Add Some Thai Restaurant

營業中

休息中

朋友带我去觀塘工廈食好嘢，講真成曰睇電視都有介绍過工厦內有很多隱世美食。今次大開眼界這座工廈內講得出的菜色都有。上到九樓見到—間食泰國菜舖頭Add Some Thai，吸引了我們入去。內裡装修得好有泰風，地方非常寛敞，每枱都有足够空間。桌椅和食具都是木製，而天花上掛住仿燈籠，燈光非常柔和，更令人有渡假休闲感觉。侍應們大都是泰國人，招呼亦非常有禮和主動介绍菜色椰青鲜蜆雜錦海鲜冬蔭功。味濃带些椰青香氣，大蜆肉鲜甜，配青囗和小八爪魚，囗感豐富。招牌黃金鹹蛋鮮海蝦。果然出色好味，大大隻海蝦掛满金色蛋黄，色香味俱全。AST串燒拼盤 豬肉串，雞肉串，牛柳粒串配自家製泰式沙嗲醬更提升肉香。菠蘿車厘茄串亦不錯，焼菠蘿面層燒到脆囗中間多汁夠香甜，燒白菌串第一次吃，以為會乾，又不㑹口感不錯。红咖喱肉碎配蒜蓉包，蒜蓉包香口配上红咖喱，震撼我味蕾馬拉盞炒通菜。馬拉盞夠濃味，通菜非常嫩，兩者勁夾。椰汁芒果糯米飯配雪糕。芒果清甜，暖暖糯米飯夠軟滑配椰汁清香有咬囗。再吃雪糕超完滿。無論裝修，食物質素，服務等Add Some Thai都是相當好，不愧為隱世泰國菜。

若說觀塘是香港的美食天’塘‘，一些都沒有過份，中西日韓，大大小小的食肆，在各工廠大廈樓層不難找到有特色兼價錢相宜的食店。今晚約了友人來到開源道駱駝漆大廈九樓的 ’Add Some Thai Restaurant‘。由於朋友不喜歡吃辣，於是點了幾款較清淡的菜式，首先來半隻去骨海南雞，雞肉嫩滑，加少許酸甜醬汁，十分美味。明爐青斑魚用游水青斑，加配肉碎、紹菜、粉絲和上湯邊滾邊吃，熱棘棘香噴噴的鮮嫩魚肉，吸了上湯和湯內的冶味配料，與普通清蒸的吃法，又有另外一番風味。蒜蓉炒椰菜苗夠鑊氣，清淡得來又有蒜蓉的香味。甜品雪糕芒果糯米飯亦是‘Add Some Thai’的招牌甜品，新鮮香甜泰國芒果配椰汁糯米飯和芒果雪糕，令到此頓晚餐加上完美的句號。

今日要介紹既呢間餐廳就正如題目所講驚喜真係一浪接一浪，唔係餐廳有咩特別表演或者服務，而係食物本身已經可以帶俾你一次次既驚喜。餐廳既食物既選擇認真唔多，叫左個A.S.T.小食拼盤、香燒沙嗲紐西蘭牛肉串、酥炸軟殼蟹金邊粉同埋椰汁芒果糯米飯配是日雪糕。首先講左個無咩特別既酥炸軟殼蟹金邊粉先，金邊粉既份量偏細，勝在一碟都有兩隻軟殼蟹，不過我地認為呢個金邊粉無之後推介既食物回頭度高跟住介紹埋個芒果糯米飯先，呢個驚喜既地方在於店家所揀既雪糕，本身以為係得一球普通既雲尼拿雪糕，點知竟然有兩球菠蘿味雪糕，配埋一齊食超有熱帶風味，不過俾定心理準備大家先，呢個芒果糯米飯既比例有少少失衡，芒果非常多但無咩糯米飯，怕食得太滯既朋友仔呢個甜品應該會啱你A.S.T.小食拼盤啱晒啲咩都想試既朋友仔呀，上面一共有六款常見既泰式小食，我地最推介蝦餅同埋豬頸肉，蝦餅厚身而且彈牙，而豬頸肉亦非常爽口，係一致認為成個小食拼盤入面最正既兩款小食，最後係認為最最最最最驚喜既就係個沙嗲牛肉串，一串有三大嚿入口即溶既牛肉，微辣既調味就算唔點沙嗲醬都已經好夠味，當然點埋沙嗲醬會更加錦上添花啦，不過如果串燒既翠肉瓜可以爽口少少會更有層次

