Add Some Thai Restaurant

營業中

休息中

ฅ≧∀≦ฅ 沙瓦迪卡~ 喵~裝潢非常泰式，風情十足限聚令下都好full booking~Book左位早到都要等一陣⤐⤐⤐⤐⤐⤐⤐⤐⤐⤐鮮蝦冬蔭功湯第一淡酸辣味夠，之後有點偏鹹海鮮湯料足同新鮮，有蝦，青口，魷魚等⤐⤐⤐⤐⤐⤐⤐⤐⤐⤐小食拼盤，正滿足你N個願望，有齊各款泰式經典小食雞翼入味香口春卷蝦餅，豬頸肉不過不失⤐⤐⤐⤐⤐⤐⤐⤐⤐⤐軟殼蟹炒金邊粉炸到金黃酥香的軟殼蟹，惹味！有兩隻啱曬share 金邊粉炒得唔太濕同油。⤐⤐⤐⤐⤐⤐⤐⤐⤐⤐雞肉拼牛肉串燒雞肉較為鮮嫩牛肉燒得有少少偏乾兩者味道都不錯，夾雜翠肉瓜大大串

係觀塘都可換搵到綠洲！香港生活緊張、有時候都想放鬆一下！但而家又冇得飛去泰國😫但比我搵到呢間泰國餐廳！以木紋為主、加上泰國特色裝飾、入到餐廳就感受到泰國氣氛💃🏽🌴今次試左lunch set!泰式豬頸肉炒金邊粉！午餐包括湯、主菜、飲品！湯係椰青燉雞湯非常清甜而且冇油唔會飲到成口油！泰式豬頸肉炒金邊粉、豬頸肉超大塊😍😍唔會太韌、爽口好好食！金邊粉睇佢好淺色以為冇咩味但原來唔係都算重味👍🏻👍🏻最特別佢配埋蝦餅！蝦餅好酥脆！飲品當然揀左泰式奶茶啦！唔太甜岩岩好！而家外賣仲有7折 非常抵食！！

觀塘工廈餐廳林立，工廈餐廳比普通地鋪多一份寬敞同悠閒，少一份車來車往嘅繁忙，Add Some Thai Restaurant就係其中一個例子。餐廳以木系裝修為主，擁有工廈餐廳一向嘅寛闊座位，相信就算坐滿食客亦唔覺擠擁。-是晚同男朋友叫左個二人套餐，好彩無另加小食，原來份量全部都好多。-沙律配上泰式特色汁夠醒胃，柚子酸中帶甜，開胃清新。-冬蔭功上枱時侍應會問要唔要幫手分湯，非常細心。海鮮有蝦、蜆、魷魚等等，份量至少有四碗，但略為偏鹹偏辣，唔太食得辣嘅朋友要注意。-屬於熱食既小食拼盤上菜速度非常快，果然食物唔太夠熱。蝦片脆身，牛肉粒略韌，蝦餅感覺麵粉過多，海鮮春卷過於油膩。拼盤整體水準一般。-軟殼蟹炸得酥脆香口，每隻size都頗大；黃咖哩唔會太辣，味道濃郁；手抓餅至少有7-8件。值得推介！-通菜炒得非常爽口，配上馬拉盞特別惹味，亦唔會過鹹。-飲品方面叫左一杯凍奶茶及椰青，兩杯均中規中矩。椰青偏大，甜味較淡；奶茶為泰式奶茶，但份量略小。Add some Thai係一個能夠舒服晚餐既好地方，枱同枱之間相隔頗遠，傾計都唔會點比隔離枱聽到，nice!

