101台式休閒餐廳 (尚德商場) (已結業)

經常好想隨便食一餐 但又偏偏對食有要求所以想搵間平靚正嘅餐廳真係好難而依到就可以滿足到我嘅心願經常黎依到食 但食黎食去都係食一樣嘅野 就係依個炭燒豬頸肉面依個面可以揀大小中辣 之前仲有沙茶湯 聽店員講好唔錯 但已經冇左而我平時就食開小辣 但吾係好食得辣嘅我已經覺得好辣 而豬頸肉方面 有時候會好香口同脆 但有時就會難入口啲 因為好難咬得爛但麵質方面以價錢而言已經不錯最難得係依到有好多飲品可以選擇 我通常都會飲香芋珍珠奶茶依杯野飲就奶味偏重 冇乜茶味 珍珠容易痴到好實但依免費飲品而言已值得一讚

午餐想食台灣野，就嚟咗呢間食。一開始見門口幾多人，以為要排隊，點知一拎飛就入得。有好多嘢食揀，勁多選擇都唔知揀邊樣好，但係個侍應好快就過嚟問我地食咩，於是求其揀咗一樣，叫咗醬燒雞扒玉子豆腐肉燥烏冬，同行朋友就叫咗醬燒雞扒玉子豆腐肉燥飯，烏冬整得比較耐，大概等左15分鐘到先上，本身以為係炒烏冬，最尾原來係湯烏冬，啲肉燥溶晒落啲湯度，搞到好似同冇肉燥無分別，所以要肉燥飯會比較好，個雞扒都尚算唔錯，玉子豆腐炸得香脆，我覺得成個餐最好都真係玉子豆腐，跟餐仲送埋嘢飲，成個餐只需$50到，係平民午餐價，餐廳環境尚算乾淨，味道都可以接受，都算係經濟實惠自選。

這個清涼的晚上，最適合的就是打邊爐，這間以台灣菜為賣點既食店位於將軍澳尚德商場，就係打邊爐既好選擇之一喇！而且價錢親民，六十八蚊係一個平民百姓付到既邊爐價。比較不幸地係今次坐既位位置不佳，左右夾人，張抬唔大，剛好貼貼地放到兩個爐。但睇返今次既食物都算頗為吸引，佢係用果種好似大家樂既爐同器皿，你會感受到爐火既溫暖。點左兩個唔同口味既火鍋，牛鍋大辣湯底同三杯雞鍋豬骨湯底，兩個鍋都各有千秋，牛鍋就主要有兩舊疑似炆好左既牛腩，舊牛腩算大舊而且入味，而三杯雞就梗係食雞肉喇，咁打邊爐法係好難整得難食既，所以，就食物既味道黎講，無疑係好食，但就食物既內容黎講，性價比就普通喇，如果佢做到多肉少菜，加多幾塊肥牛，咁就perfect喇。。。

第一次過黎食下午茶，叫左個雞扒肉燥飯+跟餐飲品珍珠奶茶，比想像中要好，我會話係above average。餐廳地方大，夠闊落，下午茶時間唔太多人。一般快餐店既點餐&付款模式；但比左錢拎個牌仔返埋位會有店員送餐，唔駛自己去拎。選擇方面有飯有麵，都有類似常餐，有炒雞多士果d，種類都幾多。講返食物既質素：雞扒肉質滑嫰，無咩雪藏味；肉燥同台灣當地食到既味道好相似；飯似係珍珠米既口感。珍珠奶茶就唔係好突出，但都OK。埋單30幾蚊，總體黎講好唔錯！

好耐未去過呢間到食早餐就試一試既質素有冇唔同到叫左貢丸公仔麵配滑蛋多士貢丸麵就冇咩味佢唔係用一丁麵 係就冇咩味既公仔麵貢丸就唔錯既另外比較好食既係滑蛋多士佢既滑蛋真係做到有流蛋汁既效果多士幾脆 加埋牛油幾香成個餐都叫做抵 $30包兩樣野食同飲品但係質素就真係唔係太好可能只會間不時食一次

