Add Some Thai Restaurant

營業中

休息中

晚市有番堂食，相約朋友聚一聚，真係成年無見過。一個朋友住港島東，另一個住新界東，所以就揀去九龍東食喇。始終都仲係疫情，我哋選擇唔去好旺嘅商場餐廳避開啲人潮。上網見倒呢間餐廳啲嘢啱食，又幾多正評，而且都近地鐵站，所以就試下。真係估唔倒咁多人去，不過我哋防疫功夫做足，未食/食晒嘢嘅時候都係戴住口罩傾計。睇餐牌見到好多食物都好吸引，而且價錢望落去都唔太貴，我哋都好放膽叫嘢食。先嚟我最鍾意嘅生菜包，好好味，令人十分開胃。美中不足係食到最後，碟底好多水，如果炒得乾身啲仲好味。因為樣樣都想食，所以叫咗個拼盤。有蝦餅、雞翼、春卷、豬頸肉、泰式酸辣鳳瓜同蝦片。蝦餅好有蝦嘅鮮味，又夠彈牙，正。嘏片同樣好味道，上枱時仲係熱嘅，好脆。不過豬頸肉就好乾，同埋無味道(肉味及調味都係。蒜蓉炒椰菜就正常嘢，不過東南亞食物都係偏咸。3個人，食咗3樣餸之後已經開始飽。雖然係咁，到食個軟殼蟹炒金邊粉時依然覺得美味。軟殼蟹炸得啱啱好，唔會乾，而且唔會好油膩。因為太飽，甜品只可以3人食一份。食泰菜，芒果糯米飯係不二之選。芒果好甜、糯米飯略嫌煮得太爛、椰子雪糕有椰子肉，可惜雪糕係結咗冰。呢餐飯真係好滿足，可以再嚟。

第二次光顧之食店，今次為朋友慶祝生日，兩個人想搵一個舒舒服服地方又唔會限時比人趕走嘅地方。環境冇得輸，地邊寬趟坐得舒服。服務員態度，reception 個位男士好好有禮貌。但上菜位姐姐真係需要改善一下，唔知係唔係我地張枱4人比較大，上每一碟菜都只放最出枱邊，我要遂碟拎番去入面。食物質素明顯下降，我地叫左四款餸兩杯飲品1.西班牙火腿生菜包，兩樣野根本唔夾，豬肉粒乾到真係一粒粒散晒2.通菜不過不失3.黃咖哩雞正常，不過酥油餅硬到冇朋友4.雞翼係全晚最好食

用餐時間：普通星期5 1500今日特登揀左優惠時段 1430-1730黎食，有7折優惠。(唔包括星期6，日，假期)餐廳環境幾闊落，坐落舒服既。呢個湯比較重味精，不過免費黎講真係唔要求得幾多。炒飯賣相幾靚既，不過味道我就覺得麻麻，平時好少食炒飯會落青椒，黃椒，紅椒嗰啲野，所以我覺得唔係好夾，味道一般。黃咖哩做得幾好食，不過牛肋條味道一般。手抓餅係配咖哩食既，不過因為保唔到溫，所以味道一般。濃心魚腐配一隻類似千島醬既醬黎食幾夾。通菜炒得唔算好入味，而且保唔到溫，所以味道一般。泰式奶茶同一般既港式奶茶味道唔同，我覺得幾新奇又好飲，值得一試。糯米飯外觀好可愛。味道都唔錯，椰汁份量適中，芒果好甜，美中不足係啲糯米飯痴埋曬一舊，好難咬。最後埋單免加一係$199，兩個人平均每人$100。其實性價比黎講真係唔錯，咁平都可以食到咁多野。不過餐廳明顯要提升下食物質素，大多數食物都有好大既改善空間。

餐廳充滿泰國特色，我哋嗰枱係在椰子樹下，好似去左泰國🇹🇭咁。（希望快啲有得去啦）因為店內空間大，我地一入去就即刻有位，野食好快上齊，價錢又唔貴，平過九龍城泰國餐廳。 食物質素一流，我地叫左沙爹串燒、蒜蓉炒菜苗、辣椒蝦膏炒蜆、椰汁芒果糯米飯（雪糕）。我特別想大推佢個炒蜆同埋椰汁芒果糯米飯（配椰肉雪糕），好好食。 炒蜆用既蜆，每隻都開口，又大大隻，不過我覺得可以再辣D, 因為我食得辣。 我地食用4樣野 都係288 炸，好抵食呀！

