龍邦燒味小廚茶餐廳

營業中

休息中

又到午餐時間，係時間周邊搵野食。「龍邦」在我心目中稱得上是附近地區最好食的燒味店，不騙你可以來試一試，無人不曉的，真的係好好好食價錢又合理，我一個星期至少吃一兩次。地點非常方便，每次去到門口必人山人海，見議先打電話order，十分鐘後去取。座無虛席超多人，店內環境都算是好大，又光猛乾凈企理。份量超級多，淨餸都飽，附送一條菜义燒不肥不瘦不硬也不乾，質感好爽口蜜汁叉燒真的好好食。燒肉是肥了點，但皮燒得非常非常的脆口，可見廚師功力

最近依幾日落雨，唔想周圍去，係附近搵一間野食就算。見到依間都唔少人排隊，聽聞係附近最出名既燒味店，咁我又試試先。叫左個普通燒肉切雞飯，份量超多！D餸成2層樓高，淨係食餸都飽死。但價錢有少少貴，對比係其他地方既燒味餐廳。可能因為中上環地區，貴少少都無辦法。但係真心係好食既，久唔久食一餐，唔係日日食都ok👌🏻。

雞髀四寶飯——油光閃閃係呢碟飯俾我嘅第一印象。四寶飯有兩寶係預設：雞髀及鹹蛋，另外兩寶揀咗燒肉及燒鵝。主角雞脾調味均勻，肥瘦均秤。豐富一餐盛惠$63，雖然價錢唔算平，但係有咁多餸，都算合情合理。抵食👍😋.😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋

依間餐廳係上環地鐵站附近，地點非常方便，附近想搵收得野嘅餐廳選擇其實唔多好多都好早收，但我成日收工都好夜搞到冇咩選擇，好彩仲有呢一間極品每次嚟到我都好鍾意叫呢個 叉燒海蜇瀨粉真係好好食😭 可能肚餓覺得佢特別好食🤣❤️ 叉燒 — 叉燒真係越肥越好食😆 因為叉燒同牛扒一樣，如果太瘦，通常都會燒得好硬同好乾，所以識食就食半肥瘦喇！除咗油份夠，質感都會爽口D!呢個叉燒質感爽口同味道都唔錯，蜜汁的表面做得好好，師傅一d都唔馬虎❤️ 海蜇 — 呢度用既海蜇唔係一般好薄嘅平價海蜇，用嘅都係海蜇頭，Q彈既口感～❤️ 瀨粉 — 唔會太淋，湯底有少少調味，唔錯呢間餐廳我已經食過好多次，真係次次都幾好食，重點係佢收好夜，哈哈 🙂

今天在附近工作，看到這店便隨便走進來，原本只是想要吃個下午茶之類的，但是看到他們燒臘部掛起的雞鴨鵝，就改變了主意了！😉這個雞髀四寶餐，有雞脾、叉燒、燒肉，三款肉類和半隻鹹蛋。豉油雞的雞肉很嫰滑，豉油的味道也不會過甜剛好。外面有很多店的豉油雞，都是煮得過熟，雞肉是 “實” 的，這裏的又軟又嫰。點讚！👍🏼叉燒的肉質鬆軟肥瘦平均，燒肉仍然是脆口的，很好吃！在上環的商業區，這個套餐也只是＄61，而且還有一杯凍飲，算是超值吧！👌🏻

I’ve been to this Chinese BBQ cafe style restaurant for few years time. This place has a huge variety of Chinese comfort food but their specialty is definitely their home cooked BBQ. I would say their goose can compare to few Michelin one near by. The venue is clean and comfort and have daily recommendation for lunch and dinner. Place open very early and already have Chinese BBQ ready to serve. My favourite is the goose and the red sausage.

上堂上到攰攰哋…趁住阿sir放break就又走出去搵嘢食啦，晨咁早除咗茶餐廳其實都冇咩好選擇。我朋友就推薦食呢燒味茶餐廳，啫係既有提供即斬燒味又有茶餐廳嘢食，睇落唔錯喎，一於試下先！！不過我哋想食麵唔想食燒味…晨咁早食咩燒味啫！店面入面環境都幾大下，又夠光猛，乾淨企理咁。我就食B餐：火腿奄列牛油餐包、沙嗲牛肉公仔麵、熱華田。味道都係籠統果種啦，冇話特別好味，係平時食開果種味道囉，不過咁都好嘅，穩穩陣陣咁就唔會比人話難食。我frd就食C餐：煎蛋牛油餐包、蜜汁叉燒通粉、凍奶茶。叉燒就比咗幾塊，不過食落又唔錯嘅，唔會太肥膩，不愧係即斬燒味、燒味茶餐廳。

一點已經打去嗌定，到一點二十分去到仲未有，仲話好快有。。直到等到點半，連遲過我既號碼都有我就問幾時有，佢又係個句好快，我就話都半個中啦過。佢仲大大聲話你打黎都要等都要排，又吾係我整。。大佬問題吾係吾等，但等左半個鐘都無正常都問啦。。仲嗌我咁你下次吾好打黎永遠吾會再幫襯

