Add Some Thai Restaurant

營業中

休息中

觀塘工廈餐廳雲集，今晚同家人來到駱駝漆大廈一期人氣高企的add some thai 吃泰菜。走進Add some thai ，讓你不覺得自己置身於工廈。Add some thai的裝修以木色為主，座位很闊落，平日也有不少食客，所以假日前來最好預先致電訂座。看看餐牌，又是眼花撩亂。。。黃咖哩鹹蛋軟殼蟹配法式蒜蓉包 $188不想吃太多肉，所以選了咖喱軟殻蟹。炸至金黃色又脆身的軟殼蟹，在外面掛上一層醬汁就更為惹味，這次配搭濃味的泰式黃咖哩汁，加埋蛋黃更覺香濃，醬汁用來配麵包吃也一流。松露芝士shake shake 薯條 $52份量十足，一上枱就聞到香濃的芝士味，香脆的薯條配上松露醬，吃到停不了口！AST串燒拼盤 $158這個特色拼盤相當豐富,串燒有香燒泰式沙爹豬雞肉串燒，紐西蘭牛柳粒2串，菠蘿車厘茄串 及香燒白菌串燒。特製的沙嗲醬酸酸的，讓串燒的味道更豐富和特出。白菌多汁美味，吃了肉後再吃燒菠蘿及車厘茄，感覺也健康。泰式炸蝦片香脆惹味，讓人停不了口。椰汁芒果糯米飯 配是日雪糕$68這是我們吃泰菜必點的甜品，糯米軟糯，椰汁不會太甜，整體也不錯。泰。椰青$48再配上解喝消暑的椰青，很是滿足！

泰國菜本身就係我最愛，難得可以搵到志同道合嘅朋友，當然就去想試好耐係嘅觀塘嘅Add some Thai restaurant試下啦。之前朋友已經提早預約左，當日7點去到都坐滿左大半場，睇得出餐廳都小有名氣，整間餐廳裝修偏向泰國，以木材為主調，配上店員的泰式傳統服飾，證明可見一班。首先是海南雞，我們點了半份的海南雞，雞肉鮮嫩彈牙，烹調時間剛剛好，不會破壞雞肉的的肉質，配以酸辣醬，酸酸辣辣的感覺，可有效刺激味蕾，作為前菜，可是相當的合適。然後是我朋友最愛之選，芒果糯米飯配雪糕，雪糕是用上真椰肉，淡淡都食到鮮甜的椰肉，當天的芒果十分鮮甜多汁，配上香香的椰汁及軟熟糯米飯，諗起都回味。另外亦點了不小食物，不能一一列舉，埋單大約用左$600，整體而言，呢間Add some Thai restaurant都係好值得同朋友或情人們黎試吓。

Really like the fried crab with curry sauce. Not very spicy. Seafood with pineapple-fried is tasty! Freshlime soda is nothing special. A bit overprices in Add Some Thai Restaurant. (around $300 per person this time) 

今日同朋友係附近特賣場血拼完，想試下係工廈搵食，上openrice見到呢間Add Some Thai Restaurant﹐價錢都唔貴，正合我意。我地2個人，叫咗3款食物同2杯特飲。泰式輕煎牛柳(四安士)雜菜沙律 - 送上檯嘅時候已經好香烤牛肉味，牛肉份量很足，切得大大粒，熟度剛好，切開有少少粉紅肉。沙律菜雖然唔係主角，但都好新鮮，絕不馬虎。黃咖哩鹹蛋軟殼蟹(三隻) 配法式蒜蓉包 - 用6個小碗盛載，每碗都分好晒，有咖哩、一大粒蒜蓉飽同半隻軟殼蟹，好貼心嘅安排﹐拎起就食得。軟殼蟹外脆內軟，又夠鮑滿，加埋特製嘅咖哩，有少少咸香，香口到食唔停。AST小食拼盤(自家製經典泰式手打蝦餅4件、春卷、泰式炸蝦片、酥炸一支骨雞翼四支、炭燒豬頸肉、迷理無骨酸辣鳳爪沙律) - AST係Add Some Thai Restaurant嘅簡寫，好明顯呢個併盤係餐廳代表作啦。我最鍾意係佢嘅無骨酸辣鳳爪，入味、爽口。其次係蝦餅，彈牙好味，份量都大。春卷、雞翼同豬頸肉都正常水準。我地每人點1杯飲品，賣相同味道都唔錯…得得色色 Mandarin Ginger - 清新嘅口味，飲品成份混合咗桃、橙、檸檬、薑啤，我鍾意

