Add Some Thai Restaurant

營業中

休息中

四條友仔臨時改地點食飯， 心思思有想食泰國嘢， 第一次試呢一間餐廳， 去觀塘駱駝漆大廈一期裏面~ 試咗1)海鮮冬陰公 2)辣椒炒蜆 3)小食雜錦拼盤 4)什錦串燒拼盤 5)馬拉盞炒通菜 6)鹹蛋大蝦 我覺得整體嘢食都ok嘅可以再去

清明假期剛好有美國來的親友回港，探完家人之後就想找個新地方，請下朋友食泰國菜，在openrice找到呢個地方，再可以訂埋位，呢個功能真是好方便。一行8人七點九左右到達，全場估不到已有八成滿，餐廳佈置好用心，有泰式擺設，而且空間好大，非常好坐。我們叫左好多野食，強烈推薦豬頸肉，燒得好香而且好大塊，厚身有質感。另外串燒拼盤都好好食，而且砌得好靚，好有心思。相對粉麵就比較普通和遜色，份量偏少，而且不太有泰式的香料味道。前菜薯條都不能錯過，有黑松露味的，好好味。非常高興可以找到呢到，朋友們都好滿意

有日約左朋友食飯，唔知食咩好就係OpenRice碌吓碌下見到呢一間泰國菜就訂位試下啦.坐𨋢上去時，有少少意外該大廈四部𨋢都有壞有啲唔識關門，有啲停左係某一層唔郁終於都都餐廳😅.當日係平日，唔太多人，正丫☺️太肚餓了，急不及待叫野食先去骨海南雞 半隻味道ok，可以再滑啲紐西蘭牛肉同雞肉 串燒兩款都燒得剛剛口牛肉好冧好多汁🤤即刻叫多兩串😚黃金蝦配泰式金邊粉炒得夠乾身，好好味☺️☺️☺️...提提你，做個簡單問題，會有95折架😉

總覺得香港的泰菜再是好吃，也無法超越泰國當地風味；當然, 人在香港, 不能奢求太多. 不過觀塘Add Some Thai Restaurant價錢及味道都十分平均，所以一試無妨！星期六日的下午, 3點過後時段, 環境最舒服, 可以慢慢享受.假日套餐一點都不貴, 可以說是十分抵食, 因為份量是超級大份招牌泰式無骨海南雞, 雞肉十分嫩滑,雞的份量都幾多，而且中間有層啫喱狀唔好以為中間的啫喱狀係肥膏，其實是精華所在油飯有雞油香, 水準很不錯泰式金邊粉配牛肋條, 粉條足夠乾身不膩口而且韌度十足不會一夾即散。蝦肉爽口美味, 配上芽菜、青檸汁、碎花生等配料口感十足.而最有驚喜的是牛肋條, 燘得十分入味.跟餐會送上蕃茄椰子雞湯, 不過味道略微淡了一點.香燒沙爹雞串, 串燒的份量真的比預期大很多, 只需$36有兩串, 真心抵.雞肉厚切, 燒得不會太乾身, 而沙爹味濃, 醬汁內仍保留左花生的顆粒, 很惹味.這店的泰式COFFEE，並不是泰國標準超甜口味，反而甘醇美味，濃淡又得宜，超！好！喝！這個價錢在泰菜來說, 真係很值, 味道都係水準之上, 所以可以再encore~

環境不錯，坐得舒服，泰國風情。但食物整體只是一般般，除了甜品椰汁榚比較有泰國風味，其餘的水準只是港式泰菜feel.而且菜式調味亦偏咸椰清冬蔭海鮮湯~味較為清淡，失去了冬蔭湯味濃的賣點。串燒牛柳~不過不失， 沙嗲汁也偏咸。菜亦偏咸。咖哩軟殼蟹蒜蓉包~軟殼蟹炸得非常乾，而咖哩汁略咸，但送飯就一流。亦多叫了一碗飯送咖喱。但飯質又乾又硬，似隔夜飯蒜蓉包其實即係蒜蓉多士,又乾又鬆。口感像一陣風咁手抓薄餅~口感比較實，厨司一定用力壓著來煎椰汁千層糕~清甜香滑，四大條椰汁榚再配淡香椰奶。飯後甜品

