95
4
4
港鐵炮台山站 B 出口, 步行約3分鐘 繼續閱讀
付款方式
現金
其他資料
支持防疫 詳細介紹
加一服務費
食評 (109)
等級4 2020-08-13
246 瀏覽
位於炮台山地鐵站唔遠嘅龍門冰室應該成為左街知巷聞嘅一流茶餐廳。向來茶餐廳發展得咁蓬勃所以唔細心品嚐清楚嘅話真係好難分高低🤣🤣今次一於試吓龍門冰室嗰啲招牌菜,睇吓係咪真係不負眾望。首先就試咗個吞拿魚豬仔,奶油豬就食得多但好少見奶油豬夾其他嘅配料,一食落去首先係外脆嘅豬仔,裏面包住嘅就係軟綿綿嘅吞拿魚蓉,鹹鹹地又甜甜地嘅感覺真心幾難忘,擺脫左豬仔淨係可以配奶油嘅諗法👍🏼👍🏼👍🏼👍🏼👍🏼👍🏼然之後就要試吓全日都有嘅all day breakfast,賣相已經好吸引,就連擺盆都唔係求其就咁將全部野擺晒就算, 茶餐廳都可以出到呢一啲級數真係首屈一指,比較特別就係炒蛋同埋兩款唔同嘅腸仔,兩樣都可以用香軟嚟形容,薯餅又係脆卜卜。每一款嘅食材都務求最新鮮最熱辣辣嘅狀態先出嚟,呢一啲細節都係食客非常之斟酌嘅部份。煮食嘅話我自己就推介咖喱系列,當中就以咖喱羊架就比較特別,咖喱牛腩咖喱雞呢一啲平時食得多,咖喱羊呢一個的確唔常見所以更加要試吓。咖喱味道非常香濃,係香港嘅特色,既有濃烈嘅感覺亦都有少少辣味。至於羊架,滋味十足,烤完過後再浸係咖喱度好有強烈嘅風味😊😊😊食物嘅款式同埋味道思源之後真係回味無窮仲要每一樣嘢嘅份量都算係幾大所以絕對會夠飽,嘢飲就當然要試吓呢一度嘅招牌凍朱古力,香香甜甜可以調和下每一樣餸去到每一樣餸之間嘅味道龍門冰室長期咁多忠實支持者並非冇道理, 因為單憑味道色相同埋份量都已經俾咗一個好肯定嘅答案點解要去支持 ✔️✔️✔️✔️ 繼續閱讀
(以上食評乃用戶個人意見 , 並不代表OpenRice之觀點。)
等級7 2020-04-26
1227 瀏覽
有一段時間沒有在平日食下午茶,碰巧見到自去年下半年起冒起名來的「龍門冰室」,才驚覺原來從來未幫襯,擇日不如撞日,今日就去試試。餐廳老闆似乎對 Marvel Studios 的 Iron Man 情有獨鍾,用了一系列不同型號的 Iron Man 盔甲模型作為小擺設,雖然同港式茶餐廳完全沾不上任何關係,餐廳亦沒有什麼與 Iron Man 有關的室內裝修主題。餐廳服務員全部穿上黃色 Polo T恤 ⋯⋯ 突然聯想起,莫非與餐廳老闆的「黃色經濟圈」背景有關係?忽發奇想,是否所有員工都有相同政治立場?越諗越遠,在 openrice 都係專注返飲飲食食!揀了煉奶花生醬西多士餐($33),特別指明唔要煉奶、要糖漿。送上西多士已經加了糖漿,個人口味稍嫌份量少了一點。雖然如此,但西多士賣相就充滿驚喜。用上了兩件厚身方包,亦事先張揚在兩片方包之間塗上了花生醬 ⋯⋯ 正是傳統經典的港式法蘭西多士炮制方法!麵包浸透了雞蛋漿,炸得透徹,一刀切下去已感覺到麵包表面香脆。水氣、食油即時滲出,與牛油及糖漿混和在一起;原本炸至鬆起的方包也開始下陷,變得薄身了。切成細細件,再大啖咬下去;花生醬份量充足、多士炸得香口、牛油溝糖漿味道剛剛好(如果糖漿再多一些會更香甜),好食。離開餐廳時還有點懷疑這一間「龍門冰室」是否就是那間因為老闆寧願唔收錢、也懇請一位不同政見客人離開餐廳而聲名大噪的「龍門」,翻開餐牌最後一頁,全香港共有六間分店 ⋯⋯ 冇搞錯,這一間是真·「龍門」。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-08
