龍鳳呈祥火鍋雞煲

營業中

休息中

雞煲款式有d好創新: 榴槤/鳳梨/釀雞翼/咸蛋黃雞煲😲✨日本廣島蠔雞煲 (走辣 走芫荽) $268 雖然只有半隻雞 但份量好多 醬汁有孜然八角味🤓通常蠔熟左都縮水 但都依然都好鮮甜大隻😍醬汁濃味 煲內仲有支竹 菇 洋蔥 超入味😌✨ 脆鯇腩片$98✨ 豐盛雜菜拼盤 $138真係如名所講超豐盛 種類多 成日成盆都裝到滿晒😀✨ 牛肉拼盤（細） $388牛舌片 手切牛肉 牛胸尖 和牛金錢展 雪花肥牛 牛肉粒😆第一次食牛胸尖 唔多識欣賞 但其他嘅牛肉味濃 推👍🏻✨ 即制回味五香肉丁餃 $78加入左五香肉丁嘅餃子令餃子更濃味 原來都幾襯😋其他餃嘅款式都好特別 eg 黑松露羊肉餃 沙嗲牛肉餃🤤📍地址: 龍鳳呈祥火鍋雞煲 尖沙咀加拿芬道16號金輝大廈2樓

呢間餐廳主打懷舊港式火鍋，裝修好有七八十年代嘅feel，仲有好多打卡位，影相一流！**日本廣島蠔雞煲**：呢個雞煲真係不得了，廣島蠔大大隻，鮮甜多汁，雞肉嫩滑，煲底嘅湯頭微辣濃郁，啱晒鍾意食小辣嘅我。**龍鳳呈祥牛肉拼盤(細)**：呢個拼盤有牛舌片、手切牛肉、牛胸油、牛金錢展、牛肉粒同雪花肥牛。牛肉鮮嫩多汁，口感豐富，每一款都好有特色，特別係牛舌片，入口即溶，超正！**即製回味五香肉丁餃（6粒）**：好有驚喜！！皮薄餡靚，五香味十足，肉丁鮮嫩多汁，一啖咬落去，肉汁四溢。每粒餃子都係即製，保證新鮮！**涼拌麻辣魚皮**：超級推薦！！呢個涼拌麻辣魚皮超級爽口彈牙，麻辣味道適中，唔會太辣，但又好夠味。每一啖都食到魚皮嘅鮮味同麻辣嘅刺激，好正！**龍鳳呈祥「豐盛」雜菜拼盤**：呢個雜菜拼盤好豐富，有生菜、油麥、娃娃菜、金菇、蕃茄、雲耳等，色彩繽紛，份量十足。每一款菜都好新鮮～**自家製陳年鹹檸七**：用咗陳年鹹檸，味道濃郁，酸甜適中，飲落去好清爽，仲有一陣獨特嘅香味。飲完之後，口腔仲keep有清新的感覺ჱ̒✧°́⌳ｰ́)੭

尖沙咀樓上馳名雞煲 懷舊主題裝修 有好多70年代嘅擺設 公雞碗 都比到我好多回憶😍 店內播住梅艷芳經典金曲 非常熟悉😄 ✨日本廣島蠔雞煲雞煲好足料 調味啱啱好 有好多洋蔥枝竹等配料 雞肉好滑😆食完雞煲可以揀加豬骨湯或者雞湯加落去打邊爐🍲 ✨龍鳳呈祥牛肉拼盤(細)有雪花肥牛 和牛金錢展 牛舌 牛胸爽 手切牛肉 牛肉粒 每款牛肉都好食 牛胸爽充滿油脂 食完口有余香 會追住食😋 和牛金錢展 鮮甜彈牙👍 ✨即制回味五香肉丁餃(6粒)第一次食五香肉丁餃 餡料飽滿 好特別 好回味😋 ✨豬頸肉新鮮爽甜 打邊爐必揀豬頸肉😋 ✨龍鳳呈祥豐盛雜菜拼盤蕃茄 蘿蔔 粟米 淮山 蓮藕片 木耳 生菜 油麥菜 娃娃菜 雞髀菇 金菇菜 真係超大份🤣 超豐富 雞煲湯底濃郁 呢個時候落菜就最正😉 ✨自家製陳年鹹檸七陳年鹹檸檬 加七喜 真係好有童年回憶😍🎈龍鳳呈祥火鍋雞煲 (尖沙咀)尖沙咀加拿芬道16號金輝大廈2樓

