AMARE Bistro and Wine (已結業)

呢排疫情咁嚴重都有d驚，所以就決定外賣返屋企食。經過將軍澳海傍見呢間餐廳嘅環境非常靚，裝修同擺設都好吸引，好多人坐係露天嘅位置嘆紅酒傾計，環境非常舒適寫意。我就叫左個燒牛肉眼扒配薯條雜菜沙律。雖然牛扒唔係即時食，唔多唔少都有少少影響到個口感同味道，但係依然無令我失望。牛扒非常軟身易咬，而且本身嘅牛味十足，再點埋個醬汁更加正。沙律上面亦已經有少少黑醋沙律醬汁，非常容易入口。至於個薯條依然好夠脆，非常滿意。

今天早了收工，返到屋企附近，諗住行吓海濱長廊先至買外賣食，行過見到AMARE門口有個外賣自取優惠的餐牌, 其實佢開咗咁耐我都未曾試過，所以決定買個外賣試吓先。 佢個餐牌都有好多選擇，最後決定試「燒春雞配薯條沙律」，之後再買罐啤酒返屋企慢慢嘆。其實一路拎個外賣盒途中已都聞到陣陣燒雞香味，返到屋企就急急腳打開嚟食🤤我首先試了隻雞腿，雞皮還是脆脆的，好香好好味，而雞肉更是嫰滑多汁，而且仲很入味😋連雞胸都好juicy,一d都唔乾，值得一讚。另外，個薯條同沙律菜，我都唔會放過，全部清晒，真係好好味，下次一定要再試埋餐牌其他菜式。

今晚要自己一個食飯，屋企人出哂街自己一個食飯都可以食得好少少既有好多餐廳選擇，沿途一直行，留意到呢間既外賣自取menu幾抵食喎環境都幾乾淨衛生仲可以坐outdoor可以望下海景，吹下海風可惜今晚我一個人，無咁既情調......燒春雞脆薯條雜菜沙律燒春雞有半隻，脆薯條一整盒，再加埋沙律菜🥗外賣自取價$98咋熱辣辣既燒春雞皮脆肉嫩又唔會乾爭爭喎，呢個價錢真係好抵食薯條好脆，放耐左都唔會淋哂仲有我好鍾意食既火箭菜，好翠綠，夠哂新鮮其實個main menu仲有好多野食，下次有mood既時候要過黎搵下啲情調先

由於呢排疫情關係，多數係屋企食飯，本身住將軍澳，知道將軍澳南區開咗一間高級西餐廳《AMARE》，聽朋友講味道唔錯 😋今晚一個人，一於買個外賣試吓，返屋企慢慢嘆！餐廳外面寫着外賣自取有優惠，真係very good ! 😃種類繁多，諗咗好耐，終於叫了燴牛尾長通粉，打開餐盒，已聞到陣陣牛香，牛尾大大嚿，炆得又唔會太淋又唔會太靭，恰到好處，加埋長通粉索晒啲秘製醬汁，真係好好食😋😋總括來講，這餐廳裝修很時尚，座位寬闊，店員很友善，還有外面露天座位，揸住杯紅酒，望住藍塘海峽，感覺又高級又寫意🍷😍

星期六早上由寶林散步到將軍澳單車公園和海傍，本來想再到訪黃店Jomo，可惜客人太多；於是轉戰旁邊的西餐廳Amare。這裡的格調還不錯，湖水藍色的椅子加上每桌都有瓶假的單支玫瑰，感覺高貴🌹我們坐的是靠窗的二人桌，所以和鄰桌還有一點距離，可惜的是附近的四人桌有人大大聲說髒話，抹煞了他人的雅興。而且，我們餐桌上的碟有隻行走中的小生物🐜窗台附近又有一些擾人的蒼蠅🦟似乎衛生情況有待改善🤷🏻‍♀️可幸的是，這裡的食物尚算高質素👍🏻法式香草餐包配黑醋或橄欖油尚算一般。但黑松露卡邦尼意粉 $148，讓人在黑松露的香氣品嚐想到芝士的香濃🧀巴馬火腿薄餅 $138，脆薄的餅底上放滿新鮮的火箭菜、鮮甜的車厘茄和不會過咸的Parma ham🥓，加上令人無法抗拒的鮮茄醬和芝士，絕對能讓你滿足地捧着肚皮離開餐廳🤰🏻

A nice restaurant with both indoor and outdoor seating. Suggest to sit outdoor for the nice view. Food is alright and staff are friendly and considerate; initially order a risotto and requested the chef to cook it longer so i could share with my son; the staff suggested us to order spaghetti instead which is easier for my little one 👶🏻 to digest.

今次返轉頭黎食 有2樣嘢需要講下 第一 食物方面水準冇變 值得一讚^_^ ，第二 今次唔知係咪轉左個經理，服務態度非常惡劣，態度又一般 真係令人好反感 如果貴公司有投訴電話 可以係呢個app直接聯繫本人 今次黎叫左2樣野 龍蝦飯同雲吞，依然相當有驚喜，龍蝦飯好重龍蝦味果汁好好食，龍蝦好大隻，個肉好彈牙，分量亦唔算細價錢合理值得推薦！個意大利雲吞一咬落去好香濃嘅芝士味亦有九粒咁多配合埋茄汁黎煮，效果相得益彰，雖然食物好味，但希望貴公司仍然要保持聽面嘅服務質素尤其是係高位穿西裝戴眼鏡的經理，就係因為佢聽錯咗幾次order，令到我同我朋友上菜嘅速度變得十分之慢令到成個進食過程相當唔開心 希望貴公司可以同個員工該經理檢討一下 ！

