Add Some Thai Restaurant

營業中

休息中

夏日熱辣辣又想食泰國菜，行開駱駝漆搵到呢一間評價幾高嘅餐廳！見到有個二人餐$388都幾抵。前菜：酸辣鳳爪沙律，鮮峴海鮮冬陰功湯鳳爪分量唔算好多不過都幾滋味，酸多過辣，冬陰功湯都幾多料，入口有明顯嘅香茅味，但略嫌有小小太稀同太油。小食：紐西蘭牛柳粒串、菠蘿車厘茄串、越式絲網海鮮春卷、招牌手打蝦餅。超大盤上枱，牛柳粒有咬口而且牛味濃郁，菠蘿車厘茄烤得適宜，並冇流失太多嘅水份，食落仲有份濕潤感，蝦餅食落彈牙爽口，外皮炸得好鬆脆！酥炸軟殻蟹炒黃咖喱配手抓餅酥炸軟殼蟹唔算太油膩，不過肉質唔夠厚食落口感有點欠奉，幸好黃咖喱相對出色，唔太辣帶點甜，點手抓餅食好惹味。加$48升級芒果糯米飯配雪糕而家芒果當做，芒果多汁好甜香，糯米飯口感煙韌，而且有足夠嘅椰汁淋上，好少見到糯米飯會配雪糕，餐廳跟咗兩大球椰汁雪糕，超級出色，裡面仲有粒粒果肉。

Add some Thai restaurant @ 觀塘推介⭐️⭐️⭐️⭐️/5星滿分本人非常中意泰國好中意食泰菜呢間裝修唔算好泰國但坐得都好舒服野食都對得住價錢今次叫四人set $788+$88轉兩客芒果糯米飯食物質素都幾好 滿意不過唔逐樣介紹 因為泰國菜間間一樣而且每樣我都中意PS 有驚喜生日蛋糕上碟寫埋大字 好靚我地無電話預早叫佢安排佢都自動準備比我地加左好多分 會再幫襯❤️（蛋糕 有人樣 所以吾post☺️) 人均$300#觀塘工廈 #泰好味

裝潢主要以木系為主 周圍卦滿佐帶昏黃色既天燈 特別以藤簾同古銅色既風扇 營造出有啲熱帶風情feel 🌿.▫️A.S.T小食拼盤 $158次次食泰國嘢都忍唔住嗌拼盤🤭 佢地既小食拼盤都算幾多種類：有春卷 泰式鳳爪 蝦片 單骨雞翼 最好食係蝦餅同豬頸肉🙆🏼‍♀️蝦餅係自家制手打所以勁大舊!! 熱辣辣外脆內彈🤭 咬落好彈牙同啖啖蝦肉～ 而豬頸肉有炭燒過所以好香口同有嚼勁😚 .▫️黃咖喱配香煎新西蘭牛柳 $148黃咖喱食落唔會好辣 反而偏甜且香氣濃厚 奶滑度都好夠 仲俾咗好多塊手抓餅可以點咖哩 超正😚 鐘意食辣可以簡紅咖喱～牛柳切成粒狀 咬落都好嫩 大概七成熟咁略有嚼勁 撈埋咖哩超惹味 仲依然食到牛既肉味🤤 唔會比咖哩味搶晒fo 仲落佐薯仔🥔同西蘭花🥦做配菜入晒味😍.▫️酥炸軟殼蟹配金邊粉 $118估唔到都幾大碟😳 軟殼蟹有兩只 金邊粉呈淡橙紅色 唔會炒到1pat野 食落酸味略重 仲見到有啲蛋絲一齊炒 旁邊有花生碎比你撈埋一齊食～ .▫️泰式芝士奶蓋奶綠 $38見幾特別就嗌佐 應該係泰式綠奶茶茶底 飲落班蘭味偏重 奶蓋冇乜芝士味反而奶味幾重.總結，環境幾寬敞同氛圍幾有feel 幾適合聚餐～～最特別賣點係