有朋自南京来 喺香港食東南亞菜是必定的 而以泰菜为首選！ 食品質素好啱香港人 但对外地人在“辣”方面就有所不足 份量足亦新鲜 朋友和我对烤猪手简直停不了 伴菜蝦片亦鬆脆味濃 真係好好食 其次是咖哩蟹、炸蝦餅 瞬间光碟！ 不得不提甜品 芒果糯米饭 好味 椰子🥥雪糕亦是一绝 肚滿肠肥的拖着身体离开！ 赞👍🏼……员工服務到位 有礼，一定会再去！ 唯一缺点 停車場收費比較高！

觀塘工廈一向隱藏左唔少美食！平日多數食西餐同日本菜，今次搵到呢間食泰國菜嘅Add Some Thai。呢度裝修都算唔錯，乾淨、企理，比起九龍城嘅泰菜館還要乾淨。侍應似乎都係泰國人。張枱都幾大幾濶。Menu:午餐基本上都係$100以下，仲要免加一，選擇都幾多～冬陰公湯味道啱啱好，小小辣！我呢個怕辣嘅人都飲得晒～泰式豬手飯豬手同蛋滷得幾入味，幾冧，唔錯。不過個生菜包就麻麻哋，冇咩味～咖喱牛肋條牛肋條唔夠林，有啲韌。咖喱味就啱啱好，小小辣可以接受總括嚟講以呢個價錢加上食物質素同環境都算可以接受，下次會再嚟食

這間是我跟同事常去的泰式餐廳，本身的午餐價錢有點貴平均80元一個餐，但2:30後就有7折所以就覺得很化算了！午餐選擇大眾化，就是泰菜常見的湯河，海南雞飯，金邊粉，豬脾飯都有！還可以加小食，小食價錢大約是20-40。不過我就覺得加小食有點貴，就沒有加了！這次我叫了海南雞飯～海南雞肉算是多，肉質也挺滑的！我也挺喜歡那個油飯，是味道算是濃的一款油飯！配菜還有菠蘿，一點沙律菜和蝦片！每個餐都配了冬陰公湯，分量適中！一點點辣蕃茄味比較重！同事叫了這個豬頸肉胡椒湯河，我嘗了一點！豬頸肉挺惹味的，而胡椒湯幾乎不辣！不過聽其他同事說以前嘗過一次這個胡椒湯河，是非常辣的！似乎他們調整了辣度～

昨天跟友人去了吃泰國菜，找到了這間工廈餐廳。因為工廈的關係，進內地方很，大，亦坐得較舒適。先點了原隻海蝦雜錦海鮮冬蔭功，冬蔭功配料亦十分豐富，除左有蝦之外，還有很多海鮮配料，味道亦不算太辣! 最重要的是蝦已經去殼!另一樣是太菜必點的馬拉盞炒通菜，通菜少過但不會過老，依鮮嫩，味道惹味。《A.S.T小食拼盤》，裏面有春卷、泰式炸蝦片、炭燒豬頸肉、蝦餅、、酥炸一支骨雞翼、迷你無骨酸辣鳳爪沙律，與朋友邊傾邊吃，很快就吃完，而且一次過滿足很多個願望。軟殼蟹金邊粉和火腿沙律也是水準之上。軟殼蟹十分香口惹味。最後連椰青作飲品，十分滿足。

星期日去觀塘行街，見到樓上有一間泰菜館，就同友人去試一試佢嗰set lunch.餐廳裝飾都好有泰國🇹🇭風情，仲播住d泰文歌，如果出邊係陽光與海灘，真係以為自己去左泰國。我嗌左嗰海南雞🐔飯，友人嗌左泰國豬手🐷。前菜已經令我們很驚喜，係足料冬蔭公+每人兩條沙爹雞肉串。主菜都一點也不失禮，海南雞皮薄肉軟，豬手肥而不膩，值得覆桌的餐廳。

