616燒肉酒場 (已結業)

為慶祝母親六十大壽在疫情之下，雖然有特定限聚措施下，一家人都希望外出用膳慶祝一番，所以透過OPENRICE 預定 7位  晚上八點用餐。但下午收到員工通知需要八時十五分才能交枱，我們也體諒，也按正常時間在外等候，但時間一分一秒過去，直到八點二十分，才安排4位先入內坐低等候，另外三位需要等另一台客人埋單先可以入黎坐低。 但當時另一邊有足夠位置一次過安頓好我們，由於應付兩台等待既客人，所以按照服務員去分配，即使別人還未到齊都可以霸住座位，而放棄我地準時到達既客人。唔緊要！！！！！1. 一家人整整齊齊坐得低既時間-------已經係八點半 （BOOK完但要等三十分鐘，係咩玩法？仲要比番句說話你聽，之後冇人黎，你可以慢慢坐）2.想用IPAD落單叫住啲野食先-----SORRY 等一等，未幫你開點菜功能 ( OK~FINE) 3.4個人坐低-----得三份餐具----侍應先生仲可以問你，係咪四位第一次黎。。。（what ?其實我就7位，不過有3位仲係出面食緊西北風） 4.7個人食飯但中間放左個實色隔板，但奇怪隔離5個人食飯 中間果塊係透明 。    經過查詢後，店員解釋隔離客人之前黎過，所以特別

朋友生日想食燒肉，本身黃店燒肉選擇都唔係太多，最後我揀左616燒肉酒場。經openrice訂座，店員早一日會打電話確認出席。帶生日蛋糕要收切餅費$100，貴唔貴就見仁見智，我覺得可以接受的。本來預約左7:30pm，當日5點餐廳打俾我要改8pm，因爲客人幾full☹️好彩附近有酒吧，趁住呢半個鐘空檔啤一啤先😂由於第一次黎616燒肉，店員細心介紹食物。建議我地可以先叫牛肉拼盤，每款食完覺得好味再encore。不過咁樣叫法唔抵，我地都係單點算。而食物質素證明，唔需要試食拼盤，因爲普遍都麻麻地😥 1份牛$98，得6片，每片都好細塊😕如果淨係份量少都唔緊要，重點係牛味欠奉，呢個價錢絕對失望☹️我自己慣左燒烤的最後一定要叫飯😂開頭朋友仲反對，到最後好彩有叫飯，唔係食唔飽😂不過炒飯質素一般般，冇鐵板燒omakase的炒飯咁正。唔好食，加唔抵食，今次慳返文筆唔逐一介紹啦☹️下次轉場支持其他黃燒肉💛

行過見到呢間大門半掩 似開唔開既鋪頭決定試一試佢！之前食過616牛的打邊爐知道應該係同系列牛的質素應該唔差入門口除左裝修好日式酒場重見到有部熟成櫃令到肉質更嫩！味道更香！肉燒既時候更少血水流出味道更加提昇Missfatty試伏過唔少燒肉店雪都未溶 一燒勁多血水出 舊肉淡而冇味🥴真係貼錢買難受所以相信今次應該唔會令我失望今次試左幾種牛肉牛味好重 入口即溶🥺🥺牛既價錢由$60-100 通常有6片最推介係🇷🇺俄羅斯牛側胸肉 $88🇪🇸西班牙雪花胸肉 $88入口軟綿綿 又多肉汁😚唔係最貴 但係味道已經好滿足到我🥰🥰燒魷魚🦑都好正！不過好睇自己燒成點如果燒太耐會又乾又硬今次我燒到啱啱好又彈牙又鮮佢味🐙另外推介麒麟沙冰啤酒🍻泡泡變左做沙冰 夠凍配燒肉一流👍🏻點知中伏專員始終都係試到伏嘢叫左一盤生菜打算夾下燒肉點知$10一盤既生菜得一兩片剪成6片😳下...係洗得好乾淨既✨✨唯有將尼碟「純自然種植人手潔淨原片切割生菜盤」黎襯下影多幾張相先食好似抵返少少🤏🏻最後埋單兩個人1千唔平但係價錢合理既建議大家想食最好book定位佢一晚只做兩場如果好似我咁盲中中walk in 就冇咁足時間食趕住埋

今日同朋友去到大圍食晚飯，揀咗呢間，等咗約10分鐘，已係九點幾都坐無虛席，有枱之後侍應安排我哋坐低，態度親切介紹咗一輪之後，就隨便點了一些試吓呢間得唔得，試過幾碟後感覺唔錯，陸陸續續再點，兩個人竟然食咗好多嘢，最後都係佐酒小食出事都覺太鹹根本食唔到，總體黎講烤肉唔錯最後提提想試嘅朋友，下次都係要訂枱先，因為見到有卡位或位置好嘅枱，佢哋係俾咗有book位嘅客人！呢間燒肉店我同朋友都覺得可以再幫襯，希望保持水準

