alfafa (港運城)

營業中

休息中

今日中午和同事去吃中午本身預訂了枱去到的時候不需要等位餐廳環境都算乾淨舒適店內服務生態度很好和藹可親我們點了四個套餐前菜可以選擇湯或沙律還有配送餐包口感都脆口，而主菜就點了兩個烤美國有骨豬柳天使麵，烤澳洲100日穀飼牛有機鮮蘑菇亞麻籽燴紅米飯及黑椒海鮮有機鮮蘑菇炒意粉上菜時間都快，平均十五分鐘到！食物覺得豬扒比較老，較難切，黑椒意粉比較辣但是其他的口味我哋都覺得係幾好食而且原來逢星期一至四是會有買三送一所以性價比都幾高值得一試！

今日陪知心好友去北角買嘢，順便食 lunch, 我見食肆開揚，感覺舒服，所以我哋就揀這間午餐。午餐食物種類多，有多款選擇。我點了炸有骨豬扒配特濃番茄雜菜湯意粉。隨餐附送麵包、餐湯和飲品。此外，甜品點了焗朱古力熔岩蛋糕配雲尼拿雪糕。豬扒炸得火喉剛好，夠熱又唔濃，肉質鬆軟易嚼，水準不賴。番茄大大片，整體 ok。凍奶茶茶味可以更濃，冰太多影響味道，糖水也太多太甜。甜品美味，食落令人開心，雪糕配朱古力很吸引和美味。

今一放假喺北角港運城嘅分店食咗個悠閒嘅早餐，依間餐廳環境幾好好乾淨，員工亦都好Nice，我揀咗一個牛角包，腸仔炒蛋，仲有熟蕃茄，1個羅宋湯長通粉，一杯熱咖啡。落order好快，但係出餐真係好慢，差唔多等左15分鐘，但啲嘢食都係唔係好熱。食物嘅味道還好，咖啡都好香幾好飲。而我太太就食咗一個蘑菇汁長通粉加雞扒，佢啲蘑菇汁幾好食，雞排份量適中，但係食完之後你會覺得好飽！建議大家要預早少少或者預多啲時間去食，因為真係花好長時間先食到呢個早餐。

今晚同好友黎到呢間，星期五晚上八點幾鐘，餐廳半滿，環境好舒服喔小清新田園feel佈置，呢個係我第一次黎呢間。餐廳價位約90-120，連餐湯餐包，飲品，第一個感覺唔錯。再睇餐牌，野食大路等黎都有點特別。今晚我叫左個龍蝦湯蟹肉意粉，個湯幾濃喎蟹肉粉量適中。個薯仔湯都幾好飲。之後仲可以加錢將飲品升級添，叫左個熱情果earl grey, 未飲過呢個組合，但blend得幾好。一個好relaxing的周末!會再幫襯

這家餐廳開業後一直未有機會品嚐，今天剛好經過終於可以試試！餐湯選了有機蘑菇湯，出奇地好喝！充滿細細的蘑菇粒，菇味濃郁！餐包擲地有聲，十分香脆，而且還是熱哄哄的主菜黑椒蜆肉有機鮮蘑菇炒扁意粉令人有點失望。。。黑椒醬汁杰撻撻。。。吃少許已經十分滯。。。另一個烤澳洲一百日穀飼牛有機鮮蘑菇及亞麻籽燴紅米飯，可能店家貼心地知道打工仔們午餐時間有限，所以預先攤涷牛肉。。。牛肉肉質堅韌，米飯淡而無味，十分配合健康的主題！

北角新都城有一家西餐廳遲遲沒有去試，終於今天帶媽媽去嚐一下它的午餐，沒想到它蠻多人吃，等了快半個小時～～肚子都餓扁了！點了兩份午餐，一份是雞腿天使麵，一份是牛肉繪飯，還有前菜沙拉或餐湯供選擇。最開心是點了一個湯但卻有兩個餐包，很貼心，讓我跟媽都能同時有得吃。我的那個天使麵整體只屬普通，但媽的那個牛肉繪飯，雖然牛肉過熟有韌，但它的繪飯十分出色！米飯粒粒分明，口感十足，非常好吃！整體來講，用料高質但味道沒有很驚艷，所以個人認為價錢比較貴，親民一點會更好。

I really like the ambience and the breakfast choice. I selected my favorite Eggs Benedict, the soft poach eggs cooked right for my liking. It would be even better if they can keep the temperature of the ham a bit hotter, it's timid and made the overall like a cold plate instead of a hot breakfast. It's a nice relaxing place. Alfafa will be on my list of cafe choice, I will be back.

