AMARE Bistro and Wine (已結業)

Upper modern decor but service and food quality is not up to level.Its a newly opened restaurant with a lovely setting and nice sea view but has room for improvement!Many waiters but lack of service, ordered a cake set but forgot to give us the cake then we had to chase for the coffee.Plastic plates were used if u sat outside which really downgraded the restaurant.The reception staff could be more friendly and inviting!The hot food was good but some food portions was small for the price charged

將軍澳終於又有似d樣嘅新餐廳，仲要喺正將軍澳海濱長廊，正！平日唔使等位😬我哋選擇咗坐outdoor😬😬麵包個樣好似唔好食，但係點知食落。。。好好食😋 外脆內院仲有好香嘅香草味😋😋😋食西餐仲要咁嘅環境，當然要飲返兩杯啦！Parma Ham + 蜜瓜 — Fresh and taste good菇🍄菇🍄湯 — ok 多菇同香，冬天飲最正牛 —-😋😋😋😋😋菇🍄risotto — 一般般個人覺得爭小小味黑松露心太軟 —- 淡淡的黑松露味，整體唔錯不過焗耐左少少😅

呢日試超新店，連食評都未有！ 一到步，店面裝修等都幾好，但有點失望⋯⋯食物不是全日供應！ 我們到步已三點，只有小吃同埋 pizza 可以叫 🤭 入內環境幾好，坐位佈置都幾好，都有足夠空間感👍🏼 我哋就揀咗兩個小吃再加一個 pizza 首先再講講，啲待應怪怪地，可以話係啲服務麻麻⋯⋯個個放下食物時都好似掉落我哋個枱面咁🤨 可能新開，又可能係咪趕住休息🤔 真係唔知⋯⋯希望慢慢有改進原來都有餐前包，新鮮暖暖的😋👍🏼炸魷魚到先，一食⋯⋯嘩！好味😋 但記得襯熱食！都凍咗就無咁好食㗎喇😅跟住肉丸到，唔錯，但肉丸唔係好夠熱，扣左分！最後pizza 都到埋，呢個正常，無咩特別😛 都會再嚟，點都要試吓呢度嘅意粉！

附近開左間新餐廳 個樣睇落都幾好 所以同朋友落去試下 順便慶祝生日 結果一肚氣 入到去叫左野飲先 有麵包送上 7:30齊人就點野食好肚餓 樣樣都想食 中途有侍應幫我地換碟 等待食物 點知一等就等左差唔多成個鐘都冇上過一樣食物 問個男侍應 佢話我地冇落order 後尾佢了解完 原來女侍應扔左我地張單冇落到 ！！！ 係扔左！ ！！我地個日坐係餐廳既正中央位置 成個鐘都可以醒唔起我地落左單 咁點解要換碟？真係好古怪 仲要冇道歉都算...我地冇抱怨過一句 仲重新再落過單 然後.....又等左半個鐘 都仲係一樣野食都冇！！ 我地有order到牛扒 冇理由牛扒都煮半個鐘咁耐卦 由未到7:30坐到接近9:00都冇野食 再追問個男侍應 佢話：你地張單前面仲有4張單 要再等下我地即刻晴天霹靂 意思係個女侍應做錯扔左張單 我地仲要重新再輪過？ 餐廳做錯 要顧客承擔？ 落左單一個半鐘 俾個咁既答覆我地係好合理？ 忍唔住要搵經理講 點知個經理態度都係差到爆！！ 叫顧客包容下新餐廳 再等下！到底要等到幾時 我地唔係冇俾個機會冇包容過！但都唔係冇了期咁等..同接受佢地好差既態度！其實我地都係想要餐廳承擔責任

星期六中午前往這餐㕔 叫菜後等了30分鐘才有 上菜速度超慢 份量也太少 最重要是在意大利飯入面竟然發現有一條長長的頭髮 影響胃口 連旁邊另一枱外籍人士也在投訴 雖然最後俾左8折我但都無用 實在太失望了 侍應感覺無乜train過 帶位都要你眼望我眼 唔知想點咁 叫俾杯水都要叫两次

上星期到將軍澳探朋友，到一間新開意大利餐廳食晚飯，裝修好靚好有西式格調，仲有餐具睇得出有俾心機裝飾同擺設，坐得好舒服。我地一行4人叫左2份appetizer有意式煮青口同蘑菇濃湯，這2款食物不過不失，個湯上到枱面侍應第一時間攞支黑胡椒磨來問需唔需要加d 黑胡椒，服務夠細心，另外再叫左3，4款main course大家一起share，食物質數都唔錯，已經再book 下星期六食生日飯，期待下次再食好西。😋