講到觀塘幾好食的泰國菜之一，一定唔可以唔提及呢間餐廳。駱駝漆一向都被人譽為收藏左唔少的美食餐廳!!所以今次就黎左呢間去食~!餐廳入面都非常大，好多位，但我建議都係預早BOOK定位置比較安全!係疫情未嚴重的時候，呢間餐廳成日都滿座，都要等一個星期先會有位!!我地今次叫左午市套餐， 包括一個主菜，湯 (椰子雞湯) 同埋飲品，凍飲要再額外收費!泰式BBQ羊扒 (配白飯)  HK$108羊扒煮得好香口，好有羊味，仲一啲都唔老!!!泰式滷水豬手飯配迷你肉碎生菜包 HK$80豬手飯好淋好入味，同時配埋迷你肉碎生菜包真係一次過可以享受哂兩種美食!!肉碎同香料唔會太咸，無咁油膩! 連我唔係好食得辣都唔駛怕!!蒜蓉炒通菜 HK$28通菜就覺得佢炒得普普通通，無咩特別!自家製手打蝦餅 (2件) HK$38蝦餅外表香脆，咬落口既蝦肉就好彈牙，真係好好味!!

一早已經聽聞觀塘工廈有好多隱世好野食，早排去觀塘接大隻仔收工，點知咁就發掘左間質素唔錯既餐廳🥰🥰• 招牌泰式無骨海南雞 $80平均食唔少海南雞飯既大隻仔好罕有地大讚，顛覆左佢心目中海南雞No.1 — 金雞 既地位🤯。厚切雞件好滑嘟嘟白雪雪，去埋骨啖啖肉，雞味又濃郁，雖然唔及其他店舖一般提供三款醬料，不過淨係個泰式酸辣汁已經夠晒正夠哂開胃，就連配料炸蝦片都好香蝦味好好食😚，個沙律都唔馬虎，用既係新鮮菠蘿而唔係罐頭貨，好有誠意呀💛，美中不足係個油飯唔夠香，否則就真係好完美喇😳• 泰式香燒豬肋骨配薯菜 $108一見到依個泰西fusion菜咁特別，毫不猶豫咁嗌左🤩不過相比起海南雞，豬肋骨就比較遜色，肉質較鞋，有啲難切，食係上黎唔太方便，醬汁鹹鹹辣辣咁，算不上惹味亦唔入味，不過唔難食既，係冇乜驚喜，而配角薯條就炸得金黃香脆調味適中，加分位😚• 椰子雞湯 （隨餐附送）附送既湯好好飲！好清甜既椰子味飲落好舒服，仲有一小塊雞肉係入面😳• 泰式奶茶 （隨餐附送）注意返佢哋泰式奶茶唔係平時飲開嗰啲咁甜，接近無糖，接唔接受真係因人而異，小肥妹就覺得甜既先算得上係泰式奶茶😂

我朋友突然間想食Thai 菜其實觀塘都有好多選擇大家一於去試吓新野入去就座環境都真係幾舒適位之間嘅距離比較寬闊同埋有梳化位 感覺到店主有心設計過。要一讚叫套餐都配上椰子雞湯🤨一試估唔到勁好飲 好清甜嘴刁嘅朋友都有讚🤣另外除餐附送仲要有泰式奶茶😎。泰式炒金邊粉配豬頸肉（HK 85)一上嘅時候覺得金邊粉顏色太淺試食之後原來覺得味道係夠既😚粉唔會太乾身 🧐豬頸肉都燒得唔錯。香燒沙嗲雞肉兩串（HK 36)又係雞肉大件到可以分出四串既份量🤣但除咗分量大之外都唔係話特別吸引雞肉唔算Juicy 不過不失。香葉肉碎炒飯炒飯嘅份量都係勁大碟幾有鑊氣 肉碎同香料呢個配合都係啱啱好唔會太咸同平時嘅肉碎炒飯比起黎無咁油膩同埋唔食辣嘅人都可以叫呢一個但係本人就比較鍾意有少少辣會比較惹味所以唔中意芫荽既朋友可能就避免叫呢一個喇🤣。芒果糯米飯🍚（HK 58)上菜嚇親大家冇諗過佢嘅份量係咁大😜上甜品嘅時候大家都已經有九成飽😏糯米飯嘅質地軟硬適中配上椰汁🥥好想食唔停激讚嘅係芒果肉超甜 😍。總結係最後兩個人食咗四人份量🤣🤣最後飽到原定嘅下午茶計劃取消😜。味道：7.5/10價錢：9/10環境：8.5/10。Add Some

