18樓雞煲火鍋專門店

營業中

休息中

之前聼同事講話呢間旺角創興有間餐廳食鷄煲加火鍋好掂，食物質素同環境都好似好唔錯，所以今日收工之後約左友人上去18樓鷄煲火鍋專門店一試到底係咪真係甘好食呢環境開揚，加上整個環境格局參考左舊香港設計特色，感覺同其他餐廳與別不同啊。醬料專區 不過今次第一次黎食再加上話食鷄煲邊爐都唔使點醬油，所以今次我地都無特別去拎醬油去點。此外旁邊仲有一部雪糕機。食完飯之後食杯雪糕簡直係完美。雪糕方面有乳諾同綠茶口味，口感唔錯同埋亦唔會太甜。比較容易入口。飲品：今次揀左應該係佢地自家製既無糖烏龍茶黎試，口感好清爽，配合打邊爐真係一流啊。主角雞煲 今次我地叫左小辣。二人食的話分量系算叫做岩岩好，之但係唔系講笑，D雞既質感滑同埋比較肥美，同埋個醬真係調教得恰到好處，食落口會覺得就雞入曬D辣味但同時亦保留雞本身雞味道。值得一試。食完鷄煲之後就打邊爐啦。依照張餐紙所講落兩吋上湯就夠曬味啦。老實講呢餐飯真心好正，食物質素又高質 整體黎講環境乾淨舒服 所以就算疫情底下都吸引到甘多人上黎呢邊食飯。下次一定要再去食過。哈哈。

昨晚和朋友去食飯，好難無食雞煲，於是找到這一家店，朋友遲到，好在餐廳都留到位俾我，先自行入座，個煲上到嚟不停煮住，係真的好香⋯⋯因為朋友未到，都認唔住食兩件先！一食停唔到口架喎，好在朋友趕到，唔係就俾我食晒，不過，問待應就話係可以俾錢加雞的，但因為有火鍋任食，就當然唔加啦！火鍋配料的選項都好多，而且點食物唔會有拖單或少咗，呢樣好值得讚揚的！整體，食物新鮮出色，飲唔種類好多，最喜歡佢的冷泡茶，由於太專心食，所以影相唔多，下次有機會encore時再影補數！

好耐冇食過雞煲啦😋今次就約咗朋友喺旺角嘅一間雞煲火鍋店食呢間店嘅裝潢非常有香港特色舖頭有三個套餐可以兩個鐘內任飲任食而我哋就揀咗美國雪花肥牛套餐雞煲份量豐富 雞肉好嫩滑味道濃郁而且非常惹味仲好香麻辣嘅味道🥢打邊爐嘅配料種類非常多可以透過電話自助落單🥢雪花牛肉片肥瘦分明 肉脂分佈平均🙃咬落好軟熟🥢海蝦大大隻非常新鮮蝦肉完全冇梅既感覺蜆肉都好新鮮又冇沙食落有鮮甜嘅味道～🥢響鈴係自家製大大嚿🤩可以充分吸收到湯汁蟹子墨魚滑爽口彈牙仲食到粒粒墨魚肉🥰🥢粉麵類仲有泰國粉絲揀將粉絲煮耐啲吸收曬湯嘅精華好正☺️🥃飲品嘅種類豐富最鍾意就係飲佢嘅冷泡茶😋冬瓜茶、茉莉綠茶、桂花烏龍個人最喜愛茶味濃既桂花烏龍而冬瓜茶唔係淨係得個甜味非常好😍

雖然夏天熱辣辣，但係都會好想食雞煲同埋打邊爐，今次嚟到呢間旺角創興18樓嘅火鍋店。雞煲味道濃郁，醬料調味好惹味，好適合送飯。由於唔食得辣，所以揀咗BB辣。食完雞煲之後就到打邊爐嘅環節，餐廳採用QR code落單，非常方便，唔使填完紙之後再等店員收，慳返好多時間。大部份嘅食材質素都唔錯，最鍾意嘅係墨魚滑同埋脆肉鯇。而且佢仲有蝦片，作為小食就最啱。最咪仲有雪糕作為甜品。另外一個好好嘅地方係餐廳有準備自己製作嘅飲品，例如有冬瓜茶烏龍茶等等，無糖非常健康。二百幾蚊有咁嘅質素真係好抵。

係openrice訂左位，唔洗等位就入得去啦，之前喺荃灣食過幾次，都好唔錯，今次食雞煲味道更加濃，好惹味但唯一不滿既地方係雞份量好少、超細舊同骨多，3個人既份量都可以咁少...所以未落湯之前，我就自己叫左雞柳同雞件落去，正配料方面，同其他打邊爐一樣，就唔多介紹，唯一推介係大大舊既響鈴，冇油味，好脆記得喺未落上湯之前，就咁點雞汁食嘢飲方面，旺角店有冷泡茶似，唔使飲好甜既罐裝嘢飲，咁就可以消濟食多D整體上，18樓雞煲裝修企理乾淨，食雞煲不錯之選

