52C Medium Rare (已結業)

Friend提議lunch食牛扒，我們就上OpenRice 搜尋「52C medium Rare」都幾啱我哋要求。午市套餐就岩曬食肉獸的朋友喇！小店位置便利，樓下提供牛雞井烏冬，石燒小食等，食客以自助落單結賬機點餐；而樓上提供網燒服務。石燒午餐有六款不同種類牛選擇，巳包括餐湯、白飯、前菜。牛肩套餐（180g）$118 &下腰西冷套餐（180g) $148餐廳上菜前先煎封牛扒以一成熟（Rare)為基本生熟度，鎖住肉汁，再由客人自行在石板上調配不同生熟度，牛扒放在熱石板滋滋聲好吸引，下腰西冷肉質有彈性又軟滑，而牛肩嘅肉味濃郁。自家竹蔗茅根 (400ml)$20 &自家檸檬薏米 (400ml)$20真材實料，煲得好出味，冰涼解渴，健康又有益，配搭石燒，正👍

自從nana減肥之後除咗同朋友約食飯之外～其餘食飯時間都係食白烚菜今日好開心有朋友約食lunch～可以食好西喇🥳知道nana好想食肉肉嘅關係～朋友準備左一間食燒牛既餐廳店面係舒服簡潔嘅白色裝修坐低店員俾餐牌介紹佢哋係用400日嘅美國穀飼牛牛味會比平時嘅牛肉香同濃味好多朋友點左《牛肩套餐》套餐包珍珠米飯、芝麻醬沙律同羅宋湯上枱嘅時候見到件牛中間有條筋我地仲諗會唔會好靭點知咬落又唔會硬有小小咬口牛味真係俾平時既牛肩濃以nana平時食開Medium rare而朋友鍾意煮熟啲嚟講～係覺得都係唔錯既nana點咗《下腰西冷套餐》睇落件牛都幾厚身但切落去嘅時候好似唔使用力咁牛味好濃好甜超級淋Medium rare爆哂肉汁咁配埋店嘅秘製醬汁唔覺意食哂成碗飯不得不提店嘅餐湯做得好飲過人哋出邊賣緊嘅羅宋湯怕熱氣嘅朋友點左店自家煲嘅竹蔗茅根同檸檬薏米水媽媽的味道少甜又夠凍

今晚約咗個朋友去咗行廟街經過佐敦道廟街華興大廈(52。C Medium Rare)係食熱石牛扒抱住入去試試的心態，結果食出性價比高的美食，餐廳位置交通十分方便喺佐敦道地鐵站c2出口行幾分鐘就到，食完趕下一場或返屋企都十分方便。地方乾淨寬敞舒適。多款石燒套餐仲有一款部位啱你。牛板鍵套餐配上前菜、餐湯、白飯(可以添加一次)將微熱的牛板肩放上熱度極高的石板，可隨自己鐘意的成熟度而控製到位，食起時味道更濃厚。牛肩套餐~將牛肩肉輕燒至5成即可，食入口溶化好有牛味。180g$118250g$158320g$188

超鐘意食牛既我，見到有人介紹特登黎試😋呢度環境好簡約，望落好乾淨舒服，同平時食開石燒牛果啲鋪頭裝修好唔同👏呢度係用自助形式黎落單，我地睇左陣唔知簡咩好，店員都好熱心介紹我地見左一份牛肩同西冷，牛肩肉牛味好濃，西冷相對淋身啲，兩份都好好食，石燒好夠熱，食到尾都keep住仲熱👍👍呢度啲牛同醬汁調味唔重，靚既牛係唔需要用好濃既汁黎遮蓋，高質牛😋😋但如果重口味人仕都可以另外自己加海鹽同黑胡椒另外包左沙律🥗飯同羅宋湯，個湯超足料勁好飲好開胃又夠熱，滿足🫶

