18樓雞煲火鍋專門店

營業中

休息中

呢間雞煲之前已經喺荃灣食過一次，開到旺角之後都係第一次食，食物嘅質素都仲維持到，值得一提嘅係佢成個場都裝咗好多唔同嘅打卡位可以俾大家影相。當日係平日去食都爆曬場。雞煲嗌咗小辣，一上枱叫咗啦到之後5分鐘都唔夠雞煲就已經嚟到，店員會幫你上台之後撈兩撈雞煲就食得。雞嘅份量比想像中少，不過就啖啖都係肉唔會有太多骨。個雞煲汁味道偏鹹唔會太辣，入面都有好多芫荽洋蔥花椒等等。小試兩啖之後就可以正式打邊爐，對於食啦唔係太多嘅我都幾滿足。我就平平哋揀咗套餐A，牛肉方面比較推薦特級肥牛，肥肉嘅比例冇其他咁多可以食多兩舊都唔會咁肥膩。呢個套餐雖然係最平嗰個但係牛肉都算放得落口唔會話冇牛味或者係太難咬，都算係對得住個價錢。其他配料方面水魷魚同埋墨魚滑都值得食。水魷魚都幾新鮮放落去之後唔會話太快老晒，非常之易咬。墨魚滑方面都幾爽口同埋重魚味。另外炸魚皮都係必食之選，上枱嗰陣仲係脆卜卜就算擺咗一陣之後都唔會淋曬，放落個湯嗰度浸一浸即刻食啱啱好。其他食物嘅質素都算係不過不失。完全對得住個價錢樣樣都食少少。飲品方面除咗罐裝飲品之外仲有唔同嘅樽裝茶，茶味清香可以消除打邊爐嘅油膩感。最後職員嘅服務態度唔錯，上菜嘅速度非常

琴日同朋友去左食雞煲，創興呢間超級抵食，我地揀左PlanA，包左2款肥牛同埋其他基本配料～ 其實都已經好夠飽🤩 黎呢到最主要當然係要食雞煲！我地揀左小辣，雞煲醬汁超惹味，啲雞都幾滑嫰、撈埋啲汁真係好正！食落都唔會太辣～ 不錯不錯！食完雞煲後，可以自己加水，然後就開始打邊爐啦🥳😋 我地嗌左成堆肥牛🤣肥牛薄片咬落都幾肥美，肉質唔會韌！放題黎講質素都算唔錯～🫕 基本上講得出既配料都有！值得一試既有響聆、魚皮同埋芋頭條🥰最後食返杯雪糕作結，當日有雲尼拿同乳酪口味，食落冰感偏重，味道都唔錯！我仲encore左2次🤣🤣另外佢都有好多款唔同既飲品，大推冬瓜茶！飲落甜度岩岩好，桂花烏龍都非常香～

有人話打邊爐係最能夠代表到香港甚至係廣東嘅飲食文化，可以同三五知己坐低一路食一路傾，梗有一款美食啱自己口味。今日就嚟咗呢間裝修充滿香港地道特色嘅邊爐舖，一坐低就俾琳琅滿目嘅霓虹燈同舊式店舖裝飾吸引住。菜檔、卡拉OK、滿座戲院……傾傾吓雞煲已經準備就緒啦我地都算好早黎，過多半個鐘到就已經食滿哂咁制了。因為朋友唔食得辣，所以雞煲我地完全走辣，本身雞煲已經有七成熟，我地開火熱一熱佢再等一陣就已經可以食得，係等緊既同時，我地都迅速咁行左一個圈，拎左想飲既飲品，估唔到雪櫃都有好多款式既飲品簡，除咗平時比較常見嘅汽水、竹蔗茅根同忌廉溝鮮奶之外，我哋高度推介18樓雞煲自製茶飲，冬瓜茶烏龍茶茉莉綠茶，選擇琳琅滿目。雞煲份量好多，按人頭分配，入面有好多雞件，而且舊舊都好多肉同埋每一舊都醃到入哂味，雞肉又滑，好值得比呢個價錢。而食到咁上下可以自助加湯打邊爐，加左湯既湯底都仲好濃，唔洗再加其他調味了～到食到邊爐，餐廳點餐自助式，係用QR Code點餐，真係好方便，唔洗好似傳統咁要寫紙又要等落單，落單後唔洗五分鐘就已經上菜，真係唔洗曬時間等。 材料方面，打邊爐既常見食物都有、肉類有齊哂豬牛雞羊，岩哂咁多人口味

