影片
開頭被餐廳的海鮮餐及串燒吸引了，見食評大多不錯，便決定去試下。餐廳寫著是開5點的，諗住打去book檯確保有位先去。點知由5點打到7:30都無人聽。之後過幾日再試，又係由5點打到7:45pm,好好彩終於有人聽！寫著星期日開，但book星期日又話今個星唔開，下個星期再問又係話唔開。其實如果唔開就應該更新餐廳資料。好啦，咁我book星期六，確定了訂檯，心諗都ok了。當日無人打黎再double confirm booking,我打電話去亦無人接。心諗之前book左,應該唔成問題啦！點知當日去到竟然寫著「準備中」，我book 7:30pm, 去到都7:45pm,仲好怕張檯會比左其他客人會無位。點知原來無開！我都敲門再三確定餐廳是否真的沒有人！餐廳接左booking都可以喺唔通知客人下而唔開，都唔知係咩服務。咁都得？之後同朋友提起，原來不少朋友都試過咁既經歷，所以一定要打出黎話比大家知！希望大家如果去都有個心理準備！
繼續閱讀
朋友約我食海鮮, 但其怪點解帶我嚟銅鑼灣呢?? 佢先賣關子話去到你咪知囉! 去到餐廳, 係一間以淺木色和風格局裝潢的西、日Fusion嘅菜式原來朋友預訂了海鮮拼盤, 有蝦、青口、鮑魚、貴妃蚌、蜆 & 原隻龍蝦而且都會以不同烹調方式來處理, 唔係一次過蒸熟就上枱, 就好似...蒜蓉貴妃蚌 - 鮮甜度十足, 連湯都飲晒麵豉湯煮蜆 - 麵豉湯吸收埋蜆嘅鮮味, 勁正! 睇到價錢真係嚇一跳 - $268 + $1 有原隻龍蝦肥牛金菇卷 - $32醬汁調較得好惹味燒菠蘿 - $22成排燒菠蘿, 可以拎住嚟食, 好過癮燒雞軟骨串 - $18雞軟骨被燒至微微帶脆, 香氣十足燒沙律波 - $18第一次食沙律波, 其實無idea係咩款式, 原來係包心內裡有微微的wasabi味炭燒饅魚 - $98朋友大讚呢條燒饅魚無泥味又燒得香
繼續閱讀
在銅鑼灣的sogo旁邊的澳門逸園中心有好多食肆，大家一點也不會陌生，今天我和男友去21駅，相當有水凖環境舒適我們本想happy hour 食下串燒，但見到有promotion $269有海鮮拼盤，我們又點可以錯過呢海鮮拼盤$268～包括大大隻波士頓龍蝦爆膏、多肉、新鮮甜美海蝦、彈牙磯燒鮑魚～鮑魚經過燒後有一點焦香，我本人非常喜歡，而且啖啖肉蒜蓉貴妃蚌～蒜蓉配海鮮，不變的定律仲有濃湯浸蜆，男友大讚，清甜可口燒茄子$48～原隻茄子，師傅非常有心機把茄子燒得外脆內軟，牛油蒜蓉香，不花巧，原汁原味牛肋肉$45~肉味濃，加入香草好惹味燒秋葵$18～近年健康食品秋葵，無人不曉，燒後更香脆燒芝士翠肉瓜$18～有芝士的食物分外滋味，將平平無奇的翠肉瓜變成我的最愛雞軟骨$18～脆脆的軟骨夾著小量雞肉和脂肪，燒烤後，任何人也愛不釋手
繼續閱讀
銅鑼灣來來去去也是連鎖式食店，行行逛逛之間給我發現了這間日式fusion 餐廳，位置坐落於食市臨立的澳門逸原中心；因為座落於21 樓所以也名命為21駅。餐廳格局是走高雅路線的，環境寧靜，起初還以為定價會比較高，怎知原來是一家性價比十足的餐廳。中西合璧的menu ，有沙律，意粉，燒物等等。 