龍門冰室 (已結業)

Happy Friday 當然要出街食飯啦！甘岩係城市花園探完朋友之後，就見到有間新開的冰室所以就決定去試一下，我地6點幾就去食飯所以都唔係好多人餐廳的裝修以黑白為主，都幾有格調。我今次就點了一份精選晚餐，有鐵板龍門三扒，有雞牛豬，仲可以配飯或意粉或薯菜。而我就選擇配薯菜。首先黎左個紅湯及多士，鐵板一黎到既時候真係哇左一聲，因為三塊扒都係勁大塊，仲要用多隻碟先夠位食而且三塊肉既肉質都唔錯，性價比好高。而我朋友就點了一份常餐，瑞士汁雞翼配公仔麵，有一份蛋同多士，瑞士汁很濃味，蛋捲得好有心機。而食物的種類也比一般的冰室也較為多，連英式早餐都有，同埋有宵夜餐添，下次好夜而又想食宵夜既朋友又可以多一個選擇拉。

為咗香港，父親節都要變做負親節，唔慶祝就係為咗做應做嘅事。不過，做任何事都需要energy嘅，所以，食飯先！就算喺炮台山，間間餐廳都爆棚，唯有認命等吓啦卒之等到喇，拿拿臨落單，等啲嘢食快啲上嚟今日最啱食地道啲嘅嘢，瑞士雞翼咁有歷史，唔係唔嗌嘛？大胃好鍾意黑松露㗎，個炒蛋啖啖都有黑松露，好爽呀天口㷫，飲杯鹹檸七降溫先呢杯疑似Babycino嘅物體$70就有份咁足料嘅all day breakfast，大滿足呀加埋遲來的沙律，飽到上喉嚨，好想嗌呀食飽肚，歎夠冷氣，係時候上街喇

朋友話之前食過呢間冰室唔錯，所以今日就帶我試下~入到餐廳，個佈局係比較懷舊風，由於當晚都幾爆，所以唔方便影相~講返正題，有別於一般冰室，呢間冰室嘅菜式有好多種，西式偏多，但都有一啲創意嘅中西式Crossover料理。除左精選晚餐之外，仲有一大本嘅其他野食可以嗌。我就嗌左個傳統英式早餐。其實呢個餐通常係叫All day breakfast， 但呢間冰室好得意，有提供佢地自己嘅全日早餐，係真係全日都可以食港式早餐果種，好過癮。同埋如果唔算太餓嘅話，夜晚食呢個會好抵食~餐湯係羅宋湯，呢個湯比較偏酸再帶少少辣，應該落左好多蕃茄，好岩我口味~傳統英式早餐: 好豐富呀~~~包括有厚牛油多士、大啡菇、茄汁豆、香草味嘅德國腸、煙三文魚、煙肉、三角薯餅、沙律菜同埋炒滑蛋。不得不說，呢個餐比起平時出面食嘅份量多之餘，味道都好唔錯。個滑蛋中間係充滿流心，啡菇爽口又多汁，香草腸亦唔會死咸，好味!朋友嗌嘅四式芝士炒蝦球: 原本以為係乾炒，點知原來係好多芝士汁浸住啲蝦球，咁樣反而令到啲蝦球掛滿芝士。芝士味好濃，蝦球好大粒同爽口，我都忍唔住偷食左兩舊。不過佢都有成7,8舊，所以冇所謂啦~~黑松露芝士焗雜菌西蘭花:

以前曾經食過銅鑼灣龍門冰室，印象幾好，最近炮台山新開分店，當然要試試。街坊生意，價錢好公道，選擇多，仲有些比較特別的菜式：日式玉子燒、美式鐵板、韓式、麻辣瑞士汁鷄翼公仔麵餐（$46）改奶醬脆豬（+$5）改蕃茄湯（+$3）瑞士汁雞翼，好濃味奶醬脆豬，夠多醬，又脆北海道牛乳炒蛋，不太肥膩蕃茄湯，加了薯仔，酸酸甜甜，感覺無味精熱鮮奶（+$7）服務員好細心，提醒我熱鮮奶是普通奶，並不是北海道牛奶鮮茄豬扒焗飯（$54）即焗，上菜時茄汁芝士仍在噗噗噗，豬扒好厚身，好多芝士，如果多幾件蕃茄就更好，感覺冇咁邪惡奶茶紅豆冰（+$9）奶茶味夠，紅豆又諗又甜，夠創意上菜快，又夠大份，炮台山街坊又一新選擇

