AGE Cuisine Express (已搬遷) 新店位置

星期五晚本來係book咗一間喺東達中心新開嘅Cafe - 點知嚟到之後佢哋同我講食物已經賣晒咁究竟book位嘅意義喺邊度？ 嬲嬲地唯有搵其他嘢食OpenRice睇原來東達中心仲有其他兩間餐廳二選一選擇咗呢間西餐本來一啲期望都冇 - 諗住求其食啲嘢就算最尾叫咗呢三樣嘢🔺拿破崙風情pizza🔺法國膏蟹肉扁意粉🔺西班牙八毛豬火腿伴芝麻菜三樣嘢都好有驚喜好好食喎食得出係有心去烹調嘅嘢食 小舖嘅環境不怎麼樣但係嘢食係真心好食 絕對可以一試

餐廳雖然細，座位擺放仍然令你坐得舒服，用既木枱木櫈又靚，又穩陣，又乾淨，又舒適。藏身於破舊既工廈裡面，提供精緻既西餐，呢件事本身已經好有feel😌千島醬豚肉柚子薄餅要大讚，拎到上黎系非常熱辣辣，香噴噴，批邊超薄超脆，配上酸甜柚子肉粒非常開胃，雖然等左頗耐(20-30分鐘倒?)，但一啲都唔會失望😋燒法國帶子墨魚汁意粉都好食既，但就略嫌鹹左少少。另外香煎紐西蘭檸檬鯰魚，魚肉幾嫩滑，留意魚下面會配埋雜菜薯蓉同薯塊，所以會食到好飽。稍微好奇既系，上面既魚會沾染到下面薯蓉既味道，食落竟然系咁鴿，唔知系偶然定設計呢道菜既心思?🤔

左2個痴線婆交收順便食餐飯，為左就我，佢地好貼心專登揀左間近我收工既餐廳我地試左幾樣野食美國極黑豬肉眼配香草什菌汁套餐肉眼扒夠厚身而且有肉味，但略嫌太肥同韌，出奇地最出色係個什菌汁，好香菇味，攞返唔少分餐湯係什菜湯，味道幾好，冇咩特別評價甜品係泡芙配朱古力雪糕德國香腸拼盤拌蕃茄醬配薯餅拼盤有4款腸，但我唔識分邊樣打邊樣😂，份量都唔少，南瓜薯餅好甜，亦都好飽肚總括黎講，呢間餐廳算中規中矩，有機會可以試埋其他菜色

話說係咁 之前嚟食過都係食北京填鴨pizza 係已經食過幾次今次試一試新嘢，佢上面有勁多鮮蕃茄碎😰🤯 真係嚇到我呢🤦🏻‍♂️ 好彩加咗少少tabasco🤏🏼蓋過到個草青味就食得落，重鬼咁惹味支tabasco重要係店員主動拎過嚟 好鬼正 咁主動友善嘅服務👍🏼再望隔離枱都係2個人食9吋加個粉，而我地面前係個12吋🤭有啲唔係咁好意思🙈鹹豬手本身都好食，但畫龍點睛嘅係伴碟嘅薯仔粒！整到外脆內軟嗰吓吸引🤤

.對於我住大西北嘅人來講真係好少去到太古嗰邊啊聽朋友講呢間餐廳都幾好食 咁就去試吓啦！.佢會有Dinner Set但對我哋來講好似唔係最吸引所以我哋叫咗餐牌上面其他主菜同埋薄餅.燴紐西蘭羊後膝 $188羊後膝唔算超級林 但係好大隻下邊仲有好多薯蓉 仲有沙律🥗.千島醬豚肉柚子薄餅 $146（9吋）（極黑豚肉、洋蔥🧅、大蒜🧄、柚子、海苔粉、千島醬）好鍾意千島醬嘅Pizza 好好味😋柚子嘅配搭很新鮮😆.除咗小食同埋錢財之外其他都可以加$48轉套餐🥰包括餐湯、麵包🥯、甜品🍮、餐飲.甜品🍮 手指餅😉配雪糕🍦.🥢AGE Cuisine Express (太古)📍太古英皇道1065號東達中心11樓1104B室

食物味道份量都ok, 但點餐後一小時都未到，問那個唯一的服務員點解咁耐都未到，佢同你講"be patient", xyz 佢丫，真係想拍枱走人，服務態度真係一流，第一個餐終於來到，問服務員是什麼菜，佢話係我哋最後點果一個餐，連講個菜名都懶得話你知，以後唔會再去

