203食堂 (已結業)

最近嚟多咗虹方呢邊，發現呢度有間食醉雞好正。醉雞同芫茜應該係呢度招牌菜，我哋一於試晒呢兩款。💖醉香雞湯麵$55醉雞嚟講$55真係幾抵，自己整過都知整醉雞要好多功夫，又要浸一晚又要斬，嚟呢度食抵食好多同方便好多。而且佢仲有好多雲耳😋麵類可以自選米線，油麵，米粉，公仔麵，烏冬+3，出前一丁+$5💖芫茜（安格斯）肥牛湯麵$55超級多芫荽！如果係芫荽愛好者嘅話一定要嚟試吓。安格斯肥牛都比得唔少😆幾抵食跟餐有嘢飲，凍飲加$3叫咗兩杯凍鴛鴦沖得好好飲，好香濃咖啡味同奶茶味，溝埋一齊又靚又好飲。不過因為係夜晚飲😂所以嗰晚飲完瞓唔着🫣🫣但真係好好飲 好正炸饅頭$22估唔到呢間餐廳會有炸饅頭食😻好開心🥳即刻叫!!!!好有水準😋好好食😋正呀!!!

朗屏虹方個邊開左好多新餐廳，之前都食過幾間，估唔到佢二樓仲有一間係食米線既叫203食堂（203其實就係鋪位號碼😂）佢招牌菜係醉雞米線同鋪面芫茜既雞麵，但咁啱上去有個秋冬限定湯麵，就無試芫茜了。酸菜胡椒豬雞雞湯麵（$68）淨係睇個名都知補身，一上枱都好香，啲料好足鋪面成個麵，湯底都好足料，補身補到呢，直情食到流汗🤪醉香雞湯麵（$58）超香既醉雞，啲雞都偏瘦唔會好多油，仲有索晒酒既木耳，好香好食😋嗌個麵仲有附送飲品，杯凍飲都算大杯又唔多杯，俾足料👍🏻佢唔係地鋪應該少啲人知，不過值得上黎一試，佢啲雞真係好香好好食

今次去試小店位於西鐵朗屏站附近商廈虹方，小店主打莞茜醉雞米線，就帶朋友去試一試！我地分別叫左一人一個湯麵，分別係醉雞湯米線同莞茜安格斯肥牛米線，另外叫左一份炸豬扒！醉雞同湯麵係分開上，雞件浸得好入味，酒味香濃，仲有少量木耳～莞茜安格斯肥牛湯麵上而鋪滿哂莞茜如果係莞茜愛好者必試！肥牛肉質偏淋，牛肉味濃😋呢到湯頭唔會好重味精湯，讚讚最後小食豬扒醃得唔錯，另外見到仲有好邪惡炸饅頭，不過實在太邪惡！下次到訪再試

偶然會過朗屏工業區，因為有朋友住朗屏8號。附近最易揾食係一橦外牆七彩燈光嘅商業大廈：虹方。地鋪有多間不同種類餐廳，朋友介紹我樓上嘅隱閉小店，203食堂。點解叫203食堂，因為佢位203室。無人講真係唔知有間餐廳，主打食米線及炸物。👍老闆推介：醉雞米線$55醉雞保持嫩滑💯，浸得好入味，將醉雞汁倒落碗米線，簡直一流。喇沙安格斯肥牛湯麵$55用上靚料安格斯肥牛，重牛味，入口即化，加埋香濃喇沙湯底，配搭一流。

呢個位於虹方既203食堂,我估主力做附近工廠區午市，晚市反而堂食無乜人。之前見到人推薦佢既荽茜米線，作為荽茜控既我就好試一試！我地今日兩個人食dinner叫左以下items: 🔶️醉香雞湯麵 （$55，8／10）都應該係呢度既招牌麵，好多人叫。 佢既醉雞超級重花雕酒香，超級入味，齋飲一啖醉雞汁真係有少少醉既感覺😂。佢個湯底都好清，無味精感覺，差唔多成碗飲哂！🔶️芫荽肥牛湯麵 （$55，8.5／10）芫荽控必食！成碗都係芫荽，湯底都好重芫荽味，芫荽控一定中意！ 另外佢既安格斯牛都幾足料同豐富，成碗食哂飲哂！🔶️炸饅頭（4個）（$22，9.2／10）力推!!!!!👍🏻👍🏻👍🏻首先唔係好多小店有炸饅頭食，呢個有之餘仲要平！佢炸到外脆內軟，十分香口，最抵讚係佢個煉奶俾得好充足，令我地既炸饅頭可以暢泳，勁好味！！會再黎encore炒饅頭！😋✏️總括而言，芫荽控可以黎食，炸饅頭必食👍🏻