和朋友相約在觀塘晚飯，在openrice找到了Add Some Thai這家餐廳並預先訂座。店舖面積大間，裝潢以木材傢俬為主，加上柔和的燈光，讓食客得以放鬆心情，恍如置身泰國。座位同樣寬敞舒適，絕對能悠閒地享受這一頓泰國菜。二人套餐都幾抵，$388包頭盤﹑湯﹑小食﹑主食﹑蔬菜及甜品。不過考慮到我們兩個女生應該吃得不多，還是散點好了，以免浪費食物！主食選酥炸軟殼蟹配金邊粉，另外就是A.S.T. 串燒拼盤，我還點了杯龍眼冰～～酥炸軟殼蟹配金邊粉，還伴有炸蝦片，軟殼蟹剛剛好一人一隻！軟殼蟹的酥脆度一般，但夠香口惹味。金邊粉不會炒得太乾身，略為濕潤而不黏糊，加上花生碎及青檸汁，酸酸甜甜的金邊粉，味道不錯～～～只是配料不多！是A.S.T. 串燒拼盤，豬牛雞各兩串，還有菠蘿車厘茄串﹑香燒白菌及炸蝦片。牛肉是用柳西蘭牛柳粒，略為乾身一點，肉汁較少～～牛柳粒串中間夾著的不是三色椒的甜椒，而是辣椒，朋友就不小心地被辣得嗆鼻！！反而豬肉及雞肉沒那麼乾身，好味～～～沙嗲醬汁味道尚可，不算特別惹味。三款肉串都大大粒啖啖肉！！香燒白菌的份量不多，微微的辣粉配上菇菌香，幾好食！菠蘿車厘茄串，燒菠蘿又甜又多汁！！龍

又食泰國菜，一班朋友飯聚真係好岩食Thai food。今次黎到觀塘工廈揾食。是日最佳: 明爐青斑魚！. 招牌海鮮菠蘿炒飯好食好食，味道同其它泰國餐廳差唔多。私心如果炒飯入面多d菠蘿粒就好啦。. 雜錦海鮮炒金邊粉次次食Thai food都會嗌既炒金邊粉。個人口味鐘意食炒得濕d既，呢個炒得夠濕，有返d汁係度。佢既金邊粉係用比較粗既，濕濕地好夾。. 串燒拼盤有巴西燒烤feel既泰式串燒拼盤。個size同普通串燒比，大左個double。略嫌燒得唔夠香口，豬牛雞既味道唔係話特別好食。. 蒜蓉炒椰菜苗食左咁多肉，用黎清下個口既炒椰菜苗。味道一貫既炒菜水準，蒜蓉味夠，唔會炒到太鹹，大家好快已經清晒成碟。. 明爐青斑魚大推介！因為覺得食泰式魚一定要嗌有個爐既，所以嗌左呢道菜，開心最後得到大家一致好評。除左有魚，仲有少量生菜，菇，芽菜和辣肉碎。條魚好有心思咁炸過先再上爐。辣肉碎令到個湯更惹味，但唔係勁辣個種，少少辣帶出個味道同時你都會品嘗到魚既鮮味。在座有識損魚骨既朋友清埋個魚頭，佢都表示真係好好食啊！. 甜品拼盤上碟好靚既甜品拼盤。椰子雪糕唔知係自家製定外購，椰子味好rich。芒果糯米飯就有d失色，芒

每次去觀塘都會去駱駝漆工廈搵食，餐廳多之餘又唔會喺連鎖式😌！今次去咗間環境同座位都好舒適嘅餐廳食泰國菜🧘🏻‍♂️！地方夠大座位夠闊落所以真係同朋友吹咗好耐水🤣單點外都有兩款套餐都幾抵食，外賣做緊7折添啊👏🏻⋯⋯⤑🔸黃咖喱鹹蛋軟殼蟹配蒜蓉包 $ 188熱辣辣軟殼蟹炸得夠酥脆，份量有三大隻🦀分成6小碗擺盤賣相滿分💯，底下蒜蓉包嗦晒咖喱汁味道偏港式口味唔會太辣，夠惹味！⤑🔸紅咖喱雞肉配手抓餅 $ 108可以選擇要黃咖喱/紅咖喱，雞肉竟然用上海南雞😲，啖啖肉而且無骨！雖然紅咖喱餐牌上寫有2隻辣椒🌶️，但又唔覺好辣反而有點蕃茄香嘅酸甜味配上手抓餅，開胃得嚟味道幾豐富！⤑🔸曼谷經典手打蝦餅 $ 68蝦餅勁厚身，炸得非常香脆！肉質夠爽口彈牙，一食就知新鮮足料🍤，口感超正推薦呀！⤑🔸馬拉盞炒通菜 $ 66炒得相當有獲氣同非常大碟，鹹香美味😛！⤑🔸泰式奶茶 $ 23茶底香濃唔會太甜，都幾有泰式風味💓！