以前行完山於附近撤出時，與其他友人吃過一次，感覺不錯。店家應該是由兩位老夫婦經營，於工廈提供不錯的西餐。椰香辣醬燒春雞 - $168整隻春雞份量頗多，真的最好兩人食用，外皮塗滿椰香辣醬頗入味，亦焗得好香脆可口。雞肉好嫩滑，好容易便切開關節位。還有一整份炸薯條，新鮮酥脆。沙律菜伴了酸溜溜的醋汁和少許焗紅蘿蔔、青瓜等等，頗為開胃。四式芝士風味pizza(12inch) - $156有意式pizza薄脆的特點，餅底好薄，邊位新鮮時較脆。餅底塗滿了酸甜的蕃茄醬，再加入四款芝士：藍芝士、希臘芝士、巴馬芝士和水牛芝士。芝士味自然濃郁，但藍芝士味度較搶，可能份量太多有點咸。法國膏蟹肉扁意粉配蟹膏忌廉汁 - $158有頗多的蟹肉絲，味帶鮮甜。再加入蟹膏忌廉汁，扁意粉呈蟹膏的橙黃色，還有忌廉的滑溜感，掛汁能力亦不錯。自家製香草醬脆薯角 - $56與一般炸薯角有所不同，這薯角裡面非常軟糯，但外皮焗得好酥脆，大量香草醬迷迭香味道濃郁，有清香味。

去到太古又唔想次次都係太古城入面搵嘢食好鐘意發掘大型商場附近小店幫襯今次泥到東達依邊試新嘢雖然要上樓食，但當日都唔少人嚟食㗎💠燒春雞見到都已經覺得好好味燒得隻春雞顏色好靚配有滿滿嘅厚切薯條😋春雞旁仲有沙律菜🥗好新鮮💠帶子芝士墨魚汁意粉明明食墨魚汁會整到成個咀都污糟晒但偏偏每次見到都好想食叫得墨汁意粉證明坐你對面嗰個人係好朋友泥嘅😉墨魚汁都幾杰身唔怕彈到個身都係撈埋落啲意粉度都算乾身，好食帶子有燒過，食落有火炙嘅味道食到入邊就知道帶子本身達刺身級👍🏻正📍AGE Cuisine Express🔎太古英皇道1065號東達中心1104B室

平日lunch去呢間嘢， 喺太古工廠區， 都算易搵。個裝修係有心思， 都算寧靜。入到去得一兩枱客，叫左佢個洋葱牛肉飯。跟餐嘅羅宋湯同咖啡都係普通嘢。然後個飯，都係無咩特別， 同茶記嘅蕃茄牛腩飯差唔多， 唔明佢點解可以納入餐廳推介。隔離枱都係叫漢堡， 或者我揀錯嘢。總括而言， 佢係一間工廈入面， 裝修靚嘅茶餐廳， 完。

今次第3次食, 2次中午, 1次晚餐第一次食完中午覺得D 飯D意粉好普通, 冇咩特別第二次食晚餐真係另眼相看, 個PIZZA好正, 個蟹膏意粉真係一流! 差唔多係我食過意粉數1數2今日第3次食返LUNCH SET, 其實PIZZA同 BURGER個水準都係中上, 收~90一位其實唔錯我建議如果大家故意搵好野食，真係晚上黎，價錢貴，但用料明顯提升好多！　可能中午都係返工客，但晚上真係有心整到正野！

住左喺東區咁遠，如果唔係喺openrice搵下太古除左平時食開嘅餐廳之外都唔會搵到係英皇道1065號東達中心嘅工廈西餐廳原來係Openrice嘅熱門食店，今日一於黎試下！ 一出Lift轉彎就見到AGE嘅門面Weekend嘅Set lunch選擇都好豐富，有漢堡、沙律、意粉、薄餅、飯等等餐廳嘅裝修都別樹一格============================== 跟餐嘅lunch先跟個南瓜忌廉湯，味道唔錯洋蔥蕃茄汁燴牛肉伴香飯 $86燴飯大大碟，燴牛肉係牛腩黎，炆得夠淋份量都多，嫌唔想食飯嘅都可以轉意粉。燴飯旁仲有少少沙律菜做伴碟，總括黎講值回票價。 AGE Cuisine Express📍太古英皇道1065號東達中心11樓1104B室

