18樓雞煲火鍋專門店

營業中

休息中

同事說這間好食所以今天下班去試，結果非常失望，服務態度極差，食物質素一般，不會再去第二次。事原是：第一：沒有員工收拾桌面，吉碟放到一枱都係，我哋都好體諒員工食飯時間，因為要放新來的食物，所以我們把吉碟放去旁邊的桌子，但完全是很整齊沒有弄髒，結果有個女員工說我們把吉碟放去旁邊不對，我們只可以和她說沒有人收拾，結果她回應我們的咀臉非常難看。第二：用手機點菜每次只可以20樣，而有些東西是一塊塊的點（例如淮山是一片片的點），每次點菜時間要隔5分鐘，很多東西點了又沒有送來，兩小時內我們只吃了很少東西。第三：說好的食到12點11:30截單，結果11:20已經不給我們點菜，向經理投訴，經理說因為我們已買單，但問題是他們公司要求我們買單不是我們自己買單，跟住經理話攞埋啲嘢食俾我哋，結果都係攞了很少，根本不是我們點的份量。我從來沒有在香港食過一間這麼差的店。

突然好想食雞煲，約埋朋友去呢間餐廳試下。果然冇令我地失望，同朋友食得好飽，好滿足。餐廳提供3款不同價錢套餐，全部都係仼飲仼食，我同朋友就選擇咗最平個個套餐A，有雪花肥牛同特級肥牛任食。~~雞煲叫咗小辣，有半隻雞嘅份量。d雞好入味，肉質好嫩滑。食完雞煲就可以加湯開始打邊爐。~~火鍋配料雖然係叫咗最平個個套餐A，但火鍋配料選擇都好多。有幾款係特別推薦:1.響鈴~~炸得好鬆脆，吸曬d湯，食落脆卜卜，好入味。2.魷魚~~好新鮮，食落好爽口，我地encore咗3次。3.雪花肥牛~~唔會有好多脂肪，食落好嫩滑。4.白鱔片~~好少仼食火鍋會有，因為佢都唔平，食落好爽口，啖啖肉。最後仲有雪糕，係我最中意嘅乳酪雪糕，好好味，唔會太酸，味道啱啱好。仲有配料包括椰果，爆珠等等俾你加埋落去到一齊食。

同事生日想吃雞煲去了旺角彌敦道593至601號創興廣場18樓-18樓雞煲火鍋專門店。室內很寬敞新裝修，環境非常舒服，很多香港地道懷舊招牌做裝飾，每個食區陳列整齊清楚，使人客一目了然。服務員禮貌招待很快雞煲就上枱，辛辣程度任客人喜好選擇，熱騰騰香噴噴的雞煲，色香味俱全，雞煲食材豐富，肉質嫩滑無比，醬汁非常惹味，貼心是每枱上有瓶雞湯，方便吃完雞煲可以即刻打邊爐，二維碼點食材約有數拾款，應有盡有，且快速上枱，特別一讚這店飲品很豐富，名牌飲品和自家製都有，任君選擇，還有數款軟雪糕，滿足感達滿分，好食又抵食。由於我們6時到達此店，限時兩小時要離場，門外已人山人海等位了。

今日同朋友去咗18樓食雞煲，呢間旺角分店都成功租到18樓一講個名就知係邊啦🤣🤣因為重點想食雞煲所以就去咗最普通嘅套餐A啦 ($178 位） 套餐係牛肉上有分別，最普通嘅就有雪花肥牛同特級肥牛🐮🐮揀，貴啲嘅會有安格斯或者係澳洲和牛🙆🏻‍♀️🙆🏻‍♀️ 一入到去就揀雞煲辣度，我地揀左微辣🌶其實冇乜辣味😛😛，等緊煮雞煲嘅時候梗係走去參觀下啦，可以拎醬料飲品😚😚仲可以睇吓佢好有香港懷舊特色嘅裝修添 出邊有飲品櫃除咗一般嘅汽水涼茶之外仲有幾款自家製嘅冷泡茶樽裝可以拎🍵🍵另外就係醬料吧同埋仲有個雪糕櫃🍦🍨，佢嘅菜類都係擺喺菜檔度隨便自取 其他野食就用QR code 可以隨便落單，仲可以一粒粒/一件件叫添，岩哂我呢d 細食又咩都想試既人呀😍😍 二人份量嘅嘢雞煲都一啲都唔小，成煲底滿滿既雞，雞啲味都調得都唔錯，叫咗微辣就唔辣既，建議食食得辣嘅人可以揀辣少少 特級肥牛雪花肥牛兩款牛都各有特色，一款肉味比較濃，另一款就肥瘦相隔，兩個都幾好食，但食完雞煲已經好多肉，就食唔到太多款🤣🤣 其餘嘅火鍋配料多係啲大路嘢，叫左既都幾正常，幾好食🤤🤤同埋冇漏單既情況，黎得好快比較特別嘅就有墨魚滑，萵筍同埋豬大腸，都係其他地