星期日 KT多人到暈， 到一間好chill 泰國菜。 冬陰功味道唔錯， 馬拉盞通菜， 豬手, 船麵, 其他size亦都好大份。 2人餐真係夠3個女仔食。 salad 有少少细。 。佢係星期日觀塘好去處。

座落於觀塘工厦的Add Some Thai環境不錯座位闊落二人餐$388價錢好抵不過食物質數就強差人意😓完全無泰國菜風味味道「山寨」得很「泰式鮮蝦青木瓜沙律」完全不泰式青木瓜三幾條完全吃不出來的Salad dressing何來泰式呢🧐冬陰公湯買即食的湯包都比佢夠味😓四式小食碟頭大份但又係唔知想點的配搭醬汁是沙嗲醬（我估係，除非唔係😅）及沙律醬（？！）成碟嘢最好食係個伴碟的蝦片囉...主食揀咗金邊粉配黃金蝦上碟時聞落好香，但食落就無咩味個金邊粉成餅嘢黐埋😕全個餐最正常係馬拉盞炒通菜加錢配的甜品「芒果糯米飯配椰子雪糕」芒果唔甜，糯米飯好實椰子雪糕正常成餐飯整體感覺就是「我究竟食咗咩」「這是泰國菜嗎？」完。

觀塘工廈林立，今次試左呢間泰菜，三個人叫左個二人餐加左豬頸肉同軟殼蟹咖哩。個二人餐都好豐富。湯同前菜方面，椰子雞湯甜左少少，沙律同拼盤就不過不失啦。肉食方面，豬頸肉好厚好香，大滿足軟殼蟹就好入味配埋多士都好夾，分開一分分亦都好容易食，配合香港人口味唔辣。另一個加分位就係個炒菜，好食到都冇影相，個馬拉盞好香好惹味，不過辣左少少，唔食得辣既話應該一條起兩條止價錢方面，雖然唔算好抵，但性價比都算可以再食，環境都唔錯，係打卡之選

放假諗住行吓裕民坊上網搵有咩工廈美食見呢間咁多好評，諗住OK啦環境可以，招呼唔錯，但食物就......首先上枱嘅係呢個所謂海南雞飯雞冇雞味，只有一朕雪味而且完全唔滑，快餐店都好過佢既然隻雞都冇味，個油飯自然只能用個咸字來彌補餐牌寫住拌蝦片及菠蘿，件事好似好抵咁Well，菠蘿有一件咁大把，仲要係罐頭嘢大佬，唔係事必要你送，送得嘅可唔可以唔好咁Hea蝦片正常，全碟最好味係佢跟住豬手飯上枱，份量非常足如果體力勞動者應該食得好滿足但食物嘅嘢貴精不貴多個味道算正常啦，食開西貢金雞，係冇得比嘅所謂迷你生菜包，理論上入面應該係打拋豬佢呢個.....我真係唔知點形容跟餐送嘅例湯落咗好多師傅嘢飲泰式奶茶正常總結：連埋加一近300 隔離APM有更多好味嘅選擇全餐飯最好味係杯奶茶同炸蝦片，你話死唔死！

經OpenRice book咗18:00，我哋早咗差不到20分鐘上去，佢哋都比我哋早啲入坐，服務非常好，不過食物方面就非常差黎形容！咖哩炒蟹啲肉霉、咖哩汁得果啲啲鋪上面，雖然價錢298比九龍城平但係個質素真係比九龍城差好多。串燒拼盤串燒啲肉全部大大嚿，燒到乾爭爭一啲水準都冇！勁鍾意食肉嘅老竇食咗兩舊都放棄！炒蜆呢碟炒蜆就叫做正常啲不過份量都偏細四個人食大約都係四隻左右鹹蛋黃金蝦啲蝦都叫做新鮮但係不過太細隻啦同張相真係差好遠啦！炒椰菜苗我咁大個女真係未食過咁老嘅椰菜苗呀！😖總括嚟講一個字差