提早BOOK定位就唔洗等位啦，入到去D位都幾闊落，4個人座都唔會逼，夠哂我地放野。雞煲味道好足，好夠味，食完雞餑煲就梗係直接打邊爐啦，野飲、野食、甜品款都夠多，性價比高呀。

18樓雞煲，位於旺角創興廣場18場，餐廳佈置極有70-80年代味道，用上大量霓虹燈作裝飾，更能夠突顯本土味道。餐廳以雞煲放題為主，最平$178就有交易，雞煲辣度亦可自選大中小辣微辣，任君選擇，雞煲調味較為似港式口味，略帶甜味，雞肉嫩滑，份量亦非常多。雞煲加入炸支竹吸收雞煲肉汁伴食，份外好味。點餐方面，除卻蔬菜，飲品，甜品自取外，其餘都可以使用手機點餐，非常方便。而且以旺角放題來說，餐廳食具器皿皆非常整潔乾淨，值得一讚。食物質素中上水準，海中蝦非常新鮮彈牙，肥牛質素中上水準，有咬口牛肉味亦濃。甜品方面，極力推介綠茶軟雪糕，甜品適中，老幼咸宜。

Book左8點30 早左去到點左要咩餐就可以直接入去今晚我哋叫左少辣雞煲同A餐 好抵食點餐係用QR code起初以為A餐2款牛冇咩其他選擇但其實都有幾多配料可以揀先講個雞煲 甜辣到加少少麻 味道岩岩好食緊既同時 我都點左不同配料雪花肥牛 唔錯白鱔片好好好滑 呢個推介趣趣炸蝦片 叫左2份🤣🤣🤣午餐肉係火鍋必備 可惜散哂另外佢飲品選擇都幾多 係出面拎我就揀咗烏龍茶 有花香味佢既茶唔錯 岩我戒甜既人醬料係吧枱自由選擇不過雞煲加湯之後都唔洗點醬都好夠最後當然留留個胃食雪糕可惜係乳酪雪糕冇晒咁綠茶 我哋都唔會放過都唔錯

5pm，週未去，咦二，QR code顯示白鱔同蝦咁快售罄，冇理由喎，一問店員，原來佢地未調教好電腦，後尾開返就有得點了。旺角店白鱔每碟4-5片，厚啲，like like荃灣白鱔每碟3片，幾薄會員有得儲分

呢間本店係荃灣既雞煲我一直都好鍾意一知道ＭＫ開左分店，即刻走黎啦，唔洗講咁多雞煲點左中辣但其實都唔會好辣最正係佢並唔係死辣而係辣得有層次你會食到麻、香、辣三種享受雞件亦係靚料食落爽口唔會霉霉靚靚煮一陣索晒Ｄ沖之前仲惹味成台都係野食，真係見到都食指大動呢到牛有分雪花肥牛同特級肥牛雪花肥牛就脂肪分析平均Ｄ同少Ｄ，但係就肉味香濃特級肥牛就充滿住濃濃既牛脂香兩種牛各有千秋，梗有一款岩你最特別係呢到有花膠仲要超大舊強烈建議早D放落去等佢入晒我就煮左起碼半個鐘索晒D湯汁同埋煮到勁淋勁入味，超正滑牛肉嫩滑有牛香鮮蝦爽口鮮甜頂級豬梅頭肉，肥而不膩有豬肉香，口感軟熟炸蝦片幾惹味又香脆炸魚皮大大件，唔係Ｄ　ＣＨＥＡＰ雞碎濕濕既響釩香脆無油益味飲品方面好推薦大家飲佢地既茶唔係到到有，食雞煲火鍋呢Ｄ咁濃味既就岩晒仲可以唔洗怕飲汽水飲到成肚氣搞到冇得食多Ｄ！

去過18樓雞煲位於荃灣分店，當時食過雞煲之後真係令人念念不忘再三回味。知道旺角都有分店後，立即叫返昔日戰友一齊去幫襯，大拆一餐。旺角分店裝修環境非常別緻，充滿懷舊Feel。地方好寬敞，又夠光猛，檯與檯之間有充滿安全距離，地方乾淨又衛生，食得安心又舒服。自助飲品區域都款式好多，汽水樽裝飲品應有盡有，仲有各款茶包茶沖好任君選擇。蔬菜方面都亦可以到雪櫃自取，蔬菜整體方面尚算新鮮。最期待既畫面，香噴噴熱辣辣雞煲登場。雞煲醬汁惹味香濃，唔會太咸，麻辣度剛剛好。雞肉嫩滑，保持肉汁。 當雞煲食到一半嗰陣，我地點左墨魚鬚、牛柏葉、豬皮、花膠等等，所有材料全部落坎雞煲煮熟黎食，配料緊緊吸晒雞醬汁，尤其個塊花膠又厚又大，好食到不得了，人間極品。食完雞煲後，跟住就加湯打邊爐。餐廳火鍋材料都好多款式，牛肉都有三款、豬腩肉 （肉類肥瘦適中）、雞、海鮮 （蜆、海蝦、鲩魚片、鱔片等）、丸類、餃類等等未能盡錄…...但誠意推介呢度既響鈴，即叫即炸又足料，響鈴吸收雞煲精華，一流至極。呢度個勝價比超高，$178 又好食又多野食，而且質素絕對係超水準，食完仲有整多個乳酪雪糕作為今晚結尾，無得輸。

