101台式休閒餐廳 (尚德商場) (已結業)

放假瞓得比較晏，一餐當兩餐食，輕輕鬆鬆和家人來吃個下午茶餐，位於將軍澳呢間101台式分店，係商場唯一的台式餐廳，今天點了一個花生醬練奶奶吐司，連熱飲品$24，平平凡凡的吐司竟然味道不錯，吐司脆脆的，配合花生醬加練奶，好味呢！出奇地要讚一個。家人點了一個雞排肉燥飯，連熱飮品，價錢$33，味道一般般，小號的份量都算OK，亦算抵食，下午茶來說算是可以。而服務質素是一般般，不過不失，晚市會比較多客人，可以要等待一段時間才有服務員幫忙。

午間同同事食晏，得2個人，近近地來左這間台式食，menu入面有好多選擇，肉燥飯、牛肉麵、米粉、多士、打邊爐都有。我叫左牛肉麵，同事就叫左肉燥飯配牛腩。牛肉麵湯幾好味，但食完好口乾，應該係味精湯，牛腩有𡁻勁，唔錯。但同事話由於個飯無湯，牛腩比較乾，而肉燥都ok啦。價錢方便幾合理，唔貴，而且唔洗加錢有台飲，不過味道一般。

由於想起朋友之前提到，尚德商場開了一間很大的體育用品店，所以星期日中午就到這裏吃午餐，順便可以逛逛體育用品店。原來這商場的食店不是太多選擇，在網上看到這間台式餐廳算是比較出色，所以就來試試，餐牌價錢算是便宜，價錢已包了一杯台式珍珠奶茶。　我家大少點了咖喱牛腩飯，食物送上來樣子精美，咖喱牛腩肉質算淋口，咖喱汁美味可口。至於我點了這個蕃茄牛肉公仔麵，另外跟了奶醬厚多士，蕃茄牛肉湯底美味，唯一略嫌公仔麵比較粉，沒有彈牙口感。奶醬多士的醬汁絕不欺場，十分有誠意，讚！珍珠奶茶味道可以，算是不錯。整體而言，以這個價錢有這種質量的食物，算是十分性價比！

放假訓到成12點起身.....碌下手機玩下貓...已經TEA TIME喇原來落樓食台式101。佢有好多好多唔同的下午茶組合今次叫左燒雞扒 + SALAD + 薯角 + BUUBLE TEA (~$40)非常非常抵！！！！！！！有肉有菜有carbs有野飲，呢個價錢邊度搵 OMG 個salad絕對唔係mini size! 成隻碟咁大架! 呢個竟—然—係—下—午—茶！抵到一個點。重要有我最中意的芝麻醬（心心眼！！！）薯角炸到黃金色，岩岩出爐，非常jeng。bubble tea走左甜，佢d 珍珠本身都好甜，所以飲落都唔會淡口呀，係岩岩好：）怕甜的朋友真係用珍珠本身的甜味/ 糖吊吊味就ok了　:> （小提示喔～～～）美中不足的係佢個雞扒有ｄ頹。。。。重凍凍地，好似求其撈d 汁上去就算咁哈哈不過呢個價錢的下午茶選擇同份量來講，真係超班！聽講佢dinner的一人邊爐都好jeng，下次一定要試！：）

剛好有事要做而去了尚德那邊很少在尚德出沒所以和老公隨意的走進這家餐廳食下午茶我選了鮮油多(半份)+炒蛋+火腿，飲品選了香芋珍珠奶茶老公就選雞扒菠蘿包漢堡，凍檸茶鮮油多(半份)+炒蛋+火腿，一上桌就見到份量超少！！！這樣的份量就要$31！！！鮮油多列明半份就算了～～只得一片火腿及一隻炒蛋鮮油多乾身而不是香脆，煉奶及牛油不夠香甜，這是我所吃過的鮮油多中，最難吃的一份！！炒蛋算不上好嫩滑，甚至帶點老....雞扒菠蘿包漢堡，用菠蘿包製成的漢堡中間夾著雞扒﹑蕃茄和生菜菠蘿包都脆身～雞扒的質感尚算嫩，而且有點點肉汁不過論整份漢堡，就偏向乾身！香芋珍珠奶茶，沒什麼香芋味而且奶味偏重，不太喝到茶味珍珠是大珠，煙韌度一般，但不會太硬身！店內的座位算多，座位舒適度算是可以清潔度較為一般總結來說，因為我的那份下午茶餐實在太難吃而且物非所值縱使菠蘿包漢堡OK，我還是要決定給喊臉

平時lunch 係尚德廣場都唔知揀乜好為左唔想再食快餐😓於是揀左間台灣野 咁岩又無人排隊但又坐滿哂人本身唔係太餓 如果唔係都食個鍋物🤔又可以自己揀配料 都幾多選擇於是最後揀左個🖤台式雞柳魚餅手打麵食麵前緊係飲啖湯先🤤呀 唔太濃 麵度：軟硬適中 起碼唔係煮到太淋 最怕仲吸哂啲湯味 食到好似拉麵咁嘈 朋友都叫我「靜喇」🤣雞柳：唔老 吸哂湯底 鮮甜魚餅：正常水準 可以煎左先仲送左杯🖤珍珠奶茶凍架 又唔駛加錢喎 緊係飲gg奶茶珍珠正路 滿足左我糖份既需求 哈哈哈😝🙋🏻‍♀️