Order 左個8款牛拼盤，再加左三個小食，兩個人食原來都幾多職員介紹牛唔同部位可用唔同調味料，例如係海鹽，柚子味調味料，海膽，同埋黑松露生蛋， 本人認為唔落都好味

平時616打邊爐就食得多今日就試下去另一間都係叫616 ge 燒肉酒場度試下場內裝修格局都佈置得好有心思座位同座位之間都有極高嘅私隱度環境設計得真心唔錯就好似置身喺日本ge 燒肉場館咁牛肉之前梗係要食下啲前菜熱下身先啦😂-海膽刺身太卷海膽新鮮 一啲都唔腥- 日本和牛盛包括 牛肩肉、三角肩、和牛西冷、臀肉和牛望落去油脂分配平均食落去充滿油香呢個set可以試多種牛嘅唔同部位👍🏼👍🏼-牛肋肉牛肋肉食落去牛肉味勁重 好Juicy💬唔需要擔心自己唔識燒或者燒過頭嘥咗塊牛因為呢度店員服務好好會好貼心問你想自己燒定幫你燒埋👍🏼👍🏼👍🏼👍🏼

是日生日，老公特意訂了616燒肉酒場，在同屋企人晚餐後出去拍拖，呢間燒肉酒場開到好夜，大家消夜又多個選擇門面參考左屋台的設計，配合埋背景音樂，入去好似去左小日本咁，D位又夠大夠寬，真係好岩坐低傾計啤一啤佢！MENU叫得燒肉酒場，當然唔少得肉同埋酒！我平時好少飲酒，對酒唔熟，服務員仲好細心介紹唔同酒的口味，我呢D初哥都唔怕試最後叫左啤酒同幾款肉食物如圖所示，海鮮又鮮，肉又滑，真係做到入口溶化的效果，食過就知好食！！絕對有下次丫！

之前阿媽嚟食過，仲話幾好，今日一於再約佢嚟試下🤭澳洲和牛定食 $138 (左) & 雜錦烤肉定食 $78 (右)>澳洲和牛牛胸肉，脂肪同肉嘅比例好好，不會太膩而有牛味>澳洲和牛橫隔膜，肉質相對結實，牛味都無咁重>澳洲和牛牛肋條，醃得幾入味，亦有牛味，質感好好，成碟最喜歡依個>澳洲和牛牛腹肉，肉質相對較腍，同樣醃得唔錯，好味>豚肉，唔會太肥，成舊入口都唔怕肥>雞肉，幾入味，肉質嫩滑>牛舌，厚薄適中，有口感>牛肩，有牛味，不韌==================推介指數 🌕🌕🌕🌖🌑除咗主角燒肉外，其前菜蕃茄沙律同蟹肉蒸蛋都好出色，特別係蟹肉蒸蛋，勁滑，蟹味亦好濃😛 而個甜品係抹茶奶凍，好滑，不太甜，好味，滿意👍🏿😀😀

⭕️職員也戴上口罩⭕️提供可重用的616四摺口罩夾好耐無出街食飯喇！難得復活節假期前夕，約了一個月無見的朋友，好好聚一晚。在openrice上訂好了位，晚市餐牌有九折。店內是卡位，空間感也不錯，但沒有隔音功能的。 我們坐近牆的卡位，感覺好一點。茶壺隔離的霧煙壺是牛肋條，配生菜的。職員有替我們燒這條牛肋條以下就是製成品，十分香口，肥味！可包生菜食雞脆骨本身是熟的，成條燒香口感ok616嚴選拼盤 $498拼盤連兩款烏冬/白飯拼盤有5款豬牛，1款雞和兩件帶子豬肉，肥豬腩，ok牛肉，有入口即溶的也有牛肉味濃d, 無咁肥的帶子好大隻，燒完會縮水烏冬好味😋十分滑溜整體唔錯的係隔音唔得我地換左三次格子燒板每次都侍應主動同我地換的這個很不錯👍🏻

冇驚喜，肉確實唔錯。酒水差。埋單更要非常小心。打醒十二分精神。IPad落單，第一次來刺身。冇叫! 對IPad冇，問我都話冇。竟然話厨房有。叫我自己再check 下(check咩)。第二單~埋單(嚟啦…)首先都係多咗個冇叫嘅。我地兩張枱。佢話另一張枱食咗。再問就叫經理改單。但最神奇係IPad總數同佢張單差咗百幾(5543/5671)。佢竟然當住我面刪除IPad所有紀錄當冇事發生。最後，我地朋友間閒談話寫食評，經理就出嚟話不如打個折。我當然冇收啦！如果唔係就唔中立了。如有錯漏，歡迎店家指正。