人總是失去了才懂得珍惜, 之前同區覺得很好的西餐竟然結業了, 這天要另選餐廳就來了這間常常聽友人提起的餐廳嘗嘗, 我們一行三人點了以下食物 :-招牌泰式無骨海南雞($80): 海南雞的雞皮有點肥, 而且不算太嫩滑, 優勝之處是蝦片是脆的, 菠蘿也是消滯良方(但只有一小件).泰式金邊粉配香煎雞扒($85): 老實說這個金邊粉真是麻麻, 雞扒份量是很大的反而.焗黃咖哩忌廉汁豬扒飯($78): 這個味道還可.追加小食酥炸一支骨雞翼(4支)($12): 這個新鮮炸起配以秘製醬汁非常好吃!隨餐還附送雞湯+飲品, 另外我們還點了碟通菜, 主菜份量夠大份已經很努力但都還是吃剩了呢(而且冷氣較大食物不久就放涼了) 比較令人失望的是這天本來想點蝦餅竟然沒貨 還是聽友人說的這間餐廳可能晚市會比較好吃吧.

Add Some Thai Restaurant呢個名不久前已經聽過，但就一直都未有機會去試下，咁啱近排有個同事唔係太開心，要搵人開解，咁我突然諗起呢間 Add Some Thai Restaurant，梗可況我呢個泰國痴，當然都想食泰國菜啦！咁就一於去食餐勁既來幫位同事解下愁啦！未入到去，就見到一隻綿羊搖搖公仔，再行入去間餐廳，環境甚有泰國色彩，可能係工廈原故，地方都算幾大，座位寛敝，因為有訂位原故，所以都不用等位就已經可以入座。雖然當時是七點，但還未算好多人，但逐漸逐漸都差不多坐滿食客。餐廳入面的餐具都具有特色，尤其牙簽筒，成朵花似的，真係想問佢在邊度可以買到！座位又大又濶落的布梳化，又有cushion埃住，坐起來都好舒適！睇下餐牌，好多菜式都好吸引，揀左好耐，終於都揀好了。首先黎個頭盤先！就係酸辣鳯爪雜菜沙律，鳳爪好爽，點一點酸辣汁，酸辣適中，好醒胃，仲聞到陣陣香茅味道，感覺好似身在泰國食泰國菜似的，配以雜菜沙律，蔬菜好新鮮爽脆，加埋沙律醬，真係不錯的前菜。我們打算每人叫一杯飲品，見餐牌啲飲品名字都幾特別，睇左一輪就揀左一杯清邁瀑布和一杯大象梳打。首先講清邁瀑布先，原來清邁瀑布係

觀塘工業區已經變成一個美食天堂，入面好多餐廳選擇，因為在工業大廈內，普遍餐廳環境都會好闊落，今日想食泰國野，就上網搵下，見到呢間評語唔錯就試下啦！餐廳環境寬躺，好有泰國風味，食物水準一般，價錢尚算合理，可以一試。泰國小食拼盤$148，有蝦餅、春卷、蝦片、雞翼、豬頸肉。蝦餅好味，新鮮彈牙。蒜蓉炒椰菜苗$66，蒜蓉香口，椰菜苗又夠嫩口。炒金邊粉配鹹蛋蝦$138，大蝦配上鹹蛋炸得鬆脆香口，金邊粉就炒得太濕，我就唔太鍾意。最後到甜品啦！芒果糯米飯配雪糕$68。芒果香甜，糯米飯夠軟身，但椰汁唔夠味，而雪糕是椰子味仲有粒粒椰子肉，但食唔出係椰子味😅

