龍邦燒味小廚茶餐廳

營業中

休息中

上環地鐵站附近有間叫龍邦燒味，網上盛傳係全港最好食叉燒頭五位，今日一於試試。早上11:45堂食外賣都唔算多人，咁就決定外賣，叫咗個半肥义油雞飯走胸，飲例湯，合共$45蚊。沒有因為佢網上嘅盛傳而收天價，以中上還來講算合理價。五分鐘路程返到公司，打開盒飯有啲失望，因為盒飯已經唔算熱啦，只可以話係微暖，連例湯都係一樣。如果食燒味飯其實希望啲飯熱焫焫咁就會開心啲。講返個燒味，雖然叫咗半肥瘦，但點睇都唔係半肥瘦啦，咁又唔係好韌，都有少少肥膏，好處係夠諗，味道還可以接受。油雞顏色深，有玫瑰露嘅香味，但淋響上面嘅薑溶只有蔥，完全冇薑，這點要扣分。其實好多時網上話全港點樣點樣好食嘅燒味，又唔係話講得過分，不過根本就係要睇師傅切嘅部份。整體來講叉燒好過油雞，未至於一食就驚為天人，但係好處就係夠諗，都收貨啦。

The Michelin Guide. Sometimes I'll try to visit a place listed in the guide. One such place is 新園興記燒臘飯店 (English name: Sun Yuen Restaurant). Listed as a Bib Gourmand, the place has been around since the 70s. A regular Hong Kong style roast meat place, it's often very busy. And we were curious. Why the Michelin recommendation?The place is definitely not fancy. Just a regular old style roast meat restaurant. The menu is English and Chinese. There is no 10% service charge. Along with roast meat ite

午餐時間一定大排長龍，等外賣都要20分鐘，就知幾咁受歡迎。除咗燒味之外，其實佢啲午餐都好好味。唔明嘅係點解佢哋淨係收現金唔收八達通。唯一嘅解釋就係根本生意做都做唔切。

燒味飯真係由細食到大, 呢一間喺上環港鐵附近既燒味店係我食過覺得最好食既🤭燒鴨, 油雞, 叉燒, 乳豬, 燒肉...咁多款燒味都各有風味, 當中我就最鐘意食叉燒, 尤其是係呢間😋 啖啖肉, 甜甜地, 半肥瘦, 少少燶邊, 仲要超軟腍 (❌唔係梳打粉醃到嗰種腍呀), 真係勁吸引😋 另外, 燒肉都推薦😋 脆卜卜, 咸咸地, 一樣啖啖肉, 超正! 仲要無論堂食定外賣都一樣咁好食, 一樣大大碟, 大大盒架😅 所以呢間舖, 長期都超多人排隊呢🤭

一直都想試龍邦燒味，五月lunch time去食，餐廳門口好多人等外賣。堂食等兩分鐘就入得，位都幾迫，落單等得就比較耐，成廿幾三十分鐘先有野食，可能咁啱未整好我哋想嗌嘅嘢🥲叉燒唔得，個位麻麻，又乾爭爭又韌。其他雞，紅腸個d都一般。不過勝在夠大碟，喺附近嚟講都算抵食。一直去到成兩點，都仲唔少人等緊外賣。值得一讚係凍檸茶個茶底唔錯。希望下次咁啱嚟食，可以食到啲靚啲嘅叉燒。見對面位食瀨粉，好似都幾吸引，下次再試試。

由中環行到上環專門去買這家的叉燒, 因為阿仔鍾意。去到見到嚿叉燒燒到件件黑曬, 講聲話唔想要件冇咁燶嘅,就畀人話：“我哋就係要燒到咁燶先畀得到個客”！ 問攞一盒薑蓉都唔得!買百幾蚊叉燒都要睇面色。今時今日重咁嘅态度, 唉!