一間只顧外表裝修，不理食物質素及嚴重差嘅服務態度和質素。扮高級餐廳嘅環境，服務態度惡劣。我叫咗一個黑松露薄餅，餅底奇硬極乾，黑松露味怪。好難令我再返嚟食。堅決唔會再嚟幫襯。

今日落雨，連埋寵物，唔係好想行太遠，見佢環境都唔錯，就試下依間野。星期日下午茶無特價都無問題如果啲野係好食的話，不過相比側邊其他餐廳CP值就好低，首先叫左個蕃茄意粉，百幾蚊，蕃茄還蕃茄，意粉還意粉，屋企工人姐姐都煮得好食過佢，感覺似煮完個意粉再是但撈個現成超市買的平價蕃茄醬汁，仲有點凍凍地。之後點左2杯咖啡，一杯凍，一杯熱，點知仲衰過個意粉，似平時一杯細杯咖啡溝水溝到變大杯，好慳料下，完全無咖啡味，不論熱同凍都係奶加水味。再來一個迷你漢堡，入面塊牛肉好乾，完全無汁，慶幸配搭的薯條係熱，不過黑松露粉唔太平均，有啲好重味，有啲又無味。最後係Pizza，唯一一樣正常及格的食品，但質素只係超市現成pizza焗返熱佢，唔知點解又要百幾蚊。保證絕對不會有一下一次!如果大家係食環境同服務可以考慮下，但食物質素就真係有待改善。

原來將軍澳新開左好多餐廳，作為將軍澳偉竟然唔知，最近受到愛情影響而少出市區，反而有機會試吓將軍澳新開嘅餐廳、呢間意大利餐廳 我個人十分滿意 oder左2樣野食 個飯好有海水味，仲食到小小檸檬汁 中和返個咸味 海鮮份量亦都唔少，有「青口，魷魚，蝦，蜆肉」4款，如果再多1-2款會更加好，個賣相相當精緻，跟住就係個冷肉拼盤 大大盤 我同朋友真係食唔哂 大件夾抵食 下次一定介紹朋友再黎食過 相信夜晚對住個海吹住海風黎食晚飯，一定別有一番風味呀

下午5點幾行過看佢裝潢吾錯，同女友坐左喺室外，冇人serve我地，自己去counter攞menu,睇完都係冇人理，叫左個做緊其他野既waiter,佢話幫我落單，叫左兩樣野者(tea set同個單飲)，tea set好快到左,女友個單飲就冇黎，問佢先知留左單😑😑，兩樣野都可以留一樣，點算。叫左杯茶，茶杯啲茶跡好明顯😑，吾知有冇洗既，冇計，鬼叫你啲杯咁鬼白色，一眼就望到。成個感覺好差，裝潢幾靚都冇用。如果各位搵個位坐下就可以既，食野就行多幾步，吾好懶😅😅仲有，啲炸魷魚好難食，冇鮮味，得啲炸粉味

叫左兩個main course ,燉牛面珠：有4舊面珠，肉質淋，牛味都重黑毛豬豬膝：無乜特別份量係小吃既份量，2:55我地想加單叫意大利粉/飯，店員話轉左snack meun，但都係小吃，廢事食完都係唔飽，所以過隔離泰cool食金邊粉算。總括呢間店食物份量精緻，如果大家想Lunch食得飽肚，main course外可能要叫多個粉/飯，或者係main course+$38有配菜（不過唔知份量有幾多)順帶一提，俾＄果陣有大大隻蒼蠅飛落張枱度，店員梗係當睇唔到

同TEAM 團年午餐因為係將軍澳豪宅附近試下佢地D豪野....個裝修都幾骨子架..仲有露天位對住個海餐湯係甘荀湯, 我地飲到南瓜味....同事既選擇, 舌拿魚沙律, 賣相幾好我就叫左牛小排味道偏淡, 唔係好覺D牛味仲唔夠熱添火喉OK既, 食落冇渣 肉質都算唔錯豬鞍既肉都OK, 不過又係好淡的以上2樣都要叫職員加鹽呢樣我覺得最好食, 黑松露意大利飯好濃既芝士香味同黑松露味好O咀既SET LUNCH雖然唔錯, 幾CREAMY但呢個份量, 女仔就話者, 男仔邊夠飽餐飲D器具都好靚大致上, 唔係唔好既但應該唔會再試一來佢係比較貴既午餐二來佢個份量係食唔飽三來食物唔夠熱或者呢間餐聽岩D高貴人士入去BAR枱叫杯酒CHILL下, 食佢D氣氛仲好

食物值得一試，4 cheese同切片牛扒味道不錯，對得住個價錢。唯獨某位侍應態度如大排檔伙記，講嘢冇尾音：「要咩」、「哦」，站姿又hea問佢嘢又唔耐煩，好似煩親佢咁，答得不清楚。

姐妹們久違了的聚餐在一個美美的環境下進行裝修靚, 出面係海景同跑步但食物方面真係需要改善 而且量真係嚇一嚇,細碟到你唔信只可以講 價錢同質素不符服務可能因為太多評論 當天的服務還是不錯只是上菜時間極慢,,可能係因為我們一班女人,想讓我們有足夠時間呀….!!! 我地無餐包LOR,,,要叫個服務員 先有的食…四式芝士手工薄餅芝士未不太濃, 薄餅都算脆口既意式經典切片牛排牛排得幾塊,只食到D配料味,品嚐唔到牛肉烤西班牙黑毛豬豬鞍配意大利黑醋同樣情況 都係得幾塊,食唔到咩味道出黎叫咗2碟麵只可以講 堆飽個肚 算飲品叫左6杯野, 其中最好飲係芒果沙冰如果想大家share食一碟菜哩一間餐廳真係唔建議既又或者 叫多幾樣菜式