要ot 最緊要就係食餐好，食飯餐先再返上公司努力過，見樓下間茶記新開一排都未試過，一於就拉埋同事仔落去食啦。佢呢間茶記都幾多人，我睇睇餐牌又幾多選擇喎。我同同事叫咗一人一個餐再加個小食。日式玉子燒配大蝦撈麵王子燒仲可以配餸，可以選擇吞拿魚，肉醬，黑松露雜菌等等今次就試咗肉醬，口感都幾豐富，仲配有芝士，所以都唔好睇少呢個餐！其實都幾多野食ga。星級雜扒鐵板餐呢個仲豐富，一坐小山咁上枱，牛扒、雞扒、英式腸、煙三文魚、炸帶子仲可以配飯、意粉或者薯菜只係講有咩都咁大句，呢個價錢都已經抵哂果然係星級之選！啱哂大食嘅肉食朋友。小食就要咗個焗薯皮佢嘅薯皮同我想像嘅唔同，原來佢係將薯仔切片，再鋪滿整個碟，加上芝士再拎去焗。所以又係大大碟，每次叉的一啖都係滿滿的薯！ 另外推介紅豆奶茶，足料紅豆！整體呢間餐廳都多人食，野食味道都不錯，重點大大份好抵食！食飽又要返去做野喇！ 命苦的打工仔。

今晚做完嘢，想快趣醫下個肚，行過依間應該係新開嘅茶記，就入去試吓。入到去搵個卡位坐低，就俾佢個Iron Man擺設吸引着，好正。叫咗個海鮮鐵板餐，凍飲改咗叫菠蘿冰，my favourite 😁。佢哋仲有好多咖啡下次嚟可以試吓。個海鮮鐵板餐好多嘢食，青口，蝦，魷魚，魚柳，等等，仲有我鍾意食嘅薯條，好飽肚同味道都唔差，可以再嚟試其他鐵板餐。夥計都好有禮貌，問佢攞支茄汁，好似係日本牌子，真係估唔到，好味嘅茄汁。食飽飽。😁

都有一排冇食茶餐廳，今晚同老公都想食，個friend介紹佢屋企附近新開左間茶餐廳水準唔錯，所以一於去試下。飲凍檸蜜，檸檬厚切4片，咁先夠檸檬味架馬，抵讚！小食試左土匪雞翼同 黑松露芝士焗雜菇西蘭花。 土匪雞翼 $50有6隻，雞肉嫩滑多汁，外面味道香濃，抵食。 焗西蘭花個芝士黑松露汁好香濃黑松露同芝士味，面嗰浸有芝士同黑松露嘅地方好好食，可惜下邊冇醬汁嘅地方呢就冇咩味，如果醬汁可以均勻啲就好啦。主菜要左咸牛肉芝士玉子燒餐，揀咗炸蝦同撈丁，份量好足，玉子燒個蛋好香，同咸牛肉芝士好夾，而且芝士都算多，由頭食到尾都有，好好味！老公叫咗鐵板羊架併香草腸，個羊架好好味，夠淋，但又唔係用咗鬆肉粉嗰種淋，羊嘅質素唔錯，小小羊騷味，配個龍蝦汁，真係好好食，值得推介！

去完油街實現 就係附近搵食原來龍門冰室連北角都開左分店見都幾滿座 就入去試下.傳統英式早餐🥓$70嘩 冰室發展到all day breakfast都有得食仲要質素都唔差 好豐富 賣相又靚有滑蛋 德國腸 煙三文魚 煙肉 大蘑菇薯餅 焗豆 多士😍最好食係滑蛋 高水準成碟都唔會話好油 大蘑菇仲充滿牛油香添.秘製咖哩羊架撈丁🐑$78芝士/瑞士汁撈丁就食唔少 咖哩都係第一次少辣重咖哩香 薯仔入哂味仲好食羊架煮得超級淋 冇羶味 一切就分開了少少脂肪令到肉質肥美帶油香.凍飲加$3 特飲就加$7咸檸七🍋甘熱天氣飲真係好爽紅豆冰🍧冰同煉奶都有啲多 紅豆幾淋.店員姨姨都友善 一叫就黎上菜時間都好快 整體表現都不錯最特別係店內放左好多iron man😹老闆應該係marvel 粉絲？