一早已經聽聞觀塘工廈有好多隱世好野食，早排去觀塘接大隻仔收工，點知咁就發掘左間質素唔錯既餐廳🥰🥰• 招牌泰式無骨海南雞 $80平均食唔少海南雞飯既大隻仔好罕有地大讚，顛覆左佢心目中海南雞No.1 — 金雞 既地位🤯。厚切雞件好滑嘟嘟白雪雪，去埋骨啖啖肉，雞味又濃郁，雖然唔及其他店舖一般提供三款醬料，不過淨係個泰式酸辣汁已經夠晒正夠哂開胃，就連配料炸蝦片都好香蝦味好好食😚，個沙律都唔馬虎，用既係新鮮菠蘿而唔係罐頭貨，好有誠意呀💛，美中不足係個油飯唔夠香，否則就真係好完美喇😳• 泰式香燒豬肋骨配薯菜 $108一見到依個泰西fusion菜咁特別，毫不猶豫咁嗌左🤩不過相比起海南雞，豬肋骨就比較遜色，肉質較鞋，有啲難切，食係上黎唔太方便，醬汁鹹鹹辣辣咁，算不上惹味亦唔入味，不過唔難食既，係冇乜驚喜，而配角薯條就炸得金黃香脆調味適中，加分位😚• 椰子雞湯 （隨餐附送）附送既湯好好飲！好清甜既椰子味飲落好舒服，仲有一小塊雞肉係入面😳• 泰式奶茶 （隨餐附送）注意返佢哋泰式奶茶唔係平時飲開嗰啲咁甜，接近無糖，接唔接受真係因人而異，小肥妹就覺得甜既先算得上係泰式奶茶😂

無意中去左駱駝漆大廈1期嘅泰國菜，餐廳內裡出乎意料的濶落，空間感十分，坐得舒服，跟平時觀塘人貼人迫在一起趕食午餐嘅感覺完全不同。午餐有好多選擇，配搭亦有很多，我哋四個女仔，點了3份午餐，包括泰式無骨海南雞飯、泰式炒金邊粉、紅咖哩牛肋條飯及追加馬拉盞炒豆苗，套餐配椰子雞湯及飲品。再度出乎意料之外，泰式炒金邊粉配香椒炒蜆，又大隻又鮮美、金邊粉份量亦很足夠。紅咖喱牛肋條好入味，配菜紅蘿蔔非常吸引，只是牛肋條某些部位太韌，食唔到。無骨海南雞飯還可以，但雞油飯的味道有點淡，少了一份香氣。最喜歡是馬拉盞炒豆苗，豆苗沒有草青味，嫩口清甜，值得一讚。4個女仔都食唔晒3 份午餐，由12點坐到2點，無人趕我哋走，食得開心又滿足。

價格又唔係平 炸軟殼蟹 唔脆 林既 金邊粉 粹哂仲要痴實哂 叉根本叉唔起 串燒 牛肉乾既 唔知食緊乜叫杯三色冰 甜到乜咁 黃咖哩百零蚊黎講真係好普通 收得貴唯一叫擺得落口係碟通菜 點解可以有4粒星

本身冇打算留言 但我就係比啲好既讚評呃左入黎！ 埋單五百幾 但唔係五百幾嘅質素同老公一齊放假 我哋兩位都係鍾意食泰國嘢特登OpenRice睇吓有冇邊間係好食見到呢一間爆星咁滯😯 咁我哋就揀咗呢間點知都幾失望🙁 同埋係絕對唔會黎第二次其實個環境係好靚 入到去都覺得好舒服當時都好期待啲嘢食...我哋order左個二人套餐 同埋加多個豬頸肉 首先個豬頸肉硬同(un)到乜Q咁 仲差過我屋企樓下間茶記 未食過質素咁差嘅豬頸肉 un 就切薄少少等人易入口啲啦.... 廚房煮過頭定唔知返煮後咁 總之就難食我串燒喎啲肉唔夠熱 總之佢所有嘢都唔夠熱 好得意😅 正常去食泰國嘢攞出嚟啲嘢食都係熱辣辣 佢嗰啲只可以用溫嚟形容軟殼蝦面就正正常常 未去到都好食但又唔係難食 椰子雞湯其實味道唔差 雞都好滑 但可惜又係微溫個類似鍋嘅嘢 只係用來做裝飾完全唔係真係用嚟加熱先攞出嚟/保暖作用 用啲錢請人過嚟寫食評 不如俾心機D培養員工煮嘢食啦呢啲餐廳真係去一次冇下次 我甚少寫食評 真係睇唔過眼啲好評咁多而質素咁差嘅餐廳