18樓雞煲真係位於18樓👻之前食過荃灣大鴻輝嗰間，感覺唔錯，食物選擇多，質素亦都好好，所以今次再戰，嚟到位於旺角創興同樣喺18樓嘅分店食雞煲🐤正式開餐之前就梗係要整調味料先😙可以按照自己的口味加入蒜末、辣椒、炸蒜粒、蔥粒等先叫咗BB辣嘅雞煲，半隻雞嘅份量都幾多，每件雞都好入味有好多肉，少少辣得嚟亦惹味十足😋食到差唔多就加啲湯落就變成火鍋，每張枱都有自己嘅QR code落單，非常方便！點完冇幾耐啲嘢食就齊晒，都幾快手🤣款式都幾多，尤其海鮮選擇比想像中多，除咗肥牛、羊肉外，仲可以叫牛柏葉、魷魚、魚滑、魚片、蝦、同埋是日海鮮 - 蟶子！全部都係我鍾意食嘅嘢👻菜嘅話就要自己去妹仔菜欄度攞，我哋就揀咗同火鍋最夾嘅娃娃菜🥬飲品方面都有唔少選擇，除咗迷你樽裝飲品之外，仲可以攞自家製飲品，包括冬瓜茶、茉莉茶等，個樽都幾靚👻最後梗係要食埋甜品先走！可以自己用雪糕機整出啱心水嘅雪糕杯😙口味方面可以揀雲呢拿或者原味乳酪味，仲可以加啲棉花糖、爆珠、蘆薈粒同埋粟米片添🤩係超滿足嘅一餐farewell飯💛

呢排成日去staycation食西餐！有啲悶好想食😬辣料理🙆‍♀️其實香港真係非常好😆諗起想食乜嘢就非常方便就可以去😬今次想食雞煲又想打邊爐😬朋友介紹呢間話價錢好便宜🙆‍♀️18樓雞煲火鍋專門店我哋叫咗最平嗰個套餐$179非常超值😬⋯⋯麻辣雞煲麻辣雞煲😬中辣，雞件非常鮮嫩，醬汁非常惹味⋯⋯如果份量多啲就好啦！因為實在太好食😋牛肉有兩款選擇！雪花牛肉和特級牛肉！肉味香濃！豬肉有豬腩片和梅頭豬肉！我覺得豬腩片比較好食😋⋯⋯海蝦呢個一定要食！肉質新鮮！響鈴丶炸魚皮必食推介！非常鬆脆！還有多款配料和飲品任選！桂花烏龍茶丶茉莉綠茶可以解膩⋯⋯仲有乳酪雪糕添⋯⋯

相信好多香港人都有食過雞煲，亦有人會試過食完雞煲，再食火煱，火煱配料每樣計錢，其實好貴😅😅😅。但我就確實俾百幾蚊，可以在兩個鐘內享受“雞煲🐔+火煱🍲+放題🥬🥦🥩🥓🦐🦑🍢🍠🍜🍄🧁🥤🧋🧃🫖”3種滋味，話明放題，大把配料任點任食。。。係！！！，你確實無聽錯。。。一個字，“爽”呀🥰🥰🥰🥰！食完雞剩下精華加埋上湯，非常和味。再打火煱。食材吸收左雞汁嘅鮮味。真係好正。火煱一定要講求配料新鮮，選擇要夠多，如果唔夠多，食來食去果幾味，就太無癮啦！呢度擔保你有幾十款選擇，各式肉，丸，餃，海鮮，蔬菜同“花膠”都有。你話係咪好正先。成張檯都擺唔落呀！必點必食之選🌟🌟🌟🌟🌟： 蝦（超級新鮮），雪花肥牛，羊肉，脆肉鯇魚腩。✌✌✌✌我仲點左特級肥牛，牛柏葉，梅頭豬肉，豚肉，白鱔片，海鮮（聖子），蒿荀，山藥，菜，鵝腸，豬大腸，魚皮，芝士丸，豆腐芝士丸，墨魚鬚，厚身花膠，蓮藕等等。。。。。。實在太多，原諒我實在試唔晒。🙇‍♀️🙇‍♀️🙇‍♀️飲品選擇亦多，火煱味燶，我個人就非常想一邊火煱一邊飲茶。呢度有“18樓雞煲”，本店自家製嘅“桂花烏龍茶”，同”台灣冬瓜茶”。桂花清香烏龍味比桂花味濃，淡淡的，簡直一流。未講完，仲有綠茶