近排見龍門冰室越開越多，迅速已經擴展到炮台山，我每星期都會經過起碼一次，所以就約朋友入嚟試吓，睇吓有冇機會成為下一間例牌飯堂。之前試過龍門冰室其他分店，覺得款式多元化，有別於傳統茶餐廳，意大利至韓國菜式都有，食幾餐都唔會厭倦，而且價錢親民，所以晚餐時間幾乎滿座。出外食飯最怕冇蔬菜，所以同朋友特別點了一客黑松露芝士焗雜菌西蘭花，上面果然鋪滿芝士，而且黑松露香氣濃郁，非常吸引。雜菌、芝士和黑松露的配搭👍🏽👍🏽連不太喜歡吃西蘭花的朋友也吃了起碼一半😂食西蘭花最怕半生熟，這裏的西蘭花烹調時間剛剛好，juicy但保留爽脆的口感，沒有草腥味，加上吸入了香噴噴的忌廉芝士汁醬，非常好吃。鐵板餐的選擇也很多，今晚選了海鮮大餐!份量絕對足夠兩個人分享，係一大塊炸魚樓下面，有帶子、虎蝦和魷魚圈，每一種起碼有兩至三件，配合濃郁的龍蝦湯，熱騰騰的上枱，帶給人一種莫名的滿足感。不過薯條略嫌不夠脆口，可能油溫不夠高，幸好薯條中心的薯蓉仍然保持綿密的口感。在此也想特別讚賞一下薯蓉青口，薯蓉裏面夾雜着煙肉粒，加上青口夠新鮮，味道幾鮮甜，$40六隻青口算係好平👍🏽😎

今晚收工同男朋友去附近食飯， 見到北角都開左間龍門冰室， 以前係觀塘都試過， 質素唔差， 可惜後來搬遷左。今次就索性係度食埋晚餐。一入到去， 其實都多人幫襯， 算係繁忙時候， 我地因為想坐卡位就等左十分鐘島。 順便睇埋餐牌， 餐牌種類比一般冰室更多選擇， 除左鐵板 小炒 常餐， 仲有韓國鐵板飯 , 麻辣米線， 甚至好多黑松露為主既小食。我地就揀左 黑松露炒蛋套餐， 晚市既 四式芝士炒蝦球， 晚市既 帶子西蘭花。待應話帶子冇哂， 改為海鮮。我地都ok晚市套餐超抵， 除左有飯同餐湯， 仲配埋多士比你。先上跟餐多士同餐湯 , 原來係厚多士黎！ 烘得非常唔錯 出面金黃色， 入面牛油剛溶。餐湯係羅宋湯， 唔辣， 較甜， 都多料好味。再黎黑松露炒蛋， 上碟既時候仲流心架聞落d 黑松露味濃到， 男朋友表示就算飲緊羅宋湯， 都好似飲緊黑松露味。舊蛋大到鋪滿左成塊多士， 好滑嫩， 配埋多士一齊食真係大滿足。食到四成飽既時候西蘭花上菜了， 原來係用鐵煲上， 夠哂熱， 聞落好香蒜味， 份量都好多。海鮮都有魷魚 蜆 蟹柳。西蘭花炒得岩岩熟， 唔會太淋。最後就上四式芝士蝦球， 由鐵煲上， 一開始估唔到有咁多汁，

龍門冰室有很多分店，最近在北角也開了一間。這麼近有一間當然要去試一下，而去冰室最好的時間就是下午茶。餐廳選擇極多，光是看餐牌已經看了很久，有飯有麵有小食，最終我跟老公敲定抵食的下午茶餐。Q版焗肉醬意粉+香脆魚柳+土匪雞翼+熱檸蜜肉醬意粉雖是Q版但也不少，它是口感比較creamy的那款肉醬意粉。魚柳炸得香脆，粉漿不會過厚，附上淡淡的沙律醬作配襯剛好。套餐還可加錢加小食，我選了土匪雞翼。這個雞翼小辣惹味，香口燒得剛好。麻醬凍烏冬+鹵水雞脾+咸牛炒蛋+奶茶紅豆冰麻醬加烏冬基本上是不會出錯的配搭，嫌沒有肉加上鹵水雞脾就肯定夠飽。雞脾肉質嫰滑，鹵水入味。這個餐加配的咸牛炒蛋亦很不錯，炒蛋香滑，咸牛有咸香味。奶茶紅豆冰雖要加錢，但飲這個會更爽，紅豆冰很多。沙爹鮮牛肉脆豬由於我們已有兩個餐，所以只單點了脆豬，走飲品可減五元呢。脆豬脆脆又大個，沙爹鮮牛給的很多，每一口都可吃到。見到晚市時段有鐵板餐供應，應該也是一個不錯選擇。