早兩天看見有新鋪，所以26/11中午特意與另一半去試新嘢。這裏的落地玻璃讓你能舒服地看著外邊的堤岸，餐廳內的裝璜佈置精緻，座位舒適，餐具講究，是一個用餐的好地方。再看看午餐牌，大概$88至$140，包頭盤或沙律或湯、主菜及餐飲，十分合理。服務員太青澀了，賣點是年青順眼，但就沒半點經驗，女服務員全程一點笑容和招呼也沒有，只按上級指示上菜和收餐具。吃完主菜會收大碟，到了最後上餐飲，一碟蜆殼和部分餐具仍在桌上則沒有理會，亦不會主動添加清水。不過，另一位男服務員則較有經驗。雖說是意大利菜，但等候每一道菜的時候委實太長了。我們用餐時，只有另外兩張二人枱，可是主菜等了半小時有多。我們點的是pizza和蜆肉扁意粉，意粉的份量是很精緻的，但蜆有沙粒，而且味道太鹹了。Pizza還可以。總的來說，地方好，員工訓練要提升，因為會大大影響食客的感受，食物方面只試了兩款，我還是願意再多給一次機會的。

味道可以俾90分以上，但服務有點不完善，侍應好像不太熟悉她們的運作流程....不過整體來說都值得一試，因為味道真的好味。另外, 飲料當時只有soft drink 和簡單紅白酒，其他cocktails都未準好，希望能盡快完善。

今日小弟去咗試食呢間位於將軍澳海濱長廊旁邊嘅餐廳。呢間餐廳主打意大利菜，至於最令小弟深刻嘅菜就係黑松露薯條，黑松露意大利飯，米蘭牛仔，薯條都好好味，唔會好油。至於飯方面都好好味，好有松露味牛仔方面都好大，好好味不過價錢有啲貴服務方面都好好，環境又唔差，寧靜所以小弟認為可試

啱啱搬左入嚟將軍澳Monterey差唔多兩個月,最大問題係附近有咩好食....但真係無咩選擇（最主要唔想行太遠）。哩排開左間新嘅超級市場，可以買野返屋企煮下，叫做頂住一排。諗住鼓起勇氣行遠啲去搵餐廳食飯，就聞到好鬼香嘅龍蝦湯味，原來哩間餐廳啱啱開張，咪試試佢囉！意粉同黑松露都係我最愛，不過係好多餐廳食過嘅黑松露意粉，都係求其加啲松露醬就算。首先哩個Carbonara 真係好正宗，出邊好多用普通煙肉同加忌廉整，水汪汪之餘，意粉完全掛唔到醬。從顏色上睇得出，佢地係用蛋黃去做個Carbonara sauce，而煙肉就應該係用左Pancetta 同 Guanciale 兩種意大利煙肉。可能會有人覺得肥，不過佢嘅油香係真心無其他煙肉可以取代到。芝士味亦夠濃，至少唔洗問侍應拎芝士粉。不過如果可以轉用另一隻蛋黃深色啲嘅雞蛋就最好（純粹顏色睇落再靚啲）另外再叫左個黑毛豬鞍，豬夠嫩，味濃，黑醋醬再多少少就好。分量方面對於我啱講係夠嘅，不過胃口唔大，食完個意粉就飽，唯有下次同多幾個人嚟，叫多幾樣野試下。環境方面，新餐廳乾乾淨淨，無咩特別評價，硬係要講嘅話張櫈舒服。我就專登揀望到海嘅位坐，食到咁上下開始日落

假期入黎澳南海岸探新入伙朋友 佢地話樓下開左間新西餐 咁呢面又無咩選擇 咁我地就膽粗粗試下！我哋order咗個義式經典切片牛排同埋一個prama ham pizza 2個人share。牛排好香，中間生生地好岩我食，但個邊位好似煎燶咗少少。個pizza 就好好食個底夠晒薄又香又脆！可能因為新開，地方都企理，整體服務都ok。原來佢concierge 有coupon拎！食滿$300有甜品送，$500仲有成支wine😋下次可以再試！

今日係Amare既開張🥳🥳，呢度既環境好舒服，餐廳外面仲有露天茶座，而裡面則好大，可以容納到100人左右。 我order咗杯margarita，好正，呢度嘅麵包同埋茄子千層麵係homemade架，好好味呀😍， 總之今餐真係好滿足!😋😋