今日跟同事午餐食好東西，黎到工廈入面食泰國菜，呢間泰國菜入到去地方夠大，有好多梳化位，坐得舒服。我點左午餐嘅香辣肉碎炒飯，炒得好香，每個餐佢都會附送幾塊印尼蝦片，應該係自家炮製，非常香口。佢個炒飯唔會太油，肉碎嘅難道亦都係我喜歡嘅辣，再加上金不換嘅味道，感覺清新唔油膩。朋友就點左海南雞飯，隻碟好大，分量亦唔細，但朋友話啲雞唔夠滑。餐飲我點左佢嘅泰式奶茶，偏甜，不太適合飲野唔落糖嘅我，不過食物質素還算OK的，值得encore。

中午外賣了一份午餐，豬頸肉金邊粉，豬頸肉份量十足，味道也都不錯，非常的Q彈牙，但是不知道為什麼金邊粉是酸酸的口味，很奇怪，第一次吃到這種口味的，泰式奶茶味道中規中矩

放工嘅時候好想食泰國嘢，見到OpenRice呢間泰國嘢都有唔少好評，所以今次就專登走去試吓啦！呢間餐廳環境都唔錯，不過燈光比較昏暗，坐得都算舒服，平時幫襯嘅人比較多，大家最好預先book定位先。今次我哋嗌左以下幾樣嘢食：🎈泰式炒金邊粉因為食過太多好食嘅泰國菜，所以覺得佢嘅金邊粉只係普普通通，配料唔算多，味道都係正常金邊粉嘅味道，只可以話1988嘅更加好食🎈香燒豬頸肉豬頸肉反而唔錯，燒得好香，豬頸肉有肉汁，而且肥瘦適中，個醬汁味道都唔會太鹹，配埋黎食啱啱好🎈黃咖喱雞肉配手抓餅呢個黃咖喱雞肉嘅雞肉可憐地少，淨係得4舊，其他全部都係菜，咖喱味道係正常嘅，只不過可以食到嘅配料就真係唔多，而手抓餅唔會太薄，算係煙韌香口🎈椰汁芒果糯米飯配是日雪糕呢餐最好食嘅反而係芒果糯米飯裏面嘅雪糕，因為佢嘅雪糕質地同平時食嘅好唔同，係好creamy好好食嗰種，好難形容，但個雪糕真係好食😋而芒果就有啲酸，糯米飯都係正常味道總括來講，因為之前睇過太多好評，所以係有期望嘅情況下黎食，其實有少少失望，我覺得呢間嘅味道只算係不過不失，如果下次再想食泰國嘢，我都係會揀1988。

朋友今次揀咗一間係工廈嘅泰式餐廳😆環境相當唔錯 空間感十足 有泰式嘅風味 未稱得上係打卡嘅環境 但同朋友嚟一齊食嘢好chill同relaxLunch方面 食物有好多選擇 全部睇起上嚟都好似好好食 選擇困難症嘅我表示好難揀 除咗主食仲可以加配唔同嘅小食同甜品 跟餐仲有泰式奶茶揀 好正上菜啦 本身覺得佢價錢唔算太平 但見到超級大份嘅時候 即刻覺得好抵 佢嘅份量都真係好多下😂泰式奶茶幾好飲 比較甜嚟咗兩碗湯 冇估錯應該係椰子雞湯 好好飲 鍾意濃味嘅我表示正我就叫咗泰式炒金邊粉配泰式燒豬頸肉($82) 金邊粉正常發揮 唔會話炒得太濕或者太乾 豬頸肉真心俾咗好多 燒得好香 但有少少難咬 整體我好滿意朋友就叫咗招牌泰式無骨海南雞($80) 試咗一舊雞好滑好香由於我哋咩都想試吓就叫咗串燒(+$36) 個人覺得雞比較出色 佢啲雞好嫩口同埋滑 沙嗲醬都比得幾多 但係如果再濃啲會再正啲最後叫咗個自家製椰汁千層糕(+$42) 本來以為細細件 點知嚟咗四大條😂兩個女仔食真心超級飽 建議多人分享先叫 千層糕口感煙銀一流 椰汁好香 加埋一齊食好幸福☺️