上次黎食過晚餐，見環境唔錯，就帶埋幾個同事再黎幫襯，試下佢個Lunch。午餐都有得book位，好適合我地討厭等位一族。🤣🤣Set menu 有8款主食揀，價錢平均80蚊左右，有湯有野飲，無加一，仲可以追加小食。我覺得算係咁。😋😋Lunch set 包埋嘅 泰式冬陰功湯 同事都覺得個湯好出色，好好飲！無得輸。泰式滷水豬手飯 $80配滷蛋及迷你肉碎生菜包豬手望落偏肥，但食落口感ok，唔會太油膩。泰式金邊粉 $82配泰式燒豬肋骨依個味道一般，無咩特別。焗紅咖喱牛肋條飯 $85依個比起其他，有啲比下去。唔似咖哩。招牌泰式無骨海南雞飯 $80配黃油飯伴新鮮菠蘿及香脆蝦片

今日約左朋友觀塘晚餐，朋友話想食泰國野，我即刻諗到之前係觀塘工廈食過間質素很好既「add some thai」唔洗多諗，今晚就決定再黎翻啅一次地方十分寬敞，坐得舒服；裝修充滿泰式風味有身在泰國既感覺我地點左冬蔭公海鮮湯$92用料很足，起碼有6隻蝦以上，蝦肉結實爽口；青口都有兩隻，湯底帶微酸辣味兼鮮味十足泰式烤豬手配蝦片$188蝦片超鬆脆好味豬手份量很大，而且真係做到皮脆肉滑附上泰式辣汁，一流黃咖哩配燒豬腩仔$118腩肉脆口，偏肥少少，但入口嫩滑！薄餅配黃咖哩非常匹配，但只跟兩塊，如果可以多配兩塊會更佳馬拉盞炒通菜$66青綠幼嫩沒有渣第二次幫襯呢間「add some thai」，依然保持到高質素整體幾款食物都令人相當滿意

今日星期一同兩個朋友去開官塘, 四圍都係人, 真係好多人~ 又唔想食譚仔, 有人提意去食泰國野咁~ 我突然醒起係駱駝潻大廈9樓個邊有一間泰國餐廳叫"ADD SOME THAI" , 之前都食過幾次, 都幾好食~ 今日GYM完去約埋個朋友再去食返餐~ 星期四晚7點~ 去到"ADD SOME THAI" , 都幾多人~ 8成入座, 好好彩朋友之前有BOOK到枱~ 有一張幾大既四人枱FOR我地2人~ 實在係太好了~環境可以話幾靚~ 泰式木傢私~ 打卡一流丫喂~ 坐底睇下個餐牌又唔貴喎~ 叫咗椰青$48, 招牌黃金鹹蛋鮮海蝦$128, 炸軟殼蟹金邊粉, 黃咖喱牛柳配手爪餅, 仲有甜品芒果糯米飯配椰子雪糕...... 招牌黃金鹹蛋鮮海蝦-非常香口, 蝦好新鮮彈牙, 炸軟殼蟹金邊粉--哩個配答好好~ 食金邊粉再配上炸軟殼蟹, 好似多咗一個餸咁~ 黃咖喱牛柳配手爪餅--首先黃咖喱好香, 牛柳好林, 上等牛肉來的~ 最後芒果糯米飯配椰子雪糕--- 今次芒果唔係好甜有D配, 啱啱好balance返之後食個d炸野既油膩感~ 正~ 椰子雪糕裡面有一粒粒既椰青肉~ 口感層次豐富~ 正~ 值得推介~

今日男朋友話帶我去觀塘工廠大廈食泰國菜餐廳叫Add Some Thai Restaurant難得佢仲預約左 急不及待上去試下天花掛住多盞天燈 感覺幾浪漫兩個人又開始左揀右揀 流晒口水白胡椒粒炒鮮肉蟹煲依款暖心冬日蟹煲淨係個賣相已經好吸引煲底都火keep住個溫度肉蟹好多肉 配以白胡椒、洋蔥一齊炒香味十足 但唔會掩蓋蟹既鮮味 沙嗲牛肉串一份有兩串 同牛魔王男朋友叫左兩份牛肉肉味濃又軟綿 肉點上沙嗲汁 無得頂仲附帶有翠肉瓜 好味道蒜蓉炒椰菜苗以蒜蓉、紅椒同茜芹炒得好香 鑊氣十足菜椰口感豐富 話咁快就清晒荔枝冰入面有三粒大大粒又大又甜既荔枝加上梳打 連男朋友都好鍾意依間Add Some Thai Restaurant料理好味道又多選擇座位舒適又好氣氛 一定會再翻黎食過

