龍門冰室 (已結業)

電氣道這間龍門冰室開張不久，今天決定登此龍門吃個早餐試試先。此店前身是中式粥粉面飯茶餐廳，現在重新裝修過後搖身一變為較西式的茶餐室，座位亦比前增加了三分一，落單收銀服務員也很年輕。我要了一份優惠早餐$35，有義燒意粉丶煎雙蛋和奶油厚多士。义燒意粉，喜歡吃硬身的意粉則會嫌意粉煑得太軟身了，义燒亦一般有點韌，湯底味淡。煎雙蛋，油多則蛋滑但可接受。厚多士要趁熱吃才香口外脆內軟。熱西洋菜蜜，茶杯印有香港情懷字樣，這港式飲品味較甜。

最近係公司附近開左間龍門冰室，好耐之前去過觀塘個間龍門冰室，食過晚餐，都唔差，但早餐就未食過，今日一於試試佢。睇睇張餐牌先選擇都算幾多，都係正路野，比較特別既係有菇菌湯米線，好似唔差，但我今次就簡左鮮茄濃湯通粉配煎蛋加鮮牛肉。茄湯而已都幾夠茄味，個人黎講幾鐘意佢啲茄蓉。隻煎蛋唔似其他餐廳咁水，半蛋漿半凝結，我自己就幾鐘意。鮮牛肉無咩雪味，但牛味就無乜，不過不失。其實炮台山早餐黎講有好多選擇，如果唔夠特色/好食/平就好難立足，呢間都算一般中上

在城市花園探望好友後，一同來到附近的龍門冰室開餐。龍門冰室的食物選擇極多，單單是套餐也分了好幾類，而正值下午茶時 段，我點了下午茶套餐，HK$36，包2款食物及飲品。炸薯條拼炸雞脾薯條是粗身的那款，炸得非常香脆，入口有質感，炸脾外醉肉嫩，惹味十足。另外點了精選套餐，包餐湯、沙律、主菜及飲品，價錢由HK$70 - HK$85。紅湯帶有濃郁蕃茄味，入口甜甜辣辣，又不失蕃茄酸香。沙律大大份的，內裏加了大量雜果，酸酸甜甜非常醒胃。香蒜白酒蜆肉意粉意粉帶有濃濃的白酒香味，個人認為挺吸引，但味道淡了一點點，若加多一點蒜泥，會更惹味。時菜時菜有生菜及西蘭花選擇，份量十足，也只不過HK$18，非常抵食。朋友點了廚師推介餐 - 黑椒焗黃豆西冷扒本來是燒汁，但改成黑椒汁，這個餐個人認為非常抵食，因為內裏有2塊大大塊的西冷扒，經醃製後，很入味，肉質亦夠淋滑，意粉掛上黑椒汁，辣辣的，讚。凍奶茶、熱咖啡奶茶的茶香味道濃郁，奶味亦夠重，入口香滑，而咖啡味道同樣不錯，味道醇厚。

今日同朋友黎呢頭行街，見到新開左間龍門冰室，決心一試！令我最surprise既係每樣野(除了野飲)都係即叫即整，上到黎都係岩岩出爐，超新鮮！椒鹽雞翼 $40平時食開蜜糖雞翼🍖，今日試下椒鹽味😉。椒鹽雞翼的焦度剛剛好，炸到好香脆。一咬落去，外皮嗶啵一聲，內層的肉汁流出，外脆內軟，口感好👍👍星級雜扒 $105意料之外，冇諗過甘精緻！煙三文魚呈花狀，煙燻味很濃，鹽量控制得剛剛好保留了魚的鮮味😍。帶子很出色，外表炸至金黃色，由於沾粉少，所以炸的部分很薄，更加突出到外脆內軟的口感👍👍西冷扒🥩性價比較高，保留了濃郁既牛味。雞扒很軟，輕輕一咬，便咬開了，值得一提的是整個雜扒的鋪排，雞扒放在鐵板底層，雞扒肉汁多，同時食的時候係溫熱👍 西冷扒擺係上層，避免同底部直接接觸令口感變硬。薯蓉焗青口 $40每隻青口都好大隻，薯蓉混著沙律芝士醬鋪係面，緊緊鎖住青口的肉汁，一定要趁熱食！凍咸檸七 $5經典的凍咸檸七，跟餐食超抵。紅豆冰 $24紅豆冰特登叫了少冰，紅豆份量多，粒粒飽滿👍👍