之前係紅磡食過龍門，見到屋企附近新開左一間分店，當然要黎試下！今日lunchtime過黎，無諗過佢新開無耐都咁好生意，好彩都唔洗等位。侍應拎左餐牌黎，餐牌成本書咁，好多選擇，加上我有選擇困難症，簡左好耐都未簡好🤣花多眼亂既情況下叫左兩樣：叫左All day breakfast，好豐富🤤有多士、煙三文魚、煙肉、蘑菇、薯餅、茄汁豆、omelette、羅宋湯、沙律。蘑菇好大粒，好有西餐feel！蘑菇上面有好多汁，咬落好林，好香磨菇味。煙三文魚上碟方式都有講究，捲成玫瑰型👍🏻多士都有水準，脆既。煙肉唔係鬼佬整法，更健康，美國佬嗰啲⋯⋯太油🙈羅宋湯入面有好多料，湯格外夠味。沙律好大份。另外叫左輕型流心（俺列）多士餐，簡左芝士汁配餐肉。開頭睇佢個俺列啲蛋咁熟，心諗一定唔滑啦，食落口就omg喇，忘記左芝士汁既存在，俺列包住啲流心芝士，原來廚師想我地食既係呢種感覺，好幸福啊。俺列成個碟咁大！另外特別想試試飲品，Latte想加Vanilla，想同coffee shop比較下，點知阿姐聽唔明Vanilla⋯⋯黎左普通Latte。幸好都無令我失望，雖然唔係完美73比例，但整體而言咖啡味香濃。無諗過冰室都有a

北角做完嘢，經過見企企理理就入咗去！6點零，未係好多人！以為係普通茶記，點知都幾多嘢食揀！米線: 辣椒醬幾好食，又唔係特別辣，大部分人應該都接受到！牛扒：份量頗大，相信大食男仔都食得飽，好茶餐廳早餐扒feel, 朋友好中意，話個龍蝦汁幾好味！跟餐仲有埋湯同嘢飲！黑松露薯條: 賣相一般，估唔到幾好味，似係sour cream 溝埋松露醬，再加埋薯條熱辣辣，係好食嘅！總括黎講，茶餐廳之余，有驚喜，嘢食ok！經過不妨一試！姐姐們服務好熱情，少可係茶餐廳見到，抵贊！

來到北角事旦搵野食入到來龍門冰室睇到門口餐牌都幾多野食同埋價錢都幾抵食就入左來坐底環境尚可一目了然魚柳芝士奄列餐雖然魚柳都係雪藏但都好大塊同炸得好好都幾乾身外脆芝士汁奄列雖然薄薄的一塊奄列不過都幾多芝士汁芝士汁係薄薄的奄列顯得芝士汁變得豐富起來瑞士雞翼呢個雞翼好出色雖然得三隻要食多碟個瑞士汁好夠味唔會太甜同太咸用埋來撈公仔麵點奄列食簡直係一流豬扒炒一丁好有鑊氣甜醬油炒甜醬油比較甜最後加埋瑞士雞翼汁溝一溝佢都幾多豬扒豬扒都算嫩身紅豆朱古力西多士睇到個樣就知係邪惡西多啦入面勁多紅豆甜味剛剛好西多炸到金色反而紅豆朱古力比想像中無咁甜都唔係好邪惡啫仲加左三隻土匪雞翼好香口炸到皮脆雞肉嫩滑最後仲要左檸檬利賓納甜甜既利賓納加塊檸檬酸酸地好開胃朋友就叫咗香滑奶茶都好好飲

今早來到北角，途經龍門冰室便停下來吃一個簡單的早餐先。打開餐牌，發覺極多選擇，有各種湯粉面、三文治、豬仔包和多士等等。這店還供應全日早餐，絕對是輕食者的好選擇。最後我點了一個營養餐，3.6 北海道牛乳炒蛋是一層層的，但牛乳味不濃而且較油。我選了拼午餐肉，雖然午餐肉一點也不健康，但是我的至愛。餐肉有兩片薄切半圓塊，煎得較油。厚多士較為理想，新鮮烘焙，都算外脆內軟，可惜欠足夠牛油。飲品方面，今早不想喝咖啡，所以我點了熱好立克，味道已足夠，不用加糖。這個營養餐是售$31，算是中規中矩。