好耐無食依D任食火鍋，今日就同幾個朋友去圍爐，雞煲叫左中辣，完全無味道，中辣又唔辣，之後加湯打邊爐，又話有好多湯底選擇，點知就只係得一種湯，試下D肥牛諗住會好D，點知完全無牛味落單個System好差，要一件一件咁點，我地叫左8塊餐肉，佢就只係黎左兩塊，278一個人再加一，其實都唔係特別平唯一可讚嘅係飲品種類都好多，啤酒任飲都係好事，職員都好勤力，成日都會過黎收碗碟，環境同裝修都特別嘅

最近同朋友口痕想打邊爐，就嚟試下呢間雞煲任食火鍋，一次滿足兩個願望💕我哋揀咗套餐A，過下口癮。每位$188加一。呢到環境比想像中闊綽同乾淨。都留意到呢到裝修花了不少心思，加咗好多舊香港元素👍🏻好特別個場超大，我哋平日嚟食都坐滿左，可見幾好生意。點餐形式就係掃QR code落單，都幾方便，同埋唔擔心會漏單。嘢食方面比想像中多花樣，平時打邊爐嘅食材大多數都有💕🐓 雞煲一坐低就食咗雞煲先，雞煲上菜時熱辣辣，職員會幫手攪拌。味道偏甜，唔會太辣，都算惹味😌🥩肉類佢有特級肥牛同雪花肥牛揀，個人覺得反而覺得雪花肥牛好食啲，特級肥牛肥位太多。個人覺得羊肉都不錯👍🏻🦐海鮮都有唔少海鮮可以揀，例如花膠同大蝦，我哋仲叫咗是日海鮮，當日係蟶子。蝦喺同類型任食火鍋來講都好大隻，蟶子都好新鮮，呢個價錢來講性價比高👍🏻🥤飲品就咁睇都有10-20款飲品，汽水、添加糖飲品/無添加糖飲品/茶類都一應俱全，都真係好多種類👍🏻不過如果想飲啤酒要另外加錢。佢有另外兩款手沖茶飲，桂花烏龍同台灣冬瓜茶，個人覺得都幾高質。冬瓜茶有少少甜但好開胃，桂花烏龍就適合啲唔鍾意飲甜嘅朋友😌整體黎講呢個價係任食火鍋中性價比都好高，食材高質，超多

Happy night enjoying chicken hot pot with my friend🥰Have been to the Tsuen Wan branch before and it’s also on the 18/FHope there are enough 18/F available so they can expand their business 🙊Lets talk about the environment first,Newly renovated, they have “old Hong Kong”cinema theme around the restaurant with neon light stands which made it quite cool. Bright enough that you feel clean👍🏻And the food!!!!definitely not expensive for an all-you-can-eat hotpot and the quality of beef are also unexpec

今天晚上我和朋友們一起慶祝老公的生日，我們總共五人，為了大家可以坐在同一張枱，所以便尋找一些 C類的餐廳，最後我們便選擇來到這間雞煲餐廳吃晚餐，相隔這麼久今次終於可以五人一枱了！餐廳有三款套餐，分別是 A、B、C餐，全部都是任飲任食，當中有些食物會不相同，而我們則選擇了 C餐，因為可以無限享用美國安格斯牛小排和澳洲 M5和牛肩卷，作為「牛魔王」的我們當然要嚐試一下No.1【雞煲】雖然雞件的肉質不算特別嫩滑可口，鮮美多汁，但是它的特製醬汁卻非常出色，即使我們點了微辣，但實際上味道仍然頗辣的，每一口都相當香辣惹味，有滋有味，讓人垂涎欲滴，食指大動No.2【美國安格斯牛小排】由於牛小排的油脂含量多，所以肉質非常柔軟嫩滑，鮮美多汁，同時牛肉味亦十分香濃，細嚼慢嚥的時候，鮮甜無比的肉汁便立即傾巢而出，在唇齒間留下一絲絲濃郁的牛肉氣息，肉汁四溢，滋味非常，口感豐富而飽滿，讓人陶醉其中，難以忘懷No.3【澳洲 M5和牛肩卷】對比起油脂飽滿的牛小排，和牛肩的脂肪比例便相對地較小了，但是它的肉質卻一點也不粗糙，口感和牛小排一樣這麼嫩滑可口，緊緻彈牙，而且畢竟是 M5和牛的質素，所以它的牛肉味亦更為濃郁醇

