18樓雞煲火鍋專門店

營業中

休息中

一班朋友出去食飯最啱就係食任食火鍋，但係而家嘅任食火鍋質素參差，真係好驚中伏😕 今次有個住荃灣嘅朋友介紹一間叫18樓嘅雞煲火鍋放題俾我哋，價錢非常抵食，由17x到25x不等～最得意嘅係18樓雞煲無論係荃灣定係旺角分店都真係喺18樓，又幾有心思喎🤣一坐低就先嗌左個雞煲先，我哋揀咗小辣，雞煲好快就上嚟，佢嘅雞煲醬都唔錯，有少少麻辣味，啲雞我哋煮咗一陣都仲好滑👍飲品方面佢除咗一罐罐嘅汽水同檸檬茶之外，仲有自己浸嘅冷泡茶，桂花烏龍好好飲好香！肥牛方面就真係太肥，我自己就麻麻哋～不過佢嘅白鱔同滑牛都唔錯！佢有另外一款牛肩肉，比起肥牛就有口感好多，不過都係偏肥所以我都唔係食咗好多塊～羊肉就不過不失，幾有羊味同埋口感唔錯～成餐最令人驚喜嘅就係佢嘅海中蝦，淥完之後係好易甩殼，好新鮮好甜呀！最後雪糕方面佢都有兩款軟雪糕揀，分別係綠茶雪糕同埋乳酪雪糕～兩款都試咗都好味，仲有好多配料俾你加添！以呢個價錢來講佢嘅環境都算企理，食物質素又唔錯，絕對會再幫襯呀✨

今日去左旺角食雞煲，平平地揀左一個套餐A $178加一，已經有基本嘅雞煲，肉類，海鮮等，潮流興本土文化，餐廳設計就睇得出放咗好多心機，將好多香港特色呈現出來，而值得一讚嘅係，枱與枱之間好闊落，比起其他餐廳坐得舒服之餘，食都食得爽啲。雞煲好多人都食過，但呢度個雞煲真係好夠味，口感都唔差，完全唔需要點豉油都得，色香味俱全，份量都足夠，幾個人食都唔成問題。食完雞，就係時候落單食火鍋，上湯一早就預備好，另外上菜速度都好快，基本上唔洗3分鐘就送到，真正做到快靚正，另外仲有幾款蔬菜比大家揀，包有一款岩大家。而食物方面，都唔需要擔心質素問題，即使係任食都好，都睇得出食物都好新鮮，不論肉類定海鮮，都令人滿意，加上飲品類又多選擇，性價比非常高，值得推薦。

成日都有條癮想食雞煲，啲人嚟到旺角，揀咗黎呢間18樓雞煲，食完雞煲再打邊爐真係人生一大享受！我哋揀咗食呢一個餐可以有肥牛同埋是日海鮮食，是日海鮮就係蜆！佢既肥牛我覺得質素都幾好！食落都好有牛味！講番個雞煲先，佢個雞煲份量都唔少，食到咁上下就可以自己加湯打邊爐，佢啲湯汁其實本身加埋雞煲汁都夠晒味，唔使另外再落調味料都得！另外佢去仲有醬汁同埋菜仲有飲品喺出邊係自助嘅～當然唔少得有雪糕店啦，雪糕仲有軟雪糕同埋乳酪雪糕揀！雪糕係綠茶雪糕，綠茶雪糕真係超有綠茶味超正！乳酪雪糕就夠晒酸味味，食完就可以再食多少少嘢，因為夠晒開胃！佢嘅飲品都有好多唔同嘅種類，有無糖茶我覺得呢樣嘢最重要，因為打邊爐有陣時都好口渴要飲好多嘢，如果係咁飲汽水就太甜啦～我哋都叫咗好多嘢食去一齊打邊爐，有響鈴、炸魚皮、豬紅、海蝦、丸類、稻庭烏冬等等！佢嘅烏都唔係普通人烏冬我覺得似係稻庭烏冬嗰隻，唔會話好易煮到林晒～佢嘅海蝦都係非常之出色夠晒彈牙！ 真係想快啲再encore多次！

