2DP (已結業)

好耐都冇去厚福街覓食喇！喺尖沙咀做完運動，一於去睇睇有咩好食。以前都成日去厚福街食糖水，今次嚟到糖水店轉咗鋪。初時都以為仍然賣甜品，因為飲品嘅餐牌非常吸引。再睇睇，有沙律意粉等咸點。朋友話運動後想食light d，所以就立刻入去。🍍大啡菇菠蘿沙律燒菠蘿香甜，仲有香脆多汁嘅大啡菇，兩樣都大愛😋加上沙律菜同蕃茄，顏色豐富，dressing份量剛剛好，一定係健康美味之選。🍔素牛漢堡+🍟蕃薯條素牛肉漢堡juicy，麵包鬆脆。通常burger都係配薯條🥔， 不過今次就配番薯條。食落香香甜甜， 亦都較為健康，因為番薯比較高纖。今次運動完，以食light d為主，冇叫飲品。但其實此店飲品比較出名，隔離枱order咗杯星夜，樣貌吸引，有機會會試試。

這裏我知出名素食漢堡，一直想帶老媽來。但今天我吃的是甜品。一打完風天氣就熱死人，當然要食甜品降暑。火龍果紅茶乳酪，$46。顏色很吸引。質感似沙冰多一點，有清新的火龍果味，紅茶則似有若無。但很消暑又健康。手工乾果窩夫伴鐵觀音雪糕，$75。今朝才吃了窩夫做早餐，但朋友要吃所以叫了。但這個窩夫有點特別，底層有粒粒的提子，加上淡淡又很creamy的cream，很好味又不太覺得膩。而雪糕有濃濃鐵觀音的茶味，不甜，拌窩夫吃很讚。不過拌碟的生果有點酸，美中不足啊。這裏環境很文青舒服。枱底下有勾子用來掛袋。水自助的，都很方便。意想不到是還有小支sample送。問店員說店子會不停期跟不同品牌合作，今次剛好是這個。說不定下次來又會有別的小禮物哩。

係尖沙咀按摩完，自己一丁友，諗住係厚福街求其食D野算數。厚福街出名多野食，行過見到有間新開既舖頭，仲要有人圍係門口，梗係去8 下。初先都唔知，原來係食素既，因為無論裝修佈置以及餐牌，都好有食西餐FEEL。我叫左個廚師精選，$148有湯，前菜同主食。呢個蕎麥南瓜湯，除左有南瓜蓉，仲有大大粒意米，口感好豐富。香芒紅菜頭雜菜沙律，芒果蔬菜都好新鮮，最值得一提既係，佢並唔係配普通既橄欖油或者凱撒醬，佢係用左芒果汁去拌，另有一番風味。上主菜啦，呢個海苔香辣雜菜素海鮮意粉擺得好靚，因為蔬菜本身係比較淡口味既食材，如果要健康少油而有食落有點味道，好似呢個菜色就巧妙地運用左蕃茄醬同辣椒去豐富蔬菜既味道，總括黎講係喜出望外既。

中哂伏嘅奶茶😑😑😑～～～～～～～～～～～～～～～～～～一直都有聽過2DP 依間素食餐廳，但今次試左兩樣都好失望。～～～～～～～～～～～～～～～～～～雙色紫薯奶茶（$48）本來以為有紫薯，杯奶茶會好甜，可惜，係超級苦，利申本人係鍾意飲茶都覺得苦。～～～～～～～～～～～～～～～～～～菠蘿西瓜零下芭菲（$68）最近好熱，本來諗住食個芭菲，點知消唔到暑，算有西瓜同菠蘿味。

We had the luxury of ordering an entree and drink, along with a limited time menu offering.   2DP is a vegetarian restaurant that offers an array of Western entrees and teas. The entree was a titled "Fragrant Truffled Goose" which was in fact, a bundled mirepoix of carrot and celery tucked inside a bean curd skin with the outside seared, and then the whole thing topped with truffle. I didn't really care for its supposed imitation of a goose, but as a vegetarian dish it tasted as good as it could