雖然依家仲係夏日炎炎，但仍然無阻火鍋團嘅定期開團聚會😆今次我地揀咗一間放題雞煲火鍋，「18樓雞煲火鍋專門店」又真係喺18樓喎，今次哩到位於創興廣場嘅旺角分店，7:30已經全院滿座，而且在場等候嘅人群亦不少，記得先訂座呀😉「18樓雞煲」提供3款任食套餐供選擇，最大分別係牛肉嘅種類同有多幾款海鮮，豐儉由人，另外可用QR code 落單仲有數十款丸類、肉類、蔬菜等火鍋配料可選擇👍🏻入座時店員已經先問好雞煲嘅辣度，所以當你入座時已經差唔多可以上鍋，小妹今次揀咗少辣，辣度適中，醬料甜甜辣辣又帶點麻香，之後加上濃濃雞湯打邊爐仲夠味，我地全程都無拎過醬油碟都好夠味👍🏻雞煲份量會按人頭分配，而且份量都唔少食完都飽咗三分一啦🙈雞件滑嫩掛滿微辣醬汁，惹味香口😋火鍋配料方面有數十款可供選擇，除咗係QR code 落單外，仲可以係出面嘅「妹仔菜欄」拎新鮮蔬菜🥬套餐A 已經可以有雪花肥牛同特級肥牛任食，牛肉雪花感都唔錯，薄切牛肉碌幾秒就食得😋另外大推養顏花膠，成隻手掌咁大塊，煮到軟綿綿，厚肉底仲膠質滿分💯

18樓雞煲嘅旺角店位於創興廣場，就算閒日都非常旺場，七點半黎到都等左二十分鐘左右。晚市正價時段（即1900-2129入座）由$179（套餐A）起，豐儉由人，我今次都係平平地食A餐，每位唔洗$200，非常抵玩。先食雞煲後打邊爐，食開譚仔小辣點左個中辣煲，辣度剛好，醬汁非常濃郁，惹味得黎又夠香辣，當然雞件都好入味啦，雞嘅呎吋比較細，但for任食反而較好，可以留返個肚食其他野。餐廳行Digital，全部用APP落單，都幾方便，介紹清晰易用，豬、牛、羊、海鮮、蔬菜、麵食等等分好曬類，落完單五分鐘內都陸逐送到，快，靚，正！百幾蚊都超多選擇食唔曬...重點推介任食雪花肥牛（左）及特級肥牛（右）：雪花肥牛嘅牛味較香，脂肪較少，所以肉質無咁滑；而特級肥牛嘅油香比較豐富，牛味適中，個人比較偏好後者。豬肉都較類似上述對牛嘅評價，頂級梅頭豬肉（左）嘅肉味較重，但油花少，肉質無咁滑；而西班牙黑豚腩片（右）脂肪比例較高，味道及油香較為平衡，各有優勢。海蝦都係任點，都幾新鮮，肉質爽彈，自己去街市買都要$88+/斤，點都要食多幾隻唔好蝕。腐皮控食響鈴、山根呢啲就係必然，雖然味道無咩特別，唔係鮮炸，只求過癮，不求回本

假日時黎過想食，但因為無訂座等候時間太耐，放棄左。所以，平日放工再叫朋友陪我黎食。當日係黎到果時係7點左右，人就唔算多，坐左一半，所以黎到即刻可入坐。但到左八點左右，人就越來越多，坐滿左，仲見到門口有人等緊位，真係好彩黎得早。選擇方面，揀咗套餐A（$188一位再加一），呢個價錢就正常價，但質素相比其他屬高。首先，雞煲係好入味，我就叫左中辣，覺得適中，唔算太辣。另外，佢有好多其他雞煲店無既野食，例如：豆卜釀肉，黃金地瓜球（呢個好好食，叫左好多轉😋），滑牛肉（好嫩滑，要叫）😋飲品方面，佢既選擇都好多，而且仲有鴻福堂嘅樽裝嘢飲，呢個真係好讚，又有冬瓜茶，呢個價錢其實食到呢個質素既野食真係高CP值了甜品方面，自助雪糕機呢啲基本野佢當然都有啦，佢就有乳酪味同埋雲呢拿味嘅雪糕。兩款都可以既。服務方面，上菜同埋收野既動作好快，員工不時會睇下有冇需要幫手，呢個真係唔係間間做到。

好耐無食過雞煲，成日都掛住雞煲打邊爐，今日終於同fd嚟18樓雞煲止止癮！ 一上到嚟見到環境裝修都好靚，座位都唔少。佢有三個套餐可能，主要分別在於打邊爐嘅牛嘅種類款式同埋有啤酒任飲，我哋就主要為左個雞煲而來，就揀左個A餐！上菜速度十分之快，呢度食完雞煲係可以任飲任打放題打邊爐嘅，呢個舉動幫人慳足時間，真係可以比你食足兩個鐘，個雞煲真係好香，夠麻夠辣，越食越開胃，啲雞食落好嫩口，一啲都唔鞋，完全食唔出有冰鮮嘅感覺！食完個雞煲加湯打邊爐，打邊爐嘅野食都唔少，應有盡有，我哋隨便點左啲丸，海鮮同埋牛肉試下，啲蝦真係十分新鮮，食落仲彈牙嘅，牛肉雖然就唔係其他餐戈啲貴價牛，但質素一啲都唔輸蝕，好有牛味！其他就不過不失。同場所有飲品都係任飲，食完仲有個甜品站可以擠雪糕式乳酪，呢個價格食到咁多野物超所值！