🍴上18樓食雞煲啦！在網上看到18樓雞煲有頗高評價，一於與友作伴到創興18樓試試雞煲放題。雞煲店按食物品質及種類多少定了A/B/C餐價格，我們選了B餐-美國安格斯牛肉套餐 $218 ，套餐可任點任食120分鐘，食物包括美國安格斯牛肉、扇貝、蝦滑、丸類、蔬菜及海鮮等。雞煲小辣已非常惹味，當然雞煲味道一開始也是偏咸一點，待雞件吃得差不多時加雞湯，味道便適中了。雞件嫩滑多汁，相當入味，而且雞件入量不少。餐廳採用二維碼，客人掃描之後自行下單，輕鬆又簡單。雞湯則可在自助區自行領取，要隨時加湯亦無難道。📍美國安格斯牛肩脊新鮮富濃濃的牛味，肥瘦均勻，是必點單品。📍基圍蝦新鮮，是日海鮮是小蟶子，感覺蟶子尚欠一點鮮味。📍餐廳的響鈴是一大朵呈綻放的花型，體積大至接近細飯碗碗口，愛吃響鈴的朋友絕對能過足口癮。點了滿桌子的食物，簡直是大快人心，吃得滿載而歸。📍甜品當然不可或缺，餐廳有自助軟雪糕區域，當晚提供了雲尼拿味和乳酪味雪糕。📍筆者挑選了乳酪味雪糕，能成功斟出美感十足的扭紋雪糕，加上喜愛的配料棉花糖及脆脆，十分高興。🔸小總結：餐廳格局明亮舒適，裝修頗有港式風格，由於餐廳需要開較大的冷氣，天花有少許滴水的情

今日約左朋友出黎聚會食野 諗住一路食一路傾 就選左間有120 分鐘的任食雞煲 用QR code 點野食 已經好common 餐廳裝修都幾有港式風味雞煲辣度有好多程度 我選左微辣份量好足夠 兩個人每人應該食到有十舊同埋好惹味 又帶有少少辣味海鮮類野食 份量少少地 唔夠可以再叫諗唔到任食都有蝦滑 正牛肉佢有分3 個價錢等級因為我唔係太鐘意食牛 所以我選左入門版A餐 但其他野食都係一樣任叫響鈴好大個 食一個已經等於出面2-3 個菜類都有4-5 款任拎 烏冬細細地份量 半個左右 唔會浪費最後食埋個乳酪 好滿足

openrice book 8半 所以好快入左座18樓平時食開荃灣果間，人流無荃灣咁多所以出餐幾快，份量都ok，唔洗好快encore冷氣都無好凍每次order只可以嗌2 份野食嗌完要等5分鐘事加單所以overall旺角呢間都唔錯寫字仔食到10點 9點半last order 用安心出行可睿食到12點 11點半last order 2人份量既雞都唔會話小我地揀小辣，但其實都食唔出有辣味所以食唔到辣既都可以揀小辣咁起跳B餐牛肩脊 幾推薦有牛味，色澤夠紅，幾淋牛柏葉同水魷都爽口 新鮮雪糕就有原味乳酪&雲呢拿味豉油配料都係生蒜，蔥，辣椒仔抵食雞保之選