2DP is a vegetarian restaurant that offers an array of Western entrees and teas. We were offered an entree and beverage of choice, so we ended up with their Seafood Spaghetti and a Peach White Tea Soda. The spaghetti wasn't as briny as most seafood pastas I've had as of late, and the tomatoes weren't overly acidic, resulting in a much fresher pasta flavor overall. A selection of garden vegetables including squash and a variety of other hearty garden vegetables cooked to perfection. There was als

打風日加上狂風暴雨，個人都變得冇乜胃口，嚟左喺尖沙咀厚福道呢間pop up餐廳食素，成間餐廳好有韓feel，簡傑得嚟又有空間感，就連餐牌亦一絲不苟，用靚紙質之餘仲keep得好乾淨企理，唔似好多餐廳嘅餐牌又爛又汚糟。叫左個nachos, 賣相普通，但原來用料新鮮，嫰綠色嘅牛油果醬表示用料新鮮，最欣賞嘅喺莎莎醬，新鮮蕃茄製作，唔似其他好多好多餐廳嘅莎莎醬一早就已經做好備用，到食嘅時候已經出曬水同埋蕃茄粒已經變成蕃茄蓉。另外又叫左個海葡萄無花果沙律，上枱時用鷄碗盛載，份量唔多，但同樣用料新鮮，無花果已經切成薄片，容易入口，海葡萄入口之後仲有海水味道，咬落去好似食爆炸糖嘅效果，都幾好玩。飲品要左每日只供應十杯嘅巴塞隆拿紅桑莓伯爵，入口果然感覺清新呢。

星期一同個friend 去The One攞野，攞完就去附近的厚福街搵食。我個朋友平時唔食得牛肉，行經呢間2DP見到有素牛漢堡，加上環境幾靚就入去試試。我地六點鐘到所以人唔算多，但七點幾的時候已有7成滿。呢間係素食餐廳，種類唔算太多但每一款都幾特別，另外亦有好多甜品同茶類飲料。蕎麥南瓜蓉湯 ($30)，南瓜好甜，配上蕎麥好健康。海葡萄無花果沙津($76)，第一次食海葡萄，無我想像中甘咸，無花果同埋沙津菜都好新鮮，配上有d菠蘿味的汁。菠菜茸西蘭花意粉($66)，除咗西蘭花仲有豆腐，脆肉瓜同松子，意粉配上菠菜汁幾入味。素牛漢堡配番薯($88)，個番薯原全唔油，焗比炸健康，漢堡都好大個，雖然無牛味但就有肉的口感，若濕潤少許會更好。配上番茄等配料幾惹味。火龍果紅茶乳酪 ($46)，其實係沙冰，乳酪味唔係好夠，但都清甜消暑。我見其他人都係點手調茶比較多，有機會再試。而家餐廳同d有機品牌做crossover，食完每人仲送左盒洗頭護髮sample。

富裕社會越來越多素食者，漸漸發覺好多明星、身邊既親戚朋友都係食素，我亦慢慢耳濡目染，發掘到食素的好處和食肉工業背後的殘忍作業。香港亦大行其道，素食餐廳亦相繼開業應付高速需求。素食餐廳已不只是普通提供素食為本，對菜式要求極高，花款多之餘模仿肉類的味道已爐火純青。2dp呢間素食餐廳無論賣相、味道都很好，食材新鮮，用料講究。午餐有午市定食以供選擇，加$18更可享用特色飲品。我點了「2dp自家製素牛配蕃薯條」，飲品點了「咖啡伯爵奶茶」。素牛漢堡的「芝士醬」非常creamy，「牛肉」肉質棉軟有咬口，夾住塊脆脆片令漢堡更有層次感，麵包口感煙韌，用料上乘。蕃薯條炸得脆口，蕃薯肉好甜，每條都肥美飽滿。沙律菜新鮮爽甜，淋上酸甜西柚汁，健康美味。「咖啡伯爵奶茶」是浪漫的漸變灰色，像變幻著的陰天，金色閃閃的裝飾和燒得微焦的椰子肉碎點綴在泡沫裡，極具美感。微焦的椰子肉非常香濃，少少脆。喝前要先把奶茶搞混，茶味濃而不甜，是解渴消暑飲品。臨埋單見到呢個活動，估唔到有禮物拎走。..用心製作的素食菜式有時比肉類菜式更可口，既可滿足味蕾，又比較健康，我推介此餐廳。