個個都話要移民，同人farewell 必選18樓雞煲。看着霓虹燈的招牌counter 就覺得這處的裝修和食物都好有香港特式。最緊要係乾淨企理整齊，廁所都好乾淨。 香噴噴熱辣辣雞煲，今次叫小辣。 辣度鹹度剛剛好，雞件滑一滑。不得不讚這裡的湯頭，在靚湯處已預備好一jar jar. 個湯頭好甜，撞落微辣的雞煲， 真係best match. 想辣d就加少d, 想甜d就加多d. 好欣賞依度用電子落單+ 疊得起的盤，真係貪心叫多左都有位放食物。 飲品竟然有一支支的冷泡茉莉綠茶，消滯之選。 行埋去拿菜真係好開心，就好似拿住個盆栽，感覺寧捨新鮮。有西洋菜，生菜，油麥菜，娃娃菜，菜心苗。全部都係我最鐘意的菜，一盤盤好似自己種咁，好開心呀～ 基本餐就有這兩款牛，都好好食。其實仲有其他靚牛例如牛肩脊我地唔捨得加錢食。至愛港式手工響鈴，好多時出去食火鍋我都係為左食依個手工響鈴。真係無諗過依度任食係任叫。值回票價。 魚皮都相當正。 花膠成個手掌咁大塊。補補骨膠原。 這裡海鮮都好新鮮。d 蝦大大隻同脆肉環都好新鮮。是日海鮮係迷你聖指，墨魚滑必食，仲有萵苣同秋葵，這兩款菜真係唔係度度有。 好啱香港人口味的雞煲聚會推

有個朋友無啦啦話想食雞煲，印象中上次食過呢間唔錯，傾左兩句就成行。呢間鋪第一次黎，地點都算方便，地鐵行5分鐘就到，門口哥哥好用心安排，早到左都有得入。入到門口已經聞到雞煲既香味，急不及待叫左微辣雞煲，呢到既裝修好有HK STYLE, 周圍行下拎下野似，冇耐個雞煲就已經到。一食落口就感覺到久違既味道，雞肉夠新鮮，配搭埋各種唔同既配料，麻辣惹味之餘又冇失去雞肉本身既味，認真好食！好快d 雞件俾我地掃晒，加左湯汁就到左打邊爐環節，用app 點餐好快就到，食材都幾新鮮，仲有少量海鮮揀，呢個價錢性價比好高。仲有不同既野飲任君選擇，我幾鐘意呢幾款泡茶。總括黎講性價比高，食物高質，會番食👍

裝修極具港式風味，估唔到連食雞煲、打邊爐嘅地方都有大量打卡位！飲品選擇非常多，亦都有大量蔬菜供應非常欣賞佢嘅冷泡茶，食打邊爐同雞煲，當然要飲凍野！但偏偏唔想飲太多甜味，有解油膩嘅茶，真係首選！雪糕、醬油同埋熱茶都係自行處理，份量要幾多可以自己調教！主角雞煲出場，因為朋友有啲唔舒服，所以叫咗唔辣，初初以為一定失色不少，但原來味道非常足夠，亦十分香濃，雞件多肉少骨，非常入味，保留到嫩滑嘅口感！之後可以自行加湯，再進軍打邊爐用QR code數入去自行點單，非常方便！食物種類亦十分多～肥牛同滑牛都有點，當中會比較欣賞滑牛，因為肥嘅部份少啲，啱晒女仔，而滑牛真係非常滑同淋！響鈴應該都係廚部制造，唔係叫貨，非常有質素，另外，墨魚滑都係不可小看嘅一個item！非常彈牙！仲有非常養顏嘅花膠，大大片，亦都有一定嘅厚度！大受女士歡迎～

We go to an all-you-can-eat restaurant for chicken hotpot and hotpot. The restaurant is big, each table has its own private corner. Customers can take vegetables, drinks, and ice cream on their own. Other food can be ordered through QR code and the waiter serves by the table. The chicken hotpot is not too spicy and yummy. For hotpot, there are many choices of food, pork, beef, chicken, lamb, shrimp, fish, and shells. Also, there are many choices of balls and dumplings, all of them are yummy. All