真心覺得龍鳳呈祥的雞煲真係遙遙領先簡直係我喺香港食過環境好+好食頭三位！一路食雞煲一路飲啤酒超正雞煲款式多 今次揀咗一款有蜆的雞煲環境要來拍戲都掂！公雞碗係靈魂秘制黃蜆惹味辣雞煲雞煲揀咗小辣好惹味雞件啖啖肉 而且好入味 調味恰到好處但係唔會太鹹 比起唔少雞煲呢度嘅雞勁高質 因為真係比較多肉試過其他雞煲 「好似冇乜肉咁」仲有好多黃蜆 完全冇沙 好加分！龍鳳呈祥牛肉拼盤手切牛好新鮮款式多多啱晒心多多嘅我哋牛胸爽有咬口牛五花肥美牛肉粒牛味出又淋（大概煮1分鐘就OK啦）牛舌爽口即制回味五香肉丁餃好食 味道比較特別😋蝦膠加上切碎的五香肉丁餃子皮好彈牙又滑但係唔好煮太耐，如果唔係好易穿龍風呈祥手打鮮蝦丸新鮮打係唔同啲上面仲有少少蟹籽 大大粒幾好食「豐盛」雜菜拼盤雜菜拼盤擺盤特別好似花束咁蘿蔔心心形狀 勁sweet呢個雜菜真係好有份量油麥菜同埋生菜都好新鮮蓮藕金菇索汁好好食🤤自家製陳年鹹檸七用咗紅A膠杯 好有特色檸檬鹹香鹹香

🌟龍鳳呈祥火鍋雞煲（尖沙咀）想試呢間餐廳好耐，裝修復古風，又會播埋70-80年代嘅歌～好有年代感♥️日本廣島蠔雞煲呢到都幾多特色雞煲，有榴槤雞煲同菠蘿雞煲🤩我地中意食蠔就叫左呢款雞件份量足 醬汁好惹味 連啲支竹都索曬啲醬汁 忍唔住狂食😝♥️牛肉拼盤(細)手切牛肉、牛舌、牛胸尖、牛金錢展、牛肉粒同雪花肥牛每款肉質都不錯 入口軟嫩♥️回味五香肉丁餃(6粒)好飽滿嘅餃子 滿滿餡料 食得出有五香肉丁嘅香味♥️豐盛雜菜拼盤超有份量嘅蔬菜拼盤 有金菇、油麥菜、白蘿蔔、粟米等多款新鮮蔬菜🥬仲好有心思將白蘿蔔整成心形添♥️牛骨濃汁牛丸食落入口juicy!!牛丸彈牙♥️鹹檸七好好飲 加埋咸咸甜甜～

一打開門好似時空穿梭咁，成個環境擺設都係舊香港，仲一路播住70-80年代嘅歌。主打特色雞煲，有鳳梨雞煲，榴連雞煲等。醬料架都好有特色。秘制黃蜆惹味辣雞煲 （半隻雞）用瓦煲打邊爐真係第一次，店員會幫手炒一陣然後蓋1分鐘就食得啦！小辣都已經好惹味好夠辣👍🏻雞煲醬汁好上癮，雞好新鮮，肉質嫩滑，平時唔太鐘意食雞嘅我都好捧場🤤🤤🤤蜆都好新鮮入味，估唔到海鮮配雞煲都好夾。記住食埋啲腐竹同菇，非常入味。食完雞煲可以揀加雞湯/豬骨湯，我地揀左雞湯！龍鳳呈祥牛肉拼盤（細）牛舌 手切牛肉 牛胸尖 和牛金錢展 牛肉粒 雪花肥牛特別推薦牛舌，非常爽口，冇腥味。即制回味五香肉丁餃（6粒）咬開係有五香肉丁個陣油香架！食落夠香好特別。芝心蛋蛋燒賣（6粒）造型好可愛，咬開有溶溶地嘅芝士，蛋黃又香又綿滑。龍鳳呈祥［豐盛］雜菜拼盤個兜勁靚，入面啲菜係塞到滿晒，真係勁［豐盛］！娃娃菜、油麥菜、蓮藕、金菇、蕃茄、粟米，蘿蔔仲切成心型。自家製陳年鹹檸大大隻紅膠杯裝住鹹檸加冰底，非常打卡able，打邊爐飲哩個爽呀。

