩🙈❥ ❥ 鹹蛋黃醬汁煙肉蘑菇意大利麵鹹蛋黃味道好出🤩💛 但係唔會過鹹同掩蓋其他材料

難得晚市開返堂食，就梗係報復式消費啦！出左去尖沙咀搵餐廳，又想食餐好嘅，就揀左呢間係厚福街嘅西餐廳。閒日呢間餐廳都幾多人，可能因為3個半月無晚市堂食，大家都忍唔住要食餐好嘅！嗌左龍蝦湯$88+酥皮$10，飲落去好濃郁嘅龍蝦湯味，如果再加埋啲龍蝦肉落去就好啦～個酥皮都焗得好香脆，又夠酥！將酥皮浸落去湯黎食，索晒啲汁，雖然好heavy，但難得有堂食就放肆一下啦！另外，餐廳仲好貼心，專登整個蠟燭慶住佢，有氣氛得黎，亦都可以暖住個湯，唔怕佢凍～另外再叫左美國牛腹膜柳$248，5成熟。咬落去好淋好香牛肉味～少少血水，係新鮮嘅。另外有啲配菜咁，蕃茄輕輕煎過，食落去幾鮮甜，而青豆都好fresh，食得太多肉可以食返少少蔬菜中和下so far, 呢間餐廳食物質素都幾高，價錢黎講都算合理，有興趣食西餐嘅朋友，不妨試下呢間啦！

早幾日就同左男朋友去食一間好好食嘅西餐，揀咗呢一間餐廳係因為環境好開陽，而且座位都好舒適！今次就叫咗呢一個飯啦背意大利麵半明太子忌廉汁啦，呢一個意粉真係非常之大嘅驚喜，帆立貝嘅份量亦都好多，而且咬入去嘅時候好鮮甜！

趁住仲有晚市堂食嘅最後一晚狗衝左去食餐好味西餐🏃🏻‍♀️🏃‍♂️小店雖然唔算好大但啲位都算好坐同埋都唔會好嘈👍🏻👍🏻呢度啲嘢食份量偏少但食物質素唔錯對得住個價錢👌👌每位都會送餐包味道正正常常有啲似山崎麵包嗰啲😂😂紐西蘭肉眼扒 $238 🐂🐃8分個牛扒煎得好香好好味牛味都好濃🤤🤤唔會好韌好鞋口烤燒大啡菇、焗釀鮑魚、北海道帶子、虎蝦意大利飯拌龍蝦汁 $218 🦐🍚8分個汁做得好好味😋😋但質地偏硬，未必最岩香港人口味同埋啲餸偏少就係得你一眼望到嗰三件🙈🙈不過個蝦同帶子都煎得好香好好味🤩🤩宇治抹茶牛奶朱古力 $32 🍵🍫7分朱古力味都幾濃但就冇乜抹茶味🙈🙈

尖沙咀其實有好多隱蔽餐廳，好多間好嘢都要上樓，如果唔係有人介紹都唔知有咁多間餐廳。今次呢間Amitie Kitchen就係朋友之前食過，經佢介紹之下就一齊嚟試試。跟午市套餐有碗是日例湯，今次係忌廉蘑菇湯，個湯非常creamy，但係又唔會好肥膩，蘑菇味亦都好濃郁。因為肚餓，嗌咗三款前菜，分別係「黑松露炸薯條」、「法式香草牛油焗田螺」同埋「炎焰加海膽焗松蟹膏大啡菇」。薯條比想像中大好多，熱辣辣點埋隻醬好正。田螺相對比較失色，如果香草味可以濃郁啲會更加好味。大啡菇雖然賣相麻麻地，但係材料好豐富，個海膽好鮮甜，整體口感幾好。主菜有兩款，「蒜片辣椒大蝦意大利麵配巴馬火腿」同「牛肝菌意大利飯」，意粉蒜味好香，辣辣地好幾開胃，一共有四隻蝦每隻都彈牙，意大利飯味道好濃郁，撈埋上面啲芝士簡直一流。整體而言餐廳食物水準幾好，而且環境幾適合一班朋友一齊，唯一扣分係等食物嘅時間比較長，除此之外都幾好。

位於厚福街的Amitie Kitchen，聽聞主打高級食材，某天剛好經過便試試。店舖空間不算寬敞，座位之間空間感不足。有套餐，有散點的食物。麵包拼盤 點菜後先送上一碟熱辣辣的麵包拼盤，有提子酥、牛油餐包，同埋法式麵包條。香煎意大利煙肉、大啡菇芝士牛肉漢堡牛肉肉質鬆化，肉汁豐富，加上半溶芝士，美味。另外大啡菇又厚又多汁，配上蕃茄和生菜，可減低煙肉的油膩，再配上外脆內軟的麵包，襯以香脆熱辣的炸薯條，不錯。加拿大海膽松葉蟹膏蟹肉忌廉汁意大利面用有蟹膏、蟹肉，蘑菇野菌混入忌廉汁內，所以每口都充滿香濃的蟹味，表面更有海膽和原條蟹棒，賣相吸引漂亮，但吃到最尾有點膩。

早前朋友知道我中意食西餐，帶左我黎尖沙咀厚福街呢間食飯，點知幾有驚喜。我地二個人都中意食意大利粉同鋸扒，於是點左加拿大海膽松葉蟹肉蟹膏忌廉汁意大利粉同紐西蘭肉眼牛扒。意大利粉份量適中，幾多忌廉汁，食落口唔會太乾。加拿大海膽好大舊而且夠新鮮，蟹肉蟹膏都唔落得幾重手，幾啱重口味又想特別啲嘅朋友。肉眼扒肉質鮮嫩，肉既質地唔會太散，兩個人share都夠食～最後仲叫咗個法式香草焗田螺，比其他餐廳嘅田螺大嚿，牛油香草味濃郁，最佳既配搭。