本來驚夜晚六點幾收工後都冇乜嘢可以買點知見到佢一大盆叉燒新鮮出爐條條都有燶邊同蜜汁 睇落去幾靚哥仔出品有啲慢，其實只有幾個人喺度等都等咗我半個鐘豉油雞皮薄爽口，雞肉有酒香有豉油香好味薑蔥蓉真係有落薑唔係淨係蔥、不過就真係咸咗啲我最鍾意就係食瘦叉好鍾意呢度咁瘦嘅叉燒都係一啲都唔會韌好淋又唔會有豬蘇味窿邊焦香、蜜芽甜味好味估唔到佢條菜粗得來係爽口冇渣喎呢個有少少驚喜😂$42單拼 $44雙拼，送例湯個湯應該係用燒豬骨嚟煲嘅非常油膩亦都好鹹所以我建議係唔好飲...

之前睇有個YouTuber介紹全港最好食既叉燒😚睇完後真心燒到了我😍🔥咁岩有一日無意中去開個邊就即刻諗起所以就買了，不過當日好懶所以冇影到相🤣點知食完就後悔點解當時唔影，因為真係好好食！！！而今日有相可以同大家分享，因為又encore了(一星期內食足兩次，仲要今次係特登去買比屋企人一齊試試)💗-🎈叉燒 (例牌) $60完全冇誇張真係好好食😋😭其實我唔係個啲好特別喜愛叉燒或對叉燒極有講究既人，所以一開始既心態都真係純粹試下～食落發現叉燒真心好有驚喜，終於明白點解經常大排長龍😌我地叫左淋叉，淋叉原來係成舊叉燒裡最淋最靚的位置🙆🏻‍♀️半肥瘦比例剛剛好，而最令我和屋企人滿意的是整塊叉燒完全做到外皮焦燶脆俗稱燶邊而肉質軟的效果🤩🧡當然蜜汁亦是令整塊叉燒生色不少～-🔸龍邦燒味小廚荼餐廳 📍上環文咸東街38號

辛苦搵嚟志在食。疫情下，仲要收夜。堂食開返的第二晚，佢話收10點。入去坐下才8點半，超肚餓就立刻點雙拼飯！第一口飯已經想嘔，因為有個阿姐用強烈的漂白水在抹地！講真大家食緊飯，只是8:30pm, 就抹到成間餐廳都聞到。我一路想作嘔，好辛苦，好臭！完全冇諗過食客感受！我向佢地反映，可不可以唔抹住，佢話做清潔收工呀！只不過8點半，抹到十點嗎？我真系冇胃口食！而且堅決不再幫襯！食百幾蚊燒味飯，仲要受氣！大把地方食到啦！又不是特別好食！

同好多人一樣，都係睇完雪姨宜介紹去試吓上網係推介食叉燒，咁當然要買一間嚟試吓啦！價錢唔貴但係唔記得幾錢總之加埋燒肉呢就係$360左右～排隊等買嗰陣時都算人多，但係唔算話好誇張多，燒味店周不時都係咁，但係出外賣就出得好慢！我唔知佢哋做緊咩🤣但係真係好慢，大家都喺度等～等咗應該10 分鐘同埋等嗰陣時就喺度望佢哋啲燒味，即係掛喺度嗰啲！睇落啲叉燒好多都係黑色嘅，有啲擔心買到嘅叉燒都係全部黑色皮唔食得😨不過返到去打開睇又幾靚仔幾吸引喎！即刻試一舊，個皮好好味呀！麥味濃郁又唔會話太甜太厚漿男朋友話食到幾舊近黑色嘅都脆脆地佢好鍾意食！但係唔知點解我全部都冇脆啵～不過好香因為我怕肥，都傾向夾啲瘦嘅部位，但係發覺有啲瘦嘅位置太「柴」、太乾🙈搞到好容易攝牙呢度要靠啲分！鍾意半肥瘦嘅朋友都會食得開心，因為佢都幾多半肥瘦位置～另外感覺師傅切燒味好似好隨心，冇一個特定嘅size... 有啲一大舊好厚嘅、有啲就一粒仔🧐咁樣係優點定缺點呢？不過我就冇乜所謂～燒肉方面，皮脆，肉同埋脂肪嘅分層比例都唔錯，但係硬係食落口就唔係太香，而且都真係幾咸，我哋成枱都係食咗一兩舊就麻麻哋有興趣🙈如果大家經過呢間，都可以試吓佢嘅叉