想吃地道風味的雞煲火鍋 🥳諗起之前去過尖沙咀的龍鳳呈祥，滿有年代感的裝修格局，夠晒獨特，就像幾十年前的港式茶樓🥳每個角落都悉心佈置💗摩登懷舊，打卡打到手軟。主力供應多款特色雞煲，有很多款都很吸引。🤍日本廣島蠔雞煲雞件肉嫩鮮香，香濃惹味，配料還有日本廣島蠔，隻隻肥美🦪好入味。半隻雞的份量都唔少，吃到最後加入雞湯變成邊爐湯底～濃郁鮮味。🤍龍鳳呈祥牛肉拼盤拼盤有大有細可選～細的拼盤份量也挺多喔！☺️有多款牛肉包括牛舌片丶手切牛肉丶牛胸尖丶金錢𨫀丶牛肉粒丶雪花肥牛。整體牛味好香濃，肉質也嫩，屬牛控之選。🤍海蝦🦐大大隻感覺很新鮮，涮過後肉質彈牙鮮爽，啖啖肉很不錯。🤍回味五香肉丁餃一客六大件🥟充滿港式情懷的手工餃子，內餡是五香肉丁，吃起來很香口惹味。🤍豐盛雜菜拼盤用了懷舊囍字金屬大杯盛着，雜菜堆到滿滿的，很吸睛！🥳款式多，有白蘿蔔丶丶蓮藕片丶蕃茄片丶粟米丶金菇丶生菜丶油麥菜等，可以一次過吃到超多款式的蔬菜。🤍鹹檸七在懷舊紅A膠杯𥚃的鹹檸七💗 100 ％港風情懷！原個鹹檸檬加入七喜，清爽鹹檸香，解熱一流。

龍鳳呈祥 @lungfung_chickenspot地址：尖沙咀加拿芬道16號金輝大廈2樓 -秘製黃蜆惹味辣雞煲 $268雞煲非常入味，雞件肉質鮮嫩，有好多黃蜆，味道鮮甜，配菜有洋蔥腐竹雞髀菇等，非常豐富-龍鳳呈祥牛肉拼盤（細）$338共有六款牛，分別係牛舌片、手切牛肉、牛胸油、牛柏葉、牛肉粒同雪花肥牛，每樣都可以試啲～-即制回味五香肉丁餃 （6粒）$78-龍鳳呈祥雜菜拼盤 $128娃娃菜、油麥菜，粟米、金針菇、白蘿蔔、生菜、蓮藕、蕃茄同淮山，種類非常豐富，好足料！-自家製陳年鹹檸七 $38@1-醬介 $26@1-#龍鳳呈祥 #雞煲 #雞煲火鍋 #火鍋 #hotpot #hotpothk #火鍋晚市 #打邊爐龍鳳呈祥

前幾日去咗間超有懷舊風嘅餐廳-龍鳳呈祥。嗰度嘅裝潢真係有好多懷舊嘅元素，去到就忍唔住影咗好多相打卡，一路打邊爐一路聽住八九十年代嘅勵志歌，好有feel。 秘制黃蜆惹味辣雞煲 半隻 BB辣 $268呢個煲真係一絕，半隻雞同黃蜆一齊煮，個汁惹味十足，唔會太辣但又好夠味。雞肉嫩滑，黃蜆鮮甜，而且浸咗個汁之後更加入味，每一啖都係一種享受。食完雞煲後就加湯打邊爐。 龍鳳呈祥牛肉拼盤（細）$388呢個拼盤真係肉食者天堂，有唔同部位嘅牛肉，牛舌片、手切牛肉、牛胸尖、和牛金錢展、牛肉粒以及雪花肥牛。每一塊都好新鮮，肉質嫩滑，咬落去牛香滿滿。 即制回味五香肉丁餃 （6粒）$78亦都係必試之選。呢啲餃子皮唔算好薄，但餡料滿滿，食起上好有咬口。五香肉丁味道香氣四溢，每一啖都係充滿驚喜。 新鮮鵝腸 $98脆嫩爽口，千祈唔好淥過龍，會變韌。配上醬油，味道又甘香又鮮。 龍鳳呈祥［豐盛］雜菜拼盤 $388有各種新鮮蔬菜，啱晒鍾意健康飲食嘅朋友。自家製陳年鹹檸七 $38清新解渴，鹹檸嘅香味同七喜配合得天衣無縫，熱辣辣嘅邊爈加上冰凍嘅鹹檸七，正！提一提，餐廳會有每位醬介 $26收費。

人大左就中意想當年, 聽住張國榮, 林子祥, 光B既歌仔食雞煲打邊爐, 連調個醬料既器皿, 飲杯鹹檸七隻杯都夠哂年代感, 好得意。哩度有好幾款口味既雞煲, 最特別係有榴槤雞煲, 中意榴槤既要試下啦~ 我地唔食榴槤就叫左日本廣島蠔雞煲, 個醬認真咸香惹味, 令人食唔停口個隻!兩個人叫個細既牛肉拼盤, D牛都幾靚同新鮮, 有我最中意既手切牛肉之外, 牛胸油都好好食, 油香味重口感爽脆。另外叫左個五香肉丁餃幾得意係出面比較少見, 咸咸香香微微辣咁。竹笙索左湯食一流。仲有個好出色既雜菜拼盤, 首先佢好豐富份量多, 蕃茄同埋蘿蔔都係厚厚的, 仲切成心心片串住, 有D心思。枱枱都有一杯既陳年鹹檸七, 大大粒鹹檸原粒送上，爽! 哩隻膠杯相信冇人唔打番張卡~~