今日同朋友聚會，佢就推薦呢間雞煲俾我，話百零蚊就可以任食，幾抵咁呢間就位於創興廣場嘅18樓，名叫18樓雞煲，好似改名有啲求其又幾隨意，但好奇一問之後開新店咪一定要18樓先得？入座嗰陣佢就會問定你雞煲要咩辣，咁我哋就揀咗微辣啦，食落其實唔辣，只係多咗少少麻辣，偏鹹，但加左湯黎打邊爐就唔係好夠味，所以推薦大家揀小辣以上，加完湯就會夠味d咁落嘢食就用QR code，我哋今次係嗌咗最平嗰個雪花肥牛個套餐 ~$178@1person 咁牛就得兩三款 但其他肉，丸都有好多選擇，所以都夠，包保你食得飽啊！菜，醬料，甜品，飲品都係自己出去拎嘅。飲品方面有罐裝，支裝，同埋自家製茶膠杯裝，都係自己出去拎。特別要提嘅支裝飲品有香港製造嘅鴻福堂抵啊！最後要食甜品啦，甜品係yogurt，咁呢次就有綠茶味同埋雲呢拿味，水準同出邊買嘅差唔多服務方面，上菜速度好快，而且會有人keep住幫你收走唔要嘅嘢碟，唔使驚張枱冇位擺

18樓雞煲確實係響18樓！一入餐廳就已經感受到超惹味嘅雞煲！入座後好快就送上雞煲，我地二話不說就爭取時間落單。店員一開始幫我哋較左保溫。我哋就覺得啲雞要煲熱啲先好食，不過太大火都要小心啲汁彈出嚟啊！勁多野食揀呀！我地個套餐就主打雪花肥牛同特級肥牛。但其實basic個餐已包好多不同款嘅肉類丸類同海鮮類，應有盡有！野飲就自己出去拎。我就覺得食雞煲配清熱檸檬飲最好，中和返！食到最後仲可以去擠乳酪雪糕，有原味同抹茶味。值得一提嘅係呢到嘅裝修，似街市入面嘅熟食中心或大排檔格局，七八十年代嘅風格，別有一番風味！

雞煲係中學大學嘅回憶！成班friend一齊去食雞煲食到成陣味～其實一入呢幢大廈就已經有嗰陣味🤣見呢度開咗間新餐廳食雞煲，就約返班朋友嚟食！呢度裝修好特別，係懷舊嘅特色，有啲似妹記大排檔嘅裝修風格，坐得都幾好。乾淨企理。平日去基本上都唔使等位，但係都幾多人食！限時兩個鐘，我哋嗌左每人$178精選美國雪花肥牛個款。掃QR code落單，好方便。一坐冇耐就上雞煲，之後佢自己加湯開始打邊爐。食物款類好多，牛肉雞肉豬肉海鮮丸類蔬菜類等等，但要隔4分鐘先可以落一次單 同每次最多叫20碟😂嘢飲都係任飲，除了啤酒🍻要自費。佢呢度都有凍茶，而且仲有冬瓜茶！最好嘅係佢呢度嘅冬瓜茶唔會太甜呀！食飽完仲有雪糕yogurt, 有椰果、爆爆珠、棉花糖等配料。

今晚收工約左朋友係旺角食飯, 次次問佢食咩都係話食雞煲咁就睇下附近有咩雞煲好食, 之後就去左創興18樓喇一入到去覺得呢度既裝修好有心思, 好有香港特色入黎既時候已經揀左少辣, 坐低左之後職員就比左個QR CODE我地掃瞄落單飲品係自取既, 有汽水, 解茶, 仲有自家制既桂花烏龍等等唔同既茶類雞煲黎啦, 個醬汁味道唔錯, 雞好滑亦都好入味牛有兩款, 雪花肥牛牛味較濃, 特級肥牛油脂較多較香, 兩款都唔錯是日海鮮係沙白, 沙白肉脹卜卜同好鮮味蝦都好新鮮, 蝦肉好彈牙鮮甜除左牛之外, 佢每樣火鍋料都有2件, 份量啱啱好, 咁樣可以每樣試下又唔會浪費, 非常好芝士豆腐同墨魚滑都好好食呢間雞煲店真係唔錯, 除左主打既雞煲之外, 火鍋料質數都幾好 另外仲有原味乳酪, 仲有好多唔同既配料, 食完一個滿足既正餐仲有乳酪食飯後甜品真係PERFECT池呀