老實講今次系我咁大個仔第一次食雞煲呀, 一食之後原來先發覺呢個雞煲係咁好食㗎, 我叫咗小辣, 呢個辣度剛剛好,會帶出雞嘅香味, 呢個雞啲肉質真係好食, 咬落去好有雞味食完雞煲之後, 我就落咗啲湯落去打邊爐, 呢度火鍋配料種類選擇都算多, 其中豬肉粟米餃, 牛筋丸, 黑椒牛丸, 肥牛,脆鯇魚片, 芝士豆腐, 我覺得大家一定要試下食完雞煲再打完邊爐之後, 可以去食下嗰個雪糕呀, 佢呢個雪糕嗰個綠茶味都好出㗎, 有好香嘅綠茶味呢間餐廳嘅座位, 大部分都係卡位嚟㗎

book 咗二人枱、嚟到門口登記就可以入坐，入坐前門口嗰位侍應問定我個雞煲要咩辣度，我哋揀咗中辣，套餐A:精選美國雪花肥牛地方十分寬躺，環境仲好特別非常吸晴相中由於時間尚早所以仲有吉枱、但轉眼已經坐滿哂一坐低雞煲連同落order 嗰張QR code 單張已經擺咗喺枱上，雞煲份量十足、有麻、香、辣層次嘅口感雞肉夠哂嫩滑呢度嘅放題同其他地方都係大同小異，調味料、飲品、雪糕、蔬菜類同雞湯都係自助式食完雞煲加湯就馬上order 火鍋配料：雪花肥牛同特級肥牛一定唔少得，兩種肥牛都脂肪均勻，肉質鮮嫩鱔片；新鮮鮮蝦；大大隻、新鮮、彈牙蟶子；雖然細隻D，但夠鮮甜鵝腸；唔太多肥膏、有咬口鮮牛；牛肉味濃響鈴同炸魚皮；香脆可口、夠鬆化自家製冬瓜茶；微甜好好飲桂花烏龍；茶味香、唔會太濃

18樓雞煲火鍋專門店👻又係食雞煲打邊爐既時候啦好彩早咗到入座之後陸續愈黎愈多人好受歡迎 樓面夠大都坐滿哂🤣依間裝修好有懷舊既風味仲有啲自助區拎醬料而野飲就分佈係三個雪櫃好多選擇要慢慢睇吓想飲咩😛.🔅地表最強雞煲(套餐A) HKD 178佢有三款餐 全部都係任飲任食不過啲牛既質素會有唔同我地揀咗套餐A已經有雪花肥牛同特級肥牛都夠我地食🤣另外散叫咗好多好多餸🤩最近食少咗辣所以雞煲我地揀咗唔辣不過一樣咁好味啲雞又夠嫩隻汁又夠哂入味好快就清哂再加湯打邊爐🤩野食方面有太多選擇肥牛 羊肉片 牛柏葉 豬紅 豬肚 豬潤 豬大腸脆鯇片 鮮脆鯇骨腩 白鱔片芝士丸 貢丸 墨魚丸 芝士豆腐響鈴 炸魚皮 南瓜 芋頭 粟米 冬菇好在佢每樣既份量都係少少地所以先可以叫到咁多款野😚野飲方面試咗佢既冬瓜茶同埋桂花烏龍冬瓜茶甜甜地咁桂花烏龍又夠清解渴仲有佢個自助乳酪雪糕有抹茶同原味當然要食兩溝啦🥳整體黎講：抵食雞煲 好鬼滿足😚.🎈18樓雞煲火鍋專門店 (旺角)旺角彌敦道593-601號創興廣場18樓

疫情開始舒緩了...終於可以搵朋友出嚟聚下舊約食飯😋二話不說就book咗呢間（18樓雞煲）想搵達地方坐得舒服啲呢度又大又寬躺又靚仔👍聽講呢度啲雞煲仲好好食添😋即時叫職員點左個雞煲，嚟到醬汁啲味道非常之濃烈啲雞好入味非常之唔錯👍之後可以加湯再點配料，呢度醬料係自助形式可以喺出面俾你慢慢混醬🤭打邊爐呢度配料有好多選擇例如有炸魚皮，響鈴，牛丸，墨魚丸，蟹柳，八爪魚等等.....仲有可以選擇靚牛食👏🏻👏🏻呢度仲係因為疫情關係蔬菜類佢會放喺大雪櫃裏面非常之衛生同細心😊飲品方面有兩個大雪櫃好多選擇，但我個人就比較鍾意呢度自製嘅18樓烏龍茶😊👏🏻👏🏻👏🏻

都多環境幾好飲品選擇都多但係茶類就有啲水，旺角依間好多靚仔服務員😂已經食過好多次辣到方面啱啱好味道重口味鍾意食雞煲可以去試價錢都OK學生哥可以去試平靚正服務都幾快