除了日本，泰國可謂港人最常去旅行的地方之一，亦因為如此，香港港人回港後仍想念泰國美味的食物，造就了香港到處可以吃到高質素泰菜。今日就試了觀塘工廈泰菜。甚有泰國風情的店內裝修，隱藏在觀塘區工廈。對於在觀塘返工的泰國粉絲可謂是一個可以短暫拋開工作，想像下一個假期的地方。雖然這間泰菜其實是有混合其他地方菜式的fusion 菜，但我仍然點了泰式海南雞飯及炒金邊粉，感覺與餐廳環境更為配合，繼續幻想自己身在曼谷。炒金邊炒原本是泰國街頭小吃，不會要求做得要多麼精緻，只要夠鑊氣，甜、酸、咸、辣味有齊就足以讓人吃不停口。這個金邊粉除有齊以上兩項，再加上煎香的豬頸肉，十分惹味。泰式無骨海南雞，雞肉香滑，配以雞油飯，真是完美配搭，能滿足喜歡泰式海南雞的胃。不得不提那杯龍眼冰，與平時飲的略有不同，乳白色的，好似加了有氣乳酸飲料做底，龍眼肉又大又爽，有驚喜！

出糧嘅時候當然要同朋友食餐好，除咗平日油尖旺呢啲美食天堂外，原來觀塘區工都有好多隱世美食等你逐一發掘。今次倖存者同朋友黎到Add Some Thai, 試下地道泰式風情一出𨋢口就見到椰青 $48荔枝冰 $38今年冬天走得太快，行到身水身汗嘅我地一坐底已經叫咗兩杯飲品。原個椰青直上，裡面裝坐滿滿嘅冰凍椰青水，微微椰香清爽怡人。至於荔枝冰，荔枝香甜配合有氣梳打，好似翻翻去童年咁泰國小食拼盤 $148Add Some Thai 最出名莫過於呢個小食拼盤。裡面有齊各款泰國地道小食：手打蝦餅、雞翼、豬頸肉、春卷等等。一次過滿足晒唔同人嘅願望沙嗲雞肉串 $36講到泰國點可以唔提沙嗲串燒，今次倖存者同朋友試咗雞肉，肉質幼嫩，個沙嗲醬加咗花生粒，令口感提升冬陰公海鮮湯河 $98無想像中咁辣，反而酸味較重，適個港人口味，海鮮足料，份量適合兩個人或以上馬拉盞炒通菜 $66通菜彈牙爽口，不過食到接近底部時略嫌偏咸芒果糯米飯配雪糕 $68最後到甜品，倖存者完全心心眼。就算食完，雪糕嘅香濃芒果味仍然停留係口腔。芒果足料，鮮豔嘅顏色令人食慾大增

星期六都要返工😭 已經連續第六日踏足觀塘呢個地區.... 事業心幾強🤣（可惜事業線無乜 sign）唔覺唔覺又到lunch時間，星期六仲返工喎梗係要對自己好啲啦，響「開飯」見到呢間 Add Some Thai Restaurant 個名幾得意，環境唔錯，近近地又有假日套餐，一於try try佢🤤觀塘最怕嘅係工廈啲𨋢好慢，好多人，排好長龍,有時等一等𨋢都無左十分鐘； 呢棟大廈ok✔️好快上到去，可能星期六關係唔算好多人原本想食2人餐但朋友早餐食得太飽，我地就揀左食light d去相先～～～～1）叫左個假日套餐～有椰青雞湯，招牌泰式海南雞+杯野飲，連蝦片都有，好正宗😄2）我將跟餐的餐飲轉左椰青😍巧巧味喔！又甜又多汁，椰青果然come from thai的好～～～🤤3）追加左芝心魚腐，芝士濃郁👍🏻👍🏻👍🏻4）食泰菜點少得馬拉盞炒通菜～夠惹味👍🏻多謝“Add Some Thai”在呢個要返工的星期六幫我add some Thai & add some energy 💕