今日同朋友來到這間素菜店，一來到就有一種特別的感覺，可能是因為很少素菜餐廳會是地舖吧！店內裝修簡約，感覺很舒適。發現店的小心思，桌子下有個小鈎，可以讓客人掛袋（讚👍🏻）來了來了，我最期待已久的素漢堡和蕃薯條🍟素扒味道不錯，唔會太重味，口感鬆化。漢堡內有一片薄脆（讚👍🏻），提升了漢堡的層次感，加上新鮮蔬果同醬汁，令整個漢堡都好好食好吸引，讓素食者都可以食漢堡（讚👍🏻），更值一提的是蕃薯條，這種炸法不會太熱氣，仲有種特別的口感，內裹的蕃薯十分之軟熟，甜美（讚👍🏻）我們另外加了飲品——-青提奇異果鐵觀音乳酪，飲品有陣陣的提子香氣（讚👍🏻）奇異果味較濃，但依然飲到提子味（讚👍🏻）酸酸甜甜。呢個牛油果素雞柳竹筒粉是十分好吃（超級讚👍🏻）它的樣子好像很普通，但食落是很有心機的，牛油果的醬汁一嚐難忘，仲有好多配料，西蘭花、椰菜花、茄子🍆、蘿蔔、菇、等等～所有的味道同精華都程現在醬汁之中，所以味道很特別（讚👍🏻）加上素雞（應該是炸豆腐）令整個意粉的口感多層次提升了，如果有機會，我也會再來吃。乾果窩夫伴雪糕，外觀十分吸引（讚👍🏻），而且不是虛有其表，窩夫外表鬆脆，內軟，加上乾果，增加咬口，甜甜的，好味（

今日諗住去尖沙咀厚福街附近食甜品，順個便去食埋晚餐咁，點知俾我發現呢間餐廳好似幾好食咁，我眼見好多人都去食，所以又做番個香港人心態去跟住食埋一份，一入到去見到佢哋（員工）個個都好有活力咁，令到我都好有精神咁！！咁就睇吓個餐牌啦，其實樣樣都好吸引我，但我最後都揀咗個素漢堡，佢會連蕃薯條，感覺好特別又少食到，所以就二話不說叫呢碟，嚟到比我想像中要大個包，咁我首先食咗個薯條先，嘩！！好好食呀！仲好食過薯仔嗰種，外脆內軟咁，好味到爆^_^另外個包整得極之好，尤其係個素漢堡排，整到差啲以為食梗肉嚟0.0唔知點先可以整到咁好食呢？之後仲叫咗杯青提奇異果鐵觀音乳酪，因為見佢好似好特別嘅配搭就唔忍心唔叫嘞！點知真係超好飲！！佢個名有咩就月咩味，但又唔會有違和感，配得極級好！讚呀！！因為想食甜品，所以就見佢有套餐1+1咁，就揀咗個牛油果素雞柳竹筒粉，其實感覺同長通粉係差唔多嘅，唔知有無分別，但係呢個唔係重點，而係個味道十分之好，如果滿分一佰嘅話，佢應該有一千分，都係啦素雞柳，我都差啲以為又係肉嚟0.0整得太似了，味覺被誤會了！！落咗好多心機了！之後伷配搭埋茄子、白蘿白、牛油果汁，簡直係創舉！無得頂啦！！