首先講下個無骨海南雞飯，有碎骨而且起骨亦起唔清仲有大骨，蝦丸好好味好爽口，通菜就辣咗少少，如果唔食得辣就唔好叫，而奶茶就好有泰式風味，我叫咗少甜感覺啱啱好，座位舒適嘅，2人去坐4人座👍🏻

等位有啲混亂，如果定坐就會好好多，因為佢冇派飛仔，要坐喺度等，佢係憑記憶去叫位八點幾去到，已經係食第二輪，直情關係，人唔算多叫咗個$388.2人套餐，再加$48升級芒果糯米飯做甜品首先嚟咗哈柚子沙律，佢係四隻蝦，加柚子沙律，醬汁真係似泰國風味甜甜酸酸辣辣之後嚟咗個大顯椰汁海鮮冬陰功，呢個真係麻麻哋，啲大顯好大隻，好可惜唔夠新鮮，有啲玫，冇乜嘢青味冬陰功又唔夠酸，個湯真係麻麻地之後想軟殼蟹黃咖喱配薄餅，黃咖喱好好味，裏面有幾舊唔夠林嘅薯仔，有啲西蘭花，個軟殼蟹揸得好趣，可以encore之後嚟咗小食拼盤有牛肉翠玉瓜串，菠蘿蕃茄，兩條粵式春卷，兩個炸蝦餅，味道宗宗婷婷馬拉盞炒通菜，都係出色，熱辣辣，味道又夠龍芒果糯米飯就正正常常，糯米煙煙銀銀，椰汁雪糕裏面有少少椰肉，味道更加突出，好可惜個芒果比較酸大致上都食物都OK，只不過排隊真係有啲混亂，外賣自取依家仲有七折

今日去工廈食飯，見有幾多好評，就去試下啦。環境坐得相當舒服，做得好好防疫措施，每張枱都有1.5米距離，枱面抹得好乾淨，我地叫左蝦餅，超級熱，好似蟹鉗甘，d醬唔係普通沙律醬，好似加左少少唔知係咪蕃茄醬，好好味。扺讚。但之後個菠蘿炒飯就好失望，一黎到，d飯係唔熱，暖都稱唔上，有好多料，例如一個青口，三四隻蝦，但菠羅數目少，食到底個菠蘿係雪過甘，無焗過嘅感覺，要留意下另炒豆苗原來係翡翠豆苗，唔係豆苗，有d失望，但調味剛剛好，唔會好鹹。

菠蘿🍍炒飯呢個好靚，個飯擺喺個菠蘿入邊成個上，表面有啲肉鬆同埋蝦🦐，味道好豐富！撩吓個菠蘿仲有啲菠蘿汁，唔同朋友想食唔同嘅酸度都可以👍🏻！軟殼蟹咖喱🍛呢度嘅咖喱係甜咖喱，配搭軟殼蟹🦀食落簡直一流，個麵包點呢個咖喱都好夾，可惜好細塊。剩低嗰啲汁我攞咗嚟白飯，唔好嘥！