旺角出名多野食，但講到打邊爐既集中營一定係創興中心，係哩度搵到之前係荃灣食過既18樓雞煲火鍋專門店佢既雞煲野味，火鍋食材新鮮，我同朋友一於上去再品嚐，上到去人頭湧湧，幸好時間尚早，我地好快被安排到位置坐低，每一枱都坐滿人幸好哩度採用二維碼落單，係電話選擇後禁落單10分鐘內食物就會由待應用車仔送到你枱上，落完單後我去出面拎飲品，飲品選擇都好多，凍茶、汽水、涼茶、韓式飲品咩款式都有拎完飲品，見到透明凍櫃內排放好多一兜兜新鮮蔬菜，望落好靚好新鮮，可以睇岩邊兜先拎返去，而且每兜只係一人份量，唔怕拎得太耐食唔哂造成浪費望到有部雪糕機，今日有抹茶和朱古力口味，兩款我都喜歡，旁邊仲有多款自由添加點序既糖果，滿足客人需要，打完邊爐我一定要嘆返杯。返到埋檯，雞煲巳經呯呯呯香噴噴我同朋友夾起幾舊雞就倒入放在枱上奶白色既上湯兼放埋各類新鮮食材入去，放好後我同朋友就起筷開動雞肉既醬汁好特別，雞肉嫩滑美味，我地食唔停口，哩度都有些特別既火鍋食材令我地驚喜，例如：豆腐脆脆魚蛋、醬爆豆卜都係第一次食到食到最後，仲剩一碟羊肉片未食，諗住滾埋睇下食唔食得落，估唔到食落唔膩，加上切到薄如紙，好快我就同朋友清理埋。

因為生日，朋友話要帶我食好D。最後原來係帶我去打邊爐🍲正確來講應該係雞煲邊爐🫕。先食熱辣辣香噴噴嘅雞煲，食完就可以加湯底打邊爐。我朋友係我調教下，由本身完全唔食得辣，到依家已經可以食到少少辣。為左就佢嘅口味，今次我哋叫左BB辣。BB 辣對於我來講太小兒科啦，下次可以試下小辣😆。係我出左去拎飲品嘅期間，主角雞煲已經上台，個度d staff 真係好快手。雞肉好嫩滑，完全唔鞋，而且好入味。好野味香口。我地一人一舊咁，話咁快就食完雞煲開會打邊爐。好難得嘅係，佢居然有西洋菜！我真係超開心🥳！雖然我地係叫左最平嘅餐，但d牛肉完全唔差。鍾意食內臟嘅我，打邊爐必叫牛柏葉，豬紅，豬膶😂最後梗係唔小得要食埋甜品。最估唔到係，居然有抹茶味嘅yogurt!今餐真係好豐富，我嘅減肥大計又要推遲一日。

去到有好多枱，問佢可唔可以要張大少少既枱，佢（經理）話等陣先，坐低之後，發現係冷氣口啱啱好吹到，佢又唔可以較細又唔可以轉枱，坐咗一陣之後（大約10分鐘），附近D大枱都俾咗兩個人坐

忙完一日， 個肚餓到打鼓，好想食啲任食到飽既野. 於是上網搵到依到依間係旺角創興廣場18樓既18樓雞煲，之所以會揀依間係因為個店名幾有趣. 上到黎見到個環境咁乾淨企理，我就知自己冇揀錯. 店內環境裝修好有80年代既感覺，屬於半自助放題既形式，飲料，醬料，湯底全部自助，食物便掃QR code 網上落單，好方便，又快捷.因為食唔到辣野，所以就叫左個走辣既雞煲，但完全唔會輸蝕，汁底好濃，而且好入味，最重要既係舊舊雞都係肉，唔會全部都係骨，冇舊好食.食物既種類都有好多，海鮮，肉類，丸類，蔬菜應有盡有，而且載料的盤全部清一色粉藍色外層白色內隆，比顧客一種企理，整齊同衛生既感覺， 依點值得一讚.最後來一杯乳酪雪糕做結尾，今晚真係大滿足呀！