龍鳳號

營業中

休息中

以前有嚟過食都覺得幾好，今次嚟食就真係覺得好伏🦠🦠🦠🦠😥我哋嗌咗一個一人套餐滷肉飯，佢有配青菜同埋飲品 大概$62，但份量已經好細，滷肉飯嘅份量係不足夠一個女性去食飽。然後見到Menu上有一個麻油藥膳雞鍋好似好吸引$100up，叫嘅時候已經知道係冇配飯，要另外加錢👌🏻👌🏻，諗住個鍋$100都應該有足夠嘅份量啦，點知原來出到嚟係咁嘅樣😨😨😨就咁樣睇圖片滷肉飯嘅份量已經大過個鍋，但係個鍋嘅價錢係貴過滷肉飯幾乎一倍👍🏻重點嚟啦，價值$100多的鍋物入邊的雞件只有4件，係4件！半隻雞都無！然後再包括五片菇、少量娃娃菜（連半棵菜都冇嘅分量）….嘩 我啲錢再講咁係咪個鍋物係好好食呢？咁又唔係喎🥵個湯底其實好鹹又冇嗰個藥膳酒嘅味道。都冇乜服務可言，雖然知道嗰個時間係落場，相對少客嘅時候，但你入一間餐廳食飯見到東南西北都有店員，坐喺你附近瞓緊覺，大聲播緊睇片🤗🤗🤗

食個午飯好似要趕人走 都未食完就收盤，有小朋友食飯當然慢啲，食左都冇半個鐘，啲野又咸過以前，又唔講要叫人頭餐，餐牌又冇寫，搞到食飯都食得唔安落，知你要返枱，但係都唔洗趕客呀，以前就欣賞，依家就唔會再去

龍鳳號係一間位於觀塘嘅人氣台灣菜，今次就聞名不如見面，一於來品嚐一下呢到主打嘅正宗台式風味啦～魯肉飯便當💰HK$58賣相唔錯，魯肉採用咗肉燥同埋肥瘦均勻嘅五花肉，味道酸酸地，吃落去似係落咗好多香醋，對魯肉嘅味道好失望！成個飯反而係台灣腸同滷蛋嘅味道最正常～黃金香酥排骨肉燥飯💰HK$69排骨嘅外層炸到酥脆可口，裡面嘅肉質保持鮮嫩，外層灑咗調味粉夠哂惹味，而肉燥味道都係酸酸的，不推薦肉燥飯～白桃烏龍茶💰+HK$16帶有淡淡嘅白桃香味～

位於中海日升中心 唔算好多位一點幾就會要等位😯午餐唔算好多選擇 唔使加一唔包飲品 一般要加$16先有野飲油葱酥雞肉飯配滷豆腐及滷蛋 ($58)份量都算ok 個飯鋪滿雞肉絲個飯充滿油葱汁 少少酸味撈勻食都唔錯 正常味道另外有4件滷豆腐 唔係好入味但口感實正都ok 滷蛋都唔係好入味不過都唔難食😂 中規中矩另外仲有個前菜仔 係椰菜撈左d麻油 成個餐營養幾均勻

同事推介呢間台灣餐廳係必食 於是中午決定試吓 確實不錯 除了基本的魯肉飯盬酥鷄 還有其他特式的食物 大部份都有套餐 點了麻油雞套餐 同素魚套餐 麻油雞很香 份量頗大 素魚有驚喜 外表煎得十分香脆 配合魯肉飯大滿足 可以成為lunch飯堂之一

放假約了朋友到觀塘小敍，見這間選台式餐廳燈火通明，看上去感覺很整潔，便選了這間餐廳。點了麻辣雞伴麵，雞肉份量一般，味道較咸，有辣椒味，麵的份量就正常，麵質很淋，沒有口感，幸好有幾條青瓜絲中和一下，但總括就是味道很咸。加了杯珍珠奶茶，珍珠口感不錯。員工見我們食完，剛放下筷子，便馬上收碗，收起餐具藍，當時我們只食了20分鐘左右，感覺很趕客。餐廳當時只有一台一家四口的客人，沒有人在外等位，不明白為什麼要這麼趕時。總體而言，食物一般，價錢比茶餐廳貴，但比茶餐廳更趕客走。試一次便夠，不需回頭。

呢間舖頭都食過好幾次記得好耐之前都食過，估唔到到而家都仲咁多人食因為記得之前食要排隊平日嘅收工都坐滿人今次揀咗麻糬嚟試，下次想試吓豆腐花用Qr code落單介紹咗我最鍾意食嘅嘢先去到台灣我最鍾意叫蕃薯苗嚟食基本上只要嗰間餐廳有我都一定會叫係香港好少餐廳有雖然唔及台灣好食但喺香港嚟講已經算好好食起碼菜係嫩嘅先🉐呢個刈包都唔錯啲酸菜同五花肉都好食台南擔仔麵～其實細食嘅人啊叫一碗已經好飽哈哈我哋兩個人食一碗都ok個茄子都唔錯，好嫩滑珍珠奶茶就OK啦味道正常最後甜品揀咗麻糬都幾特別、分別有個芋泥醬同埋紫薯脆片可以點