收工約佐男朋友係觀塘附近行街，男友表示想食泰國野，於是就立刻諗起呢間餐廳，皆因之前lunch time男友曾經帶我一嘗，試完覺得呢間泰國菜尚算不錯，所以今次就去試下個晚餐！我地大約6點上到去，全場一檯客人都無，我地係第一檯！waiter好好禮貌，帶位之餘仲幫我拉埋凳等我坐低，話說拍拖咁耐男友都好似未曾試過幫我拉凳😂 因為我地上去之前已經睇過食乜，所以好快就已經決定好，我地order佐二人套餐，包兩個頭盤、四款小食、一款主食、一款蔬菜同是日甜品！頭盤我地揀佐泰式鮮蝦柚子沙律同椰皇椰青雞湯無咩特別，一般沙律，只不過多佐4隻蝦同少量柚子呢個沙律既醬汁有啲酸酸辣辣，如果唔鍾意呢種味道既大家可以要求醬汁另上（椰皇椰青雞湯）雞湯份量算多，可以每人分到兩碗，都有唔少雞肉呢鍋湯一放上檯就立刻聞到香味，waiter會問你需唔需要幫你分湯試飲過之後，我覺得雞湯尚算可以，味道有濃濃的椰皇味，雞肉都唔會好鞋小食包括：牛柳粒串、菠蘿車厘茄、越式春卷同蝦餅身為牛魔王既我立刻食牛柳粒串，牛肉燒得算始終，唔會好硬好鞋，當然又唔會係嫩口啦只可以話呢個價錢黎講算係咁喇！  菠蘿車厘茄真係唔掂😂，鍾意食菠蘿既我都唔太想食讓

我哋今次叫咗一個小食拼盤同雞煲雞煲肉質粗糙，懷疑用了老公雞，連雞脾位都鞋過樹皮，無論多出色的醬汁也難以拯救這味雞煲，更何況連醬汁也強差人意，不予置評，完全帶不出雞的鮮味。再來個拼盤，雞翼都可以勁鞋，此生都沒有吃過又鞋又乾嘅雞翼。豬頸肉也燒得又乾又柴，𡁻了很多啖才能咽下。春卷仲要好淋，似食緊薯蓉。至於價錢方面，比唔到個個價值應該有嘅水平，令人失望至極我地留意到隔離枱都叫左同樣嘅小食拼盤，只見他們也只吃了鳳爪，其他食物原封不動，連通菜都食左成個鐘都未食完。Btw杯嘢飲幾好飲，環境都好不錯，好岩2人世界，但依到嘅食物完全辜負了這清雅的環境。

今天下午大約2:15到達，只有二台客人，我點了個海南雞飯，我老婆點了牛筋腩船麵，問侍應麺可否轉河粉，侍應答麵就是河粉，老婆問可轉貴习粉，侍應似未聽過貴习，問廚房後答可以。先說牛筋腩粉，牛筋夠lam合格的。海南雞飯，油飯ok,海南雞真是令我大開眼界，淡而無味，似是剛由滾水淥熟後放涼，食落仲似有水味，我真係唔知點可以整得更差！吃了二口便不想再吃下去了（本人平時吃飯，一粒飯都不會浪費）老婆問侍應有否河粉調味的醬料，就是泰式餐廳一般放在枱面的，侍應又好似未聽過，面帶討厭之色說這會影響原本的湯味。大約2:25分，有兩位客人剛入來，研究了Menu一輪後點餐，好明顯是等2:30有七折的，點完後女的便問侍應是否計我七折，因落單的時間是2:30後，侍應答是入座時間計所以沒有折.......這些服務是趕客的嗎？$80一位的lunch set我期望可以最少有50分的，無論食品或者服務，真的沒有下次。仲有，臨走聽到2個侍應喺度吹水講粗口

朋友生日，係觀塘返工，揾揾地方食個午餐慶祝，我自己比較喜歡觀塘工廈嘅樓上餐廳，感覺一般比商場內嘅食肆好。午餐選主菜，小食，飲品配送包嘅係茶餐廳飲品，要特色少少都要加錢。泰式肉鬆炒飯 呢個味道有點淡，通常係第度嘅泰式炒飯會濃味d。炸洋蔥圈 呢個味道一般豬頸肉炒貴河呢個肉比較乾，點左汁嘅河粉都好味泰式無骨酸辣鳳爪呢個味道吾錯，但份量有點少ribs bbq呢個係百幾蚊，最吾值，好少肉，肉質亦比較乾。呢個菜係咁多樣食物，我自己最啱食，好爽口好啱味。3個人埋單390幾，有3杯飲品，凍咖啡，熱檸檬薏米水。