繼續記錄我嘅元朗飲食生活😆元朗虹方地下多嘢食就知，但真係唔知原來虹方仲有2樓，而2樓又仲有間食店😅新開了間醉雞麵，猜是位置關係，晚間去人唔多，應該都係午市做工廈區嘅上班人士同附近居民多。一個雞麵$55仲送熱飲（凍飲+$3），雞嘅份量唔少，麵更加係大碗，凍飲都大大杯，算是價格相宜，質素合理。🥣醉香雞湯米粉($55)的醉雞另碟上，浸住酒濃嘅醉雞汁，以我超乎常人嘅酒精敏感度，我食完成碟雞係感到身體有少少酒精的 ！伴碟有很多木耳，浸了醉雞汁好吃，醉雞生熟度是剛剛熟那程度，雞骨有微血那種。留意返雞湯米粉不是醉雞湯底，米粉非常大碗，搭了幾粒醉杞子。⭐️客家咸香雞湯油麵（$55）的雞則是放到麵裡的，這碗湯底相對濃郁，是濃郁的雞湯；咸香雞其實都唔係好咸，因為也是剛剛熟而已，也算皮爽肉滑，配搭兩條菜心。⭐️炸餃子（$28/6隻）這裡也有幾款便宜的小吃，讓我想起細個放學去買小吃做下午茶的日子！炸餃子大大粒。

住附近應該都知虹方地下有幾間餐廳🤤 原來二樓先係臥虎藏龍🫶🏻 有間抵食到不得了嘅餐廳，而且質素唔錯🤪 新開張環境乾淨企理坐得舒服，附近上班族同街坊記得bookmark🤩 醉香雞湯麵 $55招牌見到有醉香雞湯麵🍜我哋轉左米線幾爽口🥹 雞係另上！ 我哋想張相豐富啲所以放咗落碗湯😂 湯底酒香又清甜，真材實料🥹 個雞都好有誠意🫶🏻食落超嫩滑🐔 啖啖肉而且份量都唔少👍🏻伴碟仲有紅棗同埋木耳🤓鐵板麻辣炒安格斯肥牛烏冬 $68鐵板麻辣炒安格斯肥牛烏冬同樣有驚喜🥰 辣勁都幾凌厲🌶 食得辣先好叫呀😌 怕辣嘅可以揀黑椒或者燒汁💁🏻‍♀️ 肥牛份量超多！！炸燒賣 $20佢哋仲有好多唔同特色小食，我哋本身諗住叫小食籃拼盤不過驚食唔晒🥹叫咗炸燒賣唔錯椒鹽味濃郁🫶🏻 以上嘅主食仲要包餐飲🥰 簡直係附近最抵食嘅飯堂之一💪🏻 見到佢哋都有推出外賣麻辣火鍋，有機會都要試吓❤️Menu

今日同朋友去咗呢間203食堂喺朗屏站附近 應該話喺朗屏8號隔離要搭lift去既 2樓.餐廳唔算大間 但都好坐選擇唔算好多 都有二人餐可以揀.我同朋友叫咗兩碗湯麵加咗碟油菜同埋一個小食 仲有兩杯嘢飲.醉香雞湯麵芫荽肥牛湯麵炸餃子 蠔油菜心.值得一讚嘅係醉香雞湯麵佢哋嘅雞真係好滑 加埋酒香 一流不過湯麵嘅湯底就比較清淡餃子都脹卜卜 咬落去都好脆 炸得幾好芫荽肥牛湯麵 肥牛大概有三、四塊每一塊都大塊 不過就有啲韌蠔油生菜就正正常常凍檸茶同埋朱古力都係😀🥢203食堂 (元朗)📍元朗宏業南街22號虹方2樓203號舖