呢間燒味日日排長龍🔥🔥燒味雙拼飯HKD55，有得揀最出名既叉燒，仲有油雞、燒鴨、燒肉、貴妃雞等等💕💕 今次試左叉燒燒鴨飯，叉燒肥瘦適中，大大舊，燒鴨皮香脆肉嫩，脂香感十足，好正呀💖🤪 朋友就食開叉燒燒肉飯，有幾好味唔使多講啦！！

每次去到都係排隊排哂長龍，尤其而家無晩餐堂食，大部分人都斬料回家，真係好誇張⋯⋯😅————————-呢間燒味真係經常食，而且佢哋嘅燒昧的確唔錯，食燒味，配埋酒，真係一流———————-🟫燒腩：我最鍾意食呢到嘅燒腩，真係燒得唔錯，拎到返屋企D皮一樣脆卜卜、肉質也是我喜歡吃的質素和口感👍————————🟧燒鴨：香噴噴熱辣辣，皮脆肉嫩滑，加埋酸梅醬，惹味又滋味，睇見已經口水流😋———————🟥叉燒：嘴刁刁的我，食叉燒就梗係要食肥叉，相信識得食肥叉嘅人就知道點解要食肥叉，那種又有口感又帶一點筋部的位置，吃落又爽又嫩，簡直就係滋味無窮🥰————————雪凍枝日本黑糖梅酒➕🧊冰飲，配合燒味，又係匹配到一流👏👍黑糖梅酒配燒味越吃越覺好美味開心🥳⋯⋯就係咁簡單————————

經YouTube 陳x琳介紹全港最好味叉燒，對我e個叉燒迷膽粗粗去試下，中午時間排左半個鐘，叉燒拼切雞飯，叉燒肥瘦可以，普普通通，切雞全雞胸，結論好一般唔值排半個鐘，去敏x冰廳食黯然叉飯好過!!!

我有一個好鍾意食叉燒既屋企人。網上有段短片評比香港最好味叉燒(香港島區, 希望可以整返個九龍區), 龍邦燒味得到好高評價。(第一名既係新桂香, 好想試下, 但位置太唔方便我地, 希望之後有機會。)龍邦燒味原來幾受歡迎, 非常貼地的港式茶餐廳格局, 當日大概下午5點到達, 等候既客人也不少(定佢地同我一樣因為睇左條短片)。我地點左乳豬三寶飯(燒肉同燒鴨)加一隻鹹蛋同一盒淨叉燒。店員態度非常好, 笑容滿面。三寶飯 - 最有驚喜乳豬, 拎返屋企再叮熱食, 層皮都仲脆架。燒肉同燒鴨也不錯, 入口鬆軟入味。鹹蛋就一般, 偏乾, 顏色有點帶灰, 唔太新鮮。叉燒 - 望落去好靚, 油油亮亮半肥瘦也有燶邊。入口蜜味充足, 偏甜濃味。但我個人覺得瘦肉的部分不夠鬆化彈牙, 偏乾硬。整體黎講, 龍邦燒味食物表現還算可以, 食得出佢地使用新鮮既食材, 肉味濃, 完全沒有騷味。

燒味可以話係廣東菜嘅精髓，同樣嘅做法、同樣嘅食材，只要調味有少少唔同就可以做到唔同嘅風味。燒味當中自己最愛叉燒同燒腩仔，前者啖啖肉，後者肉厚而帶骨香，連骨嘅肉其實係好滑溜。今日自己好貪心想食埋乳豬，所以叫咗個乳豬三寶飯（$65）跟例湯。乳豬-外觀上碟切到好幼身，以為好少好吝嗇，但其實總量都唔小。放落口皮脆，有肉味，雖然薄身，但絕對唔係骨多過肉。預期之外，正燒肉-外觀係行貨，瘦多過肥，似自己最唔愛嘅沙梨督。入口完全改觀，無肥肉但絕對唔鞋口。以為咸死，又居然幾香。皮脆肉滑，贏呀叉燒-外觀唔肥唔瘦，不過好似無乜蜜糖色，量少。入口同視覺感覺一樣，有啲失望。有甜度不過唔夠蜜糖味菜乾豬骨湯-料多，不過無乜燒骨味，例湯唻講都算佳