今日約了舊同事dinner, 為了方便大家，就卜了這間泰菜。餐廳環境寬敞舒適，裝潢以木材為主，餐具也是木製的，很有大自然的感覺。燈光偏向淡黃，氣氛挺好的，就算今日入座率達八九成，也不會很嘈吵，傾偈一流。首先要了一個沙律，牛肉味濃，軟腍而不嚡口，配上酸酸的菠蘿，格外醒胃，牛柳雜菜沙律 $88因冬陰功湯加了椰青水，所以和平時喝的有點不同。我個人覺得帶點微辣，但朋友說很辣不能吃辣的朋友就不要試了入面的海鮮挺多的，蜆大大隻，脹卜卜的。 椰青鮮卟蜆冬蔭功湯 $98馬拉盞炒通菜 $66菜炒得不錯，通菜青綠爽脆，很惹味，調味恰到好處，不會太咸。金邊粉炒得剛好，沒有油膩感，但如果味濃一點會更好。大蝦🍤咸蛋黃醬入味，蝦肉新鮮，味道不錯。炒金邊粉配鹹蛋蝦 $138椰子雪糕有椰粒，不會太甜，芒果清甜，再配糯米飯加椰醬，很棒。芒果糯米飯配雪糕 $48吃泰菜又點少得了椰青呢！清甜又夠凍，透心涼。輕力一刮就可以食埋入面的椰肉，椰青 $48朋友說這杯smoothie 帶微酸帶甜，很不錯。 草莓smoothie $48洗手間亦乾淨整齊，冇異味，值得一讚。

環境唔錯，坐得都算舒服。食物種類唔算多，但串燒、海鮮都有誠意既，食材新鮮；叫左杯三色冰，同一般三色冰唔同，係用水果代替啫喱，幾得意。但食物好咸，食完之後極口渴，唔知食左幾多味精落肚

同幾個朋友仔聚餐,又想坐得舒服少少,所以揀咗依間泰式Fusion餐廳。之前黎過覺得依度嘅裝修好友泰國風情。肉碎份量唔算多,肉碎比平時食開嘅較為乾身,配上西班牙風乾火腿,令生菜包添加淡淡鹹香。小食拼盤份量多得驚人,有春卷,蝦餅,豬頸肉,雞翼,蝦片同泰式鳳爪。春卷新鮮熱辣辣炸起,蝦餅亦夠彈牙。通菜炒得啱啱好唔會過老,而且又夠鑊氣,搭配馬拉盞嘅鹹香,用黎餸飯一流。 泰皇椰青海鮮炒飯造型突出,椰青有濃郁嘅椰漿帶有小小甜味,內裏嘅炒飯餡料夠足,食落仲帶有清新嘅椰皇味,味道非常特別。

在觀塘區工作的朋友， 介紹到駱駝漆工廈一座九樓的 add some Thai 泰國菜食晚餐， 近來的工廠大廈內都有好多出色的餐廳，這間 add some Thai 餐廳環境舒服，好有泰式風情。朋友每次來到這間餐廳都會必点明爐青斑魚, 他說好少地方會用青斑魚多數都是烏頭魚， 因為烏頭好多時都會有種泥味， 但青斑魚就沒有這問題。招牌黃金鹹蛋海蝦，鹹蛋黃包住好香口惹味，鮮蝦肉新鮮彈牙， 伴碟的蝦片都有一定水準非常香脆。薑汁炒芥蘭苗， 喜歡佢用煲仔上， 熱辣辣，薑汁味重芥蘭又嫩口。沙爹豬肉和牛柳串，個人喜歡牛肉比較juicy。最後甜品order了芒果糯米飯配雪糕， 芒果超甜糯米飯煙韌，最出色配埋兩球雪糕雪糕內有少少椰肉， 這個甜品令到這餐飯非常圓滿。