同朋友黎左佐敦呢邊拎啲野，順便就食埋個飯，揀左食一間叫52C Medium Rare 嘅餐廳，因為自己好想食牛扒，就拉朋友黎一齊食。揀個位坐低後再睇睇食咩，之後就可以出去自助機買餐，收八達通同信用卡㗎。買完餐就坐低等食，店員話佢地餐廳仲有二樓添，樓上可以網燒㗎，估唔到地方咁大喎。封門柳套餐自己點左封門柳套餐，塊牛幾正，放係塊燒熱嘅石板上面，黎到已經勁香啦。塊牛雖然有啲筋，但燒起上黎真係好香口，半熟咁樣勁好味，牛味濃郁又甘香。套餐仲有沙律、餐湯同白飯，餐湯足料味道濃，白飯軟綿有飯香，成個餐都好好味。午餐雞丼朋友就叫左個午餐雞丼，午餐都有餐湯同飲品送㗎，叫細份量但都好大碗，雞扒煎得香口，仲有半生熟嘅洋蔥，甜甜地又帶點辛辣，另到味道更豐富。餐飲送汽水，有可樂、zero、雪碧同提子揀，好冰凍，配牛石燒一流。個餐湯好好味，如果可以添飲就好啦。

佐敦廟街好多好野食，路過比一個裝修文青既店舖吸引住，而且又係我最鍾意既石燒牛扒，所以即刻入去食，特別之處係自助機點餐，點完先入座，過程中遇到難題，店員立即上前協助，夠細心加分由於石板燒係自己燒，可以自己控制幾多成熟，店員仲好貼心提供圍裙，以防油脂飛濺弄髒衣服牛肩套餐180g $118（包白飯，沙律，餐湯）牛肩肉質鮮嫩，口感極佳，肉香四溢，牛味濃郁，羅宋湯香濃多料下腰西冷套餐180g $148（包白飯，沙律，餐湯）肉質十分柔軟，紋理細緻，只需簡單一煎便肉香四溢，加上調味料後更是惹味濃香臨走時見到有燒肉外賣套餐，下次買返屋企自己燒

返多1日又放假👯‍♀️今日一於嚟到竹家莊隔離新開既 #自助燒肉店 🥩嚟之前上網做咗少少功課,除咗石燒套戲外,仲有網燒套餐～ 🥩 #封門柳套餐180g 𝗵𝗸𝗱$𝟭𝟱𝟴🥩嚴選美國𝟰𝟬𝟬日殼飼牛🇺🇸目測都有𝟭𝗰𝗺厚度,Vienn食牛扒比較仲意食𝗺𝗲𝗱𝗶𝘂𝗺 𝗿𝗮𝗿𝗲較生少少🤏中意食牛既鮮味,同埋咬落去果種爆汁感覺🤩 配搭 店主 #自製醬料🧂 點嚟食食真係好夾，多蒜蓉🧄+烤汁少少甜～ 味道𝗯𝗮𝗹𝗮𝗻𝗰𝗲得好好👍🏽 用嚟送飯🍚冇得頂❤️提提大家唔好排住傾計或打卡令到塊靚牛老咗啊🙈🥩跟餐有 #胡麻醬沙律菜 + #羅宋湯 羅宋湯好足料好香，辣辣地，食得出每款料都係先爆炒‼️有心思～ 🥩 自家製竹蓆茅根水 𝟰𝟬𝟬𝗺𝗹 𝗵𝗸𝗱$𝟮𝟬最欣賞飲返中式涼茶，解下𝗱熱氣🔥 味道清淡！足料‼️𝗢𝘃𝗲𝗿𝗮𝗹𝗹嚟講真係性價比高!好啱牛魔王嚟食😂今時今日人均$158 可以食到扒房水準真係少之又少😞下次嚟佐敦又多個選擇啦👯‍♀️如果大家中意俾個like支持下🤟🏽 𝗖𝗶𝗮𝗼~🥩52C Medium Rare (佐敦)🥩佐敦廟街269號華興大廈地下