其實原本也沒有打算點海鮮併盤的，但係因為今個月正在做優惠，原價五百多元，現在只需要二百多，仲要加$1 就有埋波士頓龍蝦食，唔食真係對唔住自己呀～宵夜或happy hour 時段也設有特別優惠喔～海鮮併盤（大）$268併盤內的海鮮一共有六款，包括有蒸大蜆，鮑魚仔，青口，大蝦，和波士頓龍蝦，另外重有蜆肉麵豉湯～千萬不要以為二百多元的併盤就一定會將價就貨，如果甘諗真是大錯特錯～併盤內的海鮮質素可是非常高的。平時食開的海鮮併盤都是凍盤來的，對於個人來說並沒有太喜歡，但這裡的併盤竟然都是曖姕笠笠的，真的是超讚。總覺得吃海鮮當然是要吃暖的才好吃，味道和口感才夠新鮮多汁。加$1 隻的波士頓龍蝦真是叫人喜出望外，歡喜若狂～ 除了夠大隻外，食落仲啖啖肉，肉質嫩滑細緻，蝦肉混和著一點回甘味的龍蝦膏一起吃，份外滋味。蒸大蜆肥美肉厚，有香濃的蒜蓉味，食落仲好有鮮味呢～青口時間拿掐得剛剛好，肉質鮮嫩脹卜卜的鮑魚仔只用少許醬油來調味已經非常好吃～另外，大蝦同樣鮮甜味美，也很不錯食到最後，飲埋碗麵豉湯就很滿足了另外還點了是日的兩款生蠔，@$28 分別是Coffin bay 和Smoky bay，兩款同樣來自澳洲的生蠔，Coffin bay 味道比較重海水味，偏鹹，口感效厚實，而Smoky bay卻比較淡身和sweet。另外，我們還點了一些燒物～蒜蓉茄子 $48茄子肥大肉厚，足足有2隻手掌甘大燒得又香又軟，加上香濃的蒜蓉一起吃，最佳絕配是也～燒豬手$48 (右）豬手的外皮燒得既香脆又好食，沒有多餘的油脂，十分香口，食落更有炭燒的味道，這道小食左酒一流呢～燒豬大腸$28（左）平時小妹都不愛吃豬大腸的，不過友人想食，所以一試，一試之下竟然食唔出係豬大腸，一點羶味也沒有，口感帶點煙靱，燒得非常香口，再占點芥未來吃，更有風味。這裡食物質素高，價錢好，真正做到低消費高享受呢～
繼續閱讀
今晚同朋友去銅鑼灣shopping，行到有喲肚餓,行過這幢商業大廈，樓下有人派傳單我和友人篩選後揀了這間在21樓的21 station.因為見到有個268元的海鮮拼盤,這間主打fusion 菜,裏面坐位好舒服,有間房間開咗,可以比顧客喺度攪啲小型娶會牆上有兩幅很大的畫,好有日本feel .餐廳又有幾部電視,播住一些流行歌,令到食客感覺好輕鬆。我同友人行到好倦，所以無心機睇餐牌,所以就揾店員介紹有什麼好吃。店員介紹了好抵食嘅海鮮拼盤,,火腿拼盤和燒廣島蠔首先嚟嘅係火腿拼盤,火腿拼盤有3款,因火腿實在有好多款,我都攪不清是什麼名稱,不過食落無雪味,又唔會有“蘇”味,最緊要火腿裏面啲脂肪唔會未溶的感覺,平時不鐘意食這些火腿的我,我和友人都全部食晒。跟住上的是海鮮拼盤，海鮮拼盤有6款:有龍蝦,清湯蜆,蝦,青口，鮑魚，大蜆一上枱時已經望到龍蝦好大隻,其餘海鮮都好新鮮龍蝦切開了一半,好容易起到龍蝦肉,一啖一啖，好彈牙,好新鮮,都有唔少肉,龍蝦鋼都好大隻。正鮑魚雖然不是好大隻,但好新鮮,用陳皮絲蒸,好香。上湯煮蜆，湯底好似麵豉湯,蜆和湯一起飲,感覺唔錯蝦,青口沒有腥味唔錯還有另外一款蜆,比較大隻,用了蒜蓉葱蒸,好香,彈牙,唔錯廣島燒蠔,有4隻,燒得好靚,用了好多蒜蓉,葱一起燒,蠔肉都好肥美,連埋蒜蓉,葱一起吃,好香,又有燒烤的香味,雖然是燒,但食時依然有些汁在蠔殼上。食了燒蠔和友人叫了兩杯汽水減少熱氣，哈哈。個玻璃杯身好得意。嘆完埋燒蠔,感覺滿足,好飽,店員無介紹錯
繼續閱讀