影片
開飯介紹
座位之間設有高身日式屏風，這是一家私隱度高的居酒屋。供應多款由日本食材製作的串燒、鐵板燒、刺身等菜式及清酒，甜品必食自家製雞蛋布甸。
繼續閱讀
營業時間
今日營業
17:30 - 23:30
星期一至日
17:30 - 23:30
以上資料只供參考, 請與餐廳確認詳情
有關獎賞計劃
星期日夜晚都好多人嘅居酒屋，位於銅鑼灣站D2出口2分鐘路程。晚市而家做緊優惠，啤酒買一送一、某啲酒類都有50% Off。食物種類選擇都好多，而且環境好舒服，座位分隔有私隱。刺身拼盤七點盛 $380刺身非常厚切，而且幾乎全部都係時令海鮮，分別有池魚、間白、伊佐木、拖羅、赤貝、真雕同赤身。特別嘅位係佢特定嘅刺身配有少少調味，令到口感更加有層次。超濃厚雞湯烏冬 $98食好多串燒同比較乾嘅食物，都想嚟返一個有湯嘅餐點。烏冬叫咗超濃厚雞湯，果然好似佢個名咁雞味好濃，而且烏冬質感亦都好好。燒銀鱈魚乾片 $68作為餐前開胃小食，呢一份魚片煎得好香。明太子煎蛋卷 $88之前見到好多人介紹佢哋呢一個明太子煎蛋卷，果然好有驚喜。因為係新鮮滾熱辣即刻整出嚟，所以出到嚟仲噴緊煙，而且蛋味好濃，冇加特別調味，更加食得出明太子嘅香。三文魚三文魚子燒飯團 $78三文魚子配三文魚肉呢一個配搭，令到成個飯團三文魚味好濃，配埋燒飯團嘅飯焦，非常惹味。串燒：雞肝 $36 自家製免治雞肉串 $36 豚肉金菇卷 $36雞胸軟骨 $36 鹽燒牛舌 $78牛舌係厚切，隔離有好爽口嘅椰菜，口感好爽口，不過個人比較鍾意配鹽粒，如果佢哋有埋就完美🥳。燒羊扒 $88燒羊架相比上面幾道菜，就比較平淡，不過肉質都幾軟腍，而且加埋檸檬汁同佢提供嘅醬汁都幾惹味。High Ball $75沖繩香檸Mojito $68想讚一讚佢呢一杯調酒好清爽，可以一試。
繼續閱讀
高質居酒屋位於尖沙咀 地理位置方便可以注意到餐廳設計唔少detail位營造日式居酒屋vibe 而且價錢合理 同朋友傾計聚會氣氛不錯 推薦 .ᐟ居酒屋以串燒、日式主食聞名 網上都唔少介紹的確食物味道及質素都有一定水準(⁎⁍̴̛ᴗ⁍̴̛⁎)卡邦尼烏冬濃郁醬汁配上溫泉蛋口感滑嫩滿足明太子蛋卷真係每一口都滿滿明太子 牛舌及雞肉串等串燒食品味道及口感豐富
繼續閱讀
去完日本食唔夠日本野，搵到呢間Google4.6分，比得上日本嘅居酒屋！仲要夠曬隱世冇咩人介紹過。今次黎胃口好，同男朋友兩個人叫左16樣野食😂所有唔逐一介紹，淨介紹印象深刻嘅👇🏻$148鹽燒帆立貝呢個一上枱就嘩左聲，係香港好少見咁樣嘅方式燒帆立貝，上枱到食緊都仲有啲火，靚到男朋友都拎手機影相。口感佢唔係話完全爽口，但鮮味好足，個醬係唔會搶走佢味。$380刺生7點拼盤菜單冇列明有咩魚生，見有少係香港有嘅間八魚同赤貝係有啲驚喜嘅。魚生厚切唔腥就正常發揮，不過就唔太建議點咁多豉油，因為偏鹹會蓋過鮮味。自己好鐘意食魚生個啲蘿蔔絲，見佢有咁多，同男朋友好開心😂$78鹽燒牛舌同日本食嘅真係比得過，甚至好食過之前係日本食嘅某幾間。本身都已經好厚，仲要好爽口（片尾就係食緊佢）又有6大舊，條數即抵返。$88明太子雞蛋卷食居酒屋一定要試呢個，越簡單嘅野越難整得好食，佢好食嘅話咁間居酒屋質素都唔錯。佢呢間嘅明太子就唔錯，同福岡食過嘅差唔多，一切就爆曬出黎。建議改名做爆醬明太子蛋卷$38雞蛋布甸一上枱佢就已經係咁震🤣勁滑勁綿，好香蛋味。不過略嫌焦糖苦左少少，甜返啲會仲好味。食左其他都唔錯，好似月見免治雞肉串、雞皮串燒等，so far都冇伏。值得去幫襯
繼續閱讀
一行6人，慶祝生日。提前電話預訂，需要比$500 deposit，響用餐當日可抵銷番。（如果訂位日期7日前取消可全數退）餐廳坐位不多，晚市都幾full。本身係衝著鹽燒牛舌去呢間餐廳的，果然無令人失望，真係好好食。燒得好香，而且中間好嫩，好彈牙，厚度同大小都適中。另一驚喜之作係牛油果大蝦沙律，好新鮮好味喎!同埋我都好鍾意佢個明太子玉子燒，熱辣辣，一切開有滿滿明太子漏出黎🥰 雞蛋布丁都正，一啖入口好滿足啊！不過食到最尾有啲飽，建議可以share黎食（雖然唔係大份🤣）其他食物都唔錯~服務都ok~會再黎食過🥰
繼續閱讀
餐廳位於大廈 3F 一層一間餐廳餐廳職員仔細介紹每道食物 食左 明太子蛋捲 海膽醬蠔 卡邦尼烏冬 魚生 串燒 布丁 最好食就分別係1. 明太子蛋捲 - 明太子好足料, 十分咸香美味, 熱辣辣2. 海膽醬蠔!!! 蠔有汁, 飽滿, 咸咸甜甜熱辣辣好正魚生都唔錯 魷魚鮮甜 赤身厚切 無根 讚! 串燒黎講 燒得好靚閃閃生光 味道就係天然食材味道 但可能個人比較好重口味 所以覺得正常最後自家製雞蛋布丁好食 好滑溜 焦糖好濃郁!!!! 正! 整體來講 熱食 魚生 新鮮, 有機會再訪!!
繼續閱讀