成日都想去泰國旅行，不過一直都未搵到時間，我嘅holiday離我好遠，唯有食下泰國嘢頂下癮。今次去咗觀塘工廈試下呢間泰國菜，一入到去個環境，好有泰國feel,不過可能唔夠冷氣，所以有啲焗，店員仲安排咗我同朋友坐喺射燈之下，完美體驗到泰國既熱帶氣候。我哋叫咗幾樣嘢食，整體份量都算大，都係抵食嘅。不過食物嘅質素一般。我哋叫咗個冬陰功湯，湯底好清淡，海鮮冇咩鮮味。我哋叫咗個串燒拼盤，牛柳比想像中淋身，燒得唔錯，但其他就麻麻地，而且切得好大件食樂有啲唔方便。但佢個串燒醬都幾香花生味，值得一讚。芒果糯米飯配雪糕係全晚最好食，特別係個雪糕，係椰子味，入面亦都有粒粒嘢肉。糯米飯加上椰漿都好香，不過飯要黏身啲會鎳啲。飲品就有啲伏，朋友嗌 坐杯梳打，就係切咗2片青瓜，加兩片薄荷葉同雪碧，冇驚喜之餘都好失望。

今日同屋企人梨呢間食泰國菜。呢間環境好有feel,好有東南亞feel，有沙發位。我地叫咗個八人套餐，但係好多都無曬，可能因前為8點半先到。不過上菜都算快，食物賣相不錯，味道還好。因為我地坐長枱，佢個八人餐全部都分兩份上。不中不足係個冬陰公一般，得個酸味。八人套餐九人食都食到好飽！適合同朋友坐下傾下計食野，不過想食好野就要早少少到了

今日約咗啲老死去happy hour😬吹吹水不知不覺已經到咗晚飯時間！有個朋友係喺觀塘做嘢嘅！佢話帶我地去一間泰式餐廳Add Some Thai restaurant！呢間餐廳非常抵食！每樣都分量十足😬而且食材好新鮮添！🍽Add Some Thai Restaurant🍽柚子海蝦沙律$88有四隻大蝦🍤，肉質彈牙，而且仲係剝咗殼，附上兩種醬汁！我就比較鍾意食泰式酸辣醬汁😏海蝦冬陰公海鮮湯$92又係好新鮮嘅海蝦啦！分量十足！有魷魚🦑仔丶青口丶雜菇！曼谷蝦餅三件$68呢個蝦餅做得最出色！蝦餅非常彈牙而且鮮味十足！酥炸一字骨雞翼10件$58雞翼一開2⃣！食落非常方便！而且炸到外脆內保留肉汁！最重要係配上我最愛嘅炸蝦片⋯⋯肉碎焗蒜蓉包$58呢個真係超值！通常只得蒜蓉包！但係佢仲要包埋咖喱肉碎添⋯⋯肉碎仲好惹味呀⋯⋯招牌黃金鹹蛋海蝦六隻$128呢個你會連到外殼都食埋！每一隻蝦都包住黃金鹹蛋醬！鹹鹹香香帶點鮮味！😋👍👍

自從幾個月前去完泰國旅行之後，一直好掛住泰國嘅美食，早兩日，朋友突然同我講，喺觀塘嘅工業大廈，有一間「堅」泰國風情嘅餐廳，叫Add Some Thai Restaurant，睇過食評午餐，最後決定試一試呢間餐廳，絕對充滿泰國風情，裝水嘅水壺，食嘢用嘅碟，都充滿泰國情懷，係呢一個氣氛下，叫嘢食都叫得開心啲沙嗲牛柳粒串（兩串） $48 沙嗲豬肉串（兩村） $36上檯一望到佢嘅份量，簡直大嚇一跳，絕對可以用巨型來形容，唔單止肉嘅份量夠大，串燒仲會配埋翠玉瓜，可以話係超抵食用得牛柳，肉質當然係夠淋易入口，咬落去嘅時候，仍然感覺到肉汁豐滿，絕對做到外有焦香，內有肉汁嘅感覺豬肉串嘅豬肉，咬落去有種爽口嘅口感，味道濃郁，充滿肉嘅鮮味咖喱炒肉蟹配蒜蓉包（$298）啖啖肉嘅肉蟹，全隻先經油泡，可以鎖住蟹肉嘅肉汁，食落更加嫩口。依加咗蛋嘅咖喱，入口幼滑，咖喱嘅香濃，配上蛋嘅幼滑，係絕配焗到脆口嘅蒜蓉包，亦都係焦點之一，蒜蓉包本身已經好食，用嚟點一點咖喱汁，味道更加香濃火腿肉碎生菜包（$78）肉碎加咗大量嘅香茅同香料，未入口已經香氣怡人。Add Some Thai Restaurant 做嘅呢道菜，會配上一

有點失望，非常普通的泰菜，相比九龍城泰國菜館真的差天共地。冬蔭公湯味道很淡，馬拉盞炒菜也沒有馬拉盞味，淡淡的。以為咖哩軟殼蟹好味，但得層皮吃不到蟹肉，炸粉也多，後悔不叫併盤，起碼多些選擇。至於薄餅並非想像中鬆化些那種，只是甜品和串燒牛尚可合格，幸好坐位尚算坐得舒服，但以後也不會再來。服務方面，客人碗內仍有食物便想收碟，有點無禮貎。