329 瀏覽
龍門既立場人人皆知 喺藍店居多既炮台山 呢間龍門既門面同其他食肆形成極強烈既對比😎今日見收早 就同同事黎龍門食個tea💁🏽‍♀️幾個月無黎龍門 發現龍門有好多地方都完善左 做足防疫措施👍🏽✨ 🌟一入去餐廳 店員就驗溫 🌟枱上既餐具盒改為用有蓋既餐具盒🍴🌟卡位加左膠板做間隔🌟每枱都有消毒噴霧、酒精搓手液🌟派紙袋俾客人袋住口罩而家既menu輕身過以前既一本過既menu好多 而且清晰易睇左好多👍🏽我同同事分別叫左💁🏽‍♀️下午茶套餐($36) (+$3)凍飲揀左👉🏼 D. 粟米碎蛋沙律 配4. 香脆魚柳我好天真咁以為粟米碎蛋沙律🥗就淨係得粟米同埋碎蛋 但原來仲有好多雜果!! 沙律醬既份量都好多 鍾意食沙律醬既話 龍門既沙律一定可以滿足到你😝吉列魚柳 外脆內嫩 幾厚身👍🏽沙律醬另上 份量都係超多!! 同事就揀左👉🏼 煉奶花生醬西多士餐($33)炸到金黃既西多士 外型相當吸引又非常之邪惡😈西多士中間有濃濃既花生味🥜牛油同糖漿由廚師調配 兩者份量都岩岩好~~熱檸水同凍檸茶解膩一流✨ 檸檬🍋切得唔算薄 但每杯都有三塊😍平時慣咗飲熱飲既話 拮完檸檬會拎起佢 但係今日掛住食野唔記得左🤣 浸左大半個鐘都冇澀既味道👍🏽最後我地兩個都飽到無咩點食晚飯🤣 可見下午茶黎講 份量相當足夠!總結🌟只要我一日喺呢頭番工 我都會繼續幫襯呢間龍門架!! 堂食/外賣都好😌 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-01
58 瀏覽
今日就去nike outlet度買鞋, 咁臨走之前, 就喺附近食個餐, 六點之前, 未禁堂食, 仲有堂食, 食個下午茶餐, 都係40零蚊左右, 非常之抵。有一個湯麵, 再加個多士, 再加一份玉子燒, 我就要咗雪菜肉絲米粉, 呢個米粉真係真心讚, 因為佢用咗我最鍾意嘅新竹米粉, 特有的Q 彈咬勁與米香, 又掛湯, 口感一流。 肉絲係口感非常的軟滑, 用上新鮮的雪菜唔係用罐頭貨, 呢個真心讚。另外就係玉子燒, 有鹹牛肉嘅香味, 香濃鹹牛肉, 配埋蛋香, 配搭一流, 口感軟嫩潤滑 。再加埋個多士, 真係夠曬飽肚, 當一個晚飯來食, 真係非常之抵。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-01
29 瀏覽
今日趕時間番屋企收貨,但段好短既時間食個快飯,黎到呢間好出名既茶餐廳:龍門冰室醫肚,平時聽講就成日要大排長龍,但最近可能因為疫情既關係,唔使等位直入👍🏻👍🏻環境以茶餐廳來講都算幾舒適闊落,又幾乾淨㗎,印象分唔錯先叫左個午市快餐滑蛋叉燒飯 $48老實講一開頭睇笑左,估唔到滑蛋同叉燒係分開😂😂😂但食落又唔錯,滑蛋夠曬滑,唔會太鞋叉燒汁定係特別,蜜汁味比較強,偏甜既叉燒,但都唔錯整體質素中上,平靚正❗️❗️ 繼續閱讀
(以上食評乃用戶個人意見 , 並不代表OpenRice之觀點。)