放假約埋朋友喺觀塘一帶食個便飯，餐廳喺中海日升中心 二樓。餐廳都幾多選擇，各類台灣飯麵，小食，甜品，同飲品都好多選擇。我地叫左個 一人飯麵套餐古早味肉燥飯： 份量好大份，肉燥味道夠濃，撈飯一流。燙青菜：新鮮菜苗配上炸蒜，炸蒜鹹香，菜苗夠嫰，份量適中。珍珠奶茶：叫左走冰走甜，茶味極濃，飲落奶茶口感幼滑，唔錯。 季節奶凍：係奶珍珠奶茶味，跟餐+$6奶凍幼滑，淡淡珍珠奶茶味，唔會太甜。加叫 魯肉一湯匙，煮得入味，粒粒肉粒有咬口，同樣撈飯一流。另外叫多左個主食，龍鳳紅燒牛肉麵，超級大碗，有蕃茄，紅蘿蔔，牛肉份量正常，帶少少筋，牛肉質感都唔錯。刀削麵底份量大，麵質好滑，好食！湯底有濃香胡椒味~燒香蔥蛋卷，賣相唔錯，蛋卷香甜，層次夠。幾好食。餐廳坐得都舒服，地點都幾就腳~

今天公司派往觀塘出差，完成工作正直中午又係找地方醫肚嘅時候😋😋😋。行經駿業街中海日昇中心，見有一間台灣食店”龍鳳號”，之前有朋友介紹過話這間店舖食品不錯，今天巧合經過一於入去一試。店舖環境不錯店員有禮👍，食品方面有好多選擇😋😋:有台式滷味、鍋物、炸物、刈包、蔬菜等等。如想食甜品就有😋😋:手工麻薯丸子、豆花、仙草、刨冰等等。飲品方面就有:台式飲品🧋、雞尾酒🍹和啤酒🍻等。我哋就點選了養生花雕麻油雞🐔湯配珍珠米飯🍚$82、宜蘭蔥肉煎餅$48、手打墨魚餅$42，龍鳳仙草凍$50和一杯香芋奶茶$16。養生花雕麻油雞🐔湯用麻油爆香薑片，加入米酒紹興酒煮雞,再放入牛丸、秀珍菇和旺菜一起煮，非常入味，配埋軟硬適中嘅珍珠飯🍚真係要比個Like👍！手打墨魚🦑餅配上蒜片一起吃，墨魚🦑嘅鮮甜加上蒜片少許辛辣入口真係又有另一番味道👍！宜蘭蔥肉煎餅充滿多層次的香蔥口感，不油膩讓人忍不住一口接一口👍！龍鳳仙草凍亦非常好味！軟滑滑嘅仙草凍配以粒粒硬度適中嘅紅豆、綠豆和芋圓一起吃，真的入口甜到入心💕！再加杯充滿芋頭香嘅香芋奶茶真的滿足了😍😍！”龍鳳號”這食店食品不錯！👍喜歡吃台灣食品的真的要來一試😋😋😋👍👍👍！

去觀塘快食午餐揀左台灣菜午餐份量好多😳肉燥飯 麻油雞都好好食👍🏻特飲做緊$28買一送一😍珍珠好煙靭🤤奶蓋好鹹香🤤今日趕時間食唔到小食同芋圓下次再黎過🤤👍🏻🍛黃金香酥排骨x古早味肉燥飯肉燥飯好好食👍🏻個味好特別👍🏻好大塊香酥排骨，淨係食塊排骨都飽😆🍲養生花雕麻油雞湯x手工麵線花雕麻油雞湯暖暖胃補補身🤤台式飲品買一送一（14:00-18:00）珍珠奶茶🧋+芝士奶蓋紅茶🥤

惹味肉燥新竹米粉好少食到咁幼身嘅新竹米粉，所以再加埋肉燥的湯汁，就覺得好好惹味，加埋爽口嘅芽菜，整體口感唔錯蜜味台灣腸配蒜片相比起黑椒味，我更加鍾意蜜糖味，份量都多，叫個小食配埋米粉都係幾好嘅配搭手打墨汁墨魚餅呢個墨魚餅，應該係香煎過，所以外皮比較脆，有別於其他普通墨魚丸或者花枝丸，都幾有趣的。由我第二日嘅便便就可以知道，真係有墨魚汁佛手柑金棗茶（少甜）清甜好飲、糖度適中珍珠奶茶奶凍（+$6）最近天氣轉熱，食返個奶凍降下溫，入口香滑，仲有濃濃嘅奶茶味，珍珠都好彈牙，唔錯的燙青菜🥬叫套餐會送的，相比起其他餐廳份量算好大碟，仲加埋秘製醬汁，好似有啲炸蒜片，所以冇草青味，幾香