最鍾意離依間度食，因為好抵食，今次叫咗個下午茶餐外賣返屋企，感覺上外賣好似多過堂食咁，我最鍾意係依度嘅雞扒，唔會好硬而且夠入味，同埋離到一定要飲嘅珍珠奶茶，好飲過出邊啲手調嘢飲店，因為依度嘅珍珠好「煙銀」又有珍珠味😆

101呢間餐廳都有幾多分店，今次係算一次食，尚德呢間開咗應該有一段長時間。上年經過見都唔多客人，今日大概點半嚟到，門口有客人排隊。餐廳都幾大而且枱排到好密，所以好快就有位。午巿套餐種類幾多，都係簡單嘅台式粉麵飯，味道普通，服務亦一般，價錢可接受。自選台灣涮涮麵(台灣豬骨清湯配花枝丸，沙茶牛肉，鹵水蛋，米線)，味道清淡。慢煮田園鮮茄牛坑腩飯，茄汁好淡，牛腩似牛肋條，炆得都幾淋，可惜唔夠味。咖哩薯仔雞扒拼腸仔飯，，廚房太忙，漏咗條腸仔後補，都可以啦。台灣古早牛肉麵，牛肉可以，麵就一般。追加咗3款小食：鹽酥雞翼，幾脆幾入味。鹽酥花枝丸，好彈牙。芝士香草玉子豆腐，加埋個好味。

同朋友去尚德商場主要係去間大型運動舖睇衫，走之前係商場行咗個圈，見到間101台式休閒餐廳，於是就入去食個下午茶餐。下午茶餐選擇都算多，而且價錢都好親民。我哋叫咗個凱撒沙律+牛乳炒蛋+牛油厚包+蕃茄栗米通粉+熱檸水（共$35），及一個火腿米粉+牛油厚多+牛乳炒蛋+一杯夏日麼麼茶（共$37）。俾錢後，大約等咗五分鐘就送咗兩個餐嚟啦，估唔到茶餐嘅份量都唔細份，蕃茄湯底有蕃茄，而唔係只得湯，味道仲唔錯，好開胃！沙律都唔錯，蛋都炒得唔會好油，朋友飲嘅夏日麼麼茶，其實係七喜、一塊檸檬、幾塊橙肉連皮及菠蘿，夏天飲都幾正。總括：抵食，而且職員態度亦唔錯。

我覺得最好食同最抵食嘅都係三杯雞湯底嘅小火鍋。不過要食得少少辣嘅先好叫三杯雞，不過佢辣得過癮，唔食得辣就試下佢嘅香味。另外可以揀三個餸，牛肉鴨胸再加一個菜，滿到就黎瀉。

101台式餐廳好垃圾，間唔中去食下,而家發覺呢間啲野食越來越差，佢地成日話自己係台灣野 但唔見佢地真係似台灣野喎服務又差 食物又難食到死係將軍澳冇一間似樣餐廳,隔離果漁樂餐廳一樣難食到死將軍澳多左呢啲垃圾餐廳

午飯時間多人分開坐唔緊要，話有枱會幫夾埋，但無下文，結果四人去分三組坐！我食蕃茄豬頸肉米線~無咩蕃茄味，唔可以話難食，但真係唔係幾好食，其他三人不作評論！擺放餐具的櫃桶內有食物殘渣，可能分開三組坐有三張單，埋單又混亂！

香港地食一餐真是平貴都有。今晚來到尚德商場101台式休閒餐廳吃晚餐。它的選擇也不少台灣古早牛肉麵，跟餐送飲品，加四元轉珍珠奶茶，抵！牛肉即牛腩，不太肥，都算入味。特盛雞扒肉燥米線，味道都覺得不錯，入味，夠淋。雞扒有兩大塊，大大件。特盛雞扒肉燥飯，雞扒夠滑，份量夠。肉燥飯味道夠濃，特別開胃，好送飯。朱古力牛奶雪香，濃郁的朱古力味，配上香滑的牛奶，再加上像麥片的雪香，口感十足，值得推介。珍珠奶茶，以香滑的港式奶茶，襯托珍珠粒，是夏天冰涼飲品的好選擇。

今次試左呢間101餐廳既豬頸肉肉燥飯同埋雞扒玉子豆腐肉燥飯，一個餐都只係50蚊到，包埋野飲，再加幾蚊仲有特飲tim，好抵呀！唔好睇佢價錢咁平就以為實好細份，其實多到食唔曬，佢肉燥落好多，所以成個飯都好有肉燥味，另外豬頸肉煎得岩岩好，唔會太老，一咬就開，雞扒亦都好嫩滑。至於玉子豆腐就有d油了，佢係炸的，有個炸皮包係玉子外面，不過個玉子依然都係好滑嘅。飲品方面，如果中意飲珍奶不彷試下佢個oreo盆栽珍珠奶茶，佢用咗隻好矮身嘅杯裝住啲奶茶，而啲珍珠就好細粒，仲有啲曲奇碎添，睇得又好飲。

我經常會一家三口去尚德101食晚餐價錢好平民 抗通脹款式又多真係無可挑剔最愛嘅菜式係五杯雞米線五杯雞嘅湯底 真係配乜都好食米線又夠冧 啱曬本人口味佢地嘅火鍋都好正長打長有個度嘅侍應雖然後生 都仲係學生但係個個都好醒目!服務100分!