黎到廟街附近，見到一間以白色同木色為主、好光鮮、感覺好舒服既餐廳。再望真啲個名，都唔難估到係食牛既😇餐廳選用既係400日美國穀飼牛。穀飼牛特色油脂含量多，油花分布均勻，所以肉質會較鮮嫩。煎既時候會更香🤤店內主要分為網燒同石燒，我地選擇咗後者。廚師會先將牛既兩邊輕輕燒過，再以石燒板送到客人面前。石燒板以高溫將牛煎熟，將肉汁鎖住。客人可以按個人喜好控制生熟程度🥰有好多不同部位既牛可選，例如牛小排、封門柳、A5和牛。牛以外既選擇仲有五花腩、雞肉、帶子等。我地選擇左牛肩(180g, $118)同下腰西冷(180g, $148)。牛肩肉係牛肩膀和頸部分既肉，一般牛質容易較老。但今次食到既肉質好嫩滑，牛味好濃。下腰西冷就係牛腰後端接近臀部，肉質都相當柔軟。除左主菜牛以外，仲有白飯，沙律同羅宋水日（全部任添）。尤其喜歡個湯，配料 好多，味精好夠（我又可以湯撈飯🥹）Enjoy the little thing💛

佐敦廟街越開越多新餐廳，仲有唔少文青小店進場呢間餐廳以白色色調為主，原本以為呢間係咖啡店，但一入到去先知原來係牛扒網小店喺門口可以用自助點餐機用八達通點餐，然後自助拎餐感覺好似日式拉麵店咁樣燒肉店主打美國純天然400日穀飼牛肉🐮仲有好多個唔同嘅部位可以揀，分別係A5和牛、牛小排、封門柳、牛肩等等仲可以揀石燒或日式網燒添我揀咗石燒，牛肩套餐套餐有白飯、沙律、蕃茄牛肉湯厚厚嘅牛肩放喺石板上，自己燒至Medium rete 慢慢燒至粉嫩色，keep到牛肉汁，好juicy牛肩比較有咬口，而且牛肉味都幾突出男朋友叫咗下腰西冷套餐肉質比較淋身，燒至7成熟左右係石板燒比較容易控制幾成熟下腰西冷位置嘅油脂分布平均，我比較鍾意❤️另外叫咗冬瓜茶同竹蔗茅根竹蔗茅根梗係自家製，清甜解渴💦52C Medium Rare 佐敦廟街269號華興大廈地下

今日，我又來呢間餐廳食牛肉。我揀咗石燒，然後選咗食日本A5和牛。今次嘅和牛有兩個石板，一個係輔助燒和牛，一個係擺生嘅和牛片。和牛好軟身，咬落去嗰啖啲油滲晒出嚟，牛味超濃郁，比起之前嗰個下腰西冷濃好多。我突然覺得下腰西冷同埋和牛完全唔同層次😂😂😂價錢方面，日本A5和牛差唔多同我之前食嗰個下腰西冷貴$100。但係我覺得呢個價錢係值得嘅。所以我都超推介呢個和牛👍🏼我覺得呢個和牛先係真正嘅燒肉寶箱🎉🎉🎉（如果你未睇我之前嘅食評，你可以睇咗先，再返嚟睇呢個食評）

要講可以原汁原味食到牛肉嘅方法，😎當然一定有石燒，呢一間佐敦嘅燒肉店，原來仲有石燒套餐！🥳今晚dinner同朋友嚟食，叫咗sets，都好抵食，而且坐得好舒服。牛小排套餐🐮佢係牛胸腔嘅兩邊，有好靚嘅大理石紋路，而且肉質鮮美，加上會比牛肋嘅肉更加多。🥩油花分佈均勻，食落去質地柔軟，甘甜可口。下腰西冷🔥因為腰部嘅運動較多，所以肉質會比較結實，食落去，好有口感。套餐更加包括湯，🍚白飯同埋沙律，所以都好飽肚。