📍 龍鳳呈祥-尖沙咀@lungfung_chickenspot前嗰排食完樓下嗰間香香宮煮～突然之間好想食雞煲，經朋友介紹就去咗龍鳳呈祥，係上一層！一上枱個雞煲醬汁已經好香，散發出雞汁嘅味道！雞煲嘅醬汁先係精華❤️真係冇得輸，回頭率超高！連我身邊嗰一個嘴刁朋友都十分滿意👍✨ 秘制黃蜆惹味辣雞煲大量蒜頭，洋蔥，雞髀菇，芫菱，好惹味😙雞大約20件左右，肉質有嚼勁唔會霉雞肉滑溜之餘醬汁亦調味得恰到好處，唔知遮住咗雞嘅肉味。就連蜆肉都特別多，醬汁先係精華，無論雞肉定係蜆肉都已經入晒味～非常有誠意❤️食完雞煲之後就會打邊爐🍲灼過食物後的辣香令人難忘，而且湯底不會太油膩，口感很清爽，讓人一點也不覺得膩。✨ 龍鳳呈祥牛肉拼盤（細）大大盤份量十足，色澤鮮紅油脂分佈均勻，薄薄一片只需灼8秒就可以進食，那種鮮嫩和牛香，入口有滿滿的感動🥲 ✨回味五香肉丁餃（6粒）係豬肉包住五香肉丁，口感好特別，好有驚喜😘✨ 龍鳳呈祥［豐盛］雜菜拼盤蔬菜新鮮嫩口，有油麥菜，蕃茄，生菜，蓮藕，木耳，淮山等等～✨ 新鮮田雞田雞口感嫩滑，而且啲肉好肥美～✨鹹檸七打邊爐冇可能唔飲鹹檸七嘅🫗#龍鳳呈祥 #雞煲#雞煲火鍋 ＃火鍋#hotpot

好耐無食雞煲，朋友推介龍鳳呈祥嘅鹹蛋黃雞煲，又鍾意聽懷舊金曲，所以決定去尖沙咀到品嚐。入去真係會返返去7、80年代嘅感覺，播嘅歌有張國榮、陳百強，甚至有啲歌我都未聽過，但好有懷舊味道。最有驚喜嘅係除咗懷舊嘅佈置，餐廳仲擺咗梵高嘅唔同畫作作品，好意外同好開心，值得推薦大家去食👍🏻坐低咗之後，一樣掃QR code落單。落完單，店員會先將醬介遞上，調配醬料。🌟秘製鹹蛋黃雞煲 $268濃郁嘅鹹蛋黃醬汁浸潤入肉中，散發出濃濃嘅鹹香氣。鹹蛋黃嘅色澤金黃，配埋蒜蓉、蔥花等材料調制，口感濃郁醇厚，又不會太過鹹膩，充分吸收了雞肉嘅鮮美🌟龍鳳呈祥牛肉拼盤（細）$388唔好睇佢係細嘅拼盤，其實牛肉嘅數量都幾多。拼盤上有牛肉嘅唔同部分，有牛舌片、牛胸油、肥牛等，色澤均勻，肉質新鮮，肥瘦均勻。淥熟之後肉質嫩滑，入口即化🌟即制回味五香肉餃（6粒）$78辣辣地，好惹味，包得飽滿🌟即炸響鈴 $68響鈴朔晒鹹蛋黃味同豬骨湯嘅湯汁，超級掛汁入味🌟龍鳳呈祥［豐盛］雜菜拼盤 $138唔好睇佢細細份，其實佢都有好多蔬菜，有粟米🌽、生菜、娃娃菜、金菇、蓮藕等，味道新鮮清甜🌟自家製陳年鹹檸七兩杯 $76食到咁上下都會口渴，所以叫咗