燒味算區內最好，肥叉非常鬆化，偏甜；燒肉皮脆但一般肉質乾硬，部位問題；雞嫩滑，但始終不及屋企買新鮮雞整，出街食舖租貴大家都明；鴨燒得好，可見師傅功力。廚房炒粉麵相對普通，試過一兩次都無再試，上環區大有選擇。外賣平堂食好多，大約平三分一，可以打定電話落單非常方便，但試過多次錯單漏單，平均十次有一兩次。例湯都唔馬虎，足料又夠火喉，如果試過午飯時間幫襯就知，午飯前準備定嘅例湯長城咁一幅例湯牆轉個頭就無晒。

位於上環文咸東街既龍邦燒味飯係中上環一帶好出名唔少位於該區工作既上班族都一定聽過呢個大名今晚因工作關係要買個飯盒返公司食晚市的龍邦唔算多人無左午市果隻人來人往既感覺龍邦既燒味無論係叉燒、油雞、切雞、乳豬都好出色我今次叫左叉燒、油雞雙併再加半隻咸蛋今次既叉燒過燶令到整盒飯都充滿著黑色一點點確實令人唔太開胃而油雞仲有少少血水今次確實係唔太愉快既經歷但忙中都會有錯下次我都會繼續光顧希望能保持一如以往既水準

在附近上班 已食這間很多年 以前d叉燒真係好好食 現在換了師傅之後就差左 門口個女人態度亦都很差 成日係個咪到大叫已經好討厭 我叫肥叉飯 反落去叫她換 等了又等 完全沒有理會我 之後她同我講 話已經好肥 仲想換什麼 不是吧！ 又乾又瘦叫肥？ 之後她好死死地氣 不肯換 只叫個叉燒佬 被倆片肥膏我 真係好氣 我和同事們 以後都不會再吃!

我係叉燒精，好鐘意食叉燒，但凡朋友話邊度嘅叉燒好食我都會搵機會去試。之前係朋友介紹，試過一次唔係太大感覺。之後有機會喺附近返工，嗰時就成日嚟買叉燒飯食慢慢先食到箇中滋味。呢間嘅叉燒係真係好味，好軟好嫩，仲食到淡淡嘅炭燒香味。雖然對我嚟講係略為甜咗少少，但都係值得推介嘅。所以有一次幾個朋友喺上環附近gathering，我就買咗$100叉燒加餸。估唔到大大盒，好抵呀！個個朋友都話好好食堂食嘅話就都係茶餐廳嘢食啦，都幾多嘢揀。不過我都係最鐘情叉燒

繼之前食完甘x燒鵝 失望而回之後 就心思思好想搵間好食既試下，咁橋同事介紹呢一間平靚正燒味 梗係去試下啦見到好多人係門口，以為有排等啦原來全部都係等外賣！(下面講原因)叉鵝瀨 $6x叉燒偏甜 有點柴 不過勝在份量都算多燒鵝就相對較少 肉加埋都唔夠一舊叉燒 味道還可以既 肥膏佔大多數！個瀬粉同個湯底就無乜味道，呢一樣甘x做得比佢好好多啦！總結，聽講外賣只係四十幾 堂食比較貴如果真係四十幾既話 都係抵食。而家6x就貴左d啦 可能唔好嗌鵝會好一點 因為始終鵝太貴啦！

很久沒有來這間店吃燒味，之前在附近上班，都會經常來這裹買外賣，因為外賣比堂食便宜。不過，今天就約了一位朋友在這裹吃飯，堂食吃燒味飯。 我覺得這裹的燒味做得是比較出色的，一方面是份量較大，同一價錢份量比快餐店的要多，而味道還可以。今天我點了燒肉及燒鴨雙併飯，加汽水，53元。燒肉這裹是做得比較出色的，所以必點，叉燒都ok，不過今早吃了叉燒包做早餐，所以就沒有點了。唯一是舖面位置比較迫，可以的話還是外帶比較好。

今日行到龍邦燒味小廚茶餐廳，見唔洗等位即刻入咗去，lunch time時間好多人，所以座位好緊張。今日叫咗燒味雙併餐，叉燒併燒鴨飯，再加兩蚊要咗罐裝汽水，可能多人關係，要等咗一陣，嚟到一睇，嘩！燒鴨係脾嚟，成碟飯好大碟，叉燒有幾舊就係半肥瘦，好好味，但有幾舊就太瘦有啲韌，至於燒鴨皮太燶，飯底就唔錯。環境就係一般茶餐廳裝修，冇咩太特別。服務就都係一般茶餐廳服務，冇驚喜亦冇期望。價錢方面上環價，唔算平亦唔係貴，可接受。眼見好多人買外賣，可能係咁嘅原因，所以堂食要等。店外裝修燒味雙併(叉燒併燒鴨飯)半肥瘦叉燒餐牌