喺尖沙咀都食過101，今次嚟到將軍澳食lunch，咁岩見到有好多人食緊，所以就食下佢😂估唔到lunch Time都有得食唰唰鍋，都係60幾蚊，見到人哋嗰啲煲都好多料喎👍🏿今次叫咗一碗雞扒肉燥面，等左10分鐘左右就有得食，一見到碗麵都嚇親，因為超級大碗，塊雞扒煎得好脆，而且有肉汁，幾好味，肉燥就唔係好食到d味，因為浸晒落啲湯度，個麵質都幾彈牙，係我鍾意嘅面午餐仲可以轉珍珠奶茶，珍珠都幾彈牙而且幾大杯。

尚德邨，有個紋身長頭髮，大山婆四眼妹，不知所謂，一日到黑大大聲全場叫，當中包括 ##粗口##，叫佢攞嘢黑口黑面。只係同啲小朋友喺度玩（餐廳裏邊跑來跑去，我覺得非常之危險）。仲有次攞碗嘢食畀個客人，差啲成碗嘭一聲（好大聲）撥曬落去個客度。不但止冇道歉，仲要企喺度**咩呀**噉樣…望住個客。噉嘅人都唔知點解可以喺度做到咁耐，我已經忍咗呢個人半年，先是上嚟出帖。其實你哋係咪真係缺乏人手到噉？要我哋顧客去噉樣容忍啲噉嘅服務員？

101出名食物價錢好平夜晚諗唔到食咩於是過後食碗肉燥麵😆😆😆叫左個台式貢丸蕃茄肉燥麵😋😋個麵就普普通通啦，勝在夠大碗同埋有好多粒貢丸😋再另外加左份炸花枝丸，花枝丸炸得幾好食

工作中午餐，趕到唔可以堂食，所以入商場買外賣，搵到呢間台灣菜，去到門面幾大，店內嘅座椅唔迫，裝修唔係台式，係西式，餐牌係電子餐牌，快餐店式服務，先去收銀落單，再攞票在門口等，一會兒就出到！外賣包裝簡單無骨香辣三杯雞肉燥飯（$45）賣相靚，雞肉皮脆，肉質唔乾，鹹香好味，不過唔辣，米飯呈球狀，但飯幾硬（似煮唔透）肉燥醬微甜，甜醬油撈飯本來幾好，可惜飯唔夠鬆軟！一般柑橘檸檬🍊（跟餐$2）夠熱但好甜，要加好多水先飲到（我足足加咗一大杯！柑橘味酸酸的開胃！外賣（$1）同事食：台式豬軟骨肉燥飯（$51）珍珠奶茶（跟餐$2）食物一般，但收銀落單嗰位女店員，好有性格，我睇餐牌耐咗，佢語氣不耐地叫我唔好阻後面嘅人落單（當我到時後面無人的，背住又唔知有人排）佢明顯乜野事都好急燥嘅人，因為我等外賣期間，佢都不停用好燥底嘅語氣，同其他店員處理店務（外賣單之類）我買個外賣咁少接觸，都受佢氣，快唔等於急燥，何必呢？

本人住係將軍澳其實真係無咩好野食放假同老婆又唔想出街惟有走去尚德商場到食下野啦咁岩有間茶木既朋友，就去try try平民化既茶木餐廳，估唔到又食得過wor埋單$103，但係已經食到個涮涮鍋仲要係飽肚個隻又算係食得過！$58蕃茄湯底雖然芽菜係多左少少但係都好足料有麵，有餃子，又有台灣腸味道就唔好太大期望都係普遍個d但係呢個價錢都算係食得落肚我仲叫左個肉燥炸豆腐飯炸豆腐既外皮好薄，又好滑肉燥就比唔上台灣既但都叫做juicy整體黎講，係將軍澳呢個美食荒漠，要平平地食餐正常既野已經好難所以呢到算係咁，可以比個like