今日抱住一試嘅心態嚟203原來虹方而家開咗咁多餐廳因為呢間餐廳唔係喺地面所以都要特登發掘先會搵到但其實都只係搭升降機上2樓 十分方便虹方好近朗屏西鐵站 行幾步都到希望呢個新商場會越來越多人嚟啦😜講返203食堂先佢個名又改得幾好好容易就搵到了就係203鋪好近升降機就係餐廳嘅裝修都幾靚，牆上面有一家人食飯嘅壁畫，感覺溫馨睇餐牌覺得都幾吸引叫咗個醉雞米線$55一拎上嚟啲醉雞味就超級香醉雞好入味 酒香味濃 而且雞嘅份量都幾多一啲都唔孤寒米線嘅湯底清清地好好食😋嚟到呢度呢個係必食😋😋😋😋我覺得佢比我之前食過嘅唔少餐廳嘅醉雞都好食好多!!!呢個價錢都算抵 😋😋今餐要做杯凍檸茶加$3 甜度適中 雖然冇叫少甜但係都唔會太甜喇沙（安格斯）肥牛湯麵$55估唔到呢度連喇沙都有，呢個係朋友叫嘅，佢比我試咗少少。都幾香，同埋啲配料餸菜都好足。有少少辣，唔錯。要咗凍咖啡加$3見到有法蘭西多士$26都忍唔住叫埋好厚🤩🤩😍整得好靚好高質！入面勁多花生醬🤤🤤🤤🤤🤤仲要係粗粒嘅花生🥜🤭🤭🤭超正！

放工總要搵下地方hea食，去到朗屏站search下有咩好食先見到有呢間樓上舖，行過去5分鐘都唔洗，原來樓下都有好幾間揀，下次識黎搵野食啦麻辣湯餃子 $36/8隻呢個係驚喜到我覺得好推薦，真係食到大陸個隻新味，又麻又夠新，覺得個湯撈咩食都會加分，而且好足料，除左8隻餃子，仲有菜、雲耳、芫荽，細食既人相信食呢碗就飽曬喇沙豬扒蛋湯面 $52餐牌主要係幾款主食，同埋幾款不同湯底喇沙湯底偏椰奶香，夠濃味，但係反而吸引我嘅係豬扒，因為好嫩好軟身，同平時食開嘅豬扒唔同，推薦👍🏻鐵板黑椒汁炒肥牛米粉 $68米粉炒得夠乾身🤤食得出個肥牛係選擇比較靚嘅料，雖然望落去好似好熟咁，但係食落唔un好易入口，同埋咬落都有牛味，唔係平時打開邊爐既肥牛飲品就港式野飲，好難得講少冰餐廳真係安排到，開心仔🥰餐牌食物選擇不多，咁就唔使花太多時間考慮😌而且環境都舒服，可以慢慢住同朋友傾偈

今日送完個女去補習，見有少少時間，就走去食個下午茶，間舖頭喺2樓，舖頭細細，但嘢食種類都幾多。咁我就叫咗個黑椒豬扒炒烏冬，套餐加$3飲凍奶茶🥤碟炒烏冬都幾有鑊氣嘅配菜都多，但食落去就偏鹹同埋份量就少咗啲。杯凍奶茶嚟嘅時候見到佢係茶撞奶嘅，奶份量多咗啲飲落去就會偏奶，咁就唔係我杯茶啦💁‍♂️如果大家嚟食可以試吓其他嘢食嘅😋環境指數：🌟🌟🌟🌟味道指數：🌟🌟🌟回頭指數：🌟🌟推介指數：🌟🌟🌟