觀塘的工廠區藏著各式各樣的美食，今日和朋友品嚐一下泰國菜。餐廳格局以木為主題，確實有種置身東南亞的感覺。椰青鮮蜆冬陰公湯湯底濃郁，辣度十足，而且有蜆，青口，墨魚仔和菇菌，真材實料。串燒拼盤重量級串燒，有豬，牛和雞肉。牛肉串令人有驚喜，有咬口亦不會乾身，我和朋友都十分鐘意，每串肉類間也夾著蔬菜，感覺更清新。而串燒醬汁一流，濃稠亦帶滿滿的花生香味。馬拉盞炒通菜即點即炒熱辣辣，馬拉盞配以蒜泥，非常惹味，每次食泰國菜必點菜式之一。芒果糯米飯配雪糕椰子雪糕有粒粒椰肉，真材實料，清香不太甜，做的出色。

喺排行榜見到ok所以一試。先嚟海鮮冬蔭公。唔太冬蔭公。有四隻大蜆兩隻青口。好味。多幾隻蜆更好。好似係蒜味煲蠔。好大隻蠔。啲汁好好味可惜得四五隻太少。椰菜苗。第一次食。炒得好香口。但𡁻落苦苦哋。可能正常。串燒。啲肉好大舊。汁都夠同好味。中間仲有啲翠玉瓜。中和返。不錯軟殼蟹金邊粉。整多一隻都唔怕死啦。正常金邊粉。軟殼蟹都ok。可以。荔枝核打。真係有粒荔枝肉。好飲 幾樣嘢食都有一定質素。所以價錢都貴。不過份量其實可以多啲。

平日晚上放工去左觀塘覓食~地鐵站行過去都係5分鐘度~放工時段個條路比較多人同逼~💩7點上到去都有5成full啦~ 座位好寬闊唔會聽到隔離台講乜~👍🏻👍🏻我地好肚餓，眼闊肚穿叫左好多野食~🙈🥢沙嗲雞肉/牛肉串👑👑👑無得輸！👍🏻👍🏻好JUICY！🥰個肉質唔會好乾柴，好軟腍！😋如果唔係叫左咁多野會encore！個醬汁都ok！🌟🥢火腿肉碎生菜包幾特別~未試過呢個配搭~ 😋因為本身d肉碎都係重口味既，所以ham既味道被搶掉了~不過分量很大，幾抵食既~👍🏻🥢炒金邊粉配鹹蛋蝦都係大件夾抵食既~ 鹹蛋味好香🥰，蝦都大隻~成隻都比濃濃既鹹蛋包住~ 😋😋不過個炒金邊粉有d d油~💩🥢馬拉盞炒通菜不辣，沒有馬拉盞味道，不過分量很多~👌🏻👌🏻🥢酥炸1支骨雞翼有蝦片塾底~很脆很好食！😋😋1支骨好方便食~吮既時候好方便~👍🏻🍹清邁瀑布🍹椰青新鮮清甜~

星期日晚去觀塘搵食睇到喱間評價唔錯所以就去試試喇想知道間泰菜掂唔掂一定要試下個冬蔭公啦可惜喱道認真唔掂...唔濃郁又唔鮮味應有嘅酸中帶辣都冇...Oh ****菠蘿炒飯味道一般般 ， 食唔出乜味黎到唔太夠熱而且份量唔多（菠蘿個洞只有1/3咁淺）隻墨魚仔硬到一個點呀！炸蝦餅算係最正常但粉比例多左啲成個碟底都係油 唔夠乾身其他地方通常都係跟酸嘅雞醬配炸野中和番冇咁溜又會開胃啲但喱道係配個微酸沙律醬...感覺溜上加溜...今餐個人就唔太欣賞喇味道唔多掂之餘以樓上餐廳黎講價錢真係一啲都唔算平冇下次lu

今晚朋友話想食泰菜，我醒起同事提起過駱駝漆大廈有間泰菜餐廳幾唔錯，就提議試一試。我地上到駱駝漆大廈一座九樓，一岀lift，就見到大大個AST (Add Some Thai)，到了！環境真係好正，燈光柔和，坐椅寬敞舒適，真係有置身於泰國嘅感覺。先黎個翡翠探戈，有青瓜同薄荷葉，好fresh好醒神！泰式辣椒膏炒蜆，蜆肉肥美新鮮，如果味道再濃一點就更好。AST串燒拼盤好豐富，豬肉同雞肉都好大串，而且燒得好香，配上沙嗲醬非常惹味！再點咗黃咖哩肉碎焗蒜蓉包，黃咖哩好香濃，蒜蓉包夠多蒜，而且焗得好香脆，超正嘅配搭。甜品當然係芒果糯米飯，令我地驚喜嘅，係椰子雪糕，好有椰香，𥚃面仲有啖啖爽口嘅椰子肉，好食