男朋友突然話想打邊爐同食雞煲，於是帶左佢去旺角呢間雞煲放題，一入到去，佢個環境比一般嘅放題地方乾淨，之後佢就會問你要咩辣雞煲，因為男朋友唔係食得太辣，我哋叫左個微辣，雖然微辣但雞煲個味道非常濃烈，而且雞肉多過骨，每舊雞都非常入味，食完雞煲之後我地就加湯打邊爐，佢係電話掃QR code落單，邊爐個材料都非常齊，一般嘅丸類、肉類、海鮮類、蔬菜類都齊曬，最令我印象深刻係佢個蝦滑，份量小小都非常新鮮，另外佢每日都有一種是日海鮮，當日我哋嘅海鮮就係蜆，啲蜆非常新鮮而且一啲沙都無，另外一樣就係，佢啲肥牛，雖然係任食，但質素一啲都唔差，唔會脂肪多過肉，我哋都叫左起碼六蝶，再者我最中意就係佢個水魷魚同埋鮮魷，兩樣都鮮味十足，蔬菜類方面，佢嘅淮山非常吸引我，打邊爐食淮山真係冇得輸，又有益又好食，最後要值得一提佢嘅嘢飲方面，除咗一般嘅罐裝飲品之外，仲有佢嘅自家製飲品，佢有冬瓜茶同冷泡茶，我試曬咁多種之後，最中意佢個冷泡茶， 佢個冷泡烏龍茶茶香十足又夠凍打邊爐飲一流，而冬瓜茶令我最有驚喜係佢唔係好甜，整體而言一定會再去食👍

下班後約了朋友一起吃晚飯兩人突然想吃雞煲朋友找來了這一家任食2小時的 — 18樓雞煲便一起來試一試有ABC餐可以揀 我地今次決定試A餐環境寬敞又舒適地表最強雞煲選擇了小辣 但已經夠惹味吃得辣的朋友可以在選中或大辣其後打邊爐會愈煮愈辣雞肉肉質和味道也挺不錯的還加入洋蔥和辣椒等一起炒味道十分香 難怪是地表最強特級肥牛吃下去牛味香濃 肉質軟綿海中蝦 蜆肉蜆和海蝦都很新鮮肉質彈牙 味道鮮甜 任點真係好抵呀炸魚皮 山根 響鈴三款都香脆好味浸一浸湯底就食得 不錯不錯牛栢葉吃下去爽口陣牙鮮菇蔬菜都很新鮮 營養又健康有林林總總不同的配料可以任點 正飲品區揀左冬瓜茶 本身好驚似糖水咁點知依款自家製唔會太甜 岩岩好

成日都好想食雞煲又想打邊爐，就會嚟18樓雞煲，一次滿足晒2個要求😋，抵食又過到癮，環境靚過荃灣分店，懷舊香港+霓虹燈style原來宜家改左menu,分左3種牛肉level ,又冇得無限加雞，有啲sad.... 唯有自己叫下雞件加入去炒🥲 今次間左level2 好少少啲肉+海鮮放題，1900離座就$198加一 weekend再加$10，～$250連加一一位最正係一開頭嚟係雞煲，小辣嫌唔夠辣，之後加湯打邊爐會較淡味，建議食到辣可以叫中辣以上，甘打邊爐都可以唔洗沾醬食；雞嫩滑，雞煲醬味、洋蔥味突出，好食再介紹下呢個牛肉係牛頸脊，係任食邊爐較少見，爽滑多汁；其次就係最愛嘅西洋菜🤤，打邊爐必食；仲有一排冰凍飲品可供選擇，抵食

旺角雞煲之前係荃灣食過18樓雞煲估唔到原來旺角開左分店 一早book定去encore呢間分店裝潢設計行懷舊風枱同座位嘅空間都好闊落啱曬打邊爐放滿一碟碟揀左套戲A精選美國雪花肥牛一嚟梗係雞煲上先雞煲一上staff就幫我地撈勻整好曬唔洗2分鐘就可以起筷雞肉嫩滑配埋小辣食落幾野味又香口食完雞煲就自己加湯打邊爐火鍋自己scan qr code 落單勁快就上牛有雪花肥牛、特級肥牛、滑牛肉、五香牛腩揀薄薄一片滾2滾就食得食落質素都不錯 好有牛味食到不斷加單仲有海鮮、花膠、各類丸、鵝腸、鴨血、梳菜、山根、響鈴非常之欣賞佢嘅手打墨魚滑十分新鮮同入口極彈牙佢自家製嘅冷泡桂花烏龍茶同茉莉綠茶真係冇得頂 食完雞煲同打完邊爐食埋yogurt就滿足曬！