老公一向好鍾意食雞煲，今次搵嚟一間懷舊主題餐廳試下先。 餐廳以七、八十年代舊香港為主題，場內有唔少打卡位置。首先係霓虹燈、門口位置嘅龍鳳聯婚🐉，客人仲可以揀番自己嘅姓氏，喺前面打個卡。 店舖內仲不斷播放七、八年代嘅歌曲🎵，更加有feel。 餐廳主打雞煲火鍋及多款特色口味雞煲🐔，如榴槤雞煲及鹹蛋黃醬雞煲，今次我哋揀咗個秘制黃蜆惹味辣雞煲，辣度方面可以自由選擇，我哋揀咗個BB辣🌶。呢度嘅雞煲都用上新鮮雞，雞肉嫩滑，加上肥美嘅黃蜆，配合埋各種配料，整個雞煲鮮甜惹味。 食完雞煲之後可以揀雞湯或者豬骨湯底開始火鍋。 牛肉拼盤(細)：牛舌片、手切牛肉、牛胸尖、和牛金錢展、牛肉粒、雪花肥牛。牛肉都好嫩滑，牛味濃郁。另外第一次試牛胸尖，望落好似好油膩，但食落出奇地爽口。 回味五香肉丁餃：五香肉丁餃真係第一次食，餡料好特別，味道香濃。 豐盛雜菜拼盤：呢個豐盛雜菜拼盤認真夠晒豐盛，份量非常多，有唐生菜🥬、娃娃菜、蕃茄🍅、粟米🌽、金菇、蓮藕、木耳、而且仲有切成心形嘅蘿蔔🤍。 荔枝蝦球：比呢個名吸引咗，原來係個外型炸到好似成粒荔枝咁，金黃香脆，粒粒都好紮實。 鹹檸七用上70年代懷舊漱口膠杯，玩味十足。青檸酸味

🤔招牌無骨鳳翼釀雞煲 雞煲嘅味道係預期中惹味、重口味嘅雞煲，感覺係柱侯醬偏多一點點嘅味道。我自己就鍾意香料多啲嘅湯底，例如大量芫荽、花椒味嗰種雞煲。呢個個人口味覺得稍嫌香料嘅味道較弱。招牌嘅無骨雞煲，就係將雞翼拆骨，入邊釀咗蝦滑。貪新鮮試吓。蝦滑都做得彈牙嘅，但係感覺就唔似食雞煲，好似食緊另一樣嘢咁。今次貪新鮮試下，但係如果俾我再揀，我都係情願食返正常嘅雞煲。呢個就唔太似食雞煲想要嗰種嘅口感同風味。龍鳳呈祥丸餃拼盤有手打鮮蝦丸、 芫茜墨魚丸、 芝心蛋燒賣、 即制回味五香肉丁餃 。手打蝦滑同埋墨魚滑彈牙爽口。其中芫荽味墨魚滑都夠重芫荽味。芝心蛋燒賣質感都幾得意，蛋黃唔會煮得好熟好硬，食落又滑滑地，幾好。但係令人好奇嘅五香肉丁餃，試咗冇乜特別，唔係特別夾。可以不試。美濃水蓮 難得有呢款台灣菜，幾有新鮮感。食落去一條條非常爽口。整體來講間餐廳都幾有誠意，有啲新奇嘅菜式。整體味道未至於好驚喜，但係都大路口味，正正常常。環境： ★★★☆☆食物： ★★★☆☆推介度： ★★★☆☆

龍鳳呈祥火鍋雞煲，位於尖沙咀，超近地鐵係正中心點🤘🏻⼀入去已經好有特色，懷舊風既排檔裝修加埋霓虹燈陳設，好靚🤩仲有一張枱係由乒乓波枱改裝🤣主打就係各式雞煲同高質食材，整杯生啤啤住等食🎉日本廣島蠔雞煲，超吸引，專人幫你炒，炒到超香🥹⼀打開啲汁同啲蠔勁搶fo，食雞先，非常惹味，醬汁係最正，肉質都好嫩好滑👍🏻忍唔住即刻食廣島蠔，實在係太肥美，好濃既蠔味，爆汁加埋雞煲既惹味好正😄啲配料比起⼀般雞煲多，筍好正，枝竹勁入味🤗加鮮鵝腸炒下佢，完美融合，又香又好味，啲芽菜都正，好味！🤤龍鳳呈祥牛肉拼盤(細)，細既份量都唔少，手切牛肥美，牛味又濃，相當好味😘牛舌片薄身，但都好濃味，配蔥蒜食好味😎牛胸尖口感特別，金錢展同牛肉粒都好牛好好食，高質素既牛肉拼盤🥩回味五香肉丁餃，幾特別既餃，五香味重，豐盛雜菜拼盤，真係好豐盛😳好多款菜，蘿蔔都有心形🩵好味食得好爽仲有生啤陪😆好爽既⼀晚，鍾意食雞煲真係必食，風味同味道都超班，Bookmarked🤞🏻