616打邊爐就食得多難得 weekend 會遠征入大圍探朋友 就試埋呢間 616 燒肉酒場烤肉既 lunch set 有四款我地主打食牛 就叫左中價既特選牛肉定食同澳洲和牛定食每個 set 都有前菜，白飯，同甜品蒸蛋好鮮甜 蕃茄個汁有少少 wasabi 味 非常清新開胃我地一行五人坐一個卡位 個爐唔係係中間 而係靠走廊我同個frd 坐正對住個爐既位就比較熱 要挨後食先舒服少少個爐既熱力分布唔太平均 只係集中係一邊熱5 個人食要輪流逐塊燒 放歪 d 就一塊要燒好耐我係食澳洲和牛定食 但上枱時覺得特選牛肉 d 油花分布仲靚 d  少少失望侍應唔會介紹邊件牛係咩部位  要自己靠估我自己就覺得有醃個 2 款比較好食無醃個 2 款唔特別香牛味 而且比較有咬口甜品方面反而幾滿意 佢比你選擇綠茶布甸或以榴槤雪糕2 樣都岩我心水 而且好少套餐甜品有榴槤揀榴槤雪糕打開唔會好太陣味食落香得尼都幾清新

睇OpenRice 介紹這間位於大圍日式燒肉店。網民評價不錯，即管來試試！星期六午餐也有幾款燒肉套餐，除了燒肉，還有其他飯選擇。午餐百呢蚊已經不錯。其他單點燒肉價錢合理。而服務員態度也有禮貌，現今香港難得

今日小妹既老公生日，小妹特意挑選這間位於大圍頗為高質素的燒肉居酒屋享受午餐一進入餐廳，令人感覺晃如置身於夜櫻樹林當中心中有莫名的興奮每枱已擺放了紙手帕包， 相當貼心餐廳是用pad 點菜，相當前衛小妹和老公點了澳洲和牛定食 +日本和牛定食。蕃茄經過醃製，已經入哂味，蕃茄新鮮，味道是甜酸蟹肉蒸蛋有驚喜， 蟹肉非常多，另外還配上白果， 蒸蛋口感已經很豐富到了主角 ·牛·，每份有4款不同部位既牛。日本和牛定食: 三角肉、牛肋條、牛臀肉、牛腹肉澳洲和牛定食: 牛胸肉、橫隔膜、牛肋條、牛腹肉單看已經知道牛既肉與脂肪非常平均。建議食法由相片的右至左食起， 因為可以有層次地品嘗到牛的每一個部分是由淡至濃食起。 燒肉配上珍珠米白飯， 滿足又享受。午餐定食還有雪糕作甜點， 為套餐劃上完美既句號。

訂17:45， 未有客到，給我們角位的卡位，坐位給2人夠寬敞。大約有12張卡位。這裡經常滿座。以為肉味會較他們的火煱店牛肉味濃，事實上都不一定。這樣看起來，價錢便略為高咗一點點。環境和音樂都好像日本風。洗手間的空間較寬敞，坐廁板暖暖的，門外洗手。紅酒蕎頭:紅酒味不太出，因為酸甜味仍較濃。本人很喜歡食蕎頭。我可以一下子食10整粒。豆腐沙:菜是爽爽的，沒什麼特別就不下意見了。豆腐可以用滑的那款較好。他們選用沙律醬汁，如果用日本麻醬就比較好味。特別要說的紫洋蔥很甜不太辣，好好味哦。黑色和橙色粒粒，我猜的是魚子吧，黑色的那款都是鹹鹹的。和牛10盛: uploaded 清楚d嘅相。即是有10款不同牛的部位。由淡至濃味按次序食。澳和橫膈膜 and 澳和牛胸肉的牛肉味道較其他凸出，那西冷令我有點失望。肉味較'蘇'，我頂唔順比左朋友食。其他牛肉味淡淡的，不太凸出。吃完淡味，去吃濃咪牛肉。濃味意思，係有調味醬汁的那幾款。但本人應為只簡簡單單在牛肉上面加少許鹽和黑楜椒，燒至medium 就是最好的食法。那黃色是海膽，淨食海膽，味道腥腥的不太鮮甜。海膽是用來放在燒好的牛肋肉上一起吃，但可惜海膽不鮮甜，

之前去完 大阪旅行 ， 日式燒肉念念不忘 ， 所以睇下香港有邊間燒肉食 ,本身自己住大圍， 所以試下新嘢，叫左$888有8款燒肉, 其中一款三角肩 有入口即溶嘅感覺， 整體嚟講質素幾好，會再食， 因為夠近