朋友放工去搵佢食下飯，系佢返工附近有間幾隱蔽既小店，吾系朋友帶路都吾知有呢間餐廳，呢間餐廳價錢平民化，食物質素吾錯，以醉雞和芫茜湯麵較為出名，值得支持下。芫茜雞湯麵 $55表面佈滿左頸多芫茜，芫茜控一定要試試！雞件大約有7-8件。湯麵有幾款選擇，麵既份量超級多，食量吾大既話，個人建議一碗可以2個人食。鐵板黑椒炒肥牛油麵 $68雖說餐牌上寫鐵板，但店員話只系系廚房內既鐵板上炒，吾會以鐵板上菜，不過我無咩所謂，最緊要好食！炒油麵比想像中好食，吾會太油膩，調味亦適中，炒得夠乾身，肥牛肉質都ok。炸雞翼併炸餃子 $28因為2款都想食又怕食吾哂，見價錢一樣，所以問店員可否合併。每款各3件。炸物都一樣吾會好油膩，而且食落無油益味。炸越式春卷 $30春卷外面炸得夠脆，內裡系豬肉餡料。

𝟸𝟶𝟸𝟸 𝚂𝚎𝚙 | 邪惡Tea |比小朋友去學野⋯ 最怕係消磨時間⋯尤其係呢個位置⋯ 真係無咩野食架～ 一係就食大餐⋯ 但下午茶點食到咁多野 ⋯ 幸運是我有好buddy🤪陪我 ; 更幸運的是, 最近仲發現附近竟然有好野食 🤤一送完兩個小朋友學嘢、 就去食好嘢叫左個招牌醉雞米線, 諗住share 食 😂醉雞好入味 + 大大碗米線～ 真心好味又抵食 2個人happy share , 仲可以叫下小食 😜然後我哋睇餐牌⋯又忍唔住叫小食🤪我哋以為細細份架咋～ 黎到先見到原來係大大份～ 飽肚度滿分💯台灣腸 唔洗講都知係一定好食架🤤 反而係炸豆卜⋯ 完全係超值呀❣️睇相都見到又幾大碟～勁香口惹味🥡明明仲擔心食唔晒⋯ 但食下一舊⋯食下一舊⋯ 真係好正‼️邪惡度爆燈呀💡💡💡以後等放學有聚腳點～ 實在太爽喇想懶d , 夜晚個餐都可以呢度買埋 🤪#元朗美食 #元朗

元朗這地方可以話係搵食的福地, 無論大街小巷甚至工廈都可以搵到正野食, 今次一於走入一幢翻新的工廈食雞米線先😆！店鋪取名十分簡單, 因為在工廈的二樓零三室所以簡單直接改為203食堂😎唔駛怕按錯樓層👍🏻。餐廳裝修簡約, 一進店會看到外牆有一幅卡通畫作, 內容是家人同枱食飯的畫面都幾溫馨。 餐廳雖然面積細細座位大概二十個左右, 但進食時唔會有好逼的感覺。✨招牌🏺醉🐔雞湯米粉🍜識食一定食招牌！叫得招牌味道當然靠得住, 當食物遞上時第一時間當然食件雞先啦！ 雞件份量都多醃得又入味, 濃濃的花鵰味滲入口腔, 皮層爽彈加上雞件肉質唔會過老食落好嫩滑, 米粉份量十足。 大胃的朋友仔唔駛怕唔夠飽😉！🌶️麻辣🐔雞湯米線🍜這款米線有麻辣度可供選擇（大 中 小）湯底味道好濃郁, 味道有雞煲的感覺好惹味👍🏻 米線吸哂湯的精華忍唔住會一口接一口食唔停🙈。🥟炸餃子炸餃子一碟五隻外層脆脆內層餡料十足, 肉質清甜沾上甜酸醬食零舍開胃😋

近排去開朗屏做野，當然要周圍試下唔同既餐廳😋初時好好奇間餐廳名既數字有咩意思，後來知道店鋪位於2樓203室，所以有呢個名。咁起名都幾得意，容易比人記住個地址。言歸正傳，講返野食。我地點咗喇沙安格斯肥牛米線（$55）同埋醉香雞米線（$55），再加一杯飲品。喇沙安格斯肥牛米線入口嗰下充滿椰香味，整體而言湯底微辣。肥牛比想像中大塊，食落令人滿足~醉香雞米線既醉雞另上，好細心。醉雞聞起嚟充滿酒味，但唔會太刺鼻，而雞肉食落皮爽肉嫩。米線既湯底亦有淡淡酒香，讚！飲品係鴛鴦同利賓納，兩者都唔錯。