好多人嘅固有概念係覺得女仔就一定係鍾意食甜品但係我其實係唔好甜嘢🙈反而肉🥩先係我嘅最愛😆所以今日就嚟咗呢間52C Medium Rare食日式燒肉🥩😍呢度嘅牛係選用咗400日嘅美國穀飼牛廚師會先將牛柳兩邊煎封到兩成熟左右，然後放上熱石上枱🔥.👩🏻‍🍳一齊嚟睇吓我哋食咗啲乜啦：1️⃣封門柳石燒套餐封門柳算得上係稀有部位，唔係度度都食到😋其實佢係牛嘅橫膈膜肌肉，因為呢個位置冇乜運動量，相對嚟講肉質會比較鬆軟，而牛肉味都比較濃😍啱晒鍾意重口味嘅人.2️⃣牛小排石燒套餐牛小排係牛嘅胸腔兩側，油花較封門柳多，肉質食落去係較彈牙，雖然牛味相對冇咁濃，但係連埋平均分佈嘅油脂一齊喺熱石上面燒，油香四溢。而牛小排亦係唔太識控制烹調時間嘅人的好選擇🙈因為牛小排帶有肉筋，無論短時間燒定係燒耐咗少少時間，肉質都唔會過老或者過乾😆.☝🏻兩個套餐都分別有胡麻醬沙律、湯同埋白飯~. 整體嚟講，呢度嘅裝修簡潔明亮，環境唔錯，坐得幾舒服~個人幾鍾意佢部自助落餐機，好方便嘅同時又好有喺日本嘅感覺😆而且價錢都親民，個人覺得係牛肉愛好者嘅一個好選擇🥰. 🥩52C Medium Rare (佐

鋪面裝修新潮帶小小日系遠看以為cafe點知原來可以食石燒牛同網燒牛餐廳有唔同牛的部位選擇今次試左牛肩套餐同下腰西冷套餐餐廳用上400日美國殼飼牛你係坊間所用嘅一百日牛更有牛味油脂分布更平均下腰西冷擺係石板上燒，保留肉汁之餘牛味濃稠，而且都幾林牛肩肉質比較淋，而且因為切得比較厚所以在燒的時候更容易控制生熟程度套餐有沙律，湯同飯通常食大大塊肉都有啲飽但個湯酸酸甜甜雜菜湯加埋個沙律食既時候更加開胃下次黎要試埋佢個網燒餐

整體一般，可以試一次，但唔會有下次首先店有上下層，但1部機，員工又得1個，明顯不熟練… 搞左陣先帶到上去網燒，梯級又厚又高，真係要扶住小心啲行，朋友叫左菠蘿梳打，其實係雪櫃一拎就係，但都要等左10幾分鐘，野食還可以，不過朋友話牛角更好食，更有服務，無招呼，無咩禮貌，飯，湯，前菜都可以再免費加，野飲都ok既，菠蘿唔係罐頭，薏米檸檬水都不錯，不過再多啲薏米更好不過我同朋友覺得唔會再來，因為有其他更好既燒肉店

鐘意食燒肉，就會想食高質野，最好仲要唔好咁貴，呢度應該滿足到你。主打美國純天然400日穀飼牛肉夠晒高質，仲有石燒和日式網燒任你揀。牛的不同部位都有供應，日本A5和牛、牛小排、封門柳、下腰西冷、牛肩、牛舌，唔食牛都有五花腩、豬梅肉、雞肉、帶子等。我揀的是石燒，可以直接按個人喜好控制牛肉的熟度，以高溫鎖住肉汁。而且最治癒一定係聽住牛肉在石燒期間發出的”沙沙聲”。套餐本身已經有飯、湯和沙律。下腰西冷套餐 180g $148雖然肉味不及牛小排，但香嫩口感絕對贏。180g牛肉這個價錢食到應該冇投訴吧。牛小排套餐 180g $178牛小排油脂豐富，肉質柔嫩鮮甜，多肉汁，一試就愛上。