由於北角呢間分店同我屋企好近，所以好多時都係呢度食早餐，因為坐得舒服之餘，啲嘢食又好食，價錢正正常常，四十零蚊有交易，最緊要係有BB櫈，咁我帶埋BB去食都好方便。不過我去親都係食同一個餐😆因為係出面都好難食到呢款，就係蘑菇湯雞扒長通粉，起碼食完唔會覺得好口乾，啲嘢又唔會太咸，服務都幾好，侍應好有禮貌，不過唯獨是上菜時間好慢，試過等成三個字都未到，外賣更試過等20分鐘。呢到早餐係抵食，不過就從來未食過佢晚餐，因為個menu價錢已經嚇死人，成3,4百蚊位，希望佢可以減下晚餐個僳，咁應該會多d人食

深呼吸，來一口，一切順利完成。太耐無過黎港島，其實真係好想成日過黎，有啲度假嘅感覺唔知點解。港運城搵嘢食，想食好啲就搵咗呢間。4個人做咗一輪嘢已經餓到爆，每人點一個主食。有湯，係磨菇西湯；餐包還可以；沙律都新鮮嘅。呢個係肉醬千層麵配薯蓉，都夠料嘅，味道一般，不過份量就少咗啲。香煎大西洋鱈魚扒。有機青口意粉，汁係夠嘅，魚都唔錯，幾香，青口尚算鮮味。烤澳洲牛有機鮮菇及亞麻籽燴紅米飯，牛肉質可以唔太硬。飯唔算淡味，呢個配搭都幾特別。我就係例牌all day breakfast ，依家越食越怕咸嘢，火腿煙肉呢啲總係覺得好咸，呢個無得計嘅。苦中一點甜系列，檸檬撻，呢個幾好味，酸酸地，幾易入口。杏仁撻，個人覺得過甜，無哂杏仁味，呢兩件每件21元，價錢貴咗。

照燒魚柳及有機鮮蘑菇炒意粉 $85佢呢間餐廳最主要其實都係以set dinner為主，先講講個前菜佢有得揀要沙律或者餐湯配麵包🍞咁我就揀咗要餐湯(蘑菇湯)，飲落去嘅味道其實都有啲似金寶湯嗰隻，但係佢入面真係可以食到餤餤的蘑菇粒，但係我嫌佢個湯唔夠Creamy同埋啲蘑菇切得太大粒，飲落去唔夠順滑-之後輪到個主菜，因為佢嗰醬係照燒汁所以食落去你會覺得佢會算偏甜🤭但係我覺得佢炒意粉都炒都幾出色，首先佢加咗紅椒同洋蔥一齊炒所以食落去唔算太油仲反而好清爽，同埋意粉軟硬度適中，而且魚柳亦都煎得好好食，魚肉係好鬆軟，魚肉同魚皮唔會分離🤤但係我會略嫌佢嘅磨菇份量偏小，多啲嘅話會再多啲分-總結來講呢個價錢嘅話其實都不過不失，我會再嚟試呢一間餐廳嘅其他嘢，所以都幾推薦大家去試呢一間，另外溫馨提示下大家間餐廳而家去做緊買三送一，但留意係要四個人去食先可以享用呢個優惠，小編嗰日去食淨係得三個人所以好唔抵 😭 🏠Alfafa⚠️北角英皇道500號港運城1樓123-124號舖☎️28703312如果都鍾意睇我寫嘅食評，歡迎Follow我既Foodie IG(hohomayfoodie) 🙏🏻