今天和媽媽來了一間工業大廈吃泰國菜，第一眼真的讓此店Add some Thai Restaurant 的裝修嚇了一嚇，整店的裝潢都非常有特式，而且又寬闊舒服，就連侍應都以一身泰國服飾穿扮，差點以為自己真的去了泰國。就連盛水的水樽都好有特式呢。☝🏻吃泰國菜金邊粉、鱸魚、串燒是少不了的，所以這些我地都點了，還點了侍應推介的暖心煲仔菜之泰式金不換炒蠔，正正適合不過，因為我同媽媽都是愛蠔之人。這個炒蠔相當不錯，炒蠔都沾了薄薄的一層麵粉漿，所以會吃到脆脆的，此煲仔菜份量不量不大，不過一百多已經有6-7隻蠔，如果是愛蠔之人，應該會覺得很不錯。這沙嗲紐西蘭牛肉串真的好吃到不得了，相信我會再次光顧一定是為了這牛串燒🤤，我真的未曾吃過這麼多肉汁而且肉嫩的牛串燒，還要一點筋位也沒有，媽媽也一邊吃一邊大讚👍🏻！泰式鹽燒不過不失。最後當然要吃點甜點🍮招牌椰汁千層糕都很好吃哦，即使不沾椰漿一起吃都已有濃濃的椰香味。走時，媽媽已經話下次要再光顧這間Add Some Thai Restaurant !

同朋友相聚食野环境与卫生：餐廳環境坐得幾舒服，空間感都算足，衛生都ok。椰青新鮮蜆肉冬陰功湯這個冬陰功湯賣相來講一般，一份大約四至五碗。雖然不是明火爐上，但上枱時還是熱辣辣。味道方面，餐廳將傳統的冬陰功改得比較適合香港人口味，有十分香濃的椰奶味，十分開胃。鮮蜆也十分大隻新鲜所以吃起来比较清新爽口。我哋點了黃咖喱炒蟹、炒金邊粉配軟殻蟹、馬拉盞通菜，這個賣相來講都算精緻，聞起身都幾香，不錯。海鮮菠蘿炒飯，酸酸甜甜的食起身非常開胃，菠蘿粒很多，整個炒飯的份量也足。除了海鮮和菠蘿外，更加了蠟腸片、葡萄乾、肉鬆一起炒，整個炒飯更香、更豐富，有多重口感。總括來說，我同朋友都覺得還可以，價格比较适中实惠，是休闲食饭的好地方。

觀塘真係好多美食隱藏左係一橦橦工業大廈上，而且仲包含咗世界各地的美食，今次就試咗其中一間好多人喜歡的泰國菜。我哋點了黃咖喱炒蟹、炒金邊粉配軟殻蟹、馬拉盞通菜，另外仲叫咗一個椰青同一個椰皇燉奶。黃咖喱炒蟹的蟹件預先用油輕泡，想出容易沾上蟹身，食落味道香濃。所有蟹殻都預先敲碎，輕易破開，方便食客。軟殼蟹炒金邊粉的軟殼蟹，炸得金黃香脆，而金邊粉酸酸甜甜，非常開胃，令人吃極不夠。馬拉盞炒通菜的鑊氣非常足夠，味道又鹹度適中。椰青是泰國直送，味道清甜，椰肉香甜。甜品方面是椰皇燉奶，燉奶充滿椰皇香氣，亦不會太甜。

每到了夏天，總想吃點甜甜酸酸的，開一下胃口，相信泰國菜是不少人的首選。工廈中發掘美食已非新鮮事，這餐廳裝修倒甚具東南亞風情。酸辣鳯爪沙律自然桌上會點的，餐廳也挺貼心的，酸辣汁是另上的，很是惹味。炸蝦餅彈牙香口，形狀大小也剛好。海南雞，這裡配的是白胡椒湯河，倒是特別，雞嫩滑，若有那些醃菜同醬油就更好了。串燒也不可少，點了份串燒拼盤。豬牛雞一樣不少，還有菠蘿蕃茄和蘑菇串，份量適合大夥兒分享。幻想渡假一晚，果然舒壓。