同細佬兩個食飯，大家AA制各買各，不過都係叫台式火鍋店員先拎爐頭同碗嚟我叫咗豬骨湯配板燒雞柳，花枝丸同娃娃菜配米線，一嚟到而為好多，個鍋裝到滿滿嘅，但原來係佢將米線放埋入去，所以睇落先有咁多料火候好夠好快滾，花枝丸好彈牙，仲食到有少少花枝肉板燒雞柳本身都已經煮熟，而且調味幾準，淡淡嘅黑椒味配上嫩滑嘅雞腿肉，呢個餸都幾抵食而且有蕃茄，粟米同蔥，我自己食都幾飽弟弟叫咗嘅蕃茄湯，配沙嗲牛，雞柳同芝士竹輪，佢呢個睇落材料唔多，都唔太豐富感覺佢食哂成個都唔夠飽，所以男仔嗌可能就要考慮下加多個餸

下午茶時間兩個人叫咗兩個餐加小食呢個炒蛋沙嗲牛肉米線賣相好一般，食落都好一般沙嗲牛肉極少，得兩塊，炒蛋都尚算可以，有牛奶味嘢飲叫咗香芋珍珠同柑桔檸檬，都幾好飲，味道算濃朋友叫咗呢個板燒雞扒肉燥飯就差唔多，份量好大，可以當一個late lunch咁食肉燥滿滿咁淋係飯上面，甜甜地，雞柳都燒得幾香，肉質夠滑相對起我嘅沙嗲牛麵，呢個感覺抵好多另外正價叫咗個小食鹽酥雞新鮮炸出嚟，啲雞肉都好嫩滑，似係平時食繼光香香雞個種酥脆

間唔中都會需要黎呢到附近，見過幾次呢間餐廳，好似都開咗好幾個月，一直見到都以為佢同旺角既101肉燥飯係同一間，但原來唔係。呢到既客人都多，但佢既位置更多，可以容納好多既人，而且係食得舒服既，街坊餐廳 都值得試試~1516之際，我最後決定唔食佢三杯雞 而試試佢既雞扒（店員上菜好窩心 提你小心刀鋒）最討人喜愛既就係佢$45仲要包野飲！仲係我好愛既珍珠奶茶，真係幾抵食佢既雞扒燒得/煎得好香，佢唔會太lon且帶有烘烤既味道，令雞扒食落去好香口；肉質嫩骨不老，但佢應該係冰鮮肉。佢既配菜 - 玉子豆腐都並不遜色，炸得香脆，薄薄一層炸面，內裡既玉子豆腐保持微暖，並唔係淨豆腐味，廚房應該炸既時候有落啲功夫 有啲調味，係一個令人唔會放埋一邊既配菜！可以改進既地方就係佢既滷蛋，乾而干 有點硬，加上我麻麻地蛋黃，所以我食咗一啖就無食落去。佢既肉燥唔會乾，有汁亦唔會太稀，當中既肉碎充分帶出咗肉既香味 以及台灣肉燥飯既味道，並唔係單純既一種配襯，佢都係主角，真係好好味！所以最後我嗌多碗肉燥，食晒啲餸都唔洗擔心要齋食白飯珍珠奶茶既珍珠十分韌牙，很有咬口，而且帶點甜味，係成杯飲料既highlight佢既奶茶偏向重奶

今天路過尚德，DODO平2蚊優惠，順道在這商場早餐。發現有家台式餐廳，門外有客人在等候。先拎飛，慢慢等叫號。在等待期間，看到其他客人在享用的粉麵，份量頗大。自己要減肥，唯有集中在無粉麵系列。就座後，朋友先去付款，然後我倆慢慢等待食物來到。多士餐　　　藍莓＆奶醬多，如配粉麵，三十有找，真係好抵。為了減肥，要忍忍，只選多士配黑啡。　　奶醬多　　其實係多醬少奶，附餐刀方便塗抹。把二款醬料平均抺好，再以井字切好，可以享用了！奶醬多，有嘉頓厚多士的感覺！　先食外圍，真係硬掘掘，不過包有包味，也有鍊奶味，有花生味囉。　　　來到多士的中間心，真係軟棉棉，好好味！　　黑啡　　不知這店是否用真牛奶，還是用植脂奶（人造奶），所以選擇無奶的黑啡最保險。可是黑啡唔多得，飲到一半就放棄了！

見好耐無食呢間，今日心血來潮就去食，點知中伏，好失望，一樣最普通的炸薯角都可以炸成咁，硬個石頭，究竟要炸幾多次先會炸到咁，炸到咁仲可以照樣上比客人食，真的太差勁了👎