之前來過食 dinner 覺得不錯不如試試 lunch  不過以泰國菜 lunch set 來算，價錢都偏高lunch set 的固定餐湯是 椰青雞湯店員將雞湯放下時，聞到有陣好香的甜味飲湯都有陣淡淡的椰青味湯裏面的雞肉十分滑溜如果椰青雞湯煮出來是奶白色的，是有椰奶在裏面若是煮出來是清湯顏色，則就只有椰青而已招牌泰式無骨海南雞配黃油飯好大的一碟海南雞飯不過好睇，唔好食，十分失望海南雞完全無雞味，亦無調味黃油飯還好除了一舊仔菠蘿，還有堆沙律菜蝦片就出奇地份量意外比較多片片都很脆泰式炒金邊粉配泰式豬頸肉wow ... 原來連炒金邊粉都有蝦片這樣擺就可以看到成碟野有什麼豬頸肉份量很多！不過與海南雞一樣，漏了調味食落只有一陣豬肉味，而且沒有香口感金邊粉就十分彈牙估計上菜時間慢，因為金邊粉是即煮，過一個冷河，然後再炒lunch set 的餐飲必揀 泰式奶茶好夠甜，亦都好夠奶味

約老友14:30下午茶 其實午餐至啱 全單7折。我哋叫了兩主食又加了兩小食及 再加甜品 芒果糯米飯。不過可惜竟然未買到芒果 🥭侍應姐姐問話俾椰汁糯米飯加椰汁糕補返我哋 好冇？我哋當然OK⋯⋯但係點知又冇椰汁糕 😔😔😔😔😔最終變成三個椰汁糯米飯。飽到C 我哋主食吃湯金邊粉及豬手飯 都好OK ，反而小食的串燒就真麻麻地，不過蝦餅超正 好好味

呢間餐廳嘅午市餐牌，如果係下午茶時間食係會全單七折。我哋兩個人，叫咗以下食物～主食：泰式無骨海南雞，黃咖喱牛肋條飯配手抓餅小食：泰式鳳爪沙律，蝦餅飲品：凍檸檬茶，熱即磨咖啡跟餐有兩碗椰青雞湯，好飲，有椰青味，有雞味，有雞湯味海南雞配油飯，有啲沙律菜，仲有蝦片。雞係冇味嘅，不過份量唔少，有好多件雞，個like 主要係俾個油飯，好香，飯粒軟硬適中，好好味，而且有咁多配菜感覺好豐富。咖喱牛肋條，以為加咗$5係白飯轉手抓餅，原來加咗$5係有手抓餅又有白飯。抵！牛肋條比雞好食，有牛味，份量夠，多到食唔晒。另外加嘅小食，味道亦都表現正常，蝦餅如果比泰式醬會好過沙律醬。泰國檸檬茶，就真係唔係我杯茶，試咗一啖，怪怪的，個樣就同普通檸檬茶一樣，泰國茶底我不嬲都唔鍾意，我自己就飲即磨咖啡，奶係分開上，而且係熱嘅，泰國菜館來講，有誠意，通常只有西餐廳先至會整熱啲奶。兩個人食到飽飽，承惠$165，值得一來再來。

係KT揾有咩食既時候，想食泰國野，跟住就搵到呢間身處工廈的泰國菜餐廳，食評都唔錯咁，就黎試下啦。openrice可以訂座不過上到去冇乜人，12:30，得兩枱客，仲以為會好多附近既人黎食lunch，點知係冇乜餐廳入面都非常大，好多位我地食午餐，會有個湯同埋飲品，凍飲要再加錢湯內有椰青肉甜甜地會有一舊雞肉炸蝦餅，跟餐加錢配個醬幾特別，唔係平時食開會比既泰式辣醬個醬有少少似千島醬加酸醋，都幾夾蝦肉彈牙，蝦餅香脆豬頸肉金邊粉金邊粉酸酸的，而且比較濕金邊粉份量都唔少如果好似我咁中意食乾身炒金邊炒就會覺得一般豬頸肉好大塊，亦厚身，有幾舊略硬，其他都OK大部分豬頸肉都係有咬口而唔肥，平時最怕大大塊既會好肥D蝦片好脆黃咖哩牛腩飯咖哩似印度咖哩，好勁香料味中意食香料既人就岩晒，唔係就可能會覺得太濃味牛腩好香牛味，亦都夠淋，無可避免有d會有比較多筋，但整體上都唔錯薯仔好淋好入味串燒，都係跟餐加錢配比想像中大舊好多，以為又係細細串，點知D肉都好大舊豬肉雞肉各一，個人覺得雞好食D串燒非常好，個醬好味，好濃花生醬味，好香肉唔多筋亦冇乜雪味餐飲整體食物不錯，價錢屬於中上，店內人手不足，只有一兩個，有時等好耐先有人