依家對食物質數，是否打卡熱點，什麼風格都有所要求，呢間尖沙咀2DP係我以後午餐的又一選擇，素食為主嘅時尚餐廳，好適合想食美食又唔想咁肥嘅我😍黑松露雜菌意粉，價錢合理，黑松露雜菌一直都係最佳拍檔，黑松露味好濃香，意粉係粗意粉，好有嚼頭，每一啖都食到雜菌和黑松露的味，口感豐富，雜菌係唔同嘅菇菌，好香，好嫩滑炸魚手指必試，薄薄嘅炸粉包住d滑魚肉，外脆內軟，加埋沙拉醬一齊食，味道恰到好處，唔會好膩，餐湯係薏米番茄湯，可以抗氧化和祛濕，女孩恩物吖，味道係鮮嘅，薏米好淋，正，又健康😍最後重點主角就係雙色紫薯奶茶，底層係厚厚嘅紫薯蓉，成杯奶茶係紫色的，好夢幻，厚厚的cream小山幽咁，再加金泊落去燒下，好夢幻❤️🌈好靚，奶茶唔會太甜，紫薯味好濃，可以食紫薯代替珍珠，係件超美好的事😍好健康吖😘🙏

2DP位於尖沙咀厚褔街，全條街都好多嘢食，但2DP門面簡潔清新，一眼就認到餐廳內裏都走簡約風，感覺好舒服！食物方面，全餐牌都係素食，但選擇非常多，前菜、正餐、甜點樣樣齊，仲好多花款添首先上枱嘅係麻醬雞絲粉皮，涼涼地，夏天消暑食一流！入面有豆腐、青瓜、蕃茄同粉皮，配埋香濃嘅麻醬食，唔錯然後係雜菇伴蕃薯麵，亦即係平時食開嘅薯粉 麵身幼滑、略為彈牙，而菇類就有幾種，配撘幾好！最後係黑松露忌廉意大利雲吞，一共有6隻 黑松露香味好出，配埋香濃嘅忌廉汁，都唔錯！

朋友話想食健康同清小小所以就簡素食餐廳本身聽到素食餐廳都已經心諗唔係掛 咁dry都無咩期待去食 點知呢間素食餐廳有驚喜係新派式既素食餐廳餐牌有清楚列出材料種類唔算多但夠特別同埋 最好係有埋甜品 但可惜食完個意粉已經好飽 試唔到呢到既甜品地點好方便好易搵環境不錯幾舒服值得一讚 係黑松露意粉 未食 味道已經好香份量睇落唔算多 但夠女仔飽 男仔可能唔係好夠個汁好好食好濃對比其他餐廳呢個意粉真係整得好好仲叫左個好似椰菠菜意粉 個名唔太記得 好大陣椰味 但比較清淡對比上面個意粉 會覺得好淡份量都係差唔多食完好<濟> 野食係OK既 但價錢就算偏貴..但係尖沙咀 地點咁近方便 同埋野食質素+環境呢個價錢差不多

晚上九時後，餐廳座無虛席，開放式的店面，令室內茶具擺設一覽無遺。2DP的甜品是「以茶為本」，當西式甜品碰上中式茶道，掀起了奇妙的變化。焦糖燉蛋配絲襪奶茶Gelato $62由於普洱雪糕售罄，燉蛋轉配了絲襪奶茶雪糕。雪糕入口慢慢沁出奶茶的香濃，吞下時回甘滋味，酷像港式奶茶的微微苦澀。吃完整球後，像嘆完一杯奶茶，精神一振，混合朱古力醬享用，味道更smooth、更香甜。焦糖燉蛋十分軟嫰，只是焦糖表層不夠厚實，否則口感更吸引。濃香抹茶水玄心太軟 $68水信玄餅結合了心太軟的特色，晶瑩通透的外層，包裹著抹茶流心，十分誘人! 水玄餅淡甜，入口滑溜、冰涼，倒上味道是1:1的抹茶牛奶，奶滑香甜。牛奶中帶有茶葉碎，使水玄餅散發陣陣茶的芳香，整體配搭新穎、得宜。總括而言，絲襪奶茶雪糕味道特別，吞下後，慢慢回甘的茶香，貼近真實的奶茶，令人難忘，的確值得一試。