今晚和朋友觀塘行街, 行完朋友說想吃台灣菜, 於是便決定來這裡吃晚餐.油蔥酥雞肉飯 ($44):雞肉好滑, 肉質鮮嫩, 咸咸地幾好食, 不錯.雞肉份量都算多, 幾抵食.蔥油味都非常香口, 好好食.古早味魯肉飯 ($48):咸咸地好香口好好食, 魯肉份量都夠多, 性價比好高, 不錯, 幾好食.養生花雕麻油雞鍋 (雞件,貢丸,豬紅,娃娃菜,秀珍菇)$108):非常重麻油香味, 未食已經聞到好香.另外雞肉份量都算多, 而且好滑.都幾好食, 好惹味.裡面還有娃娃菜和秀珍菇, 幾健康, 又清甜.貢丸都好有咬口, 幾好食.豬紅則可以補血.材料真的很豐富, 個湯又甜, 幾正.黑糖薑母茶($28):冬天咁凍最岩就飲番一杯薑茶暖下身, 又幾好飲, 重薑味, 飲完個人暖哂.葡萄柚綠茶 ($28):幾清甜, 不錯的, 好飲.

龍鳳號📍觀塘駿業街56號中海日升中心2樓2B號舖因為好耐冇食過台灣菜，今日收工同朋友去觀塘行街食飯，見到openrice有間個名好特別嘅餐廳「龍鳳號」，就決定去試下啦～～基隆甜不辣 $38甜不辣共有12件，上面有啲調味粉， 仲有一個檸香甜酸汁可以點嚟食增添味道，甜不辣煙煙韌韌有咬口，不過我同朋友都覺得唔洗點汁已經夠曬味👍。 推薦指數：8.5/10燒香蔥蛋捲 $52🥚🍳香蔥蛋捲切開有8件，上面有沙律醬，味道比較甜，好似食緊日式蛋卷咁🥰🥰。而且外層炙熱過，又香又好味😜推薦指數：8/10惹味肉燥乾拌麵 $42肉燥乾拌麵非常惹味，肉燥份量都算多，撈勻後可以每一啖都食到肉燥👍👍👍正呀😆😆推薦指數：7.5/10古早味魯肉飯 $48🍚台灣菜必食呀～魯肉飯份量適中，魯肉嘅脂肪同肉嘅比例分明，非常好食👍推薦指數：8/10龍鳳珍珠奶茶刨冰 $66🧋刨冰比想像中好食，奶茶味配埋重奶味嘅醬，好似飲緊一杯珍珠奶茶咁，味道又唔算好甜，加埋煙韌嘅珍珠👍👍我同朋友都非常中意😍😍😍呢個甜品可以再encore👍👍👍👍推薦指數：9.5/10整體黎講，餐廳價錢親民，食物種類多，味道好食😍😍服務員態度有禮👍👍

喺香港嘅台灣舖頭唔知點解個價錢set到咁貴 反而呢間又唔錯 份量都幾多 值得嘗試！兩個人嗌咗兩個飯: -古早味魯肉飯 肥肉同瘦嘅比例啱啱好 汁都好夠 雖然自己一個食晒成個可能會好膩 但魯肉飯就係要呢啲！👍🏻所以可以同朋友share一半-油蔥酥雞肉飯 感覺份量仲大過魯肉飯😂呢個無魯肉飯咁重口味 偏向係淡淡嘅油香 雞肉仲要多到成個蓋飯咁😂 如果鍾意蔥香味嘅人可以試！小食分別係-鹽酥雞一嚟勁大盆！上面仲有少少九層塔同蒜頭😋感覺很正宗 一開始食嗰陣會多到噴汁 但涼咗少少食都係無死 就算勁飽 去到最後都有食晒😂😂😂-基隆甜不辣原來基隆甜不辣係好似餃子簿簿一片咁✨有人可能鍾意多啲咬口 煙煙靭靭 但呢個都好好食！個味都係有滿滿嘅魚漿味😭😭仲脆脆的 好愛最後甜品是-自家制芋泥仙草（配芋圓）啲芋泥是滿滿一Pat 感受到真係自家制！絕對不是香精味芋泥！再配淡奶真係😭😭😭要食！價錢唔貴 位置又唔偏！推薦！

「龍凰號」係一間台式餐廳，餐廳環境簡潔舒適，讓你感受到台灣的街頭小吃氛圍。正宗大腸麵線，一道經典嘅台灣麵食，麵線細緻彈牙，配上濃郁的湯底，令人垂涎欲滴。惹味肉燥乾拌麵，肉燥味道濃郁，配上彈牙的麵條，味道絕佳。燒香蔥蛋捲，係一道簡單卻美味的小吃，蛋捲香甜，加上香蔥的香氣，令人回味無窮。蜜味台灣腸配蒜片、手打墨魚餅同滷蛋都係台灣小吃中的經典，墨魚餅口感彈牙，滷蛋則入味鮮美。「龍凰號」嘅料理有著台灣正宗口味，而且價格相當合理，值得一試