終於有間泰國餐廳個名唔係食個「泰」字，見到大家喺度話呢間餐廳係食fusion，咁我就去咗試吓。 我去嗰日係星期日晏晝，唔使等位，不過剩係得假日餐牌，唔見有平時嘅lunch menu。每個set都大約$80左右，我覺得價錢算中等。我見佢餐牌上嘅菜式都算平時泰國菜有嘅嘅菜式，唔明點解大家話佢fusion。見佢寫住推介無骨海南雞飯，咁我就叫左餐前碗湯入邊有舊雞肉應該就係浸海南雞嗰兜湯，海南雞無骨同埋入邊都幾滑，火候啱啱好。佢仲跟埋個沙律仲有菠蘿都幾開胃。同我一齊嚟嗰個叫咗個豬頸肉炒飯，我覺得略嫌普通咗啲，味道似印尼炒飯仲有佢杯檸檬茶好夠茶味，不過細杯咗少少，一啖飲晒。建議大家可以叫少冰可以用網上平台book枱，不過打電話去book就最方便

喺觀塘行完街 想食泰國菜睇下OPENRICE 有咩餐廳 見到有300個好評應該都ok 一於試下呢間入到餐廳環境唔錯 staff幾好見我有啲熱 冷氣出風位撥落黎👍🏻不過吹咗舊塵落黎😅.我地叫嘅三樣野都好麻麻😫椰青雞湯同埋燒雞嘅雞 都好大陣雪藏味🤪椰青雞湯唔係本身椰青水果種清甜燒雞唔覺係燒出黎 雞皮燒過會薄啲同埋燶咗但呢度燒雞似搽咗醬白切雞👎🏻 肉有點乾蝦餅炸得正正常常 不過蝦膠比例唔多 唔彈牙最高分應該係伴碟嘅蝦片好脆 但無乜味🤷🏻‍♀️完全係被OR哈哈笑呃咗去 無下次燒雞嘅雞皮？燒出黎係咁架咩？一啲燶都無喎

今日兄弟生日飯，知佢中意東南亞美食，所以今晚就特登帶佢黎呢間泰餐試一試。餐廳相當就腳，係駱駝漆大廈一啲都唔難搵。叫左個豬手，個豬皮勁脆口，肉汁juicy.另外個軟殼蟹配埋個咖哩，簡直無得頂，個殼索晒啲咖哩汁，非常好味

泰菜愛好者懷疑自己入咗台式餐廳，星期六得假日餐牌，菜式偏貴，嗌咗兩個餐，$80泰式滷水豬手飯配迷你生菜包，$88黃咖喱牛肋條飯，追加$5手抓餅，兩杯凍泰式奶茶。二人餐牌啲主菜其實差唔多，有拼盤，但主食揀得一款，要$208，的確無乜興趣。先黎一碗餐湯，大概係椰子雞湯？有堆椰肉，有一舊雞仔，椰子味加啲咸味嘅水，啲金不換味好勁。好似食完碟餸，啲餸汁加水咁，唔太好飲。個豬手飯一啲都唔似泰國食嘅豬手飯，我會以中式味道形容，佢配個小小生菜包，得一片生菜，而啲肉碎係台式肉燥味，成件事完全唔泰式。黃咖喱牛肋條飯，咖喱味正常，但啲牛又硬又韌，咬唔開，啲西蘭花椰菜花又格格不入。追加一份手抓餅點咖喱，叫正常啲，似加熱即食薄餅。成餐飯最似樣係杯泰式奶茶，係泰茶味，我見佢餐牌仲有泰檸茶。食到絕望之濟，抬頭一望，有一堆天燈掛響上面，我應該入咗間台式餐廳？add some thai 定係add some tai （-wanese)?