2DP (已結業)

呢間店出名甜品，一直很多大排隊，但未有機會試。今日見有素食放題，只限中午，68蚊一位，要飲品或甜品，再加多10蚊。12點未夠，門外已經排了十幾人，我好彩第一輪入到，其後眼見門外排了長龍等入坐。呢個放題唔係出去任攞，而係比張紙仔你剔，我問咗係細碟，即係一口搞掂，剔定好多款，交咗張單，真係至少要等十分鐘先有第一道菜，先來了三款，芝麻醬凍豆腐，枝豆，玉子燒，全部細細碗，用透明膠碗盛裝，唔係好環保啦，可能佢哋有洗過再用，唔知呢...係就唔衛生喇。跟住再等一排，再來一個生菜包，再等一排又到炸物，再等都未等到個飯同春卷，於是問一問服務員，佢話幫我跟，話我個飯整緊，等多15分鐘都未見，再問，原來未整，依家先整，即係再等，個飯賣相ok,味道好一般，份量是正常吉野家丼size，咁樣先會飽，眼見各人都係等多過食，不斷催單，其實我張單都未出晒，翠玉瓜同雞脾都冇黎，整體食物質素超一般，有啲可以講低劣，唯一驚喜係咖哩角，可以再encore。由入店計總共用咗1小時30分，個飯仲要趕到倒入口，下次真係咪搞喇。