今日lunch選了這間餐廳，我們五個人等了50分鐘才能入座，我們其中還有一個80多歲的老人家，雖然他們有提供一張椅子給他坐，但是我們本來可以早點入坐，只因他們不懂得怎樣變通。入坐後，知道有買三送一的優惠，所以叫了四個正餐，但因為早前儲了一些分，夠期一定要用，所以用分數換了一個凱撒沙律，到埋單的時候先知道不能同時享有優惠！但是我們在換沙律的時候，他們完全沒有提醒我們! 我們覺得服務及指引非常不清晰！希望這麼大一個集團（DeliFrance)式經營的餐廳能有所改善進步。

差到忍唔到寫食評星期六去食早餐一眼望哂一半枱無人都要人等位成堆人企係度等佢慢慢叫飛等左4-5個字先入到（但由最一開始已經有位）當時經理不在 希望管理層改善一下無理由執好枱都唔比個客坐底先開張一個月仲係咁 再唔改善只會愈來愈少人食不過 d食物係唔差既 但趕時間千奇唔好食

Alfafa 裝修幾清新，以木色同綠色為主，令人感覺好relax佢既食物好似都主打健康，好多食材都標謗係有機，飯亦都係用紅米飯，令人感覺Refresh肉醬根本係百搭，配咩都咁好食，濃濃芝士同酸酸既肉醬，搭配薯蓉同千層麵，開胃好味道，不過卡路里應該爆登雞肉有機蘑菇亞麻籽燴紅米飯，不過不失，紅米飯幾有𡁻口。烤澳洲100日穀飴牛蘑菇亞麻籽燴紅米飯，個名全場最長，牛肉唔錯，牛味重，不過唔會令人好驚喜，但份量真係少左啲牛肉漢堡，全場名最短，但係係menu 入面最貴既呢個真係一般，牛肉好散，冇牛肉味，薯條唔似新鮮炸起，唔多脆，不過好在有個黑松露醬拉番啲分總括黎講，食物其實係正常，不過仲有進步既空間

話說在港運城逛街的時候見尼間店新開左分店係商場而且裝修又清新，睇過個下午茶清單都幾吸引而且推廣Fresh同有機天然食材咁所以今日來左食佢個二人tea set假期時間人流都幾多，位置也剩不多再睇睇個二人餐望落好正咁所以即管食啦尼個二人餐包左兩壺有機茶，朋友不要轉左做咖啡我就揀左蜜桃🍑茶，味道超淡，吾岩重口味既朋友等左有20分鐘先來尼個餐，其實比預期感覺少野食，而且要好有耐性等，因為都比較慢$188for2既二人餐最底係西式甜品🍮有6件，除左水果撻有草莓🍓或香橙🍊揀之外，另外既朱古力布朗尼同意大利芝士蛋糕🍰每人都各有一件蛋糕🍰好鬆軟、甜度剛好，而且味道不差意大利芝士蛋糕🍰細細件但都有心思裝飾，蛋糕而鋪滿了乾花襯托而水果撻最後我都係揀左草莓🍓水果新鮮，撻底有口感咬落好疏化，吾會乾身至於最頂層是沙拉加4個小漢堡。沙拉🥗好fresh 仲要翠綠色迷你漢堡兩件配大蝦仁，雖然配搭好簡單勝在材料夠新鮮另外兩件漢堡配煙三文魚，雖然材料好新鮮但就份量真係好少最後中間果層就得果2隻雞翼同鬆餅一分為二。雞翼就真係好惹味，皮夠脆，雞肉保持嫩滑最後尼個似係果仁鬆餅吾係過甜之於好香其實食完覺得無野落過肚，不過約朋友傾

Food was ok. Not enough experienced staff, waiting for 20 mins for table but there were tables not be cleaned for more than 30 mins (the other waiting customers told me so) ! I gave feedback to the restaurant manager, only answer from him that not enough staff! Definitely they are losing customers if no improvement will be made!