今日心血來潮去食久違嘅雞煲火鍋 ，一看店名覺得老板好用心，店如其名，就開在18樓亦專做雞煲火鍋，直接得來好洗腦。值得一讚，店好貼心，上雞煲前辣度有得揀，煲來時連二樽濃雞湯一起來， 方便食完一輪雞之後不用再找店員就可直接加湯打邊爐。見天口㷫唔想食辣所以今次揀左唔辣，以為味道會單一D，但都好有層次，味調得好好，雞醃到入哂味，肉質滑又唔嚡。QR code點菜便捷，很多款式揀，火鍋常見的食材都有，出單準且快。 雞煲嘅份量唔少，所以我哋今次就專攻海鮮類。鮮、爽、彈牙有脆肉鯇片同較少見的鱔片，後者仲要大大塊，驚喜異常。最開心仲有全無魚腥味浸得好稔軟嘅花膠，入囗黏黏的全是骨膠原。今餐值回票價。蝦又爽甜，蛤又美味，我們忍唔住 enncore左三四轉掛住食都冇點樣影相添。有一小插曲，在選單上，我們說蓮藕片、淮山、粟米片、秋葵等等都有，唯獨綠葉菜無，正發愁。去取飲品時才見足足有六款菜(菜芯、西洋菜、娃娃菜、生菜、A菜、另一款忘了在凍櫃內任取，想要多少自取便可。最後不得不提，店提供的眾多飲品中，桂花烏龍真合我意，好飲，全晚只飲它不作他選。

今日同朋友撐枱腳，想食得豐富少少，所以就想揀放題類嘅餐廳。依間雞煲最平$178任食，算係幾掋。雞煲喺坐低後好快就嚟咗，店員會幫我地再煮煮佢。我地點咗bb辣，覺得啱啱好，唔會真係好辣。D雞醃得夠入味，肉質好嫩滑，而且d雞都係啖啖肉，兩個女仔食都有少少食唔哂呢。雞肉食得咁上下我哋就開始點下啲配料。可以坐喺個位度用手機點真係好方便。最欣賞嘅係佢每一個配料嘅份量唔係好多，可以試多啲唔同嘅款式又唔使浪費食物，亦都係因為份量少嘅關係所以比較精緻d。就好似肉類咁樣，都見到佢係新鮮同放得好整齊。素菜配料好似係萵筍呢啲比較特別嘅都有。手打嘅墨魚滑好彈牙，有再encore。食咗一輪覺得最鍾意嘅係鯇魚同白鱔啊，啖啖魚肉。出面亦都有蔬菜可以拎，有啲好似便利店自助式嘅感覺。又幾新鮮乾淨喎。最後食埋個frozen yogurt, 好耐冇食過啦，感覺好滿足。

是日晚餐係同中同食邪惡嘅雞煲🐥🥘雖然夏天先黎食雞煲，但呢間野真係做得幾出色，連平日夜晚都坐滿人。真係位於18樓嘅18樓雞煲，地方都幾寛敞乾淨，啲裝修幾又得意。我地唔太食得辣，於是order左微辣雞煲。淨睇色澤都知個雞煲有幾足料，雞煲愈煮啲花椒八角味就愈黎愈香濃，好惹味太好食了差唔多食晒啲雞就落湯打邊爐了。點左around 10款野食左右，menu大多邊爐料都唔洗加錢的，除左一般丸呀肥牛呀，仲有海鮮都係任食。份量佢會預一人一份，我覺得幾好，岩晒我呢啲眼寛肚窄嘅人，唔怕一野黎太多會食唔晒。初初睇menu以為點解咁少菜揀，跟住發現左原來有個菜櫃好整齊咁擺好晒比食客自己去拎，呢個安排好衛生同埋啲菜都keep到好綠雪花肥牛雖然我地只係揀唔洗加錢果款，但又估唔到比預期中靚喎！另外好驚喜係佢有得嗌秋葵，仲要係好大的一條呢～仲有佢啲粟米又係好好食🌽太耐無食雞煲，今餐肥得抵

✿╮❤╭✿✿雜感女生   好味日記✿˚*•✰。T18樓雞煲．雞煲真心正。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤放題已經很久沒吃心血來潮去了吃雞煲這家雞煲非常多人我與朋友都等了一陣才入去 格局乾淨衛生蔬菜都放在雪櫃自取飲品選擇多，除汽水、涼茶外，有自家製冷凍香茶 任食軟雪糕台台都有人未食飯先食雪糕味道也真的很不錯 雞煲之味力絕對強大可以選不同辣度適應不同辣辣子我們要了小辣份量又多又大厚肉多醬又入味肉質絕對新鮮好吃非常推薦來吃雞煲雞煲雞煲   之後加湯任點豐富打邊邊美食有新鮮蝦、墨魚滑、肥牛、豚肉、羊肉更有花腸任食味道都是新鮮，水準高質再加上所有食物上台乾淨衛生所以食得很放心 對天天加班的人而言找個周末放鬆一下又何妨？這家店子原來早已火熱引來客人無數一定要緊記提早訂位