要喺鰂魚涌太古搵位食lunch係難嘅，AGE呢一年來總係唔需要等位，不無原因。今日order咗一款新食品 － 牛油果軟殻蟹burger，賣相唔錯... 咦？點解軟殻蟹好似啱啱由赤道走來，再唔小心跌咗落18層地獄個油鑊出嚟咁嘅？唔緊要，一餐半餐廚房都總有小小失手嘅時候，之但係，實在太大陣油益味喇，於是我問店員有無沙律醬，嗰位女士似聽到又似聽唔到，然後走入廚房又出返嚟抹下枱... 我再問：請問有沙律醬嘛？佢，原來係聽到嘅，而且佢仲用咗150分貝叫出嚟：無呀～～～～～其實，我並沒有特別喜歡沙律醬，只係特別難接受油益味。諗住勉強用醬蓋過陣油味食完就算，點解呢？點解要我生吞濃咗嘅油呢？幾年前你哋服務雖然麻麻，但係味道並沒有差到咁啊！到底呢位店員發生咗咩事咁唔開心呢？係咪因為廚房太大油煙令佢心火盛？呢樣嘢真係要改善，因為好影響健康㗎。我響度祝佢快快開心返，工作啫，唔鍾意就唔好做喇。Take Care!

從朋友口中早已聽過AGE CUISINE EXPRESS食物不錯，適逢今天去取網上購物貨品，途經此地，梗係去朝聖朝聖！經完成「防疫基本功」後，便隨待應生引領入座，餐廳內佈置有特式,座位舒適，氣氛不錯啊！我們點叫了特濃黑松露野菌忌廉湯，Prime級美國牛肉漢堡包伴法炸薯條，燒牛肉，紅菜頭意大利飯及雜果賓治。特濃黑松露野菌忌廉湯🥣嚐了一口，果真特香黑松露味濃，咸淡適中，碎碎的野菌粒，口感不錯！Prime級美國牛肉漢堡包伴法炸薯條🍔勿被平凡的外表瞞騙！麵包均是烘焙適度，牛肉潤而不過咸，新鮮美味，芥末醬不太多，蔬菜、蕃茄鮮脆，配搭有致，好好味！欣賞外脆內軟的薯條，值得推介的burger set!燒牛肉，紅菜頭意大利飯🍛勿疑為仍是有血紅色的燒牛肉是太生了！這燒牛肉必領你滿意！軟而不靱，肉汁鮮嫩！米雖是粒粒獨立不黏在一起，但在醬汁包圍下，不但沒有乾硬之感，反而有嚼口，軟硬適中，味道不錯！雜果賓治🍹一杯令你餐後感到滿足的飲品，為這午餐畫上一個完美的句號！

平時去觀塘工廈搵食多，今次俾朋友帶左黎港島東既太古，估唔到原來太古都有工廈餐廳。餐廳環境清靜，係一個適合同朋友慢慢食飯傾計既好地方。龍蝦濃湯平時飲龍蝦湯最怕個湯太稀，但今次呢間既龍蝦湯味道好夠濃，質感厚身，鍾意龍蝦湯既朋友表示好滿足。同湯一齊上既餐包係Grissini，幼身易入口，脆口得黎份量又唔會太大份影響胃口食主菜，正。蘑菇風乾火腿pizza個pizza一上枱就已經聞到好香既火腿味，食落口仲有黑松露既香味，芝麻菜同蘑菇有效地減低油膩既感覺。波士頓龍蝦尾海鮮汁扁意粉龍蝦勁新鮮，配合海鮮汁令到意粉入晒味，基本上不論食龍蝦定係意粉都一定食到好濃郁既龍蝦味，龍蝦控一定會好滿意。Fruit punch呢杯Fruit punch既味道調教得好好，成件事好和諧，唔會有其中一兩種果味太突出既問題。淡淡既果甜又唔會好heavy，又有微酸感用黎中和返主菜既味道。我地勁快就飲晒成杯。

今天到港島區搵食， 這一家餐廳位於太古地鐵站附近，非常容易找。Pizza , main course都可加$48轉成餐，會有湯甜品和飲品。薯蓉湯千島醬豚肉柚子薄餅9吋 $146Pizza 有極黑豬肉、洋蔥、大蒜、柚子、海苔粉和千島醬。 pizza 批底非常香脆crispy, 洋蔥爽口， 芝士很香濃，味道很好香煎紐西蘭原條檸檬鯰魚$158原條鯰魚非常新鮮， 香煎過的外層情帶點香脆，入面的魚肉鮮味可口，底下還有香滑的薯蓉。凱撒沙律$78沙律菜非常新鮮， 爽口， 還有芝士，脆咸的煙肉。由於我要求沙律醬另上， 所以味道可以自由調配榛子朱古力蛋糕蛋糕很有驚喜，上面有香甜的雲呢拿雪糕，蛋糕分開幾層 ， 咬去有不同的質感，還有士多啤梨伴碟